יואל

דְּבַר־יְהוָה֙ אֲשֶׁ֣ר הָיָ֔הa אֶל־יֹואֵ֖לb בֶּן־פְּתוּאֵֽלc ׃

2 שִׁמְעוּa ־זֹאת֙ הַזְּקֵנִ֔ים וְהַֽאֲזִ֔ינוּb כֹּ֖ל יֹושְׁבֵ֣י הָאָ֑רֶץ הֶהָ֤יְתָהc זֹּאת֙ בִּֽימֵיכֶ֔ם וְאִ֖ם בִּימֵ֥י אֲבֹֽתֵיכֶֽם׃

3 עָלֶ֖יהָ לִבְנֵיכֶ֣ם סַפֵּ֑רוּa וּבְנֵיכֶם֙ לִבְנֵיהֶ֔ם וּבְנֵיהֶ֖ם לְדֹ֥ור אַחֵֽר׃

4 יֶ֤תֶר הַגָּזָם֙a אָכַ֣לb הָֽאַרְבֶּ֔הc וְיֶ֥תֶר הָאַרְבֶּ֖הd אָכַ֣לe הַיָּ֑לֶקf וְיֶ֣תֶר הַיֶּ֔לֶקg אָכַ֖לh הֶחָסִֽילi ׃

5 הָקִ֤יצוּa שִׁכֹּורִים֙b וּבְכ֔וּc וְהֵילִ֖לוּd כָּל־שֹׁ֣תֵי יָ֑יִן עַל־עָסִ֕יסe כִּ֥י נִכְרַ֖תf מִפִּיכֶֽם׃

6 כִּֽי־גֹוי֙ עָלָ֣הa עַל־אַרְצִ֔י עָצ֖וּםb וְאֵ֣ין מִסְפָּ֑ר שִׁנָּיו֙ שִׁנֵּ֣י אַרְיֵ֔הc וּֽמְתַלְּעֹ֥ותd לָבִ֖יאe לֹֽו׃

7 שָׂ֤םa גַּפְנִי֙ לְשַׁמָּ֔הb וּתְאֵנָתִ֖יc לִקְצָפָ֑הd חָשֹׂ֤ףe חֲשָׂפָהּ֙f וְהִשְׁלִ֔יךְg הִלְבִּ֖ינוּh שָׂרִיגֶֽיהָi ׃

8 אֱלִ֕יa כִּבְתוּלָ֥ה חֲגֻֽרַתb ־שַׂ֖קc עַל־בַּ֥עַל נְעוּרֶֽיהָd ׃

9 הָכְרַ֥תa מִנְחָ֛ה וָנֶ֖סֶךְ מִבֵּ֣ית יְהוָ֑ה אָֽבְלוּ֙b הַכֹּ֣הֲנִ֔ים מְשָׁרְתֵ֖י יְהוָֽה׃

10 שֻׁדַּ֣דa שָׂדֶ֔ה אָבְלָ֖הb אֲדָמָ֑ה כִּ֚י שֻׁדַּ֣דc דָּגָ֔ןd הֹובִ֥ישׁe תִּירֹ֖ושׁf אֻמְלַ֥לg יִצְהָֽרh ׃

11 הֹבִ֣ישׁוּa אִכָּרִ֗יםb הֵילִ֨ילוּ֙c כֹּֽרְמִ֔יםd עַל־חִטָּ֖הe וְעַל־שְׂעֹרָ֑הf כִּ֥י אָבַ֖דg קְצִ֥ירh שָׂדֶֽה׃

12 הַגֶּ֣פֶן הֹובִ֔ישָׁהa וְהַתְּאֵנָ֖הb אֻמְלָ֑לָהc רִמֹּ֞וןd גַּם־תָּמָ֣רe וְתַפּ֗וּחַf כָּל־עֲצֵ֤י הַשָּׂדֶה֙ יָבֵ֔שׁוּg כִּֽי־הֹבִ֥ישׁh שָׂשֹׂ֖וןi מִן־בְּנֵ֥י אָדָֽם׃ ס

13 חִגְר֨וּa וְסִפְד֜וּb הַכֹּהֲנִ֗ים הֵילִ֨ילוּ֙c מְשָׁרְתֵ֣י מִזְבֵּ֔חַ בֹּ֚אוּd לִ֣ינוּe בַשַּׂקִּ֔יםf מְשָׁרְתֵ֖י אֱלֹהָ֑י כִּ֥י נִמְנַ֛עg מִבֵּ֥ית אֱלֹהֵיכֶ֖ם מִנְחָ֥ה וָנָֽסֶךְ׃

14 קַדְּשׁוּa ־צֹום֙b קִרְא֣וּc עֲצָרָ֔הd אִסְפ֣וּe זְקֵנִ֗ים כֹּ֚ל יֹשְׁבֵ֣י הָאָ֔רֶץ בֵּ֖ית יְהוָ֣ה אֱלֹהֵיכֶ֑ם וְזַעֲק֖וּf אֶל־יְהוָֽה׃

15 אֲהָ֖הּa לַיֹּ֑ום כִּ֤י קָרֹוב֙ יֹ֣ום יְהוָ֔ה וּכְשֹׁ֖דb מִשַׁדַּ֥יc יָבֹֽואd ׃

16 הֲלֹ֛וא נֶ֥גֶד עֵינֵ֖ינוּ אֹ֣כֶלa נִכְרָ֑תb מִבֵּ֥ית אֱלֹהֵ֖ינוּ שִׂמְחָ֥ה וָגִֽילc ׃

17 עָבְשׁ֣וּa פְרֻדֹ֗ותb תַּ֚חַת מֶגְרְפֹ֣תֵיהֶ֔םc נָשַׁ֨מּוּ֙d אֹֽצָרֹ֔ות נֶהֶרְס֖וּe מַמְּגֻרֹ֑ותf כִּ֥י הֹבִ֖ישׁg דָּגָֽןh ׃

18 מַה־נֶּאֶנְחָ֣הa בְהֵמָ֗ה נָבֹ֨כוּ֙b עֶדְרֵ֣יc בָקָ֔ר כִּ֛י אֵ֥ין מִרְעֶ֖הd לָהֶ֑ם גַּם־עֶדְרֵ֥יe הַצֹּ֖אן נֶאְשָֽׁמוּf ׃

19 אֵלֶ֥יךָ יְהוָ֖ה אֶקְרָ֑אa כִּ֣י אֵ֗שׁ אָֽכְלָה֙b נְאֹ֣ותc מִדְבָּ֔ר וְלֶ֣הָבָ֔הd לִהֲטָ֖הe כָּל־עֲצֵ֥י הַשָּׂדֶֽה׃

20 גַּם־בַּהֲמֹ֥ות שָׂדֶ֖ה תַּעֲרֹ֣וגa אֵלֶ֑יךָ כִּ֤י יָֽבְשׁוּ֙b אֲפִ֣יקֵיc מָ֔יִם וְאֵ֕שׁ אָכְלָ֖הd נְאֹ֥ותe הַמִּדְבָּֽר׃ פ

תִּקְע֨וּa שֹׁופָ֜ר בְּצִיֹּ֗ון וְהָרִ֨יעוּ֙b בְּהַ֣ר קָדְשִׁ֔י יִרְגְּז֕וּc כֹּ֖ל יֹשְׁבֵ֣י הָאָ֑רֶץ כִּֽי־בָ֥אd יֹום־יְהוָ֖ה כִּ֥י קָרֹֽוב׃

2 יֹ֧ום חֹ֣שֶׁךְ וַאֲפֵלָ֗הa יֹ֤ום עָנָן֙ וַעֲרָפֶ֔לb כְּשַׁ֖חַרc פָּרֻ֣שׂd עַל־הֶֽהָרִ֑ים עַ֚ם רַ֣ב וְעָצ֔וּםe כָּמֹ֗הוּ לֹ֤א נִֽהְיָה֙f מִן־הָ֣עֹולָ֔ם וְאַֽחֲרָיו֙ לֹ֣א יֹוסֵ֔ףg עַד־שְׁנֵ֖י דֹּ֥ור וָדֹֽור׃

3 לְפָנָיו֙ אָ֣כְלָהa אֵ֔שׁ וְאַחֲרָ֖יו תְּלַהֵ֣טb לֶֽהָבָ֑הc כְּגַןd ־עֵ֨דֶןe הָאָ֜רֶץ לְפָנָ֗יו וְאַֽחֲרָיו֙ מִדְבַּ֣ר שְׁמָמָ֔ה וְגַם־פְּלֵיטָ֖הf לֹא־הָ֥יְתָהg לֹּֽו׃

4 כְּמַרְאֵ֥ה סוּסִ֖ים מַרְאֵ֑הוּ וּכְפָרָשִׁ֖ים כֵּ֥ן יְרוּצֽוּןa ׃

5 כְּקֹ֣ול מַרְכָּבֹ֗ותa עַל־רָאשֵׁ֤י הֶֽהָרִים֙ יְרַקֵּד֔וּןb כְּקֹול֙ לַ֣הַבc אֵ֔שׁ אֹכְלָ֖הd קָ֑שׁe כְּעַ֣ם עָצ֔וּםf עֱר֖וּךְg מִלְחָמָֽה׃

6 מִפָּנָ֖יו יָחִ֣ילוּa עַמִּ֑ים כָּל־פָּנִ֖ים קִבְּצ֥וּb פָארֽוּרc ׃

7 כְּגִבֹּורִ֣ים יְרֻצ֔וּןa כְּאַנְשֵׁ֥י מִלְחָמָ֖ה יַעֲל֣וּb חֹומָ֑ה וְאִ֤ישׁ בִּדְרָכָיו֙ יֵֽלֵכ֔וּןc וְלֹ֥א יְעַבְּט֖וּןd אֹרְחֹותָֽם׃

8 וְאִ֤ישׁ אָחִיו֙ לֹ֣א יִדְחָק֔וּןa גֶּ֥בֶר בִּמְסִלָּתֹ֖וb יֵֽלֵכ֑וּןc וּבְעַ֥ד הַשֶּׁ֛לַחd יִפֹּ֖לוּe לֹ֥א יִבְצָֽעוּf ׃

9 בָּעִ֣יר יָשֹׁ֗קּוּa בַּֽחֹומָה֙ יְרֻצ֔וּןb בַּבָּתִּ֖ים יַעֲל֑וּc בְּעַ֧ד הַחַלֹּונִ֛יםd יָבֹ֖אוּe כַּגַּנָּֽבf ׃

10 לְפָנָיו֙ רָ֣גְזָהa אֶ֔רֶץ רָעֲשׁ֖וּb שָׁמָ֑יִם שֶׁ֤מֶשׁ וְיָרֵ֨חַ֙c קָדָ֔רוּd וְכֹוכָבִ֖יםe אָסְפ֥וּf נָגְהָֽםg ׃

11 וַֽיהוָ֗ה נָתַ֤ןa קֹולֹו֙ לִפְנֵ֣י חֵילֹ֔ו כִּ֣י רַ֤ב מְאֹד֙ מַחֲנֵ֔הוּ כִּ֥י עָצ֖וּםb עֹשֵׂ֣ה דְבָרֹ֑ו כִּֽי־גָדֹ֧ול יֹום־יְהוָ֛ה וְנֹורָ֥א מְאֹ֖ד וּמִ֥י יְכִילֶֽנּוּc ׃

12 וְגַם־עַתָּה֙ נְאֻם־יְהוָ֔ה שֻׁ֥בוּa עָדַ֖י בְּכָל־לְבַבְכֶ֑ם וּבְצֹ֥וםb וּבְבְכִ֖יc וּבְמִסְפֵּֽדd ׃

13 וְקִרְע֤וּa לְבַבְכֶם֙ וְאַל־בִּגְדֵיכֶ֔ם וְשׁ֖וּבוּb אֶל־יְהוָ֣ה אֱלֹֽהֵיכֶ֑ם כִּֽי־חַנּ֤וּןc וְרַחוּם֙d ה֔וּא אֶ֤רֶךְe אַפַּ֨יִם֙ וְרַב־חֶ֔סֶד וְנִחָ֖םf עַל־הָרָעָֽה׃

14 מִ֥י יֹודֵ֖עַa יָשׁ֣וּבb וְנִחָ֑םc וְהִשְׁאִ֤ירd אַֽחֲרָיו֙ בְּרָכָ֔ה מִנְחָ֣ה וָנֶ֔סֶךְ לַיהוָ֖ה אֱלֹהֵיכֶֽם׃ פ

15 תִּקְע֥וּa שֹׁופָ֖ר בְּצִיֹּ֑ון קַדְּשׁוּb ־צֹ֖וםc קִרְא֥וּd עֲצָרָֽהe ׃

16 אִסְפוּa ־עָ֞ם קַדְּשׁ֤וּb קָהָל֙ קִבְצ֣וּc זְקֵנִ֔ים אִסְפוּ֙d עֹֽולָלִ֔יםe וְיֹנְקֵ֖יf שָׁדָ֑יִםg יֵצֵ֤אh חָתָן֙i מֵֽחֶדְרֹ֔וj וְכַלָּ֖הk מֵחֻפָּתָֽהּl ׃

17 בֵּ֤ין הָאוּלָם֙a וְלַמִּזְבֵּ֔חַ יִבְכּוּ֙b הַכֹּ֣הֲנִ֔ים מְשָׁרְתֵ֖י יְהוָ֑ה וְֽיֹאמְר֞וּc ח֧וּסָהd יְהוָ֣ה עַל־עַמֶּ֗ךָ וְאַל־תִּתֵּ֨ןe נַחֲלָתְךָ֤ לְחֶרְפָּה֙ לִמְשָׁלf ־בָּ֣ם גֹּויִ֔ם לָ֚מָּה יֹאמְר֣וּg בָֽעַמִּ֔ים אַיֵּ֖הh אֱלֹהֵיהֶֽם׃

18 וַיְקַנֵּ֥אa יְהוָ֖ה לְאַרְצֹ֑ו וַיַּחְמֹ֖לb עַל־עַמֹּֽו׃

19 וַיַּ֨עַןa יְהוָ֜ה וַיֹּ֣אמֶרb לְעַמֹּ֗ו הִנְנִ֨י שֹׁלֵ֤חַc לָכֶם֙ אֶת־הַדָּגָן֙d וְהַתִּירֹ֣ושׁe וְהַיִּצְהָ֔רf וּשְׂבַעְתֶּ֖םg אֹתֹ֑ו וְלֹא־אֶתֵּ֨ןh אֶתְכֶ֥ם עֹ֛וד חֶרְפָּ֖ה בַּגֹּויִֽם׃

20 וְֽאֶת־הַצְּפֹונִ֞יa אַרְחִ֣יקb מֵעֲלֵיכֶ֗ם וְהִדַּחְתִּיו֮c אֶל־אֶ֣רֶץ צִיָּ֣הd וּשְׁמָמָה֒ אֶת־פָּנָ֗יו אֶל־הַיָּם֙ הַקַּדְמֹנִ֔יe וְסֹפֹ֖וf אֶל־הַיָּ֣ם הָאַֽחֲרֹ֑ון וְעָלָ֣הg בָאְשֹׁ֗וh וְתַ֨עַל֙i צַחֲנָתֹ֔וj כִּ֥י הִגְדִּ֖ילk לַעֲשֹֽׂותl ׃

21 אַל־תִּֽירְאִ֖יa אֲדָמָ֑ה גִּ֣ילִיb וּשְׂמָ֔חִיc כִּֽי־הִגְדִּ֥ילd יְהוָ֖ה לַעֲשֹֽׂותe ׃

22 אַל־תִּֽירְאוּ֙a בַּהֲמֹ֣ות שָׂדַ֔יb כִּ֥י דָשְׁא֖וּc נְאֹ֣ותd מִדְבָּ֑ר כִּֽי־עֵץ֙ נָשָׂ֣אe פִרְיֹ֔ו תְּאֵנָ֥הf וָגֶ֖פֶן נָתְנ֥וּg חֵילָֽם׃

23 וּבְנֵ֣י צִיֹּ֗ון גִּ֤ילוּa וְשִׂמְחוּ֙b בַּיהוָ֣ה אֱלֹֽהֵיכֶ֔ם כִּֽי־נָתַ֥ןc לָכֶ֛ם אֶת־הַמֹּורֶ֖הd לִצְדָקָ֑ה וַיֹּ֣ורֶדe לָכֶ֗ם גֶּ֛שֶׁםf מֹורֶ֥הg וּמַלְקֹ֖ושׁh בָּרִאשֹֽׁון׃

24 וּמָלְא֥וּa הַגֳּרָנֹ֖ותb בָּ֑רc וְהֵשִׁ֥יקוּd הַיְקָבִ֖יםe תִּירֹ֥ושׁf וְיִצְהָֽרg ׃

25 וְשִׁלַּמְתִּ֤יa לָכֶם֙ אֶת־הַשָּׁנִ֔ים אֲשֶׁר֙ אָכַ֣לb הָֽאַרְבֶּ֔הc הַיֶּ֖לֶקd וְהֶחָסִ֣ילe וְהַגָּזָ֑םf חֵילִי֙ הַגָּדֹ֔ול אֲשֶׁ֥ר שִׁלַּ֖חְתִּיg בָּכֶֽם׃

26 וַאֲכַלְתֶּ֤םa אָכֹול֙b וְשָׂבֹ֔ועַc וְהִלַּלְתֶּ֗םd אֶת־שֵׁ֤ם יְהוָה֙ אֱלֹ֣הֵיכֶ֔ם אֲשֶׁר־עָשָׂ֥הe עִמָּכֶ֖ם לְהַפְלִ֑יאf וְלֹא־יֵבֹ֥שׁוּg עַמִּ֖י לְעֹולָֽם׃

27 וִידַעְתֶּ֗םa כִּ֣י בְקֶ֤רֶב יִשְׂרָאֵל֙ אָ֔נִי וַאֲנִ֛י יְהוָ֥ה אֱלֹהֵיכֶ֖ם וְאֵ֣ין עֹ֑וד וְלֹא־יֵבֹ֥שׁוּb עַמִּ֖י לְעֹולָֽם׃ ס

וְהָיָ֣הa אַֽחֲרֵי־כֵ֗ן אֶשְׁפֹּ֤וךְb אֶת־רוּחִי֙ עַל־כָּל־בָּשָׂ֔ר וְנִבְּא֖וּc בְּנֵיכֶ֣ם וּבְנֹֽותֵיכֶ֑ם זִקְנֵיכֶם֙ חֲלֹמֹ֣ות יַחֲלֹמ֔וּןd בַּח֣וּרֵיכֶ֔םe חֶזְיֹנֹ֖ותf יִרְאֽוּg ׃

2 וְגַ֥ם עַל־הָֽעֲבָדִ֖ים וְעַל־הַשְּׁפָחֹ֑ות בַּיָּמִ֣ים הָהֵ֔מָּה אֶשְׁפֹּ֖וךְa אֶת־רוּחִֽי׃

3 וְנָֽתַתִּי֙a מֹֽופְתִ֔יםb בַּשָּׁמַ֖יִם וּבָאָ֑רֶץ דָּ֣ם וָאֵ֔שׁ וְתִֽימֲרֹ֖ותc עָשָֽׁןd ׃

4 הַשֶּׁ֨מֶשׁ֙ יֵהָפֵ֣ךְa לְחֹ֔שֶׁךְ וְהַיָּרֵ֖חַb לְדָ֑ם לִפְנֵ֗י בֹּ֚ואc יֹ֣ום יְהוָ֔ה הַגָּדֹ֖ול וְהַנֹּורָֽא׃

5 וְהָיָ֗הa כֹּ֧ל אֲשֶׁר־יִקְרָ֛אb בְּשֵׁ֥ם יְהוָ֖ה יִמָּלֵ֑טc כִּ֠י בְּהַר־צִיֹּ֨ון וּבִירוּשָׁלִַ֜ם תִּֽהְיֶ֣הd פְלֵיטָ֗הe כַּֽאֲשֶׁר֙ אָמַ֣רf יְהוָ֔ה וּבַ֨שְּׂרִידִ֔יםg אֲשֶׁ֥ר יְהוָ֖ה קֹרֵֽאh ׃

כִּ֗י הִנֵּ֛ה בַּיָּמִ֥ים הָהֵ֖מָּה וּבָעֵ֣ת הַהִ֑יא אֲשֶׁ֥ר אשׁובa אֶת־שְׁב֥וּתb יְהוּדָ֖ה וִירוּשָׁלִָֽם׃

2 וְקִבַּצְתִּי֙a אֶת־כָּל־הַגֹּויִ֔ם וְהֹ֣ורַדְתִּ֔יםb אֶל־עֵ֖מֶק יְהֹֽושָׁפָ֑ט וְנִשְׁפַּטְתִּ֨יc עִמָּ֜ם שָׁ֗ם עַל־עַמִּ֨י וְנַחֲלָתִ֤י יִשְׂרָאֵל֙ אֲשֶׁ֣ר פִּזְּר֣וּd בַגֹּויִ֔ם וְאֶת־אַרְצִ֖י חִלֵּֽקוּe ׃

3 וְאֶל־עַמִּ֖י יַדּ֣וּa גֹורָ֑ל וַיִּתְּנ֤וּb הַיֶּ֨לֶד֙ בַּזֹּונָ֔ה וְהַיַּלְדָּ֛הc מָכְר֥וּd בַיַּ֖יִן וַיִּשְׁתּֽוּe ׃

4 וְ֠גַם מָה־אַתֶּ֥ם לִי֙ צֹ֣רa וְצִידֹ֔וןb וְכֹ֖ל גְּלִילֹ֣ותc פְּלָ֑שֶׁתd הַגְּמ֗וּלe אַתֶּם֙ מְשַׁלְּמִ֣יםf עָלָ֔י וְאִם־גֹּמְלִ֤יםg אַתֶּם֙ עָלַ֔י קַ֣לh מְהֵרָ֔הi אָשִׁ֥יבj גְּמֻלְכֶ֖םk בְּרֹאשְׁכֶֽם׃

5 אֲשֶׁר־כַּסְפִּ֥י וּזְהָבִ֖י לְקַחְתֶּ֑םa וּמַֽחֲמַדַּי֙b הַטֹּבִ֔ים הֲבֵאתֶ֖םc לְהֵיכְלֵיכֶֽם׃

6 וּבְנֵ֤י יְהוּדָה֙ וּבְנֵ֣י יְרוּשָׁלִַ֔ם מְכַרְתֶּ֖םa לִבְנֵ֣י הַיְּוָנִ֑יםb לְמַ֥עַן הַרְחִיקָ֖םc מֵעַ֥ל גְּבוּלָֽם׃

7 הִנְנִ֣י מְעִירָ֔םa מִן־הַ֨מָּקֹ֔ום אֲשֶׁר־מְכַרְתֶּ֥םb אֹתָ֖ם שָׁ֑מָּה וַהֲשִׁבֹתִ֥יc גְמֻלְכֶ֖םd בְּרֹאשְׁכֶֽם׃

8 וּמָכַרְתִּ֞יa אֶת־בְּנֵיכֶ֣ם וְאֶת־בְּנֹֽותֵיכֶ֗ם בְּיַד֙ בְּנֵ֣י יְהוּדָ֔ה וּמְכָר֥וּםb לִשְׁבָאיִ֖םc אֶל־גֹּ֣וי רָחֹ֑וק כִּ֥י יְהוָ֖ה דִּבֵּֽרd ׃ ס

9 קִרְאוּa ־זֹאת֙ בַּגֹּויִ֔ם קַדְּשׁ֖וּb מִלְחָמָ֑ה הָעִ֨ירוּ֙c הַגִּבֹּורִ֔ים יִגְּשׁ֣וּd יַֽעֲל֔וּe כֹּ֖ל אַנְשֵׁ֥י הַמִּלְחָמָֽה׃

10 כֹּ֤תּוּa אִתֵּיכֶם֙b לַֽחֲרָבֹ֔ות וּמַזְמְרֹֽתֵיכֶ֖םc לִרְמָחִ֑יםd הַֽחַלָּ֔שׁe יֹאמַ֖רf גִּבֹּ֥ור אָֽנִי׃

11 ע֣וּשׁוּa וָבֹ֧אוּb כָֽל־הַגֹּויִ֛ם מִסָּבִ֖יב וְנִקְבָּ֑צוּc שָׁ֕מָּה הַֽנְחַ֥תd יְהוָ֖ה גִּבֹּורֶֽיךָ׃

12 יֵעֹ֨ורוּ֙a וְיַעֲל֣וּb הַגֹּויִ֔ם אֶל־עֵ֖מֶק יְהֹֽושָׁפָ֑ט כִּ֣י שָׁ֗ם אֵשֵׁ֛בc לִשְׁפֹּ֥טd אֶת־כָּל־הַגֹּויִ֖ם מִסָּבִֽיב׃

13 שִׁלְח֣וּa מַגָּ֔לb כִּ֥י בָשַׁ֖לc קָצִ֑ירd בֹּ֤אֽוּe רְדוּ֙f כִּֽי־מָ֣לְאָהg גַּ֔תh הֵשִׁ֨יקוּ֙i הַיְקָבִ֔יםj כִּ֥י רַבָּ֖ה רָעָתָֽם׃

14 הֲמֹונִ֣ים הֲמֹונִ֔ים בְּעֵ֖מֶק הֶֽחָר֑וּץa כִּ֤י קָרֹוב֙ יֹ֣ום יְהוָ֔ה בְּעֵ֖מֶק הֶחָרֽוּץb ׃

15 שֶׁ֥מֶשׁ וְיָרֵ֖חַa קָדָ֑רוּb וְכֹוכָבִ֖יםc אָסְפ֥וּd נָגְהָֽםe ׃

16 וַיהוָ֞ה מִצִּיֹּ֣ון יִשְׁאָ֗גa וּמִירוּשָׁלִַ֨ם֙ יִתֵּ֣ןb קֹולֹ֔ו וְרָעֲשׁ֖וּc שָׁמַ֣יִם וָאָ֑רֶץ וַֽיהוָה֙ מַֽחֲסֶ֣הd לְעַמֹּ֔ו וּמָעֹ֖וזe לִבְנֵ֥י יִשְׂרָאֵֽל׃

17 וִֽידַעְתֶּ֗םa כִּ֣י אֲנִ֤י יְהוָה֙ אֱלֹ֣הֵיכֶ֔ם שֹׁכֵ֖ןb בְּצִיֹּ֣ון הַר־קָדְשִׁ֑י וְהָיְתָ֤הc יְרוּשָׁלִַ֨ם֙ קֹ֔דֶשׁ וְזָרִ֥ים לֹא־יַֽעַבְרוּd ־בָ֖הּ עֹֽוד׃ ס

18 וְהָיָה֩a בַיֹּ֨ום הַה֜וּא יִטְּפ֧וּb הֶהָרִ֣ים עָסִ֗יסc וְהַגְּבָעֹות֙ תֵּלַ֣כְנָהd חָלָ֔בe וְכָל־אֲפִיקֵ֥יf יְהוּדָ֖ה יֵ֣לְכוּg מָ֑יִם וּמַעְיָ֗ןh מִבֵּ֤ית יְהוָה֙ יֵצֵ֔אi וְהִשְׁקָ֖הj אֶת־נַ֥חַל הַשִּׁטִּֽיםk ׃

19 מִצְרַ֨יִם֙ לִשְׁמָמָ֣ה תִֽהְיֶ֔הa וֶאֱדֹ֕ום לְמִדְבַּ֥ר שְׁמָמָ֖ה תִּֽהְיֶ֑הb מֵֽחֲמַס֙ בְּנֵ֣י יְהוּדָ֔ה אֲשֶׁר־שָׁפְכ֥וּc דָם־נָקִ֖יאd בְּאַרְצָֽם׃

20 וִיהוּדָ֖ה לְעֹולָ֣ם תֵּשֵׁ֑בa וִירוּשָׁלִַ֖ם לְדֹ֥ור וָדֹֽור׃

21 וְנִקֵּ֖יתִיa דָּמָ֣ם לֹֽא־נִקֵּ֑יתִיb וַֽיהוָ֖ה שֹׁכֵ֥ןc בְּצִיֹּֽון׃