איוב

1

אִ֛ישׁ הָיָ֥הa בְאֶֽרֶץ־ע֖וּץb אִיֹּ֣וב שְׁמֹ֑ו וְהָיָ֣הc ׀ הָאִ֣ישׁ הַה֗וּא תָּ֧םd וְיָשָׁ֛ר וִירֵ֥אe אֱלֹהִ֖ים וְסָ֥רf מֵרָֽע׃

2 וַיִּוָּ֥לְדוּa לֹ֛ו שִׁבְעָ֥ה בָנִ֖ים וְשָׁלֹ֥ושׁ בָּנֹֽות׃

3 וַיְהִ֣יa מִ֠קְנֵהוּ שִֽׁבְעַ֨ת אַלְפֵי־צֹ֜אן וּשְׁלֹ֧שֶׁת אַלְפֵ֣י גְמַלִּ֗ים וַחֲמֵ֨שׁ מֵאֹ֤ות צֶֽמֶדb ־בָּקָר֙ וַחֲמֵ֣שׁ מֵאֹ֣ות אֲתֹונֹ֔ותc וַעֲבֻדָּ֖הd רַבָּ֣ה מְאֹ֑ד וַיְהִי֙e הָאִ֣ישׁ הַה֔וּא גָּדֹ֖ול מִכָּל־בְּנֵי־קֶֽדֶם׃

4 וְהָלְכ֤וּa בָנָיו֙ וְעָשׂ֣וּb מִשְׁתֶּ֔הc בֵּ֖ית אִ֣ישׁ יֹומֹ֑ו וְשָׁלְח֗וּd וְקָרְאוּ֙e לִשְׁלֹ֣שֶׁת אחיתיהםf לֶאֱכֹ֥לg וְלִשְׁתֹּ֖ותh עִמָּהֶֽם׃

5 וַיְהִ֡יa כִּ֣י הִקִּיפֽוּ֩b יְמֵ֨י הַמִּשְׁתֶּ֜הc וַיִּשְׁלַ֧חd אִיֹּ֣וב וַֽיְקַדְּשֵׁ֗םe וְהִשְׁכִּ֣יםf בַּבֹּקֶר֮ וְהֶעֱלָ֣הg עֹלֹות֮ מִסְפַּ֣ר כֻּלָּם֒ כִּ֚י אָמַ֣רh אִיֹּ֔וב אוּלַי֙i חָטְא֣וּj בָנַ֔י וּבֵרֲכ֥וּk אֱלֹהִ֖ים בִּלְבָבָ֑ם כָּ֛כָהl יַעֲשֶׂ֥הm אִיֹּ֖וב כָּל־הַיָּמִֽים׃ פ

6 וַיְהִ֣יa הַיֹּ֔ום וַיָּבֹ֨אוּ֙b בְּנֵ֣י הָאֱלֹהִ֔ים לְהִתְיַצֵּ֖בc עַל־יְהוָ֑ה וַיָּבֹ֥ואd גַֽם־הַשָּׂטָ֖ןe בְּתֹוכָֽם׃

7 וַיֹּ֧אמֶרa יְהוָ֛ה אֶל־הַשָּׂטָ֖ןb מֵאַ֣יִןc תָּבֹ֑אd וַיַּ֨עַןe הַשָּׂטָ֤ןf אֶת־יְהוָה֙ וַיֹּאמַ֔רg מִשּׁ֣וּטh בָּאָ֔רֶץ וּמֵֽהִתְהַלֵּ֖ךְi בָּֽהּ׃

8 וַיֹּ֤אמֶרa יְהוָה֙ אֶל־הַשָּׂטָ֔ןb הֲשַׂ֥מְתָּc לִבְּךָ֖ עַל־עַבְדִּ֣י אִיֹּ֑וב כִּ֣י אֵ֤ין כָּמֹ֨הוּ֙ בָּאָ֔רֶץ אִ֣ישׁ תָּ֧םd וְיָשָׁ֛ר יְרֵ֥אe אֱלֹהִ֖ים וְסָ֥רf מֵרָֽע׃

9 וַיַּ֧עַןa הַשָּׂטָ֛ןb אֶת־יְהוָ֖ה וַיֹּאמַ֑רc הַֽחִנָּ֔םd יָרֵ֥אe אִיֹּ֖וב אֱלֹהִֽים׃

10 הֲלֹֽא־אתa שַׂ֣כְתָּb בַעֲדֹ֧ו וּבְעַד־בֵּיתֹ֛ו וּבְעַ֥ד כָּל־אֲשֶׁר־לֹ֖ו מִסָּבִ֑יב מַעֲשֵׂ֤ה יָדָיו֙ בֵּרַ֔כְתָּc וּמִקְנֵ֖הוּ פָּרַ֥ץd בָּאָֽרֶץ׃

11 וְאוּלָם֙a שְֽׁלַֽחb ־נָ֣א יָֽדְךָ֔ וְגַ֖עc בְּכָל־אֲשֶׁר־לֹ֑ו אִם־לֹ֥א עַל־פָּנֶ֖יךָ יְבָרֲכֶֽךָּd ׃

12 וַיֹּ֨אמֶרa יְהוָ֜ה אֶל־הַשָּׂטָ֗ןb הִנֵּ֤ה כָל־אֲשֶׁר־לֹו֙ בְּיָדֶ֔ךָ רַ֣ק אֵלָ֔יו אַל־תִּשְׁלַ֖חc יָדֶ֑ךָ וַיֵּצֵא֙d הַשָּׂטָ֔ןe מֵעִ֖ם פְּנֵ֥י יְהוָֽה׃

13 וַיְהִ֖יa הַיֹּ֑ום וּבָנָ֨יו וּבְנֹתָ֤יו אֹֽכְלִים֙b וְשֹׁתִ֣יםc יַ֔יִן בְּבֵ֖ית אֲחִיהֶ֥ם הַבְּכֹֽור׃

14 וּמַלְאָ֛ךְ בָּ֥אa אֶל־אִיֹּ֖וב וַיֹּאמַ֑רb הַבָּקָר֙ הָי֣וּc חֹֽרְשֹׁ֔ותd וְהָאֲתֹנֹ֖ותe רֹעֹ֥ותf עַל־יְדֵיהֶֽם׃

15 וַתִּפֹּ֤לa שְׁבָא֙b וַתִּקָּחֵ֔םc וְאֶת־הַנְּעָרִ֖ים הִכּ֣וּd לְפִי־חָ֑רֶב וָֽאִמָּ֨לְטָ֧הe רַק־אֲנִ֛י לְבַדִּ֖י לְהַגִּ֥ידf לָֽךְ׃

16 עֹ֣וד׀ זֶ֣ה מְדַבֵּ֗רa וְזֶה֮ בָּ֣אb וַיֹּאמַר֒c אֵ֣שׁ אֱלֹהִ֗ים נָֽפְלָה֙d מִן־הַשָּׁמַ֔יִם וַתִּבְעַ֥רe בַּצֹּ֛אן וּבַנְּעָרִ֖ים וַתֹּאכְלֵ֑םf וָאִמָּ֨לְטָ֧הg רַק־אֲנִ֛י לְבַדִּ֖י לְהַגִּ֥ידh לָֽךְ׃

17 עֹ֣וד׀ זֶ֣ה מְדַבֵּ֗רa וְזֶה֮ בָּ֣אb וַיֹּאמַר֒c כַּשְׂדִּ֞ים שָׂ֣מוּd ׀ שְׁלֹשָׁ֣ה רָאשִׁ֗ים וַֽיִּפְשְׁט֤וּe עַל־הַגְּמַלִּים֙ וַיִּקָּח֔וּםf וְאֶת־הַנְּעָרִ֖ים הִכּ֣וּg לְפִי־חָ֑רֶב וָאִמָּ֨לְטָ֧הh רַק־אֲנִ֛י לְבַדִּ֖י לְהַגִּ֥ידi לָֽךְ׃

18 עַ֚ד זֶ֣ה מְדַבֵּ֔רa וְזֶ֖ה בָּ֣אb וַיֹּאמַ֑רc בָּנֶ֨יךָ וּבְנֹותֶ֤יךָ אֹֽכְלִים֙d וְשֹׁתִ֣יםe יַ֔יִן בְּבֵ֖ית אֲחִיהֶ֥ם הַבְּכֹֽור׃

19 וְהִנֵּה֩ ר֨וּחַ גְּדֹולָ֜ה בָּ֣אָהa ׀ מֵעֵ֣בֶר הַמִּדְבָּ֗ר וַיִּגַּע֙b בְּאַרְבַּע֙ פִּנֹּ֣ותc הַבַּ֔יִת וַיִּפֹּ֥לd עַל־הַנְּעָרִ֖ים וַיָּמ֑וּתוּe וָאִמָּ֨לְטָ֧הf רַק־אֲנִ֛י לְבַדִּ֖י לְהַגִּ֥ידg לָֽךְ׃

20 וַיָּ֤קָםa אִיֹּוב֙ וַיִּקְרַ֣עb אֶת־מְעִלֹ֔וc וַיָּ֖גָזd אֶת־רֹאשֹׁ֑ו וַיִּפֹּ֥לe אַ֖רְצָה וַיִּשְׁתָּֽחוּf ׃

21 וַיֹּאמֶר֩a עָרֹ֨םb יצתיc מִבֶּ֣טֶן אִמִּ֗י וְעָרֹם֙d אָשׁ֣וּבe שָׁ֔מָה יְהוָ֣ה נָתַ֔ןf וַיהוָ֖ה לָקָ֑חg יְהִ֛יh שֵׁ֥ם יְהוָ֖ה מְבֹרָֽךְi ׃

22 בְּכָל־זֹ֖את לֹא־חָטָ֣אa אִיֹּ֑וב וְלֹא־נָתַ֥ןb תִּפְלָ֖הc לֵאלֹהִֽים׃ פ

2

וַיְהִ֣יa הַיֹּ֔ום וַיָּבֹ֨אוּ֙b בְּנֵ֣י הָֽאֱלֹהִ֔ים לְהִתְיַצֵּ֖בc עַל־יְהוָ֑ה וַיָּבֹ֤ואd גַֽם־הַשָּׂטָן֙e בְּתֹכָ֔ם לְהִתְיַצֵּ֖בf עַל־יְהוָֽה׃

2 וַיֹּ֤אמֶרa יְהוָה֙ אֶל־הַשָּׂטָ֔ןb אֵ֥יc מִזֶּ֖ה תָּבֹ֑אd וַיַּ֨עַןe הַשָּׂטָ֤ןf אֶת־יְהוָה֙ וַיֹּאמַ֔רg מִשֻּׁ֣טh בָּאָ֔רֶץ וּמֵהִתְהַלֵּ֖ךְi בָּֽהּ׃

3 וַיֹּ֨אמֶרa יְהוָ֜ה אֶל־הַשָּׂטָ֗ןb הֲשַׂ֣מְתָּc לִבְּךָ֮ אֶל־עַבְדִּ֣י אִיֹּוב֒ כִּי֩ אֵ֨ין כָּמֹ֜הוּ בָּאָ֗רֶץ אִ֣ישׁ תָּ֧םd וְיָשָׁ֛ר יְרֵ֥אe אֱלֹהִ֖ים וְסָ֣רf מֵרָ֑ע וְעֹדֶ֨נּוּ֙ מַחֲזִ֣יקg בְּתֻמָּתֹ֔וh וַתְּסִיתֵ֥נִיi בֹ֖ו לְבַלְּעֹ֥וj חִנָּֽםk ׃

4 וַיַּ֧עַןa הַשָּׂטָ֛ןb אֶת־יְהוָ֖ה וַיֹּאמַ֑רc עֹ֣ור בְּעַד־עֹ֗ור וְכֹל֙ אֲשֶׁ֣ר לָאִ֔ישׁ יִתֵּ֖ןd בְּעַ֥ד נַפְשֹֽׁו׃

5 אוּלָם֙a שְֽׁלַֽחb ־נָ֣א יָֽדְךָ֔ וְגַ֥עc אֶל־עַצְמֹ֖ו וְאֶל־בְּשָׂרֹ֑ו אִם־לֹ֥א אֶל־פָּנֶ֖יךָ יְבָרֲכֶֽךָּd ׃

6 וַיֹּ֧אמֶרa יְהוָ֛ה אֶל־הַשָּׂטָ֖ןb הִנֹּ֣ו בְיָדֶ֑ךָ אַ֖ךְ אֶת־נַפְשֹׁ֥ו שְׁמֹֽרc ׃

7 וַיֵּצֵא֙a הַשָּׂטָ֔ןb מֵאֵ֖ת פְּנֵ֣י יְהוָ֑ה וַיַּ֤ךְc אֶת־אִיֹּוב֙ בִּשְׁחִ֣יןd רָ֔ע מִכַּ֥ף רַגְלֹ֖ו עדe קָדְקֳדֹֽוf ׃

8 וַיִּֽקַּֽחa ־לֹ֣ו חֶ֔רֶשׂb לְהִתְגָּרֵ֖דc בֹּ֑ו וְה֖וּא יֹשֵׁ֥בd בְּתֹוךְ־הָאֵֽפֶרe ׃

9 וַתֹּ֤אמֶרa לֹו֙ אִשְׁתֹּ֔ו עֹדְךָ֖ מַחֲזִ֣יקb בְּתֻמָּתֶ֑ךָc בָּרֵ֥ךְd אֱלֹהִ֖ים וָמֻֽתe ׃

10 וַיֹּ֣אמֶרa אֵלֶ֗יהָ כְּדַבֵּ֞רb אַחַ֤ת הַנְּבָלֹות֙c תְּדַבֵּ֔רִיd גַּ֣ם אֶת־הַטֹּ֗וב נְקַבֵּל֙e מֵאֵ֣ת הָאֱלֹהִ֔ים וְאֶת־הָרָ֖ע לֹ֣א נְקַבֵּ֑לf בְּכָל־זֹ֛את לֹא־חָטָ֥אg אִיֹּ֖וב בִּשְׂפָתָֽיו׃ פ

11 וַֽיִּשְׁמְע֞וּa שְׁלֹ֣שֶׁת׀ רֵעֵ֣י אִיֹּ֗וב אֵ֣ת כָּל־הָרָעָ֣ה הַזֹּאת֮ הַבָּ֣אָהb עָלָיו֒ וַיָּבֹ֨אוּ֙c אִ֣ישׁ מִמְּקֹמֹ֔ו אֱלִיפַ֤זd הַתֵּימָנִי֙e וּבִלְדַּ֣דf הַשּׁוּחִ֔יg וְצֹופַ֖רh הַנַּֽעֲמָתִ֑יi וַיִּוָּעֲד֣וּj יַחְדָּ֔ו לָבֹ֥ואk לָנֽוּדl ־לֹ֖ו וּֽלְנַחֲמֹֽוm ׃

12 וַיִּשְׂא֨וּa אֶת־עֵינֵיהֶ֤ם מֵרָחֹוק֙ וְלֹ֣א הִכִּירֻ֔הוּb וַיִּשְׂא֥וּc קֹולָ֖ם וַיִּבְכּ֑וּd וַֽיִּקְרְעוּ֙e אִ֣ישׁ מְעִלֹ֔וf וַיִּזְרְק֥וּg עָפָ֛ר עַל־רָאשֵׁיהֶ֖ם הַשָּׁמָֽיְמָה׃

13 וַיֵּשְׁב֤וּa אִתֹּו֙ לָאָ֔רֶץ שִׁבְעַ֥ת יָמִ֖ים וְשִׁבְעַ֣ת לֵילֹ֑ות וְאֵין־דֹּבֵ֤רb אֵלָיו֙ דָּבָ֔ר כִּ֣י רָא֔וּc כִּֽי־גָדַ֥לd הַכְּאֵ֖בe מְאֹֽד׃

3

אַחֲרֵי־כֵ֗ן פָּתַ֤חa אִיֹּוב֙ אֶת־פִּ֔יהוּ וַיְקַלֵּ֖לb אֶת־יֹומֹֽו׃ פ

2 וַיַּ֥עַןa אִיֹּ֗וב וַיֹּאמַֽרb ׃

3 יֹ֣אבַדa יֹ֖ום אִוָּ֣לֶדb בֹּ֑ו וְהַלַּ֥יְלָה אָ֝מַ֗רc הֹ֣רָהd גָֽבֶר׃

4 הַיֹּ֥ום הַה֗וּא יְֽהִ֫יa חֹ֥שֶׁךְ אַֽל־יִדְרְשֵׁ֣הוּb אֱלֹ֣והַּ מִמָּ֑עַל וְאַל־תֹּופַ֖עc עָלָ֣יו נְהָרָֽהd ׃

5 יִגְאָלֻ֡הוּa חֹ֣שֶׁךְ וְ֭צַלְמָוֶתb תִּשְׁכָּןc ־עָלָ֣יו עֲנָנָ֑הd יְ֝בַעֲתֻ֗הוּe כִּֽמְרִ֥ירֵיf יֹֽום׃

6 הַלַּ֥יְלָה הַהוּא֮ יִקָּחֵ֢ה֫וּa אֹ֥פֶלb אַל־יִ֭חַדְּc בִּימֵ֣י שָׁנָ֑ה בְּמִסְפַּ֥ר יְ֝רָחִ֗יםd אַל־יָבֹֽאe ׃

7 הִנֵּ֤ה הַלַּ֣יְלָה הַ֭הוּא יְהִ֣יa גַלְמ֑וּדb אַל־תָּבֹ֖אc רְנָנָ֣הd בֹֽו׃

8 יִקְּבֻ֥הוּa אֹרְרֵי־יֹ֑ום הָ֝עֲתִידִ֗יםb עֹרֵ֥רc לִוְיָתָֽןd ׃

9 יֶחְשְׁכוּ֮a כֹּוכְבֵ֢יb נִ֫שְׁפֹּ֥וc יְקַוd ־לְאֹ֥ור וָאַ֑יִן וְאַל־יִ֝רְאֶ֗הe בְּעַפְעַפֵּיf ־שָֽׁחַרg ׃

10 כִּ֤י לֹ֣א סָ֭גַרa דַּלְתֵ֣י בִטְנִ֑י וַיַּסְתֵּ֥רb עָ֝מָ֗ל מֵעֵינָֽי׃

11 לָ֤מָּה לֹּ֣א מֵרֶ֣חֶםa אָמ֑וּתb מִבֶּ֖טֶן יָצָ֣אתִיc וְאֶגְוָֽעd ׃

12 מַ֭דּוּעַ קִדְּמ֣וּנִיa בִרְכָּ֑יִםb וּמַה־שָּׁ֝דַ֗יִםc כִּ֣י אִינָֽקd ׃

13 כִּֽי־עַ֭תָּה שָׁכַ֣בְתִּיa וְאֶשְׁקֹ֑וטb יָ֝שַׁ֗נְתִּיc אָ֤ז׀ יָנ֬וּחַֽd לִֽי׃

14 עִם־מְ֭לָכִים וְיֹ֣עֲצֵי אָ֑רֶץ הַבֹּנִ֖יםa חֳרָבֹ֣ותb לָֽמֹו׃

15 אֹ֣ו עִם־שָׂ֭רִים זָהָ֣ב לָהֶ֑ם הַֽמְמַלְאִ֖יםa בָּתֵּיהֶ֣ם כָּֽסֶף׃

16 אֹ֚ו כְנֵ֣פֶלa טָ֭מוּןb לֹ֣א אֶהְיֶ֑הc כְּ֝עֹלְלִ֗יםd לֹא־רָ֥אוּe אֹֽור׃

17 שָׁ֣ם רְ֭שָׁעִים חָ֣דְלוּa רֹ֑גֶזb וְשָׁ֥ם יָ֝נ֗וּחוּc יְגִ֣יעֵיd כֹֽחַ׃

18 יַ֭חַדa אֲסִירִ֣יםb שַׁאֲנָ֑נוּc לֹ֥א שָׁ֝מְע֗וּd קֹ֣ול נֹגֵֽשׂe ׃

19 קָטֹ֣ן וְ֭גָדֹול שָׁ֣ם ה֑וּא וְ֝עֶ֗בֶד חָפְשִׁ֥יa מֵאֲדֹנָֽיו׃

20 לָ֤מָּה יִתֵּ֣ןa לְעָמֵ֣לb אֹ֑ור וְ֝חַיִּ֗ים לְמָ֣רֵיc נָֽפֶשׁ׃

21 הַֽמְחַכִּ֣יםa לַמָּ֣וֶת וְאֵינֶ֑נּוּ וַֽ֝יַּחְפְּרֻ֗הוּb מִמַּטְמֹונִֽיםc ׃

22 הַשְּׂמֵחִ֥יםa אֱלֵי־גִ֑ילb יָ֝שִׂ֗ישׂוּc כִּ֣י יִמְצְאוּd ־קָֽבֶר׃

23 לְ֭גֶבֶר אֲשֶׁר־דַּרְכֹּ֣ו נִסְתָּ֑רָהa וַיָּ֖סֶךְb אֱלֹ֣והַּ בַּעֲדֹֽו׃

24 כִּֽי־לִפְנֵ֣י לַ֭חְמִי אַנְחָתִ֣יa תָבֹ֑אb וַֽיִּתְּכ֥וּc כַ֝מַּ֗יִם שַׁאֲגֹתָֽיd ׃

25 כִּ֤י פַ֣חַדa פָּ֭חַדְתִּיb וַיֶּאֱתָיֵ֑נִיc וַאֲשֶׁ֥ר יָ֝גֹ֗רְתִּיd יָ֣בֹאe לִֽי׃

26 לֹ֤א שָׁלַ֨וְתִּיa ׀ וְלֹ֖א שָׁקַ֥טְתִּיb וְֽלֹא־נָ֗חְתִּיc וַיָּ֥בֹאd רֹֽגֶזe ׃ פ

4

וַ֭יַּעַןa אֱלִיפַ֥זb הַֽתֵּימָנִ֗יc וַיֹּאמַֽרd ׃

2 הֲנִסָּ֬הa דָבָ֣ר אֵלֶ֣יךָ תִּלְאֶ֑הb וַעְצֹ֥רc בְּ֝מִלִּ֗יןd מִ֣י יוּכָֽלe ׃

3 הִ֭נֵּה יִסַּ֣רְתָּa רַבִּ֑ים וְיָדַ֖יִם רָפֹ֣ותb תְּחַזֵּֽקc ׃

4 כֹּ֖ושֵׁל יְקִימ֣וּןa מִלֶּ֑יךָb וּבִרְכַּ֖יִםc כֹּרְעֹ֣ותd תְּאַמֵּֽץe ׃

5 כִּ֤י עַתָּ֨ה׀ תָּבֹ֣ואa אֵלֶ֣יךָ וַתֵּ֑לֶאb תִּגַּ֥עc עָ֝דֶ֗יךָ וַתִּבָּהֵֽלd ׃

6 הֲלֹ֣א יִ֭רְאָתְךָa כִּסְלָתֶ֑ךָb תִּ֝קְוָתְךָ֗c וְתֹ֣םd דְּרָכֶֽיךָ׃

7 זְכָרa ־נָ֗א מִ֤י ה֣וּא נָקִ֣יb אָבָ֑דc וְ֝אֵיפֹ֗הd יְשָׁרִ֥ים נִכְחָֽדוּe ׃

8 כַּאֲשֶׁ֣ר רָ֭אִיתִיa חֹ֣רְשֵׁיb אָ֑וֶן וְזֹרְעֵ֖י עָמָ֣ל יִקְצְרֻֽהוּc ׃

9 מִנִּשְׁמַ֣תa אֱלֹ֣והַ יֹאבֵ֑דוּb וּמֵר֖וּחַ אַפֹּ֣ו יִכְלֽוּc ׃

10 שַׁאֲגַ֣תa אַ֭רְיֵהb וְקֹ֣ול שָׁ֑חַלc וְשִׁנֵּ֖י כְפִירִ֣יםd נִתָּֽעוּe ׃

11 לַ֭יִשׁa אֹבֵ֣דb מִבְּלִי־טָ֑רֶףc וּבְנֵ֥י לָ֝בִ֗יאd יִתְפָּרָֽדוּe ׃

12 וְ֭אֵלַי דָּבָ֣ר יְגֻנָּ֑בa וַתִּקַּ֥חb אָ֝זְנִ֗י שֵׁ֣מֶץc מֶֽנְהֽוּ׃

13 בִּ֭שְׂעִפִּיםa מֵחֶזְיֹנֹ֣ותb לָ֑יְלָה בִּנְפֹ֥לc תַּ֝רְדֵּמָ֗הd עַל־אֲנָשִֽׁים׃

14 פַּ֣חַדa קְ֭רָאַנִיb וּרְעָדָ֑הc וְרֹ֖ב עַצְמֹותַ֣י הִפְחִֽידd ׃

15 וְ֭רוּחַ עַל־פָּנַ֣י יַחֲלֹ֑ףa תְּ֝סַמֵּ֗רb שַֽׂעֲרַ֥תc בְּשָׂרִֽי׃

16 יַעֲמֹ֤דa ׀ וְֽלֹא־אַכִּ֬ירb מַרְאֵ֗הוּ תְּ֭מוּנָהc לְנֶ֣גֶד עֵינָ֑י דְּמָמָ֖הd וָקֹ֣ול אֶשְׁמָֽעe ׃

17 הַֽ֭אֱנֹושׁa מֵאֱלֹ֣והַ יִצְדָּ֑קb אִ֥ם מֵ֝עֹשֵׂ֗הוּ יִטְהַרc ־גָּֽבֶר׃

18 הֵ֣ן בַּ֭עֲבָדָיו לֹ֣א יַאֲמִ֑יןa וּ֝בְמַלְאָכָ֗יו יָשִׂ֥יםb תָּהֳלָֽהc ׃

19 אַ֤ף׀ שֹׁכְנֵ֬י בָֽתֵּי־חֹ֗מֶרa אֲשֶׁר־בֶּעָפָ֥ר יְסֹודָ֑םb יְ֝דַכְּא֗וּםc לִפְנֵי־עָֽשׁd ׃

20 מִבֹּ֣קֶר לָעֶ֣רֶב יֻכַּ֑תּוּa מִבְּלִ֥י מֵ֝שִׂ֗ים לָנֶ֥צַחb יֹאבֵֽדוּc ׃

21 הֲלֹא־נִסַּ֣עa יִתְרָ֣םb בָּ֑ם יָ֝מ֗וּתוּc וְלֹ֣א בְחָכְמָֽה׃

5

קְֽרָאa ־נָ֭א הֲיֵ֣שׁ עֹונֶ֑ךָּb וְאֶל־מִ֖י מִקְּדֹשִׁ֣ים תִּפְנֶֽהc ׃

2 כִּֽי־לֶֽ֭אֱוִילa יַהֲרָגb ־כָּ֑עַשׂc וּ֝פֹתֶ֗הd תָּמִ֥יתe קִנְאָֽהf ׃

3 אֲֽנִי־רָ֭אִיתִיa אֱוִ֣ילb מַשְׁרִ֑ישׁc וָאֶקֹּ֖ובd נָוֵ֣הוּe פִתְאֹֽםf ׃

4 יִרְחֲק֣וּa בָנָ֣יו מִיֶּ֑שַׁעb וְיִֽדַּכְּא֥וּc בַ֝שַּׁ֗עַר וְאֵ֣ין מַצִּֽילd ׃

5 אֲשֶׁ֤ר קְצִירֹ֨וa ׀ רָ֘עֵ֤בb יֹאכֵ֗לc וְאֶֽל־מִצִּנִּ֥יםd יִקָּחֵ֑הוּe וְשָׁאַ֖ףf צַמִּ֣יםg חֵילָֽם׃

6 כִּ֤י׀ לֹא־יֵצֵ֣אa מֵעָפָ֣ר אָ֑וֶן וּ֝מֵאֲדָמָ֗ה לֹא־יִצְמַ֥חb עָמָֽל׃

7 כִּֽי־אָ֭דָם לְעָמָ֣ל יוּלָּ֑דa וּבְנֵי־רֶ֝֗שֶׁףb יַגְבִּ֥יהוּc עֽוּףd ׃

8 אוּלָ֗םa אֲ֭נִי אֶדְרֹ֣שׁb אֶל־אֵ֑ל וְאֶל־אֱ֝לֹהִ֗ים אָשִׂ֥יםc דִּבְרָתִֽיd ׃

9 עֹשֶׂ֣הa גְ֭דֹלֹות וְאֵ֣ין חֵ֑קֶרb נִ֝פְלָאֹ֗ות עַד־אֵ֥ין מִסְפָּֽר׃

10 הַנֹּתֵ֣ןa מָ֭טָרb עַל־פְּנֵי־אָ֑רֶץ וְשֹׁ֥לֵֽחַc מַ֝יִם עַל־פְּנֵ֥י חוּצֹֽות׃

11 לָשׂ֣וּםa שְׁפָלִ֣יםb לְמָרֹ֑ום וְ֝קֹדְרִ֗יםc שָׂ֣גְבוּd יֶֽשַׁעe ׃

12 מֵ֭פֵרa מַחְשְׁבֹ֣ותb עֲרוּמִ֑יםc וְֽלֹא־תַעֲשֶׂ֥ינָהd יְ֝דֵיהֶ֗ם תּוּשִׁיָּֽהe ׃

13 לֹכֵ֣דa חֲכָמִ֣ים בְּעָרְמָ֑םb וַעֲצַ֖ת נִפְתָּלִ֣יםc נִמְהָֽרָהd ׃

14 יֹומָ֥ם יְפַגְּשׁוּa ־חֹ֑שֶׁךְ וְ֝כַלַּ֗יְלָה יְֽמַשְׁשׁ֥וּb בַֽצָּהֳרָֽיִםc ׃

15 וַיֹּ֣שַׁעa מֵ֭חֶרֶב מִפִּיהֶ֑ם וּמִיַּ֖ד חָזָ֣ק אֶבְיֹֽון׃

16 וַתְּהִ֣יa לַדַּ֣לb תִּקְוָ֑הc וְ֝עֹלָ֗תָהd קָ֣פְצָהe פִּֽיהָ׃

17 הִנֵּ֤ה אַשְׁרֵ֣יa אֱ֭נֹושׁb יֹוכִחֶ֣נּֽוּc אֱלֹ֑והַּ וּמוּסַ֥ר שַׁ֝דַּ֗יd אַל־תִּמְאָֽסe ׃

18 כִּ֤י ה֣וּא יַכְאִ֣יבa וְיֶחְבָּ֑שׁb יִ֝מְחַ֗ץc וידוd תִּרְפֶּֽינָהe ׃

19 בְּשֵׁ֣שׁ צָ֭רֹות יַצִּילֶ֑ךָּa וּבְשֶׁ֓בַע׀ לֹא־יִגַּ֖עb בְּךָ֣ רָֽע׃

20 בְּ֭רָעָב פָּֽדְךָ֣a מִמָּ֑וֶת וּ֝בְמִלְחָמָ֗ה מִ֣ידֵי חָֽרֶב׃

21 בְּשֹׁ֣וטa לָ֭שֹׁון תֵּחָבֵ֑אb וְֽלֹא־תִירָ֥אc מִ֝שֹּׁ֗דd כִּ֣י יָבֹֽואe ׃

22 לְשֹׁ֣דa וּלְכָפָ֣ןb תִּשְׂחָ֑קc וּֽמֵחַיַּ֥ת הָ֝אָ֗רֶץ אַל־תִּירָֽאd ׃

23 כִּ֤י עִם־אַבְנֵ֣י הַשָּׂדֶ֣ה בְרִיתֶ֑ךָ וְחַיַּ֥ת הַ֝שָּׂדֶ֗ה הָשְׁלְמָהa ־לָֽךְ׃

24 וְֽ֭יָדַעְתָּa כִּי־שָׁלֹ֣ום אָהֳלֶ֑ךָ וּֽפָקַדְתָּ֥b נָ֝וְךָc וְלֹ֣א תֶחֱטָֽאd ׃

25 וְֽ֭יָדַעְתָּa כִּי־רַ֣ב זַרְעֶ֑ךָ וְ֝צֶאֱצָאֶ֗יךָb כְּעֵ֣שֶׂבc הָאָֽרֶץ׃

26 תָּבֹ֣ואa בְכֶ֣לַחb אֱלֵי־קָ֑בֶר כַּעֲלֹ֖ותc גָּדִ֣ישׁd בְּעִתֹּֽו׃

27 הִנֵּה־זֹ֭את חֲקַרְנ֥וּהָa כֶּֽן־הִ֑יא שְׁ֝מָעֶ֗נָּהb וְאַתָּ֥ה דַֽעc ־לָֽךְ׃ פ

6

וַיַּ֥עַןa אִיֹּ֗וב וַיֹּאמַֽרb ׃

2 ל֗וּa שָׁקֹ֣ולb יִשָּׁקֵ֣לc כַּעְשִׂ֑יd והיתיe בְּֽמֹאזְנַ֥יִםf יִשְׂאוּg ־יָֽחַדh ׃

3 כִּֽי־עַתָּ֗ה מֵחֹ֣ולa יַמִּ֣ים יִכְבָּ֑דb עַל־כֵּ֝֗ן דְּבָרַ֥י לָֽעוּc ׃

4 כִּ֤י חִצֵּ֪י שַׁדַּ֡יa עִמָּדִ֗יb אֲשֶׁ֣ר חֲ֭מָתָם שֹׁתָ֣הc רוּחִ֑י בִּעוּתֵ֖יd אֱלֹ֣והַּ יַֽעַרְכֽוּנִיe ׃

5 הֲיִֽנְהַקa ־פֶּ֥רֶאb עֲלֵי־דֶ֑שֶׁאc אִ֥ם יִגְעֶהd ־שֹּׁ֝֗ור עַל־בְּלִילֹֽוe ׃

6 הֲיֵאָכֵ֣לa תָּ֭פֵלb מִבְּלִי־מֶ֑לַחc אִם־יֶשׁ־טַ֝֗עַםd בְּרִ֣ירe חַלָּמֽוּתf ׃

7 מֵאֲנָ֣הa לִנְגֹּ֣ועַb נַפְשִׁ֑י הֵ֝֗מָּה כִּדְוֵ֥יc לַחְמִֽי׃

8 מִֽי־יִ֭תֵּןa תָּבֹ֣ואb שֶֽׁאֱלָתִ֑יc וְ֝תִקְוָתִ֗יd יִתֵּ֥ןe אֱלֹֽוהַּ׃

9 וְיֹאֵ֣לa אֱ֭לֹוהַּ וִֽידַכְּאֵ֑נִיb יַתֵּ֥רc יָ֝דֹ֗ו וִֽיבַצְּעֵֽנִיd ׃

10 וּ֥תְהִיa עֹ֨וד׀ נֶ֘חָ֤מָתִ֗יb וַאֲסַלְּדָ֣הc בְ֭חִילָהd לֹ֣א יַחְמֹ֑ולe כִּי־לֹ֥א כִ֝חַ֗דְתִּיf אִמְרֵ֥יg קָדֹֽושׁ׃

11 מַה־כֹּחִ֥י כִֽי־אֲיַחֵ֑לa וּמַה־קִּ֝צִּ֗י כִּֽי־אַאֲרִ֥יךְb נַפְשִֽׁי׃

12 אִם־כֹּ֣חַ אֲבָנִ֣ים כֹּחִ֑י אִֽם־בְּשָׂרִ֥י נָחֽוּשׁa ׃

13 הַאִ֬ם אֵ֣ין עֶזְרָתִ֣יa בִ֑י וְ֝תֻשִׁיָּ֗הb נִדְּחָ֥הc מִמֶּֽנִּי׃

14 לַמָּ֣סa מֵרֵעֵ֣הוּ חָ֑סֶד וְיִרְאַ֖תb שַׁדַּ֣יc יַעֲזֹֽובd ׃

15 אַ֭חַי בָּגְד֣וּa כְמֹו־נָ֑חַל כַּאֲפִ֖יקb נְחָלִ֣ים יַעֲבֹֽרוּc ׃

16 הַקֹּדְרִ֥יםa מִנִּי־קָ֑רַחb עָ֝לֵ֗ימֹו יִתְעַלֶּםc ־שָֽׁלֶגd ׃

17 בְּ֭עֵת יְזֹרְב֣וּa נִצְמָ֑תוּb בְּ֝חֻמֹּ֗וc נִדְעֲכ֥וּd מִמְּקֹומָֽם׃

18 יִ֭לָּ֣פְתוּa אָרְחֹ֣ות דַּרְכָּ֑ם יַעֲל֖וּb בַתֹּ֣הוּc וְיֹאבֵֽדוּd ׃

19 הִ֭בִּיטוּa אָרְחֹ֣ות תֵּמָ֑אb הֲלִיכֹ֥תc שְׁ֝בָ֗אd קִוּוּe ־לָֽמֹו׃

20 בֹּ֥שׁוּa כִּֽי־בָטָ֑חb בָּ֥אוּc עָ֝דֶ֗יהָ וַיֶּחְפָּֽרוּd ׃

21 כִּֽי־עַ֭תָּה הֱיִ֣יתֶםa לאb תִּֽרְא֥וּc חֲ֝תַ֗תd וַתִּירָֽאוּe ׃

22 הֲֽכִי־אָ֭מַרְתִּיa הָ֣בוּb לִ֑י וּ֝מִכֹּחֲכֶ֗ם שִׁחֲד֥וּc בַעֲדִֽי׃

23 וּמַלְּט֥וּנִיa מִיַּד־צָ֑ר וּמִיַּ֖ד עָרִיצִ֣יםb תִּפְדּֽוּנִיc ׃

24 הֹ֭ורוּנִיa וַאֲנִ֣י אַחֲרִ֑ישׁb וּמַה־שָּׁ֝גִ֗יתִיc הָבִ֥ינוּd לִֽי׃

25 מַה־נִּמְרְצ֥וּa אִמְרֵיb ־יֹ֑שֶׁרc וּמַה־יֹּוכִ֖יחַd הֹוכֵ֣חַ מִכֶּֽם׃

26 הַלְהֹוכַ֣חa מִלִּ֣יםb תַּחְשֹׁ֑בוּc וּ֝לְר֗וּחַ אִמְרֵ֥יd נֹאָֽשׁe ׃

27 אַף־עַל־יָתֹ֥וםa תַּפִּ֑ילוּb וְ֝תִכְר֗וּc עַל־רֵֽיעֲכֶֽם׃

28 וְ֭עַתָּה הֹואִ֣ילוּa פְנוּb ־בִ֑י וְעַל־פְּ֝נֵיכֶ֗ם אִם־אֲכַזֵּֽבc ׃

29 שֻֽׁבוּa ־נָ֭א אַל־תְּהִ֣יb עַוְלָ֑הc ושׁביd עֹ֝וד צִדְקִי־בָֽהּ׃

30 הֲיֵשׁ־בִּלְשֹׁונִ֥י עַוְלָ֑הa אִם־חִ֝כִּ֗יb לֹא־יָבִ֥יןc הַוֹּֽותd ׃

7

הֲלֹא־צָבָ֣א לֶאֱנֹ֣ושׁa עלb ־אָ֑רֶץ וְכִימֵ֖י שָׂכִ֣ירc יָמָֽיו׃

2 כְּעֶ֥בֶד יִשְׁאַףa ־צֵ֑ל וּ֝כְשָׂכִ֗ירb יְקַוֶּ֥הc פָעֳלֹֽוd ׃

3 כֵּ֤ן הָנְחַ֣לְתִּיa לִ֭י יַרְחֵיb ־שָׁ֑וְא וְלֵילֹ֥ות עָ֝מָ֗ל מִנּוּc ־לִֽי׃

4 אִם־שָׁכַ֗בְתִּיa וְאָמַ֗רְתִּיb מָתַ֣יc אָ֭קוּםd וּמִדַּדe ־עָ֑רֶב וְשָׂבַ֖עְתִּיf נְדֻדִ֣יםg עֲדֵי־נָֽשֶׁףh ׃

5 לָ֘בַ֤שׁa בְּשָׂרִ֣י רִ֭מָּהb וגישׁc עָפָ֑ר עֹורִ֥י רָ֝גַ֗עd וַיִּמָּאֵֽסe ׃

6 יָמַ֣י קַ֭לּוּa מִנִּי־אָ֑רֶגb וַ֝יִּכְל֗וּc בְּאֶ֣פֶסd תִּקְוָֽהe ׃

7 זְ֭כֹרa כִּי־ר֣וּחַ חַיָּ֑י לֹא־תָשׁ֥וּבb עֵ֝ינִ֗י לִרְאֹ֥ותc טֹֽוב׃

8 לֹֽא־תְ֭שׁוּרֵנִיa עֵ֣ין רֹ֑אִיb עֵינֶ֖יךָ בִּ֣י וְאֵינֶֽנִּי׃

9 כָּלָ֣הa עָ֭נָן וַיֵּלַ֑ךְb כֵּ֥ן יֹורֵ֥דc שְׁ֝אֹ֗ול לֹ֣א יַעֲלֶֽהd ׃

10 לֹא־יָשׁ֣וּבa עֹ֣וד לְבֵיתֹ֑ו וְלֹא־יַכִּירֶ֖נּוּb עֹ֣וד מְקֹמֹֽו׃

11 גַּם־אֲנִי֮ לֹ֤א אֶחֱשָׂ֫ךְa פִּ֥י אֲֽ֭דַבְּרָהb בְּצַ֣רc רוּחִ֑י אָ֝שִׂ֗יחָהd בְּמַ֣רe נַפְשִֽׁי׃

12 הֲֽיָם־אָ֭נִי אִם־תַּנִּ֑יןa כִּֽי־תָשִׂ֖יםb עָלַ֣י מִשְׁמָֽרc ׃

13 כִּֽי־אָ֭מַרְתִּיa תְּנַחֲמֵ֣נִיb עַרְשִׂ֑יc יִשָּׂ֥אd בְ֝שִׂיחִ֗יe מִשְׁכָּבִֽיf ׃

14 וְחִתַּתַּ֥נִיa בַחֲלֹמֹ֑ות וּֽמֵחֶזְיֹנֹ֥ותb תְּבַעֲתַֽנִּיc ׃

15 וַתִּבְחַ֣רa מַחֲנָ֣קb נַפְשִׁ֑י מָ֝֗וֶת מֵֽעַצְמֹותָֽיc ׃

16 מָ֭אַסְתִּיa לֹא־לְעֹלָ֣ם אֶֽחְיֶ֑הb חֲדַ֥לc מִ֝מֶּ֗נִּי כִּי־הֶ֥בֶל יָמָֽי׃

17 מָֽה־אֱ֭נֹושׁa כִּ֣י תְגַדְּלֶ֑נּוּb וְכִי־תָשִׁ֖יתc אֵלָ֣יו לִבֶּֽךָ׃

18 וַתִּפְקְדֶ֥נּוּa לִבְקָרִ֑ים לִ֝רְגָעִ֗יםb תִּבְחָנֶֽנּוּc ׃

19 כַּ֭מָּה לֹא־תִשְׁעֶ֣הa מִמֶּ֑נִּי לֹֽא־תַ֝רְפֵּ֗נִיb עַד־בִּלְעִ֥יc רֻקִּֽיd ׃

20 חָטָ֡אתִיa מָ֤ה אֶפְעַ֨לb ׀ לָךְ֮ נֹצֵ֢ר הָאָ֫דָ֥ם לָ֤מָה שַׂמְתַּ֣נִיc לְמִפְגָּ֣עd לָ֑ךְ וָאֶהְיֶ֖הe עָלַ֣י לְמַשָּֽׂאf ׃

21 וּמֶ֤ה׀ לֹא־תִשָּׂ֣אa פִשְׁעִי֮ וְתַעֲבִ֢ירb אֶת־עֲוֹ֫נִ֥י כִּֽי־עַ֭תָּה לֶעָפָ֣ר אֶשְׁכָּ֑בc וְשִׁ֖חֲרְתַּ֣נִיd וְאֵינֶֽנִּי׃ פ

8

וַ֭יַּעַןa בִּלְדַּ֥דb הַשּׁוּחִ֗יc וַיֹאמַֽרd ׃

2 עַד־אָ֥ןa תְּמַלֶּלb ־אֵ֑לֶּה וְר֥וּחַ כַּ֝בִּירc אִמְרֵיd ־פִֽיךָ׃

3 הַ֭אֵל יְעַוֵּ֣תa מִשְׁפָּ֑ט וְאִם־שַׁ֝דַּ֗יb יְעַוֵּֽתc ־צֶֽדֶק׃

4 אִם־בָּנֶ֥יךָ חָֽטְאוּa ־לֹ֑ו וַֽ֝יְשַׁלְּחֵ֗םb בְּיַד־פִּשְׁעָֽם׃

5 אִם־אַ֭תָּה תְּשַׁחֵ֣רa אֶל־אֵ֑ל וְאֶל־שַׁ֝דַּ֗יb תִּתְחַנָּֽןc ׃

6 אִם־זַ֥ךְa וְיָשָׁ֗ר אָ֥תָּה כִּי־עַ֭תָּה יָעִ֣ירb עָלֶ֑יךָ וְ֝שִׁלַּ֗םc נְוַ֣תd צִדְקֶֽךָ׃

7 וְהָיָ֣הa רֵאשִׁיתְךָ֣ מִצְעָ֑רb וְ֝אַחֲרִיתְךָ֗ יִשְׂגֶּ֥הc מְאֹֽד׃

8 כִּֽי־שְׁאַלa ־נָ֭א לְדֹ֣ר רִישֹׁ֑ון וְ֝כֹונֵ֗ןb לְחֵ֣קֶרc אֲבֹותָֽם׃

9 כִּֽי־תְמֹ֣ולa אֲ֭נַחְנוּ וְלֹ֣א נֵדָ֑עb כִּ֤י צֵ֖ל יָמֵ֣ינוּ עֲלֵי־אָֽרֶץ׃

10 הֲלֹא־הֵ֣ם יֹ֭ורוּךָa יֹ֣אמְרוּb לָ֑ךְ וּ֝מִלִּבָּ֗ם יֹוצִ֥אוּc מִלִּֽיםd ׃

11 הֲיִֽגְאֶהa ־גֹּ֭מֶאb בְּלֹ֣א בִצָּ֑הc יִשְׂגֶּהd ־אָ֥חוּe בְלִי־מָֽיִם׃

12 עֹדֶ֣נּוּ בְ֭אִבֹּוa לֹ֣א יִקָּטֵ֑ףb וְלִפְנֵ֖י כָל־חָצִ֣ירc יִיבָֽשׁd ׃

13 כֵּ֗ן אָ֭רְחֹות כָּל־שֹׁ֣כְחֵי אֵ֑ל וְתִקְוַ֖תa חָנֵ֣ףb תֹּאבֵֽדc ׃

14 אֲשֶׁר־יָקֹ֥וטa כִּסְלֹ֑וb וּבֵ֥ית עַ֝כָּבִ֗ישׁc מִבְטַחֹֽוd ׃

15 יִשָּׁעֵ֣ןa עַל־בֵּ֭יתֹו וְלֹ֣א יַעֲמֹ֑דb יַחֲזִ֥יקc בֹּ֝֗ו וְלֹ֣א יָקֽוּםd ׃

16 רָטֹ֣בa ה֖וּא לִפְנֵי־שָׁ֑מֶשׁ וְעַ֥ל גַּ֝נָּתֹ֗וb יֹ֭נַקְתֹּ֥וc תֵצֵֽאd ׃

17 עַל־גַּ֭לa שָֽׁרָשָׁ֣יוb יְסֻבָּ֑כוּc בֵּ֖ית אֲבָנִ֣ים יֶחֱזֶֽהd ׃

18 אִם־יְבַלְּעֶ֥נּוּa מִמְּקֹומֹ֑ו וְכִ֥חֶשׁb בֹּ֝֗ו לֹ֣א רְאִיתִֽיךָc ׃

19 הֶן־ה֭וּא מְשֹׂ֣ושׂa דַּרְכֹּ֑ו וּ֝מֵעָפָ֗ר אַחֵ֥ר יִצְמָֽחוּb ׃

20 הֶן־אֵ֭ל לֹ֣א יִמְאַסa ־תָּ֑םb וְלֹֽא־יַ֝חֲזִ֗יקc בְּיַד־מְרֵעִֽים׃

21 עַד־יְמַלֵּ֣הa שְׂחֹ֣וקb פִּ֑יךָ וּשְׂפָתֶ֥יךָ תְרוּעָֽהc ׃

22 שֹׂנְאֶ֥יךָ יִלְבְּשׁוּa ־בֹ֑שֶׁתb וְאֹ֖הֶל רְשָׁעִ֣ים אֵינֶֽנּוּ׃ פ

9

וַיַּ֥עַןa אִיֹּ֗וב וַיֹּאמַֽרb ׃

2 אָ֭מְנָםa יָדַ֣עְתִּיb כִי־כֵ֑ן וּמַה־יִּצְדַּ֖קc אֱנֹ֣ושׁd עִם־אֵֽל׃

3 אִם־יַ֭חְפֹּץa לָרִ֣יבb עִמֹּ֑ו לֹֽא־יַ֝עֲנֶ֗נּוּc אַחַ֥ת מִנִּי־אָֽלֶף׃

4 חֲכַ֣ם לֵ֭בָב וְאַמִּ֣יץa כֹּ֑חַ מִֽי־הִקְשָׁ֥הb אֵ֝לָ֗יו וַיִּשְׁלָֽםc ׃

5 הַמַּעְתִּ֣יקa הָ֭רִים וְלֹ֣א יָדָ֑עוּb אֲשֶׁ֖ר הֲפָכָ֣םc בְּאַפֹּֽו׃

6 הַמַּרְגִּ֣יזa אֶ֭רֶץ מִמְּקֹומָ֑הּ וְ֝עַמּוּדֶ֗יהָ יִתְפַלָּצֽוּןb ׃

7 הָאֹמֵ֣רa לַ֭חֶרֶסb וְלֹ֣א יִזְרָ֑חc וּבְעַ֖ד כֹּוכָבִ֣יםd יַחְתֹּֽםe ׃

8 נֹטֶ֣הa שָׁמַ֣יִם לְבַדֹּ֑ו וְ֝דֹורֵ֗ךְb עַל־בָּ֥מֳתֵי יָֽם׃

9 עֹֽשֶׂהa ־עָ֭שׁb כְּסִ֥ילc וְכִימָ֗הd וְחַדְרֵ֥יe תֵמָֽןf ׃

10 עֹשֶׂ֣הa גְ֭דֹלֹות עַד־אֵ֣ין חֵ֑קֶרb וְנִפְלָאֹ֗ות עַד־אֵ֥ין מִסְפָּֽר׃

11 הֵ֤ן יַעֲבֹ֣רa עָ֭לַי וְלֹ֣א אֶרְאֶ֑הb וְ֝יַחֲלֹ֗ףc וְֽלֹא־אָבִ֥יןd לֹֽו׃

12 הֵ֣ן יַ֭חְתֹּףa מִ֣י יְשִׁיבֶ֑נּוּb מִֽי־יֹאמַ֥רc אֵ֝לָ֗יו מַֽה־תַּעֲשֶֽׂהd ׃

13 אֱ֭לֹוהַּ לֹא־יָשִׁ֣יבa אַפֹּ֑ו תחתוb שָׁ֝חֲח֗וּc עֹ֣זְרֵי רָֽהַבd ׃

14 אַ֭ף כִּֽי־אָנֹכִ֣י אֶֽעֱנֶ֑נּוּa אֶבְחֲרָ֖הb דְבָרַ֣י עִמֹּֽו׃

15 אֲשֶׁ֣ר אִם־צָ֭דַקְתִּיa לֹ֣א אֶעֱנֶ֑הb לִ֝מְשֹׁפְטִ֗י אֶתְחַנָּֽןc ׃

16 אִם־קָרָ֥אתִיa וַֽיַּעֲנֵ֑נִיb לֹֽא־אַ֝אֲמִ֗יןc כִּֽי־יַאֲזִ֥יןd קֹולִֽי׃

17 אֲשֶׁר־בִּשְׂעָרָ֥הa יְשׁוּפֵ֑נִיb וְהִרְבָּ֖הc פְצָעַ֣יd חִנָּֽםe ׃

18 לֹֽא־יִ֭תְּנֵנִיa הָשֵׁ֣בb רוּחִ֑י כִּ֥י יַ֝שְׂבִּעַ֗נִיc מַמְּרֹרִֽיםd ׃

19 אִם־לְכֹ֣חַ אַמִּ֣יץa הִנֵּ֑ה וְאִם־לְ֝מִשְׁפָּ֗ט מִ֣י יֹועִידֵֽנִיb ׃

20 אִם־אֶ֭צְדָּקa פִּ֣י יַרְשִׁיעֵ֑נִיb תָּֽםc ־אָ֝֗נִי וַֽיַּעְקְשֵֽׁנִיd ׃

21 תָּֽםa ־אָ֭נִי לֹֽא־אֵדַ֥עb נַפְשִׁ֗י אֶמְאַ֥סc חַיָּֽי׃

22 אַחַ֗ת הִ֥יא עַל־כֵּ֥ן אָמַ֑רְתִּיa תָּ֥םb וְ֝רָשָׁ֗ע ה֣וּא מְכַלֶּֽהc ׃

23 אִם־שֹׁ֭וטa יָמִ֣יתb פִּתְאֹ֑םc לְמַסַּ֖תd נְקִיִּ֣םe יִלְעָֽגf ׃

24 אֶ֤רֶץ׀ נִתְּנָ֬הa בְֽיַד־רָשָׁ֗ע פְּנֵֽי־שֹׁפְטֶ֥יהָ יְכַסֶּ֑הb אִם־לֹ֖א אֵפֹ֣ואc מִי־הֽוּא׃

25 וְיָמַ֣י קַ֭לּוּa מִנִּי־רָ֑ץ בָּֽ֝רְח֗וּb לֹא־רָא֥וּc טֹובָֽה׃

26 חָ֭לְפוּa עִם־אֳנִיֹּ֣ותb אֵבֶ֑הc כְּ֝נֶ֗שֶׁרd יָט֥וּשׂe עֲלֵי־אֹֽכֶלf ׃

27 אִם־אָ֭מְרִיa אֶשְׁכְּחָ֣הb שִׂיחִ֑יc אֶעֶזְבָ֖הd פָנַ֣י וְאַבְלִֽיגָהe ׃

28 יָגֹ֥רְתִּיa כָל־עַצְּבֹתָ֑יb יָ֝דַ֗עְתִּיc כִּי־לֹ֥א תְנַקֵּֽנִיd ׃

29 אָנֹכִ֥י אֶרְשָׁ֑עa לָמָּה־זֶּ֝֗ה הֶ֣בֶל אִיגָֽעb ׃

30 אִם־הִתְרָחַ֥צְתִּיa במוb ־שָׁ֑לֶגc וַ֝הֲזִכֹּ֗ותִיd בְּבֹ֣רe כַּפָּֽי׃

31 אָ֭ז בַּשַּׁ֣חַתa תִּטְבְּלֵ֑נִיb וְ֝תִֽעֲב֗וּנִיc שַׂלְמֹותָֽיd ׃

32 כִּי־לֹא־אִ֣ישׁ כָּמֹ֣נִי אֶֽעֱנֶ֑נּוּa נָבֹ֥ואb יַ֝חְדָּ֗ו בַּמִּשְׁפָּֽט׃

33 לֹ֣א יֵשׁ־בֵּינֵ֣ינוּ מֹוכִ֑יחַ יָשֵׁ֖תa יָדֹ֣ו עַל־שְׁנֵֽינוּ׃

34 יָסֵ֣רa מֵעָלַ֣י שִׁבְטֹ֑ו וְ֝אֵמָתֹ֗וb אַֽל־תְּבַעֲתַֽנִּיc ׃

35 אַֽ֭דַבְּרָהa וְלֹ֣א אִירָאֶ֑נּוּb כִּ֥י לֹא־כֵ֥ןc אָ֝נֹכִ֗י עִמָּדִֽיd ׃

10

נָֽקְטָ֥הa נַפְשִׁ֗י בְּחַ֫יָּ֥י אֶֽעֶזְבָ֣הb עָלַ֣י שִׂיחִ֑יc אֲ֝דַבְּרָה֗d בְּמַ֣רe נַפְשִֽׁי׃

2 אֹמַ֣רa אֶל־אֱ֭לֹוהַּ אַל־תַּרְשִׁיעֵ֑נִיb הֹֽ֝ודִיעֵ֗נִיc עַ֣ל מַה־תְּרִיבֵֽנִיd ׃

3 הֲטֹ֤וב לְךָ֨׀ כִּֽי־תַעֲשֹׁ֗קa כִּֽי־תִ֭מְאַסb יְגִ֣יעַc כַּפֶּ֑יךָ וְעַל־עֲצַ֖ת רְשָׁעִ֣ים הֹופָֽעְתָּd ׃

4 הַעֵינֵ֣י בָשָׂ֣ר לָ֑ךְ אִם־כִּרְאֹ֖ותa אֱנֹ֣ושׁb תִּרְאֶֽהc ׃

5 הֲכִימֵ֣י אֱנֹ֣ושׁa יָמֶ֑יךָ אִם־שְׁ֝נֹותֶ֗יךָ כִּ֣ימֵי גָֽבֶר׃

6 כִּֽי־תְבַקֵּ֥שׁa לַעֲוֹנִ֑י וּ֭לְחַטָּאתִ֥י תִדְרֹֽושׁb ׃

7 עַֽל־דַּ֭עְתְּךָ כִּי־לֹ֣א אֶרְשָׁ֑עa וְאֵ֖ין מִיָּדְךָ֣ מַצִּֽילb ׃

8 יָדֶ֣יךָ עִ֭צְּבוּנִיa וַֽיַּעֲשׂ֑וּנִיb יַ֥חַדc סָ֝בִ֗יב וַֽתְּבַלְּעֵֽנִיd ׃

9 זְכָרa ־נָ֭א כִּי־כַחֹ֣מֶרb עֲשִׂיתָ֑נִיc וְֽאֶל־עָפָ֥ר תְּשִׁיבֵֽנִיd ׃

10 הֲלֹ֣א כֶ֭חָלָבa תַּתִּיכֵ֑נִיb וְ֝כַגְּבִנָּ֗הc תַּקְפִּיאֵֽנִיd ׃

11 עֹ֣ור וּ֭בָשָׂר תַּלְבִּישֵׁ֑נִיa וּֽבַעֲצָמֹ֥ות וְ֝גִידִ֗יםb תְּסֹכְכֵֽנִיc ׃

12 חַיִּ֣ים וָ֭חֶסֶד עָשִׂ֣יתָa עִמָּדִ֑יb וּ֝פְקֻדָּתְךָ֗c שָֽׁמְרָ֥הd רוּחִֽי׃

13 וְ֭אֵלֶּה צָפַ֣נְתָּa בִלְבָבֶ֑ךָ יָ֝דַ֗עְתִּיb כִּי־זֹ֥את עִמָּֽךְ׃

14 אִם־חָטָ֥אתִיa וּשְׁמַרְתָּ֑נִיb וּ֝מֵעֲוֹנִ֗י לֹ֣א תְנַקֵּֽנִיc ׃

15 אִם־רָשַׁ֡עְתִּיa אַלְלַ֬יb לִ֗י וְ֭צָדַקְתִּיc לֹא־אֶשָּׂ֣אd רֹאשִׁ֑י שְׂבַ֥עe קָ֝לֹ֗וןf וּרְאֵ֥הg עָנְיִֽיh ׃

16 וְ֭יִגְאֶהa כַּשַּׁ֣חַלb תְּצוּדֵ֑נִיc וְ֝תָשֹׁ֗בd תִּתְפַּלָּאe ־בִֽי׃

17 תְּחַדֵּ֬שׁa עֵדֶ֨יךָ׀ נֶגְדִּ֗י וְתֶ֣רֶבb כַּֽ֭עַשְׂךָc עִמָּדִ֑יd חֲלִיפֹ֖ותe וְצָבָ֣א עִמִּֽי׃

18 וְלָ֣מָּה מֵ֭רֶחֶםa הֹצֵאתָ֑נִיb אֶ֝גְוַ֗עc וְעַ֣יִן לֹא־תִרְאֵֽנִיd ׃

19 כַּאֲשֶׁ֣ר לֹא־הָיִ֣יתִיa אֶהְיֶ֑הb מִ֝בֶּ֗טֶן לַקֶּ֥בֶר אוּבָֽלc ׃

20 הֲלֹא־מְעַ֣ט יָמַ֣י יחדלa ישׁיתb מִ֝מֶּ֗נִּי וְאַבְלִ֥יגָהc מְּעָֽט׃

21 בְּטֶ֣רֶם אֵ֭לֵךְa וְלֹ֣א אָשׁ֑וּבb אֶל־אֶ֖רֶץ חֹ֣שֶׁךְ וְצַלְמָֽוֶתc ׃

22 אֶ֤רֶץ עֵיפָ֨תָהa ׀ כְּמֹ֥ו אֹ֗פֶלb צַ֭לְמָוֶתc וְלֹ֥א סְדָרִ֗יםd וַתֹּ֥פַעe כְּמֹו־אֹֽפֶלf ׃ פ

11

וַ֭יַּעַןa צֹפַ֥רb הַֽנַּעֲמָתִ֗יc וַיֹּאמַֽרd ׃

2 הֲרֹ֣ב דְּ֭בָרִים לֹ֣א יֵעָנֶ֑הa וְאִם־אִ֖ישׁ שְׂפָתַ֣יִם יִצְדָּֽקb ׃

3 בַּ֭דֶּיךָa מְתִ֣יםb יַחֲרִ֑ישׁוc וַ֝תִּלְעַ֗גd וְאֵ֣ין מַכְלִֽםe ׃

4 וַ֭תֹּאמֶרa זַ֣ךְb לִקְחִ֑יc וּ֝בַ֗רd הָיִ֥יתִיe בְעֵינֶֽיךָ׃

5 וְֽאוּלָ֗םa מִֽי־יִתֵּ֣ןb אֱלֹ֣והַּ דַּבֵּ֑רc וְיִפְתַּ֖חd שְׂפָתָ֣יו עִמָּֽךְ׃

6 וְיַגֶּדa ־לְךָ֨׀ תַּֽעֲלֻמֹ֣ותb חָכְמָה֮ כִּֽי־כִפְלַ֢יִםc לְֽת֫וּשִׁיָּ֥הd וְדַ֡עe כִּֽי־יַשֶּׁ֥הf לְךָ֥ אֱ֝לֹ֗והַ מֵעֲוֹנֶֽךָ׃

7 הַחֵ֣קֶרa אֱלֹ֣והַ תִּמְצָ֑אb אִ֤ם עַד־תַּכְלִ֖יתc שַׁדַּ֣יd תִּמְצָֽאe ׃

8 גָּבְהֵ֣יa שָׁ֭מַיִם מַה־תִּפְעָ֑לb עֲמֻקָּ֥הc מִ֝שְּׁאֹ֗ול מַה־תֵּדָֽעd ׃

9 אֲרֻכָּ֣הa מֵאֶ֣רֶץ מִדָּ֑הּ וּ֝רְחָבָ֗הb מִנִּי־יָֽם׃

10 אִם־יַחֲלֹ֥ףa וְיַסְגִּ֑ירb וְ֝יַקְהִ֗ילc וּמִ֣י יְשִׁיבֶֽנּוּd ׃

11 כִּי־ה֭וּא יָדַ֣עa מְתֵיb ־שָׁ֑וְא וַיַּרְאc ־אָ֝֗וֶן וְלֹ֣א יִתְבֹּונָֽןd ׃

12 וְאִ֣ישׁ נָ֭בוּבa יִלָּבֵ֑בb וְעַ֥יִרc פֶּ֝֗רֶאd אָדָ֥ם יִוָּלֵֽדe ׃

13 אִם־אַ֭תָּ֗ה הֲכִינֹ֣ותָa לִבֶּ֑ךָ וּפָרַשְׂתָּ֖b אֵלָ֣יו כַּפֶּֽךָ׃

14 אִם־אָ֣וֶן בְּ֭יָדְךָ הַרְחִיקֵ֑הוּa וְאַל־תַּשְׁכֵּ֖ןb בְּאֹהָלֶ֣יךָ עַוְלָֽהc ׃

15 כִּי־אָ֤ז׀ תִּשָּׂ֣אa פָנֶ֣יךָ מִמּ֑וּםb וְהָיִ֥יתָc מֻ֝צָ֗ק וְלֹ֣א תִירָֽאd ׃

16 כִּי־אַ֭תָּה עָמָ֣ל תִּשְׁכָּ֑חa כְּמַ֖יִם עָבְר֣וּb תִזְכֹּֽרc ׃

17 וּֽ֭מִצָּהֳרַיִםa יָק֣וּםb חָ֑לֶדc תָּ֝עֻ֗פָהd כַּבֹּ֥קֶר תִּהְיֶֽהe ׃

18 וּֽ֭בָטַחְתָּa כִּי־יֵ֣שׁ תִּקְוָ֑הb וְ֝חָפַרְתָּ֗c לָבֶ֥טַחd תִּשְׁכָּֽבe ׃

19 וְֽ֭רָבַצְתָּa וְאֵ֣ין מַחֲרִ֑ידb וְחִלּ֖וּc פָנֶ֣יךָ רַבִּֽים׃

20 וְעֵינֵ֥י רְשָׁעִ֗ים תִּ֫כְלֶ֥ינָהa וּ֭מָנֹוסb אָבַ֣דc מִנְהֶ֑ם וְ֝תִקְוָתָ֗םd מַֽפַּחe ־נָֽפֶשׁ׃ פ

12

וַיַּ֥עַןa אִיֹּ֗וב וַיֹּאמַֽרb ׃

2 אָ֭מְנָםa כִּ֣י אַתֶּם־עָ֑ם וְ֝עִמָּכֶ֗ם תָּמ֥וּתb חָכְמָֽה׃

3 גַּם־לִ֤י לֵבָ֨ב׀ כְּֽמֹוכֶ֗ם לֹא־נֹפֵ֣לa אָנֹכִ֣י מִכֶּ֑ם וְאֶת־מִי־אֵ֥ין כְּמֹו־אֵֽלֶּה׃

4 שְׂחֹ֤קa לְרֵעֵ֨הוּ׀ אֶֽהְיֶ֗הb קֹרֵ֣אc לֶ֭אֱלֹוהַּ וַֽיַּעֲנֵ֑הוּd שְׂ֝חֹ֗וקe צַדִּ֥יק תָּמִֽים׃

5 לַפִּ֣ידa בּ֭וּזb לְעַשְׁתּ֣וּתc שַׁאֲנָ֑ןd נָ֝כֹ֗וןe לְמֹ֣ועֲדֵיf רָֽגֶל׃

6 יִשְׁלָ֤יוּa אֹֽהָלִ֨ים׀ לְשֹׁ֥דְדִ֗ים וּֽ֭בַטֻּחֹותb לְמַרְגִּ֣יזֵיc אֵ֑ל לַאֲשֶׁ֤ר הֵבִ֖יאd אֱלֹ֣והַּ בְּיָדֹֽו׃

7 וְֽאוּלָ֗םa שְׁאַלb ־נָ֣א בְהֵמֹ֣ות וְתֹרֶ֑ךָּc וְעֹ֥וף הַ֝שָּׁמַ֗יִם וְיַגֶּדd ־לָֽךְ׃

8 אֹ֤ו שִׂ֣יחַa לָאָ֣רֶץ וְתֹרֶ֑ךָּb וִֽיסַפְּר֥וּc לְ֝ךָ֗ דְּגֵ֣יd הַיָּֽם׃

9 מִ֭י לֹא־יָדַ֣עa בְּכָל־אֵ֑לֶּה כִּ֥י יַד־יְ֝הוָה עָ֣שְׂתָהb זֹּֽאת׃

10 אֲשֶׁ֣ר בְּ֭יָדֹו נֶ֣פֶשׁ כָּל־חָ֑י וְ֝ר֗וּחַ כָּל־בְּשַׂר־אִֽישׁ׃

11 הֲלֹא־אֹ֭זֶן מִלִּ֣יןa תִּבְחָ֑ןb וְ֝חֵ֗ךְc אֹ֣כֶלd יִטְעַםe ־לֹֽו׃

12 בִּֽישִׁישִׁ֥יםa חָכְמָ֑ה וְאֹ֖רֶךְ יָמִ֣ים תְּבוּנָֽהb ׃

13 עִ֭מֹּו חָכְמָ֣ה וּגְבוּרָ֑ה לֹ֝֗ו עֵצָ֥ה וּתְבוּנָֽהa ׃

14 הֵ֣ן יַ֭הֲרֹוסa וְלֹ֣א יִבָּנֶ֑הb יִסְגֹּ֥רc עַל־אִ֝֗ישׁ וְלֹ֣א יִפָּתֵֽחַd ׃

15 הֵ֤ן יַעְצֹ֣רa בַּמַּ֣יִם וְיִבָ֑שׁוּb וִֽ֝ישַׁלְּחֵ֗םc וְיַ֖הַפְכוּd אָֽרֶץ׃

16 עִ֭מֹּו עֹ֣ז וְתוּשִׁיָּ֑הa לֹ֝֗ו שֹׁגֵ֥גb וּמַשְׁגֶּֽהc ׃

17 מֹולִ֣יךְa יֹועֲצִ֣ים שֹׁולָ֑לb וְֽשֹׁפְטִ֥ים יְהֹולֵֽלc ׃

18 מוּסַ֣ר מְלָכִ֣ים פִּתֵּ֑חַa וַיֶּאְסֹ֥רb אֵ֝זֹ֗ורc בְּמָתְנֵיהֶֽםd ׃

19 מֹולִ֣יךְa כֹּהֲנִ֣ים שֹׁולָ֑לb וְאֵֽתָנִ֣יםc יְסַלֵּֽףd ׃

20 מֵסִ֣ירa שָׂ֭פָה לְנֶאֱמָנִ֑ים וְטַ֖עַםb זְקֵנִ֣ים יִקָּֽחc ׃

21 שֹׁופֵ֣ךְa בּ֭וּזb עַל־נְדִיבִ֑יםc וּמְזִ֖יחַd אֲפִיקִ֣יםe רִפָּֽהf ׃

22 מְגַלֶּ֣הa עֲ֭מֻקֹותb מִנִּי־חֹ֑שֶׁךְ וַיֹּצֵ֖אc לָאֹ֣ור צַלְמָֽוֶתd ׃

23 מַשְׂגִּ֣יאa לַ֭גֹּויִם וַֽיְאַבְּדֵ֑םb שֹׁטֵ֥חַc לַ֝גֹּויִ֗ם וַיַּנְחֵֽםd ׃

24 מֵסִ֗ירa לֵ֭ב רָאשֵׁ֣י עַם־הָאָ֑רֶץ וַ֝יַּתְעֵ֗םb בְּתֹ֣הוּc לֹא־דָֽרֶךְ׃

25 יְמַֽשְׁשׁוּa ־חֹ֥שֶׁךְ וְלֹא־אֹ֑ור וַ֝יַּתְעֵ֗םb כַּשִּׁכֹּֽורc ׃

13

הֶן־כֹּ֖ל רָאֲתָ֣הa עֵינִ֑י שָֽׁמְעָ֥הb אָ֝זְנִ֗י וַתָּ֥בֶןc לָֽהּ׃

2 כְּֽ֭דַעְתְּכֶם יָדַ֣עְתִּיa גַם־אָ֑נִי לֹא־נֹפֵ֖לb אָנֹכִ֣י מִכֶּֽם׃

3 אוּלָ֗םa אֲ֭נִי אֶל־שַׁדַּ֣יb אֲדַבֵּ֑רc וְהֹוכֵ֖חַd אֶל־אֵ֣ל אֶחְפָּֽץe ׃

4 וְֽאוּלָ֗םa אַתֶּ֥ם טֹֽפְלֵיb ־שָׁ֑קֶר רֹפְאֵ֖י אֱלִ֣לc כֻּלְּכֶֽם׃

5 מִֽי־יִ֭תֵּןa הַחֲרֵ֣שׁb תַּחֲרִישׁ֑וּןc וּתְהִ֖יd לָכֶ֣ם לְחָכְמָֽה׃

6 שִׁמְעוּa ־נָ֥א תֹוכַחְתִּ֑יb וְרִבֹ֖ותc שְׂפָתַ֣י הַקְשִֽׁיבוּd ׃

7 הַ֭לְאֵל תְּדַבְּר֣וּa עַוְלָ֑הb וְ֝לֹ֗ו תְּֽדַבְּר֥וּc רְמִיָּֽהd ׃

8 הֲפָנָ֥יו תִּשָּׂא֑וּןa אִם־לָאֵ֥ל תְּרִיבֽוּןb ׃

9 הֲ֭טֹוב כִּֽי־יַחְקֹ֣רa אֶתְכֶ֑ם אִם־כְּהָתֵ֥לb בֶּ֝אֱנֹ֗ושׁc תְּהָתֵ֥לּוּd בֹֽו׃

10 הֹוכֵ֣חַ יֹוכִ֣יחַa אֶתְכֶ֑ם אִם־בַּ֝סֵּ֗תֶרb פָּנִ֥ים תִּשָּׂאֽוּןc ׃

11 הֲלֹ֣א שְׂ֭אֵתֹוa תְּבַעֵ֣תb אֶתְכֶ֑ם וּ֝פַחְדֹּ֗וc יִפֹּ֥לd עֲלֵיכֶֽם׃

12 זִֽ֭כְרֹנֵיכֶםa מִשְׁלֵיb ־אֵ֑פֶרc לְגַבֵּיd ־חֹ֝֗מֶרe גַּבֵּיכֶֽםf ׃

13 הַחֲרִ֣ישׁוּa מִ֭מֶּנִּי וַאֲדַבְּרָהb ־אָ֑נִי וְיַעֲבֹ֖רc עָלַ֣י מָֽה׃

14 עַל־מָ֤ה׀ אֶשָּׂ֣אa בְשָׂרִ֣י בְשִׁנָּ֑י וְ֝נַפְשִׁ֗י אָשִׂ֥יםb בְּכַפִּֽי׃

15 הֵ֣ן יִ֭קְטְלֵנִיa לאb אֲיַחֵ֑לc אַךְ־דְּ֝רָכַ֗י אֶל־פָּנָ֥יו אֹוכִֽיחַd ׃

16 גַּם־הוּא־לִ֥י לִֽישׁוּעָ֑ה כִּי־לֹ֥א לְ֝פָנָ֗יו חָנֵ֥ףa יָבֹֽואb ׃

17 שִׁמְע֣וּa שָׁ֭מֹועַ מִלָּתִ֑יb וְ֝אַֽחֲוָתִ֗יc בְּאָזְנֵיכֶֽם׃

18 הִנֵּה־נָ֭א עָרַ֣כְתִּיa מִשְׁפָּ֑ט יָ֝דַ֗עְתִּיb כִּֽי־אֲנִ֥י אֶצְדָּֽקc ׃

19 מִי־ה֭וּא יָרִ֣יבa עִמָּדִ֑יb כִּֽי־עַתָּ֖ה אַחֲרִ֣ישׁc וְאֶגְוָֽעd ׃

20 אַךְ־שְׁ֭תַּיִם אַל־תַּ֣עַשׂa עִמָּדִ֑יb אָ֥ז מִ֝פָּנֶ֗יךָ לֹ֣א אֶסָּתֵֽרc ׃

21 כַּ֭פְּךָ מֵעָלַ֣י הַרְחַ֑קa וְ֝אֵ֥מָתְךָ֗b אַֽל־תְּבַעֲתַֽנִּיc ׃

22 וּ֭קְרָאa וְאָנֹכִ֣י אֶֽעֱנֶ֑הb אֹֽו־אֲ֝דַבֵּ֗רc וַהֲשִׁיבֵֽנִיd ׃

23 כַּמָּ֣ה לִ֭י עֲוֹנֹ֣ות וְחַטָּאֹ֑ות פִּֽשְׁעִ֥י וְ֝חַטָּאתִ֗י הֹדִיעֵֽנִיa ׃

24 לָֽמָּה־פָנֶ֥יךָ תַסְתִּ֑ירa וְתַחְשְׁבֵ֖נִיb לְאֹויֵ֣ב לָֽךְ׃

25 הֶעָלֶ֣הa נִדָּ֣ףb תַּעֲרֹ֑וץc וְאֶת־קַ֖שׁd יָבֵ֣שׁe תִּרְדֹּֽףf ׃

26 כִּֽי־תִכְתֹּ֣בa עָלַ֣י מְרֹרֹ֑ותb וְ֝תֹורִישֵׁ֗נִיc עֲוֹנֹ֥ות נְעוּרָֽיd ׃

27 וְתָ֘שֵׂ֤םa בַּסַּ֨דb ׀ רַגְלַ֗י וְתִשְׁמֹ֥ורc כָּל־אָרְחֹותָ֑י עַל־שָׁרְשֵׁ֥יd רַ֝גְלַ֗י תִּתְחַקֶּֽהe ׃

28 וְ֭הוּא כְּרָקָ֣בa יִבְלֶ֑הb כְּ֝בֶ֗גֶד אֲכָ֣לֹוc עָֽשׁd ׃

14

אָ֭דָם יְל֣וּד אִשָּׁ֑ה קְצַ֥רa יָ֝מִ֗ים וּֽשְׂבַֽעb ־רֹֽגֶזc ׃

2 כְּצִ֣יץa יָ֭צָאb וַיִּמָּ֑לc וַיִּבְרַ֥חd כַּ֝צֵּ֗ל וְלֹ֣א יַעֲמֹֽודe ׃

3 אַף־עַל־זֶ֭ה פָּקַ֣חְתָּa עֵינֶ֑ךָ וְאֹ֘תִ֤י תָבִ֖יאb בְמִשְׁפָּ֣ט עִמָּֽךְ׃

4 מִֽי־יִתֵּ֣ןa טָ֭הֹור מִטָּמֵ֗א לֹ֣א אֶחָֽד׃

5 אִ֥ם חֲרוּצִ֨יםa ׀ יָמָ֗יו מִֽסְפַּר־חֳדָשָׁ֥יו אִתָּ֑ךְ חקוb עָ֝שִׂ֗יתָc וְלֹ֣א יַעֲבֹֽורd ׃

6 שְׁעֵ֣הa מֵעָלָ֣יו וְיֶחְדָּ֑לb עַד־יִ֝רְצֶ֗הc כְּשָׂכִ֥ירd יֹומֹֽו׃

7 כִּ֤י יֵ֥שׁ לָעֵ֗ץ תִּ֫קְוָ֥הa אִֽם־יִ֭כָּרֵתb וְעֹ֣וד יַחֲלִ֑יףc וְ֝יֹֽנַקְתֹּ֗וd לֹ֣א תֶחְדָּֽלe ׃

8 אִם־יַזְקִ֣יןa בָּאָ֣רֶץ שָׁרְשֹׁ֑וb וּ֝בֶעָפָ֗ר יָמ֥וּתc גִּזְעֹֽוd ׃

9 מֵרֵ֣יחַ מַ֣יִם יַפְרִ֑חַa וְעָשָׂ֖הb קָצִ֣ירc כְּמֹו־נָֽטַעd ׃

10 וְגֶ֣בֶר יָ֭מוּתa וַֽיֶּחֱלָ֑שׁb וַיִּגְוַ֖עc אָדָ֣ם וְאַיֹּֽוd ׃

11 אָֽזְלוּa ־מַ֭יִם מִנִּי־יָ֑ם וְ֝נָהָ֗ר יֶחֱרַ֥בb וְיָבֵֽשׁc ׃

12 וְאִ֥ישׁ שָׁכַ֗בa וְֽלֹא־יָ֫ק֥וּםb עַד־בִּלְתִּ֣י שָׁ֭מַיִם לֹ֣א יָקִ֑יצוּc וְלֹֽא־יֵ֝עֹ֗רוּd מִשְּׁנָתָֽםe ׃

13 מִ֤י יִתֵּ֨ןa ׀ בִּשְׁאֹ֬ול תַּצְפִּנֵ֗נִיb תַּ֭סְתִּירֵנִיc עַד־שׁ֣וּבd אַפֶּ֑ךָ תָּ֤שִֽׁיתe לִ֖י חֹ֣ק וְתִזְכְּרֵֽנִיf ׃

14 אִם־יָמ֥וּתa גֶּ֗בֶר הֲיִ֫חְיֶ֥הb כָּל־יְמֵ֣י צְבָאִ֣י אֲיַחֵ֑לc עַד־בֹּ֝֗ואd חֲלִיפָתִֽיe ׃

15 תִּ֭קְרָאa וְאָנֹכִ֣י אֶֽעֱנֶ֑ךָּb לְֽמַעֲשֵׂ֖ה יָדֶ֣יךָ תִכְסֹֽףc ׃

16 כִּֽי־עַ֭תָּה צְעָדַ֣יa תִּסְפֹּ֑ורb לֹֽא־תִ֝שְׁמֹ֗ורc עַל־חַטָּאתִֽי׃

17 חָתֻ֣םa בִּצְרֹ֣ורb פִּשְׁעִ֑י וַ֝תִּטְפֹּ֗לc עַל־עֲוֹנִֽי׃

18 וְ֭אוּלָםa הַר־נֹופֵ֣ל יִבֹּ֑ולb וְ֝צ֗וּר יֶעְתַּ֥קc מִמְּקֹמֹֽו׃

19 אֲבָנִ֤ים׀ שָׁ֥חֲקוּa מַ֗יִם תִּשְׁטֹֽףb ־סְפִיחֶ֥יהָc עֲפַר־אָ֑רֶץ וְתִקְוַ֖תd אֱנֹ֣ושׁe הֶאֱבַֽדְתָּf ׃

20 תִּתְקְפֵ֣הוּa לָ֭נֶצַחb וַֽיַּהֲלֹ֑ךְc מְשַׁנֶּ֥הd פָ֝נָ֗יו וַֽתְּשַׁלְּחֵֽהוּe ׃

21 יִכְבְּד֣וּa בָ֭נָיו וְלֹ֣א יֵדָ֑עb וְ֝יִצְעֲר֗וּc וְֽלֹא־יָבִ֥יןd לָֽמֹו׃

22 אַךְ־בְּ֭שָׂרֹו עָלָ֣יו יִכְאָ֑בa וְ֝נַפְשֹׁ֗ו עָלָ֥יו תֶּאֱבָֽלb ׃ פ

15

וַ֭יַּעַןa אֱלִיפַ֥זb הַֽתֵּימָנִ֗יc וַיֹּאמַֽרd ׃

2 הֶֽחָכָ֗ם יַעֲנֶ֥הa דַֽעַת־ר֑וּחַ וִֽימַלֵּ֖אb קָדִ֣ים בִּטְנֹֽו׃

3 הֹוכֵ֣חַa בְּ֭דָבָר לֹ֣א יִסְכֹּ֑וןb וּ֝מִלִּ֗יםc לֹא־יֹועִ֥ילd בָּֽם׃

4 אַף־אַ֭תָּה תָּפֵ֣רa יִרְאָ֑הb וְתִגְרַ֥עc שִׂ֝יחָ֗הd לִפְנֵי־אֵֽל׃

5 כִּ֤י יְאַלֵּ֣ףa עֲוֹנְךָ֣ פִ֑יךָ וְ֝תִבְחַ֗רb לְשֹׁ֣ון עֲרוּמִֽיםc ׃

6 יַרְשִֽׁיעֲךָ֣a פִ֣יךָ וְלֹא־אָ֑נִי וּ֝שְׂפָתֶ֗יךָ יַעֲנוּb ־בָֽךְ׃

7 הֲרִאישֹׁ֣ון אָ֭דָם תִּוָּלֵ֑דa וְלִפְנֵ֖י גְבָעֹ֣ות חֹולָֽלְתָּb ׃

8 הַבְסֹ֣ודa אֱלֹ֣והַ תִּשְׁמָ֑עb וְתִגְרַ֖עc אֵלֶ֣יךָ חָכְמָֽה׃

9 מַה־יָּ֭דַעְתָּa וְלֹ֣א נֵדָ֑עb תָּ֝בִ֗יןc וְֽלֹא־עִמָּ֥נוּ הֽוּא׃

10 גַּם־שָׂ֣בa גַּם־יָשִׁ֣ישׁb בָּ֑נוּ כַּבִּ֖ירc מֵאָבִ֣יךָ יָמִֽים׃

11 הַמְעַ֣ט מִ֭מְּךָ תַּנְחֻמֹ֣ותa אֵ֑ל וְ֝דָבָ֗ר לָאַ֥טb עִמָּֽךְ׃

12 מַה־יִּקָּחֲךָ֥a לִבֶּ֑ךָ וּֽמַה־יִּרְזְמ֥וּןb עֵינֶֽיךָ׃

13 כִּֽי־תָשִׁ֣יבa אֶל־אֵ֣ל רוּחֶ֑ךָ וְהֹצֵ֖אתָb מִפִּ֣יךָ מִלִּֽיןc ׃

14 מָֽה־אֱנֹ֥ושׁa כִּֽי־יִזְכֶּ֑הb וְכִֽי־יִ֝צְדַּ֗קc יְל֣וּד אִשָּֽׁה׃

15 הֵ֣ן בקדשׁוa לֹ֣א יַאֲמִ֑יןb וְ֝שָׁמַ֗יִם לֹא־זַכּ֥וּc בְעֵינָֽיו׃

16 אַ֭ף כִּֽי־נִתְעָ֥בa וְֽנֶאֱלָ֑חb אִישׁ־שֹׁתֶ֖הc כַמַּ֣יִם עַוְלָֽהd ׃

17 אֲחַוְךָ֥a שְֽׁמַֽעb ־לִ֑י וְזֶֽה־חָ֝זִ֗יתִיc וַאֲסַפֵּֽרָהd ׃

18 אֲשֶׁר־חֲכָמִ֥ים יַגִּ֑ידוּa וְלֹ֥א כִֽ֝חֲד֗וּb מֵאֲבֹותָֽם׃

19 לָהֶ֣ם לְ֭בַדָּם נִתְּנָ֣הa הָאָ֑רֶץ וְלֹא־עָ֖בַרb זָ֣ר בְּתֹוכָֽם׃

20 כָּל־יְמֵ֣י רָ֭שָׁע ה֣וּא מִתְחֹולֵ֑לa וּמִסְפַּ֥ר שָׁ֝נִ֗ים נִצְפְּנ֥וּb לֶעָרִֽיץc ׃

21 קֹול־פְּחָדִ֥יםa בְּאָזְנָ֑יו בַּ֝שָּׁלֹ֗ום שֹׁודֵ֥ד יְבֹואֶֽנּוּb ׃

22 לֹא־יַאֲמִ֣יןa שׁ֭וּבb מִנִּי־חֹ֑שֶׁךְ וצפוc ה֣וּא אֱלֵי־חָֽרֶב׃

23 נֹ֘דֵ֤דa ה֣וּא לַלֶּ֣חֶם אַיֵּ֑הb יָדַ֓עc ׀ כִּֽי־נָכֹ֖וןd בְּיָדֹ֣ו יֹֽום־חֹֽשֶׁךְ׃

24 יְֽ֭בַעֲתֻהוּa צַ֣רb וּמְצוּקָ֑הc תִּ֝תְקְפֵ֗הוּd כְּמֶ֤לֶךְ׀ עָתִ֬ידe לַכִּידֹֽורf ׃

25 כִּֽי־נָטָ֣הa אֶל־אֵ֣ל יָדֹ֑ו וְאֶל־שַׁ֝דַּ֗יb יִתְגַּבָּֽרc ׃

26 יָר֣וּץa אֵלָ֣יו בְּצַוָּ֑ארb בַּ֝עֲבִ֗יc גַּבֵּ֥יd מָֽגִנָּֽיו׃

27 כִּֽי־כִסָּ֣הa פָנָ֣יו בְּחֶלְבֹּ֑ו וַיַּ֖עַשׂb פִּימָ֣הc עֲלֵי־כָֽסֶלd ׃

28 וַיִּשְׁכֹּ֤וןa ׀ עָ֘רִ֤ים נִכְחָדֹ֗ותb בָּ֭תִּים לֹא־יֵ֣שְׁבוּc לָ֑מֹו אֲשֶׁ֖ר הִתְעַתְּד֣וּd לְגַלִּֽיםe ׃

29 לֹֽא־יֶ֖עְשַׁרa וְלֹא־יָק֣וּםb חֵילֹ֑ו וְלֹֽא־יִטֶּ֖הc לָאָ֣רֶץ מִנְלָֽםd ׃

30 לֹֽא־יָס֨וּרa ׀ מִנִּי־חֹ֗שֶׁךְ יֹֽ֭נַקְתֹּוb תְּיַבֵּ֣שׁc שַׁלְהָ֑בֶתd וְ֝יָס֗וּרe בְּר֣וּחַ פִּֽיו׃

31 אַל־יַאֲמֵ֣ןa בשׁוb נִתְעָ֑הc כִּי־שָׁ֝֗וְא תִּהְיֶ֥הd תְמוּרָתֹֽוe ׃

32 בְּֽלֹא־יֹ֭ומֹו תִּמָּלֵ֑אa וְ֝כִפָּתֹ֗וb לֹ֣א רַעֲנָֽנָהc ׃

33 יַחְמֹ֣סa כַּגֶּ֣פֶן בִּסְרֹ֑וb וְיַשְׁלֵ֥ךְc כַּ֝זַּ֗יִתd נִצָּתֹֽוe ׃

34 כִּֽי־עֲדַ֣ת חָנֵ֣ףa גַּלְמ֑וּדb וְ֝אֵ֗שׁ אָכְלָ֥הc אָֽהֳלֵי־שֹֽׁחַדd ׃

35 הָרֹ֣הa עָ֭מָל וְיָלֹ֣דb אָ֑וֶן וּ֝בִטְנָ֗ם תָּכִ֥יןc מִרְמָֽהd ׃ ס

16

וַיַּ֥עַןa אִיֹּ֗וב וַיֹּאמַֽרb ׃

2 שָׁמַ֣עְתִּיa כְאֵ֣לֶּה רַבֹּ֑ות מְנַחֲמֵ֖י עָמָ֣ל כֻּלְּכֶֽם׃

3 הֲקֵ֥ץ לְדִבְרֵי־ר֑וּחַ אֹ֥ו מַה־יַּ֝מְרִֽיצְךָ֗a כִּ֣י תַעֲנֶֽהb ׃

4 גַּ֤ם׀ אָנֹכִי֮ כָּכֶ֢ם אֲדַ֫בֵּ֥רָהa ל֤וּb ־יֵ֪שׁ נַפְשְׁכֶ֡ם תַּ֤חַת נַפְשִׁ֗י אַחְבִּ֣ירָהc עֲלֵיכֶ֣ם בְּמִלִּ֑יםd וְאָנִ֥יעָהe עֲ֝לֵיכֶ֗ם בְּמֹ֣וf רֹאשִֽׁי׃

5 אֲאַמִּצְכֶ֥םa בְּמֹוb ־פִ֑י וְנִ֖ידc שְׂפָתַ֣י יַחְשֹֽׂךְd ׃

6 אִֽם־אֲ֭דַבְּרָהa לֹא־יֵחָשֵׂ֣ךְb כְּאֵבִ֑יc וְ֝אַחְדְּלָ֗הd מַה־מִנִּ֥י יַהֲלֹֽךְe ׃

7 אַךְ־עַתָּ֥ה הֶלְאָ֑נִיa הֲ֝שִׁמֹּ֗ותָb כָּל־עֲדָתִֽי׃

8 וַֽ֭תִּקְמְטֵנִיa לְעֵ֣ד הָיָ֑הb וַיָּ֥קָםc בִּ֥י כַ֝חֲשִׁ֗יd בְּפָנַ֥י יַעֲנֶֽהe ׃

9 אַפֹּ֤ו טָרַ֨ףa ׀ וַֽיִּשְׂטְמֵ֗נִיb חָרַ֣קc עָלַ֣י בְּשִׁנָּ֑יו צָרִ֓י׀ יִלְטֹ֖ושׁd עֵינָ֣יו לִֽי׃

10 פָּעֲר֬וּa עָלַ֨י׀ בְּפִיהֶ֗ם בְּ֭חֶרְפָּה הִכּ֣וּb לְחָיָ֑יc יַ֝֗חַדd עָלַ֥י יִתְמַלָּאֽוּןe ׃

11 יַסְגִּירֵ֣נִיa אֵ֭ל אֶ֣ל עֲוִ֑ילb וְעַל־יְדֵ֖י רְשָׁעִ֣ים יִרְטֵֽנִיc ׃

12 שָׁ֘לֵ֤וa הָיִ֨יתִיb ׀ וַֽיְפַרְפְּרֵ֗נִיc וְאָחַ֣זd בְּ֭עָרְפִּיe וַֽיְפַצְפְּצֵ֑נִיf וַיְקִימֵ֥נִיg לֹ֝֗ו לְמַטָּרָֽהh ׃

13 יָ֘סֹ֤בּוּa עָלַ֨י׀ רַבָּ֗יוb יְפַלַּ֣חc כִּ֭לְיֹותַיd וְלֹ֣א יַחְמֹ֑ולe יִשְׁפֹּ֥ךְf לָ֝אָ֗רֶץ מְרֵרָֽתִיg ׃

14 יִפְרְצֵ֣נִיa פֶ֭רֶץb עַל־פְּנֵי־פָ֑רֶץc יָרֻ֖ץd עָלַ֣י כְּגִבֹּֽור׃

15 שַׂ֣קa תָּ֭פַרְתִּיb עֲלֵ֣י גִלְדִּ֑יc וְעֹלַ֖לְתִּיd בֶעָפָ֣ר קַרְנִֽי׃

16 פָּנַ֣י חמרמרהa מִנִּי־בֶ֑כִיb וְעַ֖ל עַפְעַפַּ֣יc צַלְמָֽוֶתd ׃

17 עַ֭ל לֹא־חָמָ֣ס בְּכַפָּ֑י וּֽתְפִלָּתִ֥י זַכָּֽהa ׃

18 אֶ֭רֶץ אַל־תְּכַסִּ֣יa דָמִ֑י וְֽאַל־יְהִ֥יb מָ֝קֹ֗ום לְזַעֲקָתִֽיc ׃

19 גַּם־עַ֭תָּה הִנֵּה־בַשָּׁמַ֣יִם עֵדִ֑י וְ֝שָׂהֲדִ֗יa בַּמְּרֹומִֽים׃

20 מְלִיצַ֥יa רֵעָ֑י אֶל־אֱ֝לֹ֗והַ דָּלְפָ֥הb עֵינִֽי׃

21 וְיֹוכַ֣חa לְגֶ֣בֶר עִם־אֱלֹ֑והַּ וּֽבֶן־אָדָ֥ם לְרֵעֵֽהוּ׃

22 כִּֽי־שְׁנֹ֣ות מִסְפָּ֣ר יֶאֱתָ֑יוּa וְאֹ֖רַח לֹא־אָשׁ֣וּבb אֶהֱלֹֽךְc ׃

17

רוּחִ֣י חֻ֭בָּלָהa יָמַ֥י נִזְעָ֗כוּb קְבָרִ֥ים לִֽי׃

2 אִם־לֹ֣א הֲ֭תֻלִיםa עִמָּדִ֑יb וּ֝בְהַמְּרֹותָ֗םc תָּלַ֥ןd עֵינִֽי׃

3 שִֽׂימָהa ־נָּ֭א עָרְבֵ֣נִיb עִמָּ֑ךְ מִֽי ה֝֗וּא לְיָדִ֥י יִתָּקֵֽעַc ׃

4 כִּֽי־לִ֭בָּם צָפַ֣נְתָּa מִשָּׂ֑כֶלb עַל־כֵּ֝֗ן לֹ֣א תְרֹמֵֽםc ׃

5 לְ֭חֵלֶק יַגִּ֣ידa רֵעִ֑ים וְעֵינֵ֖י בָנָ֣יו תִּכְלֶֽנָהb ׃

6 וְֽ֭הִצִּגַנִיa לִמְשֹׁ֣לb עַמִּ֑ים וְתֹ֖פֶתc לְפָנִ֣ים אֶֽהְיֶֽהd ׃

7 וַתֵּ֣כַהּa מִכַּ֣עַשׂb עֵינִ֑י וִֽיצֻרַ֖יc כַּצֵּ֣ל כֻּלָּֽם׃

8 יָשֹׁ֣מּוּa יְשָׁרִ֣ים עַל־זֹ֑את וְ֝נָקִ֗יb עַל־חָנֵ֥ףc יִתְעֹרָֽרd ׃

9 וְיֹאחֵ֣זa צַדִּ֣יק דַּרְכֹּ֑ו וּֽטֳהָר־יָ֝דַ֗יִם יֹסִ֥יףb אֹֽמֶץc ׃

10 וְֽאוּלָ֗םa כֻּלָּ֣ם תָּ֭שֻׁבוּb וּבֹ֣אוּc נָ֑א וְלֹֽא־אֶמְצָ֖אd בָכֶ֣ם חָכָֽם׃

11 יָמַ֣י עָ֭בְרוּa זִמֹּתַ֣יb נִתְּק֑וּc מֹ֖ורָשֵׁ֣יd לְבָבִֽי׃

12 לַ֭יְלָה לְיֹ֣ום יָשִׂ֑ימוּa אֹ֝֗ור קָרֹ֥וב מִפְּנֵי־חֹֽשֶׁךְ׃

13 אִם־אֲ֭קַוֶּהa שְׁאֹ֣ול בֵּיתִ֑י בַּ֝חֹ֗שֶׁךְ רִפַּ֥דְתִּיb יְצוּעָֽיc ׃

14 לַשַּׁ֣חַתa קָ֭רָאתִיb אָ֣בִי אָ֑תָּה אִמִּ֥י וַ֝אֲחֹתִ֗י לָֽרִמָּֽהc ׃

15 וְ֭אַיֵּהa אֵפֹ֣וb תִקְוָתִ֑יc וְ֝תִקְוָתִ֗יd מִ֣י יְשׁוּרֶֽנָּהe ׃

16 בַּדֵּ֣י שְׁאֹ֣ל תֵּרַ֑דְנָהa אִם־יַ֖חַדb עַל־עָפָ֣ר נָֽחַתc ׃ ס

18

וַ֭יַּעַןa בִּלְדַּ֥דb הַשֻּׁחִ֗יc וַיֹּאמַֽרd ׃

2 עַד־אָ֤נָהa ׀ תְּשִׂימ֣וּןb קִנְצֵ֣יc לְמִלִּ֑יןd תָּ֝בִ֗ינוּe וְאַחַ֥ר נְדַבֵּֽרf ׃

3 מַ֭דּוּעַ נֶחְשַׁ֣בְנוּa כַבְּהֵמָ֑ה נִ֝טְמִ֗ינוּb בְּעֵינֵיכֶֽם׃

4 טֹֽרֵ֥ףa נַפְשֹׁ֗ו בְּאַ֫פֹּ֥ו הַ֭לְמַעַנְךָ תֵּעָ֣זַבb אָ֑רֶץ וְיֶעְתַּקc ־צ֝֗וּר מִמְּקֹמֹֽו׃

5 גַּ֤ם אֹ֣ור רְשָׁעִ֣ים יִדְעָ֑ךְa וְלֹֽא־יִ֝גַּ֗הּb שְׁבִ֣יבc אִשֹּֽׁו׃

6 אֹ֖ור חָשַׁ֣ךְa בְּאָהֳלֹ֑ו וְ֝נֵרֹ֗וb עָלָ֥יו יִדְעָֽךְc ׃

7 יֵֽ֭צְרוּa צַעֲדֵ֣יb אֹונֹ֑ו וְֽתַשְׁלִיכֵ֥הוּc עֲצָתֹֽו׃

8 כִּֽי־שֻׁלַּ֣חa בְּרֶ֣שֶׁתb בְּרַגְלָ֑יו וְעַל־שְׂ֝בָכָ֗הc יִתְהַלָּֽךְd ׃

9 יֹאחֵ֣זa בְּעָקֵ֣בb פָּ֑חc יַחֲזֵ֖קd עָלָ֣יו צַמִּֽיםe ׃

10 טָמ֣וּןa בָּאָ֣רֶץ חַבְלֹ֑ו וּ֝מַלְכֻּדְתֹּ֗וb עֲלֵ֣י נָתִֽיבc ׃

11 סָ֭בִיב בִּֽעֲתֻ֣הוּa בַלָּהֹ֑ותb וֶהֱפִיצֻ֥הוּc לְרַגְלָֽיו׃

12 יְהִיa ־רָעֵ֥בb אֹנֹ֑ו וְ֝אֵ֗ידc נָכֹ֥וןd לְצַלְעֹֽוe ׃

13 יֹ֭אכַלa בַּדֵּ֣י עֹורֹ֑ו יֹאכַ֥לb בַּ֝דָּ֗יו בְּכֹ֣ור מָֽוֶת׃

14 יִנָּתֵ֣קa מֵ֭אָהֳלֹו מִבְטַחֹ֑וb וְ֝תַצְעִדֵ֗הוּc לְמֶ֣לֶךְ בַּלָּהֹֽותd ׃

15 תִּשְׁכֹּ֣וןa בְּ֭אָהֳלֹו מִבְּלִי־לֹ֑ו יְזֹרֶ֖הb עַל־נָוֵ֣הוּc גָפְרִֽיתd ׃

16 מִ֭תַּחַת שָֽׁרָשָׁ֣יוa יִבָ֑שׁוּb וּ֝מִמַּ֗עַל יִמַּ֥לc קְצִירֹֽוd ׃

17 זִֽכְרֹוa ־אָ֭בַדb מִנִּי־אָ֑רֶץ וְלֹא־שֵׁ֥ם לֹ֝֗ו עַל־פְּנֵי־חֽוּץ׃

18 יֶ֭הְדְּפֻהוּa מֵאֹ֣ור אֶל־חֹ֑שֶׁךְ וּֽמִתֵּבֵ֥לb יְנִדֻּֽהוּc ׃

19 לֹ֘א נִ֤יןa לֹ֣ו וְלֹא־נֶ֣כֶדb בְּעַמֹּ֑ו וְאֵ֥ין שָׂ֝רִ֗ידc בִּמְגוּרָֽיוd ׃

20 עַל־יֹ֖ומֹו נָשַׁ֣מּוּa אַחֲרֹנִ֑ים וְ֝קַדְמֹנִ֗יםb אָ֣חֲזוּc שָֽׂעַרd ׃

21 אַךְ־אֵ֭לֶּה מִשְׁכְּנֹ֣ות עַוָּ֑לa וְ֝זֶ֗ה מְקֹ֣ום לֹא־יָדַֽעb ־אֵֽל׃ ס

19

וַיַּ֥עַןa אִיֹּ֗וב וַיֹּאמַֽרb ׃

2 עַד־אָ֭נָהa תֹּוגְי֣וּןb נַפְשִׁ֑י וּֽתְדַכְּאוּנַ֥נִיc בְמִלִּֽיםd ׃

3 זֶ֤ה עֶ֣שֶׂר פְּ֭עָמִים תַּכְלִימ֑וּנִיa לֹֽא־תֵ֝בֹ֗שׁוּb תַּהְכְּרוּc ־לִֽי׃

4 וְאַף־אָמְנָ֥םa שָׁגִ֑יתִיb אִ֝תִּ֗י תָּלִ֥יןc מְשׁוּגָתִֽיd ׃

5 אִם־אָ֭מְנָםa עָלַ֣י תַּגְדִּ֑ילוּb וְתֹוכִ֥יחוּc עָ֝לַ֗י חֶרְפָּתִּֽי׃

6 דְּֽעוּa ־אֵ֭פֹוb כִּי־אֱלֹ֣והַּ עִוְּתָ֑נִיc וּ֝מְצוּדֹ֗וd עָלַ֥י הִקִּֽיףe ׃

7 הֵ֤ן אֶצְעַ֣קa חָ֭מָס וְלֹ֣א אֵעָנֶ֑הb אֲ֝שַׁוַּ֗עc וְאֵ֣ין מִשְׁפָּֽט׃

8 אָרְחִ֣י גָ֭דַרa וְלֹ֣א אֶעֱבֹ֑ורb וְעַ֥ל נְ֝תִיבֹותַ֗יc חֹ֣שֶׁךְ יָשִֽׂיםd ׃

9 כְּ֭בֹודִי מֵעָלַ֣י הִפְשִׁ֑יטa וַ֝יָּ֗סַרb עֲטֶ֣רֶתc רֹאשִֽׁי׃

10 יִתְּצֵ֣נִיa סָ֭בִיב וָאֵלַ֑ךְb וַיַּסַּ֥עc כָּ֝עֵ֗ץ תִּקְוָתִֽיd ׃

11 וַיַּ֣חַרa עָלַ֣י אַפֹּ֑ו וַיַּחְשְׁבֵ֖נִיb לֹ֣ו כְצָרָֽיו׃

12 יַ֤חַדa ׀ יָ֘בֹ֤אוּb גְדוּדָ֗יוc וַיָּסֹ֣לּוּd עָלַ֣י דַּרְכָּ֑ם וַיַּחֲנ֖וּe סָבִ֣יב לְאָהֳלִֽי׃

13 אַ֭חַי מֵעָלַ֣י הִרְחִ֑יקa וְ֝יֹדְעַ֗י אַךְ־זָ֥רוּb מִמֶּֽנִּי׃

14 חָדְל֥וּa קְרֹובָ֑י וּֽמְיֻדָּעַ֥י שְׁכֵחֽוּנִיb ׃

15 גָּ֘רֵ֤י בֵיתִ֣י וְ֭אַמְהֹתַי לְזָ֣ר תַּחְשְׁבֻ֑נִיa נָ֝כְרִ֗יb הָיִ֥יתִיc בְעֵינֵיהֶֽם׃

16 לְעַבְדִּ֣י קָ֭רָאתִיa וְלֹ֣א יַעֲנֶ֑הb בְּמֹוc ־פִ֝֗י אֶתְחַנֶּןd ־לֹֽו׃

17 ר֭וּחִֽי זָ֣רָהa לְאִשְׁתִּ֑י וְ֝חַנֹּתִ֗יb לִבְנֵ֥י בִטְנִֽי׃

18 גַּם־עֲ֭וִילִיםa מָ֣אֲסוּb בִ֑י אָ֝ק֗וּמָהc וַיְדַבְּרוּd ־בִֽי׃

19 תִּֽ֭עֲבוּנִיa כָּל־מְתֵ֣יb סֹודִ֑יc וְזֶֽה־אָ֝הַ֗בְתִּיd נֶהְפְּכוּe ־בִֽי׃

20 בְּעֹורִ֣י וּ֭בִבְשָׂרִי דָּבְקָ֣הa עַצְמִ֑י וָ֝אֶתְמַלְּטָ֗הb בְּעֹ֣ור שִׁנָּֽי׃

21 חָנֻּ֬נִיa חָנֻּ֣נִיb אַתֶּ֣ם רֵעָ֑י כִּ֥י יַד־אֱ֝לֹ֗והַּ נָ֣גְעָהc בִּֽי׃

22 לָ֭מָּה תִּרְדְּפֻ֣נִיa כְמֹו־אֵ֑ל וּ֝מִבְּשָׂרִ֗י לֹ֣א תִשְׂבָּֽעוּb ׃

23 מִֽי־יִתֵּ֣ןa אֵ֭פֹוb וְיִכָּתְב֣וּןc מִלָּ֑יd מִֽי־יִתֵּ֖ןe בַּסֵּ֣פֶר וְיֻחָֽקוּf ׃

24 בְּעֵטa ־בַּרְזֶ֥ל וְעֹפָ֑רֶתb לָ֝עַ֗דc בַּצּ֥וּר יֵחָצְבֽוּןd ׃

25 וַאֲנִ֣י יָ֭דַעְתִּיa גֹּ֣אֲלִי חָ֑י וְ֝אַחֲרֹ֗ון עַל־עָפָ֥ר יָקֽוּםb ׃

26 וְאַחַ֣ר עֹ֖ורִֽי נִקְּפוּa ־זֹ֑את וּ֝מִבְּשָׂרִ֗י אֶֽחֱזֶ֥הb אֱלֹֽוהַּ׃

27 אֲשֶׁ֤ר אֲנִ֨י׀ אֶֽחֱזֶהa ־לִּ֗י וְעֵינַ֣י רָא֣וּb וְלֹא־זָ֑ר כָּל֖וּc כִלְיֹתַ֣יd בְּחֵקִֽיe ׃

28 כִּ֣י תֹ֖אמְרוּa מַה־נִּרְדָּףb ־לֹ֑ו וְשֹׁ֥רֶשׁc דָּ֝בָ֗ר נִמְצָאd ־בִֽי׃

29 גּ֤וּרוּa לָכֶ֨ם׀ מִפְּנֵי־חֶ֗רֶב כִּֽי־חֵ֭מָה עֲוֹנֹ֣ות חָ֑רֶב לְמַ֖עַן תֵּדְע֣וּןb שׁדיןc ׃

20

וַ֭יַּעַןa צֹפַ֥רb הַנַּֽעֲמָתִ֗יc וַיֹּאמַֽרd ׃

2 לָ֭כֵן שְׂעִפַּ֣יa יְשִׁיב֑וּנִיb וּ֝בַעֲב֗וּרc ח֣וּשִׁיd בִֽי׃

3 מוּסַ֣ר כְּלִמָּתִ֣יa אֶשְׁמָ֑עb וְ֝ר֗וּחַ מִֽבִּינָתִ֥יc יַעֲנֵֽנִיd ׃

4 הֲזֹ֣את יָ֭דַעְתָּa מִנִּי־עַ֑דb מִנִּ֤י שִׂ֖יםc אָדָ֣ם עֲלֵי־אָֽרֶץ׃

5 כִּ֤י רִנְנַ֣תa רְ֭שָׁעִים מִקָּרֹ֑וב וְשִׂמְחַ֖ת חָנֵ֣ףb עֲדֵי־רָֽגַעc ׃

6 אִם־יַעֲלֶ֣הa לַשָּׁמַ֣יִם שִׂיאֹ֑וb וְ֝רֹאשֹׁ֗ו לָעָ֥בc יַגִּֽיעַd ׃

7 כְּֽ֭גֶלֲלֹוa לָנֶ֣צַחb יֹאבֵ֑דc רֹ֝אָ֗יו יֹאמְר֥וּd אַיֹּֽוe ׃

8 כַּחֲלֹ֣ום יָ֭עוּףa וְלֹ֣א יִמְצָא֑וּהוּb וְ֝יֻדַּ֗דc כְּחֶזְיֹ֥וןd לָֽיְלָה׃

9 עַ֣יִן שְׁ֭זָפַתּוּa וְלֹ֣א תֹוסִ֑יףb וְלֹא־עֹ֝֗וד תְּשׁוּרֶ֥נּוּc מְקֹומֹֽו׃

10 בָּ֭נָיו יְרַצּ֣וּa דַלִּ֑יםb וְ֝יָדָ֗יו תָּשֵׁ֥בְנָהc אֹונֹֽוd ׃

11 עַ֭צְמֹותָיו מָלְא֣וּa עלומוb וְ֝עִמֹּ֗ו עַל־עָפָ֥ר תִּשְׁכָּֽבc ׃

12 אִם־תַּמְתִּ֣יקa בְּפִ֣יו רָעָ֑ה יַ֝כְחִידֶ֗נָּהb תַּ֣חַת לְשֹׁונֹֽו׃

13 יַחְמֹ֣לa עָ֭לֶיהָ וְלֹ֣א יַֽעַזְבֶ֑נָּהb וְ֝יִמְנָעֶ֗נָּהc בְּתֹ֣וךְ חִכֹּֽוd ׃

14 לַ֭חְמֹו בְּמֵעָ֣יוa נֶהְפָּ֑ךְb מְרֹורַ֖תc פְּתָנִ֣יםd בְּקִרְבֹּֽו׃

15 חַ֣יִל בָּ֭לַעa וַיְקִאֶ֑נּוּb מִ֝בִּטְנֹ֗ו יֹורִשֶׁ֥נּוּc אֵֽל׃

16 רֹאשׁa ־פְּתָנִ֥יםb יִינָ֑קc תַּֽ֝הַרְגֵ֗הוּd לְשֹׁ֣ון אֶפְעֶֽהe ׃

17 אַל־יֵ֥רֶאa בִפְלַגֹּ֑ותb נַהֲרֵ֥י נַ֝חֲלֵ֗י דְּבַ֣שׁ וְחֶמְאָֽהc ׃

18 מֵשִׁ֣יבa יָ֭גָעb וְלֹ֣א יִבְלָ֑עc כְּחֵ֥יל תְּ֝מוּרָתֹ֗וd וְלֹ֣א יַעֲלֹֽסe ׃

19 כִּֽי־רִ֭צַּץa עָזַ֣בb דַּלִּ֑יםc בַּ֥יִת גָּ֝זַ֗לd וְלֹ֣א יִבֶנֵֽהוּe ׃

20 כִּ֤י׀ לֹא־יָדַ֣עa שָׁלֵ֣וb בְּבִטְנֹ֑ו בַּ֝חֲמוּדֹ֗וc לֹ֣א יְמַלֵּֽטd ׃

21 אֵין־שָׂרִ֥ידa לְאָכְלֹ֑וb עַל־כֵּ֝֗ן לֹא־יָחִ֥ילc טוּבֹֽוd ׃

22 בִּמְלֹ֣אותa שִׂ֭פְקֹוb יֵ֣צֶרc לֹ֑ו כָּל־יַ֖ד עָמֵ֣לd תְּבֹואֶֽנּוּe ׃

23 יְהִ֤יa ׀ לְמַלֵּ֬אb בִטְנֹ֗ו יְֽשַׁלַּחc ־בֹּ֖ו חֲרֹ֣וןd אַפֹּ֑ו וְיַמְטֵ֥רe עָ֝לֵ֗ימֹו בִּלְחוּמֹֽוf ׃

24 יִ֭בְרַחa מִנֵּ֣שֶׁקb בַּרְזֶ֑ל תַּ֝חְלְפֵ֗הוּc קֶ֣שֶׁת נְחוּשָֽׁהd ׃

25 שָׁלַף֮a וַיֵּצֵ֢אb מִגֵּ֫וָ֥הc וּ֭בָרָקd מִֽמְּרֹרָתֹ֥וe יַהֲלֹ֗ךְf עָלָ֥יו אֵמִֽיםg ׃

26 כָּל־חֹשֶׁךְ֮ טָמ֢וּןa לִצְפּ֫וּנָ֥יוb תְּ֭אָכְלֵהוּc אֵ֣שׁ לֹֽא־נֻפָּ֑חd יֵ֖רַעe שָׂרִ֣ידf בְּאָהֳלֹֽו׃

27 יְגַלּ֣וּa שָׁמַ֣יִם עֲוֹנֹ֑ו וְ֝אֶ֗רֶץ מִתְקֹומָ֘מָ֥הb לֹֽו׃

28 יִ֭גֶלa יְב֣וּלb בֵּיתֹ֑ו נִ֝גָּרֹ֗ותc בְּיֹ֣ום אַפֹּֽו׃

29 זֶ֤ה׀ חֵֽלֶק־אָדָ֣ם רָ֭שָׁע מֵאֱלֹהִ֑ים וְנַחֲלַ֖ת אִמְרֹ֣וa מֵאֵֽל׃ פ

21

וַיַּ֥עַןa אִיֹּ֗וב וַיֹּאמַֽרb ׃

2 שִׁמְע֣וּa שָׁ֭מֹועַ מִלָּתִ֑יb וּתְהִיc ־זֹ֝֗את תַּנְח֥וּמֹֽתֵיכֶֽםd ׃

3 שָׂ֭אוּנִיa וְאָנֹכִ֣י אֲדַבֵּ֑רb וְאַחַ֖ר דַּבְּרִ֣י תַלְעִֽיגc ׃

4 הֶ֭אָנֹכִי לְאָדָ֣ם שִׂיחִ֑יa וְאִם־מַ֝דּ֗וּעַ לֹא־תִקְצַ֥רb רוּחִֽי׃

5 פְּנוּa ־אֵלַ֥י וְהָשַׁ֑מּוּb וְשִׂ֖ימוּc יָ֣ד עַל־פֶּֽה׃

6 וְאִם־זָכַ֥רְתִּיa וְנִבְהָ֑לְתִּיb וְאָחַ֥זc בְּ֝שָׂרִ֗י פַּלָּצֽוּתd ׃

7 מַדּ֣וּעַ רְשָׁעִ֣ים יִחְי֑וּa עָ֝תְק֗וּb גַּם־גָּ֥בְרוּc חָֽיִל׃

8 זַרְעָ֤ם נָכֹ֣וןa לִפְנֵיהֶ֣ם עִמָּ֑ם וְ֝צֶאֱצָאֵיהֶ֗םb לְעֵינֵיהֶֽם׃

9 בָּתֵּיהֶ֣ם שָׁלֹ֣ום מִפָּ֑חַדa וְלֹ֤א שֵׁ֖בֶט אֱלֹ֣והַּ עֲלֵיהֶֽם׃

10 שֹׁורֹ֣ו עִ֭בַּרa וְלֹ֣א יַגְעִ֑לb תְּפַלֵּ֥טc פָּ֝רָתֹ֗וd וְלֹ֣א תְשַׁכֵּֽלe ׃

11 יְשַׁלְּח֣וּa כַ֭צֹּאן עֲוִילֵיהֶ֑םb וְ֝יַלְדֵיהֶ֗ם יְרַקֵּדֽוּןc ׃

12 יִ֭שְׂאוּa כְּתֹ֣ףb וְכִנֹּ֑ורc וְ֝יִשְׂמְח֗וּd לְקֹ֣ול עוּגָֽבe ׃

13 יבלוa בַטֹּ֣וב יְמֵיהֶ֑ם וּ֝בְרֶ֗גַעb שְׁאֹ֣ול יֵחָֽתּוּc ׃

14 וַיֹּאמְר֣וּa לָ֭אֵל ס֣וּרb מִמֶּ֑נּוּ וְדַ֥עַת דְּ֝רָכֶ֗יךָ לֹ֣א חָפָֽצְנוּc ׃

15 מַה־שַׁדַּ֥יa כִּֽי־נַֽעַבְדֶ֑נּוּb וּמַה־נֹּ֝ועִ֗ילc כִּ֣י נִפְגַּעd ־בֹּֽו׃

16 הֵ֤ן לֹ֣א בְיָדָ֣ם טוּבָ֑םa עֲצַ֥ת רְ֝שָׁעִ֗ים רָ֣חֲקָהb מֶֽנִּי׃

17 כַּמָּ֤ה׀ נֵרa ־רְשָׁ֘עִ֤ים יִדְעָ֗ךְb וְיָבֹ֣אc עָלֵ֣ימֹו אֵידָ֑םd חֲ֝בָלִ֗יםe יְחַלֵּ֥קf בְּאַפֹּֽו׃

18 יִהְי֗וּa כְּתֶ֥בֶןb לִפְנֵי־ר֑וּחַ וּ֝כְמֹ֗ץc גְּנָבַ֥תּוּd סוּפָֽהe ׃

19 אֱלֹ֗והַּ יִצְפֹּןa ־לְבָנָ֥יו אֹונֹ֑ו יְשַׁלֵּ֖םb אֵלָ֣יו וְיֵדָֽעc ׃

20 יִרְא֣וּa עינוb כִּידֹ֑וc וּמֵחֲמַ֖ת שַׁדַּ֣יd יִשְׁתֶּֽהe ׃

21 כִּ֤י מַה־חֶפְצֹ֣וa בְּבֵיתֹ֣ו אַחֲרָ֑יו וּמִסְפַּ֖ר חֳדָשָׁ֣יו חֻצָּֽצוּb ׃

22 הַלְאֵ֥ל יְלַמֶּדa ־דָּ֑עַת וְ֝ה֗וּא רָמִ֥ים יִשְׁפֹּֽוטb ׃

23 זֶ֗ה יָ֭מוּתa בְּעֶ֣צֶם תֻּמֹּ֑וb כֻּ֝לֹּ֗ו שַׁלְאֲנַ֥ןc וְשָׁלֵֽיוd ׃

24 עֲ֭טִינָיוa מָלְא֣וּb חָלָ֑בc וּמֹ֖חַd עַצְמֹותָ֣יו יְשֻׁקֶּֽהe ׃

25 וְזֶ֗ה יָ֭מוּתa בְּנֶ֣פֶשׁ מָרָ֑הb וְלֹֽא־אָ֝כַ֗לc בַּטֹּובָֽה׃

26 יַ֭חַדa עַל־עָפָ֣ר יִשְׁכָּ֑בוּb וְ֝רִמָּ֗הc תְּכַסֶּ֥הd עֲלֵיהֶֽם׃

27 הֵ֣ן יָ֭דַעְתִּיa מַחְשְׁבֹֽותֵיכֶ֑םb וּ֝מְזִמֹּ֗ותc עָלַ֥י תַּחְמֹֽסוּd ׃

28 כִּ֤י תֹֽאמְר֗וּa אַיֵּ֥הb בֵית־נָדִ֑יבc וְ֝אַיֵּ֗הd אֹ֤הֶל׀ מִשְׁכְּנֹ֬ות רְשָׁעִֽים׃

29 הֲלֹ֣א שְׁ֭אֶלְתֶּםa עֹ֣ובְרֵי דָ֑רֶךְ וְ֝אֹתֹתָ֗ם לֹ֣א תְנַכֵּֽרוּb ׃

30 כִּ֤י לְיֹ֣ום אֵ֭ידa יֵחָ֣שֶׂךְb רָ֑ע לְיֹ֖ום עֲבָרֹ֣ותc יוּבָֽלוּd ׃

31 מִֽי־יַגִּ֣ידa עַל־פָּנָ֣יו דַּרְכֹּ֑ו וְהֽוּא־עָ֝שָׂ֗הb מִ֣י יְשַׁלֶּםc ־לֹֽו׃

32 וְ֭הוּא לִקְבָרֹ֣ות יוּבָ֑לa וְֽעַל־גָּדִ֥ישׁb יִשְׁקֹֽודc ׃

33 מָֽתְקוּa ־לֹ֗ו רִגְבֵ֫יb נָ֥חַל וְ֭אַחֲרָיו כָּל־אָדָ֣ם יִמְשֹׁ֑וךְc וּ֝לְפָנָ֗יו אֵ֣ין מִסְפָּֽר׃

34 וְ֭אֵיךְ תְּנַחֲמ֣וּנִיa הָ֑בֶל וּ֝תְשֽׁוּבֹתֵיכֶ֗םb נִשְׁאַרc ־מָֽעַלd ׃ ס

22

וַ֭יַּעַןa אֱלִיפַ֥זb הַֽתֵּמָנִ֗יc וַיֹּאמַֽרd ׃

2 הַלְאֵ֥ל יִסְכָּןa ־גָּ֑בֶר כִּֽי־יִסְכֹּ֖ןb עָלֵ֣ימֹו מַשְׂכִּֽיל׃

3 הַחֵ֣פֶץa לְ֭שַׁדַּיb כִּ֣י תִצְדָּ֑קc וְאִם־בֶּ֝֗צַעd כִּֽי־תַתֵּ֥םe דְּרָכֶֽיךָ׃

4 הֲֽ֭מִיִּרְאָ֣תְךָa יֹכִיחֶ֑ךָb יָבֹ֥ואc עִ֝מְּךָ֗ בַּמִּשְׁפָּֽט׃

5 הֲלֹ֣א רָעָֽתְךָ֣ רַבָּ֑ה וְאֵֽין־קֵ֝֗ץ לַעֲוֹנֹתֶֽיךָ׃

6 כִּֽי־תַחְבֹּ֣לa אַחֶ֣יךָ חִנָּ֑םb וּבִגְדֵ֖י עֲרוּמִּ֣יםc תַּפְשִֽׁיטd ׃

7 לֹא־מַ֭יִם עָיֵ֣ףa תַּשְׁקֶ֑הb וּ֝מֵרָעֵ֗בc תִּֽמְנַֽעd ־לָֽחֶם׃

8 וְאִ֣ישׁ זְ֭רֹועַ לֹ֣ו הָאָ֑רֶץ וּנְשׂ֥וּא פָ֝נִ֗ים יֵ֣שֶׁבa בָּֽהּ׃

9 אַ֭לְמָנֹות שִׁלַּ֣חְתָּa רֵיקָ֑םb וּזְרֹעֹ֖ות יְתֹמִ֣יםc יְדֻכָּֽאd ׃

10 עַל־כֵּ֭ן סְבִיבֹותֶ֣יךָ פַחִ֑יםa וִֽ֝יבַהֶלְךָb פַּ֣חַדc פִּתְאֹֽםd ׃

11 אֹו־חֹ֥שֶׁךְ לֹֽא־תִרְאֶ֑הa וְֽשִׁפְעַתb ־מַ֥יִם תְּכַסֶּֽךָּc ׃

12 הֲֽלֹא־אֱ֭לֹוהַּ גֹּ֣בַהּa שָׁמָ֑יִם וּרְאֵ֤הb רֹ֖אשׁ כֹּוכָבִ֣יםc כִּי־רָֽמּוּd ׃

13 וְֽ֭אָמַרְתָּa מַה־יָּ֣דַֽעb אֵ֑ל הַבְעַ֖ד עֲרָפֶ֣לc יִשְׁפֹּֽוטd ׃

14 עָבִ֣יםa סֵֽתֶרb ־לֹ֖ו וְלֹ֣א יִרְאֶ֑הc וְח֥וּגd שָׁ֝מַ֗יִם יִתְהַלָּֽךְe ׃

15 הַאֹ֣רַח עֹולָ֣ם תִּשְׁמֹ֑רa אֲשֶׁ֖ר דָּרְכ֣וּb מְתֵיc ־אָֽוֶן׃

16 אֲשֶֽׁר־קֻמְּט֥וּa וְלֹא־עֵ֑ת נָ֝הָ֗ר יוּצַ֥קb יְסֹודָֽםc ׃

17 הָאֹמְרִ֣יםa לָ֭אֵל ס֣וּרb מִמֶּ֑נּוּ וּמַה־יִּפְעַ֖לc שַׁדַּ֣יd לָֽמֹו׃

18 וְה֤וּא מִלֵּ֣אa בָתֵּיהֶ֣ם טֹ֑וב וַעֲצַ֥ת רְ֝שָׁעִ֗ים רָ֣חֲקָהb מֶֽנִּי׃

19 יִרְא֣וּa צַדִּיקִ֣ים וְיִשְׂמָ֑חוּb וְ֝נָקִ֗יc יִלְעַגd ־לָֽמֹו׃

20 אִם־לֹ֣א נִכְחַ֣דa קִימָ֑נוּb וְ֝יִתְרָ֗ם אָ֣כְלָהc אֵֽשׁ׃

21 הַסְכֶּןa ־נָ֣א עִמֹּ֑ו וּשְׁלםb בָּ֝הֶ֗ם תְּֽבֹואַתְךָ֥c טֹובָֽה׃

22 קַחa ־נָ֣א מִפִּ֣יו תֹּורָ֑ה וְשִׂ֥יםb אֲ֝מָרָ֗יוc בִּלְבָבֶֽךָ׃

23 אִם־תָּשׁ֣וּבa עַד־שַׁ֭דַּיb תִּבָּנֶ֑הc תַּרְחִ֥יקd עַ֝וְלָ֗הe מֵאָהֳלֶֽךָ׃

24 וְשִׁיתa ־עַל־עָפָ֥ר בָּ֑צֶרb וּבְצ֖וּרc נְחָלִ֣ים אֹופִֽירd ׃

25 וְהָיָ֣הa שַׁדַּ֣יb בְּצָרֶ֑יךָc וְכֶ֖סֶף תֹּועָפֹ֣ותd לָֽךְ׃

26 כִּי־אָ֭ז עַל־שַׁדַּ֣יa תִּתְעַנָּ֑גb וְתִשָּׂ֖אc אֶל־אֱלֹ֣והַּ פָּנֶֽיךָ׃

27 תַּעְתִּ֣ירa אֵ֭לָיו וְיִשְׁמָעֶ֑ךָּb וּנְדָרֶ֥יךָ תְשַׁלֵּֽםc ׃

28 וְֽתִגְזַרa ־אֹ֖ומֶרb וְיָ֣קָםc לָ֑ךְ וְעַל־דְּ֝רָכֶ֗יךָ נָ֣גַֽהּd אֹֽור׃

29 כִּֽי־הִ֭שְׁפִּילוּa וַתֹּ֣אמֶרb גֵּוָ֑הc וְשַׁ֖חd עֵינַ֣יִם יֹושִֽׁעַe ׃

30 יְֽמַלֵּ֥טa אִֽיb ־נָקִ֑יc וְ֝נִמְלַ֗טd בְּבֹ֣רe כַּפֶּֽיךָ׃ פ

23

וַיַּ֥עַןa אִיֹּ֗וב וַיֹּאמַֽרb ׃

2 גַּם־הַ֭יֹּום מְרִ֣יa שִׂחִ֑יb יָ֝דִ֗י כָּבְדָ֥הc עַל־אַנְחָתִֽיd ׃

3 מִֽי־יִתֵּ֣ןa יָ֭דַעְתִּיb וְאֶמְצָאֵ֑הוּc אָ֝בֹ֗ואd עַד־תְּכוּנָתֹֽוe ׃

4 אֶעֶרְכָ֣הa לְפָנָ֣יו מִשְׁפָּ֑ט וּ֝פִ֗י אֲמַלֵּ֥אb תֹוכָחֹֽותc ׃

5 אֵ֭דְעָהa מִלִּ֣יםb יַעֲנֵ֑נִיc וְ֝אָבִ֗ינָהd מַה־יֹּ֥אמַרe לִֽי׃

6 הַבְּרָב־כֹּ֖חַ יָרִ֣יבa עִמָּדִ֑יb לֹ֥א אַךְ־ה֝֗וּא יָשִׂ֥םc בִּֽי׃

7 שָׁ֗ם יָ֭שָׁר נֹוכָ֣חa עִמֹּ֑ו וַאֲפַלְּטָ֥הb לָ֝נֶ֗צַחc מִשֹּׁפְטִֽי׃

8 הֵ֤ן קֶ֣דֶם אֶהֱלֹ֣ךְa וְאֵינֶ֑נּוּ וְ֝אָחֹ֗ורb וְֽלֹא־אָבִ֥יןc לֹֽו׃

9 שְׂמֹ֣אול בַּעֲשֹׂתֹ֣וa וְלֹא־אָ֑חַזb יַעְטֹ֥ףc יָ֝מִ֗ין וְלֹ֣א אֶרְאֶֽהd ׃

10 כִּֽי־יָ֭דַעa דֶּ֣רֶךְ עִמָּדִ֑יb בְּ֝חָנַ֗נִיc כַּזָּהָ֥ב אֵצֵֽאd ׃

11 בַּ֭אֲשֻׁרֹוa אָחֲזָ֣הb רַגְלִ֑י דַּרְכֹּ֖ו שָׁמַ֣רְתִּיc וְלֹא־אָֽטd ׃

12 מִצְוַ֣ת שְׂ֭פָתָיו וְלֹ֣א אָמִ֑ישׁa מֵ֝חֻקִּ֗י צָפַ֥נְתִּיb אִמְרֵיc ־פִֽיו׃

13 וְה֣וּא בְ֭אֶחָד וּמִ֣י יְשִׁיבֶ֑נּוּa וְנַפְשֹׁ֖ו אִוְּתָ֣הb וַיָּֽעַשׂc ׃

14 כִּ֭י יַשְׁלִ֣יםa חֻקִּ֑י וְכָהֵ֖נָּהb רַבֹּ֣ות עִמֹּֽו׃

15 עַל־כֵּ֭ן מִפָּנָ֣יו אֶבָּהֵ֑לa אֶ֝תְבֹּונֵ֗ןb וְאֶפְחַ֥דc מִמֶּֽנּוּ׃

16 וְ֭אֵל הֵרַ֣ךְa לִבִּ֑י וְ֝שַׁדַּ֗יb הִבְהִילָֽנִיc ׃

17 כִּֽי־לֹ֣א נִ֭צְמַתִּיa מִפְּנֵי־חֹ֑שֶׁךְ וּ֝מִפָּנַ֗י כִּסָּהb ־אֹֽפֶלc ׃

24

מַדּ֗וּעַ מִ֭שַּׁדַּיa לֹא־נִצְפְּנ֣וּb עִתִּ֑ים וידעוc לֹא־חָ֥זוּd יָמָֽיו׃

2 גְּבֻלֹ֥ותa יַשִּׂ֑יגוּb עֵ֥דֶרc גָּ֝זְל֗וּd וַיִּרְעֽוּe ׃

3 חֲמֹ֣ור יְתֹומִ֣יםa יִנְהָ֑גוּb יַ֝חְבְּל֗וּc שֹׁ֣ור אַלְמָנָֽה׃

4 יַטּ֣וּa אֶבְיֹונִ֣ים מִדָּ֑רֶךְ יַ֥חַדb חֻ֝בְּא֗וּc עֲנִיֵּי־אָֽרֶץ׃

5 הֵ֤ן פְּרָאִ֨יםa ׀ בַּֽמִּדְבָּ֗ר יָצְא֣וּb בְּ֭פָעֳלָםc מְשַׁחֲרֵ֣יd לַטָּ֑רֶףe עֲרָבָ֥ה לֹ֥ו לֶ֝֗חֶם לַנְּעָרִֽים׃

6 בַּ֭שָּׂדֶה בְּלִילֹ֣וa יקצירוb וְכֶ֖רֶם רָשָׁ֣ע יְלַקֵּֽשׁוּc ׃

7 עָרֹ֣וםa יָ֭לִינוּb מִבְּלִ֣י לְב֑וּשׁc וְאֵ֥ין כְּ֝ס֗וּתd בַּקָּרָֽהe ׃

8 מִזֶּ֣רֶםa הָרִ֣ים יִרְטָ֑בוּb וּֽמִבְּלִ֥י מַ֝חְסֶ֗הc חִבְּקוּd ־צֽוּר׃

9 יִ֭גְזְלוּa מִשֹּׁ֣דb יָתֹ֑וםc וְֽעַל־עָנִ֥י יַחְבֹּֽלוּd ׃

10 עָרֹ֣וםa הִ֭לְּכוּb בְּלִ֣י לְב֑וּשׁc וּ֝רְעֵבִ֗יםd נָ֣שְׂאוּe עֹֽמֶרf ׃

11 בֵּין־שׁוּרֹתָ֥םa יַצְהִ֑ירוּb יְקָבִ֥יםc דָּ֝רְכ֗וּd וַיִּצְמָֽאוּe ׃

12 מֵ֘עִ֤יר מְתִ֨יםa ׀ יִנְאָ֗קוּb וְנֶֽפֶשׁ־חֲלָלִ֥ים תְּשַׁוֵּ֑עַc וֶ֝אֱלֹ֗והַּ לֹא־יָשִׂ֥יםd תִּפְלָֽהe ׃

13 הֵ֤מָּה׀ הָיוּ֮a בְּֽמֹרְדֵ֫יb ־אֹ֥ור לֹֽא־הִכִּ֥ירוּc דְרָכָ֑יו וְלֹ֥א יָ֝שְׁב֗וּd בִּנְתִיבֹתָֽיוe ׃

14 לָאֹ֡ור יָ֘ק֤וּםa רֹוצֵ֗חַb יִֽקְטָלc ־עָנִ֥י וְאֶבְיֹ֑ון וּ֝בַלַּ֗יְלָה יְהִ֣יd כַגַּנָּֽבe ׃

15 וְעֵ֤ין נֹאֵ֨ףa ׀ שָׁ֤מְרָֽהb נֶ֣שֶׁףc לֵ֭אמֹרd לֹא־תְשׁוּרֵ֣נִיe עָ֑יִן וְסֵ֖תֶרf פָּנִ֣ים יָשִֽׂיםg ׃

16 חָתַ֥רa בַּחֹ֗שֶׁךְ בָּ֫תִּ֥ים יֹומָ֥ם חִתְּמוּb ־לָ֗מֹו לֹא־יָ֥דְעוּc אֹֽור׃

17 כִּ֤י יַחְדָּ֨ו׀ בֹּ֣קֶר לָ֣מֹו צַלְמָ֑וֶתa כִּֽי־יַ֝כִּ֗ירb בַּלְהֹ֥ותc צַלְמָֽוֶתd ׃

18 קַֽלa ־ה֤וּא׀ עַל־פְּנֵי־מַ֗יִם תְּקֻלַּ֣לb חֶלְקָתָ֣םc בָּאָ֑רֶץ לֹֽא־יִ֝פְנֶהd דֶּ֣רֶךְ כְּרָמִֽים׃

19 צִיָּ֤הa גַם־חֹ֗םb יִגְזְל֥וּc מֵֽימֵי־שֶׁ֗לֶגd שְׁאֹ֣ול חָטָֽאוּe ׃

20 יִשְׁכָּ֘חֵ֤הוּa רֶ֨חֶםb ׀ מְתָ֘קֹ֤וc רִמָּ֗הd עֹ֥וד לֹֽא־יִזָּכֵ֑רe וַתִּשָּׁבֵ֖רf כָּעֵ֣ץ עַוְלָֽהg ׃

21 רֹעֶ֣הa עֲ֭קָרָהb לֹ֣א תֵלֵ֑דc וְ֝אַלְמָנָ֗ה לֹ֣א יְיֵטִֽיבd ׃

22 וּמָשַׁ֣ךְa אַבִּירִ֣יםb בְּכֹחֹ֑ו יָ֝ק֗וּםc וְֽלֹא־יַאֲמִ֥יןd בַּֽחַיִּֽין׃

23 יִתֶּןa ־לֹ֣ו לָ֭בֶטַחb וְיִשָּׁעֵ֑ןc וְ֝עֵינֵ֗יהוּ עַל־דַּרְכֵיהֶֽם׃

24 רֹ֤ומּוּa מְּעַ֨ט׀ וְֽאֵינֶ֗נּוּ וְֽהֻמְּכ֗וּb כַּכֹּ֥ל יִקָּפְצ֑וּןc וּכְרֹ֖אשׁ שִׁבֹּ֣לֶתd יִמָּֽלוּe ׃

25 וְאִם־לֹ֣א אֵ֭פֹוa מִ֣י יַכְזִיבֵ֑נִיb וְיָשֵׂ֥םc לְ֝אַ֗לd מִלָּתִֽיe ׃ ס

25

וַ֭יַּעַןa בִּלְדַּ֥דb הַשֻּׁחִ֗יc וַיֹּאמַֽרd ׃

2 הַמְשֵׁ֣ל וָפַ֣חַדa עִמֹּ֑ו עֹשֶׂ֥הb שָׁ֝לֹ֗ום בִּמְרֹומָֽיו׃

3 הֲיֵ֣שׁ מִ֭סְפָּר לִגְדוּדָ֑יוa וְעַל־מִ֝֗י לֹא־יָק֥וּםb אֹורֵֽהוּ׃

4 וּמַה־יִּצְדַּ֣קa אֱנֹ֣ושׁb עִם־אֵ֑ל וּמַה־יִּ֝זְכֶּ֗הc יְל֣וּד אִשָּֽׁה׃

5 הֵ֣ן עַד־יָ֭רֵחַa וְלֹ֣א יַאֲהִ֑ילb וְ֝כֹוכָבִ֗יםc לֹא־זַכּ֥וּd בְעֵינָֽיו׃

6 אַ֭ף כִּֽי־אֱנֹ֣ושׁa רִמָּ֑הb וּבֶן־אָ֝דָ֗ם תֹּולֵעָֽהc ׃ פ

26

וַיַּ֥עַןa אִיֹּ֗וב וַיֹּאמַֽרb ׃

2 מֶה־עָזַ֥רְתָּa לְלֹא־כֹ֑חַ הֹ֝ושַׁ֗עְתָּb זְרֹ֣ועַ לֹא־עֹֽז׃

3 מַה־יָּ֭עַצְתָּa לְלֹ֣א חָכְמָ֑ה וְ֝תוּשִׁיָּ֗הb לָרֹ֥ב הֹודָֽעְתָּc ׃

4 אֶת־מִ֭י הִגַּ֣דְתָּa מִלִּ֑יןb וְנִשְׁמַתc ־מִ֝י יָצְאָ֥הd מִמֶּֽךָּ׃

5 הָרְפָאִ֥יםa יְחֹולָ֑לוּb מִתַּ֥חַת מַ֝֗יִם וְשֹׁכְנֵיהֶֽם׃

6 עָרֹ֣וםa שְׁאֹ֣ול נֶגְדֹּ֑ו וְאֵ֥ין כְּ֝ס֗וּתb לָֽאֲבַדֹּֽוןc ׃

7 נֹטֶ֣הa צָפֹ֣ון עַל־תֹּ֑הוּb תֹּ֥לֶהc אֶ֝֗רֶץ עַל־בְּלִי־מָֽה׃

8 צֹרֵֽרa ־מַ֥יִם בְּעָבָ֑יוb וְלֹא־נִבְקַ֖עc עָנָ֣ן תַּחְתָּֽם׃

9 מְאַחֵ֥זa פְּנֵי־כִסֵּ֑ה פַּרְשֵׁ֖זb עָלָ֣יו עֲנָנֹֽו׃

10 חֹֽק־חָ֭גa עַל־פְּנֵי־מָ֑יִם עַד־תַּכְלִ֖יתb אֹ֣ור עִם־חֹֽשֶׁךְ׃

11 עַמּוּדֵ֣י שָׁמַ֣יִם יְרֹופָ֑פוּa וְ֝יִתְמְה֗וּb מִגַּעֲרָתֹֽוc ׃

12 בְּ֭כֹחֹו רָגַ֣עa הַיָּ֑ם ובתובנתוb מָ֣חַץc רָֽהַבd ׃

13 בְּ֭רוּחֹו שָׁמַ֣יִם שִׁפְרָ֑הa חֹֽלֲלָ֥הb יָ֝דֹ֗ו נָחָ֥שׁc בָּרִֽיחַd ׃

14 הֶן־אֵ֤לֶּה׀ קְצֹ֬ותa דרכוb וּמַה־שֵּׁ֣מֶץc דָּ֭בָר נִשְׁמַעd ־בֹּ֑ו וְרַ֥עַםe גבורתוf מִ֣י יִתְבֹּונָֽןg ׃ ס

27

וַיֹּ֣סֶףa אִ֭יֹּוב שְׂאֵ֥תb מְשָׁלֹ֗וc וַיֹּאמַֽרd ׃

2 חַי־אֵ֭ל הֵסִ֣ירa מִשְׁפָּטִ֑י וְ֝שַׁדַּ֗יb הֵמַ֥רc נַפְשִֽׁי׃

3 כִּֽי־כָל־עֹ֣וד נִשְׁמָתִ֣יa בִ֑י וְר֖וּחַ אֱלֹ֣והַּ בְּאַפִּֽי׃

4 אִם־תְּדַבֵּ֣רְנָהa שְׂפָתַ֣י עַוְלָ֑הb וּ֝לְשֹׁונִ֗י אִם־יֶהְגֶּ֥הc רְמִיָּֽהd ׃

5 חָלִ֣ילָהa לִּי֮ אִם־אַצְדִּ֢יקb אֶ֫תְכֶ֥ם עַד־אֶגְוָ֑עc לֹא־אָסִ֖ירd תֻּמָּתִ֣יe מִמֶּֽנִּי׃

6 בְּצִדְקָתִ֣י הֶ֭חֱזַקְתִּיa וְלֹ֣א אַרְפֶּ֑הָb לֹֽא־יֶחֱרַ֥ףc לְ֝בָבִ֗י מִיָּמָֽי׃

7 יְהִ֣יa כְ֭רָשָׁע אֹ֣יְבִ֑י וּמִתְקֹומְמִ֥י כְעַוָּֽלb ׃

8 כִּ֤י מַה־תִּקְוַ֣תa חָ֭נֵףb כִּ֣י יִבְצָ֑עc כִּ֤י יֵ֖שֶׁלd אֱלֹ֣והַּ נַפְשֹֽׁו׃

9 הַֽ֭צַעֲקָתֹוa יִשְׁמַ֥עb ׀ אֵ֑ל כִּֽי־תָבֹ֖ואc עָלָ֣יו צָרָֽה׃

10 אִם־עַל־שַׁדַּ֥יa יִתְעַנָּ֑גb יִקְרָ֖אc אֱלֹ֣והַּ בְּכָל־עֵֽת׃

11 אֹורֶ֣הa אֶתְכֶ֣ם בְּיַד־אֵ֑ל אֲשֶׁ֥ר עִם־שַׁ֝דַּ֗יb לֹ֣א אֲכַחֵֽדc ׃

12 הֵן־אַתֶּ֣ם כֻּלְּכֶ֣ם חֲזִיתֶ֑םa וְלָמָּה־זֶּ֝֗ה הֶ֣בֶל תֶּהְבָּֽלוּb ׃

13 זֶ֤ה׀ חֵֽלֶק־אָדָ֖ם רָשָׁ֥ע׀ עִם־אֵ֑ל וְֽנַחֲלַ֥ת עָ֝רִיצִ֗יםa מִשַּׁדַּ֥יb יִקָּֽחוּc ׃

14 אִם־יִרְבּ֣וּa בָנָ֣יו לְמֹוb ־חָ֑רֶב וְ֝צֶאֱצָאָ֗יוc לֹ֣א יִשְׂבְּעוּd ־לָֽחֶם׃

15 שׂרידוa בַּמָּ֣וֶת יִקָּבֵ֑רוּb וְ֝אַלְמְנֹתָ֗יו לֹ֣א תִבְכֶּֽינָהc ׃

16 אִם־יִצְבֹּ֣רa כֶּעָפָ֣ר כָּ֑סֶף וְ֝כַחֹ֗מֶרb יָכִ֥יןc מַלְבּֽוּשׁd ׃

17 יָ֭כִיןa וְצַדִּ֣יק יִלְבָּ֑שׁb וְ֝כֶ֗סֶף נָקִ֥יc יַחֲלֹֽקd ׃

18 בָּנָ֣הa כָעָ֣שׁb בֵּיתֹ֑ו וּ֝כְסֻכָּ֗הc עָשָׂ֥הd נֹצֵֽר׃

19 עָשִׁ֣ירa יִ֭שְׁכַּבb וְלֹ֣א יֵאָסֵ֑ףc עֵינָ֖יו פָּקַ֣חd וְאֵינֶֽנּוּ׃

20 תַּשִּׂיגֵ֣הוּa כַ֭מַּיִם בַּלָּהֹ֑ותb לַ֝֗יְלָה גְּנָבַ֥תּוּc סוּפָֽהd ׃

21 יִשָּׂאֵ֣הוּa קָדִ֣ים וְיֵלַ֑ךְb וִֽ֝ישָׂעֲרֵ֗הוּc מִמְּקֹמֹֽו׃

22 וְיַשְׁלֵ֣ךְa עָ֭לָיו וְלֹ֣א יַחְמֹ֑לb מִ֝יָּדֹ֗ו בָּרֹ֥וחַ יִבְרָֽחc ׃

23 יִשְׂפֹּ֣קa עָלֵ֣ימֹו כַפֵּ֑ימֹו וְיִשְׁרֹ֥קb עָ֝לָ֗יו מִמְּקֹמֹֽו׃

28

כִּ֤י יֵ֣שׁ לַכֶּ֣סֶף מֹוצָ֑אa וּ֝מָקֹ֗ום לַזָּהָ֥ב יָזֹֽקּוּb ׃

2 בַּ֭רְזֶל מֵעָפָ֣ר יֻקָּ֑חa וְ֝אֶ֗בֶן יָצ֥וּקb נְחוּשָֽׁהc ׃

3 קֵ֤ץ׀ שָׂ֤םa לַחֹ֗שֶׁךְ וּֽלְכָל־תַּ֭כְלִיתb ה֣וּא חֹוקֵ֑רc אֶ֖בֶן אֹ֣פֶלd וְצַלְמָֽוֶתe ׃

4 פָּ֤רַץa נַ֨חַל׀ מֵֽעִם־גָּ֗רb הַֽנִּשְׁכָּחִ֥יםc מִנִּי־רָ֑גֶל דַּ֖לּוּd מֵאֱנֹ֣ושׁe נָֽעוּf ׃

5 אֶ֗רֶץ מִמֶּ֥נָּה יֵֽצֵאa ־לָ֑חֶם וְ֝תַחְתֶּ֗יהָ נֶהְפַּ֥ךְb כְּמֹו־אֵֽשׁ׃

6 מְקֹום־סַפִּ֥ירa אֲבָנֶ֑יהָ וְעַפְרֹ֖ת זָהָ֣ב לֹֽו׃

7 נָ֭תִיבa לֹֽא־יְדָ֣עֹוb עָ֑יִטc וְלֹ֥א שְׁ֝זָפַ֗תּוּd עֵ֣ין אַיָּֽהe ׃

8 לֹֽא־הִדְרִיכֻ֥הוּa בְנֵי־שָׁ֑חַץb לֹֽא־עָדָ֖הc עָלָ֣יו שָֽׁחַלd ׃

9 בַּֽ֭חַלָּמִישׁa שָׁלַ֣חb יָדֹ֑ו הָפַ֖ךְc מִשֹּׁ֣רֶשׁd הָרִֽים׃

10 בַּ֭צּוּרֹות יְאֹרִ֣יםa בִּקֵּ֑עַb וְכָל־יְ֝קָ֗רc רָאֲתָ֥הd עֵינֹֽו׃

11 מִ֭בְּכִיa נְהָרֹ֣ות חִבֵּ֑שׁb וְ֝תַעֲלֻמָ֗הּc יֹ֣צִאd אֹֽור׃ פ

12 וְֽ֭הַחָכְמָה מֵאַ֣יִןa תִּמָּצֵ֑אb וְאֵ֥יc זֶ֝ה מְקֹ֣ום בִּינָֽהd ׃

13 לֹא־יָדַ֣עa אֱנֹ֣ושׁb עֶרְכָּ֑הּc וְלֹ֥א תִ֝מָּצֵ֗אd בְּאֶ֣רֶץ הַֽחַיִּֽים׃

14 תְּהֹ֣וםa אָ֭מַרb לֹ֣א בִי־הִ֑יא וְיָ֥ם אָ֝מַ֗רc אֵ֣ין עִמָּדִֽיd ׃

15 לֹא־יֻתַּ֣ןa סְגֹ֣ורb תַּחְתֶּ֑יהָ וְלֹ֥א יִ֝שָּׁקֵ֗לc כֶּ֣סֶף מְחִירָֽהּd ׃

16 לֹֽא־תְ֭סֻלֶּהa בְּכֶ֣תֶםb אֹופִ֑ירc בְּשֹׁ֖הַםd יָקָ֣רe וְסַפִּֽירf ׃

17 לֹא־יַעַרְכֶ֣נָּהa זָ֭הָב וּזְכֹוכִ֑יתb וּתְמ֖וּרָתָ֣הּc כְּלִי־פָֽזd ׃

18 רָאמֹ֣ותa וְ֭גָבִישׁb לֹ֣א יִזָּכֵ֑רc וּמֶ֥שֶׁךְd חָ֝כְמָ֗ה מִפְּנִינִֽיםe ׃

19 לֹֽא־יַ֭עַרְכֶנָּהa פִּטְדַתb ־כּ֑וּשׁc בְּכֶ֥תֶםd טָ֝הֹ֗ור לֹ֣א תְסֻלֶּֽהe ׃ פ

20 וְֽ֭הַחָכְמָה מֵאַ֣יִןa תָּבֹ֑ואb וְאֵ֥יc זֶ֝֗ה מְקֹ֣ום בִּינָֽהd ׃

21 וְֽ֭נֶעֶלְמָהa מֵעֵינֵ֣י כָל־חָ֑י וּמֵעֹ֖וף הַשָּׁמַ֣יִם נִסְתָּֽרָהb ׃

22 אֲבַדֹּ֣וןa וָ֭מָוֶת אָ֣מְר֑וּb בְּ֝אָזְנֵ֗ינוּ שָׁמַ֥עְנוּc שִׁמְעָֽהּd ׃

23 אֱ֭לֹהִים הֵבִ֣יןa דַּרְכָּ֑הּ וְ֝ה֗וּא יָדַ֥עb אֶת־מְקֹומָֽהּ׃

24 כִּי־ה֖וּא לִקְצֹותa ־הָאָ֣רֶץ יַבִּ֑יטb תַּ֖חַת כָּל־הַשָּׁמַ֣יִם יִרְאֶֽהc ׃

25 לַעֲשֹׂ֣ותa לָר֣וּחַ מִשְׁקָ֑לb וּ֝מַ֗יִם תִּכֵּ֥ןc בְּמִדָּֽה׃

26 בַּעֲשֹׂתֹ֣וa לַמָּטָ֣רb חֹ֑ק וְ֝דֶ֗רֶךְ לַחֲזִ֥יזc קֹלֹֽות׃

27 אָ֣ז רָ֭אָהּa וַֽיְסַפְּרָ֑הּb הֱ֝כִינָ֗הּc וְגַם־חֲקָרָֽהּd ׃

28 וַיֹּ֤אמֶרa ׀ לָֽאָדָ֗ם הֵ֤ן יִרְאַ֣תb אֲ֭דֹנָי הִ֣יא חָכְמָ֑ה וְס֖וּרc מֵרָ֣ע בִּינָֽהd ׃ ס

29

וַיֹּ֣סֶףa אִ֭יֹּוב שְׂאֵ֥תb מְשָׁלֹ֗וc וַיֹּאמַֽרd ׃

2 מִֽי־יִתְּנֵ֥נִיa כְיַרְחֵיb ־קֶ֑דֶם כִּ֝ימֵ֗י אֱלֹ֣והַּ יִשְׁמְרֵֽנִיc ׃

3 בְּהִלֹּ֣וa נֵ֭רֹוb עֲלֵ֣י רֹאשִׁ֑י לְ֝אֹורֹו אֵ֣לֶךְc חֹֽשֶׁךְ׃

4 כַּאֲשֶׁ֣ר הָ֭יִיתִיa בִּימֵ֣י חָרְפִּ֑יb בְּסֹ֥ודc אֱ֝לֹ֗והַּ עֲלֵ֣י אָהֳלִֽי׃

5 בְּעֹ֣וד שַׁ֭דַּיa עִמָּדִ֑יb סְבִ֖יבֹותַ֣י נְעָרָֽי׃

6 בִּרְחֹ֣ץa הֲלִיכַ֣יb בְּחֵמָ֑הc וְצ֥וּר יָצ֥וּקd עִ֝מָּדִ֗יe פַּלְגֵיf ־שָֽׁמֶן׃

7 בְּצֵ֣אתִיa שַׁ֣עַר עֲלֵי־קָ֑רֶתb בָּ֝רְחֹ֗ובc אָכִ֥יןd מֹושָׁבִֽיe ׃

8 רָא֣וּנִיa נְעָרִ֣ים וְנֶחְבָּ֑אוּb וִֽ֝ישִׁישִׁיםc קָ֣מוּd עָמָֽדוּe ׃

9 שָׂ֭רִים עָצְר֣וּa בְמִלִּ֑יםb וְ֝כַ֗ף יָשִׂ֥ימוּc לְפִיהֶֽם׃

10 קֹול־נְגִידִ֥יםa נֶחְבָּ֑אוּb וּ֝לְשֹׁונָ֗ם לְחִכָּ֥םc דָּבֵֽקָהd ׃

11 כִּ֤י אֹ֣זֶן שָׁ֭מְעָהa וַֽתְּאַשְּׁרֵ֑נִיb וְעַ֥יִן רָ֝אֲתָ֗הc וַתְּעִידֵֽנִיd ׃

12 כִּֽי־אֲ֭מַלֵּטa עָנִ֣י מְשַׁוֵּ֑עַb וְ֝יָתֹ֗וםc וְֽלֹא־עֹזֵ֥ר לֹֽו׃

13 בִּרְכַּ֣ת אֹ֭בֵד עָלַ֣י תָּבֹ֑אa וְלֵ֖ב אַלְמָנָ֣ה אַרְנִֽןb ׃

14 צֶ֣דֶק לָ֭בַשְׁתִּיa וַיִּלְבָּשֵׁ֑נִיb כִּֽמְעִ֥ילc וְ֝צָנִ֗יףd מִשְׁפָּטִֽי׃

15 עֵינַ֣יִם הָ֭יִיתִיa לַֽעִוֵּ֑רb וְרַגְלַ֖יִם לַפִּסֵּ֣חַc אָֽנִי׃

16 אָ֣ב אָ֭נֹכִֽי לָֽאֶבְיֹונִ֑ים וְרִ֖ב לֹא־יָדַ֣עְתִּיa אֶחְקְרֵֽהוּb ׃

17 וָֽ֭אֲשַׁבְּרָהa מְתַלְּעֹ֣ותb עַוָּ֑לc וּ֝מִשִּׁנָּ֗יו אַשְׁלִ֥יךְd טָֽרֶףe ׃

18 וָ֭אֹמַרa עִם־קִנִּ֣יb אֶגְוָ֑עc וְ֝כַחֹ֗ולd אַרְבֶּ֥הe יָמִֽים׃

19 שָׁרְשִׁ֣יa פָת֣וּחַb אֱלֵי־מָ֑יִם וְ֝טַ֗לc יָלִ֥יןd בִּקְצִירִֽיe ׃

20 כְּ֭בֹודִי חָדָ֣שׁ עִמָּדִ֑יa וְ֝קַשְׁתִּ֗י בְּיָדִ֥י תַחֲלִֽיףb ׃

21 לִֽי־שָׁמְע֥וּa וְיִחֵ֑לּוּb וְ֝יִדְּמ֗וּc לְמֹ֣וd עֲצָתִֽי׃

22 אַחֲרֵ֣י דְ֭בָרִי לֹ֣א יִשְׁנ֑וּa וְ֝עָלֵ֗ימֹו תִּטֹּ֥ףb מִלָּתִֽיc ׃

23 וְיִֽחֲל֣וּa כַמָּטָ֣רb לִ֑י וּ֝פִיהֶ֗ם פָּעֲר֥וּc לְמַלְקֹֽושׁd ׃

24 אֶשְׂחַ֣קa אֲ֭לֵהֶם לֹ֣א יַאֲמִ֑ינוּb וְאֹ֥ור פָּ֝נַ֗י לֹ֣א יַפִּילֽוּןc ׃

25 אֶֽבֲחַ֣רa דַּרְכָּם֮ וְאֵשֵׁ֢בb רֹ֥אשׁ וְ֭אֶשְׁכֹּוןc כְּמֶ֣לֶךְ בַּגְּד֑וּדd כַּאֲשֶׁ֖ר אֲבֵלִ֣יםe יְנַחֵֽםf ׃

30

וְעַתָּ֤ה׀ שָֽׂחֲק֣וּa עָלַי֮ צְעִירִ֥יםb מִמֶּ֗נִּי לְיָ֫מִ֥ים אֲשֶׁר־מָאַ֥סְתִּיc אֲבֹותָ֑ם לָ֝שִׁ֗יתd עִם־כַּלְבֵ֥יe צֹאנִֽי׃

2 גַּם־כֹּ֣חַ יְ֭דֵיהֶם לָ֣מָּה לִּ֑י עָ֝לֵ֗ימֹו אָ֣בַדa כָּֽלַחb ׃

3 בְּחֶ֥סֶרa וּבְכָפָ֗ןb גַּ֫לְמ֥וּדc הַֽעֹרְקִ֥יםd צִיָּ֑הe אֶ֝֗מֶשׁf שֹׁואָ֥הg וּמְשֹׁאָֽהh ׃

4 הַקֹּטְפִ֣יםa מַלּ֣וּחַb עֲלֵי־שִׂ֑יחַc וְשֹׁ֖רֶשׁd רְתָמִ֣יםe לַחְמָֽם׃

5 מִן־גֵּ֥וa יְגֹרָ֑שׁוּb יָרִ֥יעוּc עָ֝לֵ֗ימֹו כַּגַּנָּֽבd ׃

6 בַּעֲר֣וּץa נְחָלִ֣ים לִשְׁכֹּ֑ןb חֹרֵ֖יc עָפָ֣ר וְכֵפִֽיםd ׃

7 בֵּין־שִׂיחִ֥יםa יִנְהָ֑קוּb תַּ֖חַת חָר֣וּלc יְסֻפָּֽחוּd ׃

8 בְּֽנֵי־נָ֭בָלa גַּם־בְּנֵ֣י בְלִי־שֵׁ֑ם נִ֝כְּא֗וּb מִן־הָאָֽרֶץ׃

9 וְ֭עַתָּה נְגִינָתָ֣םa הָיִ֑יתִיb וָאֱהִ֖יc לָהֶ֣ם לְמִלָּֽהd ׃

10 תִּֽ֭עֲבוּנִיa רָ֣חֲקוּb מֶ֑נִּי וּ֝מִפָּנַ֗י לֹא־חָ֥שְׂכוּc רֹֽקd ׃

11 כִּֽי־יתרוa פִ֭תַּחb וַיְעַנֵּ֑נִיc וְ֝רֶ֗סֶןd מִפָּנַ֥י שִׁלֵּֽחוּe ׃

12 עַל־יָמִין֮ פִּרְחַ֢חa יָ֫ק֥וּמוּb רַגְלַ֥י שִׁלֵּ֑חוּc וַיָּסֹ֥לּוּd עָ֝לַ֗י אָרְחֹ֥ות אֵידָֽםe ׃

13 נָתְס֗וּa נְֽתִיבָ֫תִ֥יb לְהַוָּתִ֥יc יֹעִ֑ילוּd לֹ֖א עֹזֵ֣ר לָֽמֹו׃

14 כְּפֶ֣רֶץa רָחָ֣בb יֶאֱתָ֑יוּc תַּ֥חַת שֹׁ֝אָ֗הd הִתְגַּלְגָּֽלוּe ׃

15 הָהְפַּ֥ךְa עָלַ֗י בַּלָּ֫הֹ֥ותb תִּרְדֹּ֣ףc כָּ֭רוּחַ נְדִבָתִ֑יd וּ֝כְעָ֗בe עָבְרָ֥הf יְשֻׁעָתִֽי׃

16 וְעַתָּ֗ה עָ֭לַי תִּשְׁתַּפֵּ֣ךְa נַפְשִׁ֑י יֹ֭אחֲז֣וּנִיb יְמֵי־עֹֽנִיc ׃

17 לַ֗יְלָה עֲ֭צָמַי נִקַּ֣רa מֵעָלָ֑י וְ֝עֹרְקַ֗יb לֹ֣א יִשְׁכָּבֽוּןc ׃

18 בְּרָב־כֹּ֖חַ יִתְחַפֵּ֣שׂa לְבוּשִׁ֑יb כְּפִ֖י כֻתָּנְתִּ֣יc יַֽאַזְרֵֽנִיd ׃

19 הֹרָ֥נִיa לַחֹ֑מֶרb וָ֝אֶתְמַשֵּׁ֗לc כֶּעָפָ֥ר וָאֵֽפֶרd ׃

20 אֲשַׁוַּ֣עa אֵ֭לֶיךָ וְלֹ֣א תַעֲנֵ֑נִיb עָ֝מַ֗דְתִּיc וַתִּתְבֹּ֥נֶןd בִּֽי׃

21 תֵּהָפֵ֣ךְa לְאַכְזָ֣רb לִ֑י בְּעֹ֖צֶםc יָדְךָ֣ תִשְׂטְמֵֽנִיd ׃

22 תִּשָּׂאֵ֣נִיa אֶל־ר֖וּחַ תַּרְכִּיבֵ֑נִיb וּ֝תְמֹגְגֵ֗נִיc תשׁוהd ׃

23 כִּֽי־יָ֭דַעְתִּיa מָ֣וֶת תְּשִׁיבֵ֑נִיb וּבֵ֖ית מֹועֵ֣ד לְכָל־חָֽי׃

24 אַ֣ךְ לֹא־בְ֭עִיa יִשְׁלַחb ־יָ֑ד אִם־בְּ֝פִידֹ֗וc לָהֶ֥ן שֽׁוּעַd ׃

25 אִם־לֹ֣א בָ֭כִיתִיa לִקְשֵׁהb ־יֹ֑ום עָֽגְמָ֥הc נַ֝פְשִׁ֗י לָאֶבְיֹֽון׃

26 כִּ֤י טֹ֣וב קִ֭וִּיתִיa וַיָּ֣בֹאb רָ֑ע וַֽאֲיַחֲלָ֥הc לְ֝אֹ֗ור וַיָּ֥בֹאd אֹֽפֶלe ׃

27 מֵעַ֖יa רֻתְּח֥וּb וְלֹא־דָ֗מּוּc קִדְּמֻ֥נִיd יְמֵי־עֹֽנִיe ׃

28 קֹדֵ֣רa הִ֭לַּכְתִּיb בְּלֹ֣א חַמָּ֑הc קַ֖מְתִּיd בַקָּהָ֣ל אֲשַׁוֵּֽעַe ׃

29 אָ֭ח הָיִ֣יתִיa לְתַנִּ֑יםb וְ֝רֵ֗עַ לִבְנֹ֥ות יַעֲנָֽהc ׃

30 עֹ֖ורִי שָׁחַ֣רa מֵעָלָ֑י וְעַצְמִי־חָ֝֗רָהb מִנִּי־חֹֽרֶבc ׃

31 וַיְהִ֣יa לְ֭אֵבֶלb כִּנֹּרִ֑יc וְ֝עֻגָבִ֗יd לְקֹ֣ול בֹּכִֽים׃

31

בְּ֭רִית כָּרַ֣תִּיa לְעֵינָ֑י וּמָ֥ה אֶ֝תְבֹּונֵ֗ןb עַל־בְּתוּלָֽה׃

2 וּמֶ֤ה׀ חֵ֣לֶק אֱלֹ֣והַּ מִמָּ֑עַל וְֽנַחֲלַ֥ת שַׁ֝דַּ֗יa מִמְּרֹמִֽים׃

3 הֲלֹא־אֵ֥ידa לְעַוָּ֑לb וְ֝נֵ֗כֶרc לְפֹ֣עֲלֵי אָֽוֶן׃

4 הֲלֹא־ה֖וּא יִרְאֶ֣הa דְרָכָ֑י וְֽכָל־צְעָדַ֥יb יִסְפֹּֽורc ׃

5 אִם־הָלַ֥כְתִּיa עִם־שָׁ֑וְא וַתַּ֖חַשׁb עַל־מִרְמָ֣הc רַגְלִֽי׃

6 יִשְׁקְלֵ֥נִיa בְמֹאזְנֵיb ־צֶ֑דֶק וְיֵדַ֥עc אֱ֝לֹ֗והַּ תֻּמָּתִֽיd ׃

7 אִ֥ם תִּטֶּ֣הa אַשֻּׁרִי֮b מִנִּ֢י הַ֫דָּ֥רֶךְ וְאַחַ֣ר עֵ֭ינַי הָלַ֣ךְc לִבִּ֑י וּ֝בְכַפַּ֗י דָּ֣בַקd מֻאֽוּםe ׃ פ

8 אֶ֭זְרְעָהa וְאַחֵ֣ר יֹאכֵ֑לb וְֽצֶאֱצָאַ֥יc יְשֹׁרָֽשׁוּd ׃

9 אִם־נִפְתָּ֣הa לִ֭בִּי עַל־אִשָּׁ֑ה וְעַל־פֶּ֖תַח רֵעִ֣י אָרָֽבְתִּיb ׃

10 תִּטְחַ֣ןa לְאַחֵ֣ר אִשְׁתִּ֑י וְ֝עָלֶ֗יהָ יִכְרְע֥וּןb אֲחֵרִֽין׃

11 כִּי־הואa זִמָּ֑הb והיאc עָוֹ֥ן פְּלִילִֽיםd ׃

12 כִּ֤י אֵ֣שׁ הִ֭יא עַד־אֲבַדֹּ֣וןa תֹּאכֵ֑לb וּֽבְכָל־תְּב֖וּאָתִ֣יc תְשָׁרֵֽשׁd ׃

13 אִם־אֶמְאַ֗סa מִשְׁפַּ֣ט עַ֭בְדִּי וַאֲמָתִ֑י בְּ֝רִבָ֗ם עִמָּדִֽיb ׃

14 וּמָ֣ה אֶֽ֭עֱשֶׂהa כִּֽי־יָק֣וּםb אֵ֑ל וְכִֽי־יִ֝פְקֹ֗דc מָ֣ה אֲשִׁיבֶֽנּוּd ׃

15 הֲֽ֝לֹא־בַ֭בֶּטֶן עֹשֵׂ֣נִי עָשָׂ֑הוּa וַ֝יְכֻנֶ֗נּוּb בָּרֶ֥חֶםc אֶחָֽד׃

16 אִם־אֶ֭מְנַעa מֵחֵ֣פֶץb דַּלִּ֑יםc וְעֵינֵ֖י אַלְמָנָ֣ה אֲכַלֶּֽהd ׃

17 וְאֹכַ֣לa פִּתִּ֣יb לְבַדִּ֑י וְלֹא־אָכַ֖לc יָתֹ֣וםd מִמֶּֽנָּה׃

18 כִּ֣י מִ֭נְּעוּרַיa גְּדֵלַ֣נִיb כְאָ֑ב וּמִבֶּ֖טֶן אִמִּ֣י אַנְחֶֽנָּהc ׃

19 אִם־אֶרְאֶ֣הa אֹ֖ובֵד מִבְּלִ֣י לְב֑וּשׁb וְאֵ֥ין כְּ֝ס֗וּתc לָאֶבְיֹֽון׃

20 אִם־לֹ֣א בֵרֲכ֣וּנִיa חלצוb וּמִגֵּ֥זc כְּ֝בָשַׂי יִתְחַמָּֽםd ׃

21 אִם־הֲנִיפֹ֣ותִיa עַל־יָתֹ֣וםb יָדִ֑י כִּֽי־אֶרְאֶ֥הc בַ֝שַּׁ֗עַר עֶזְרָתִֽיd ׃

22 כְּ֭תֵפִי מִשִּׁכְמָ֣הa תִפֹּ֑ולb וְ֝אֶזְרֹעִ֗יc מִקָּנָ֥ה תִשָּׁבֵֽרd ׃

23 כִּ֤י פַ֣חַדa אֵ֭לַי אֵ֣ידb אֵ֑ל וּ֝מִשְּׂאֵתֹ֗וc לֹ֣א אוּכָֽלd ׃

24 אִם־שַׂ֣מְתִּיa זָהָ֣ב כִּסְלִ֑יb וְ֝לַכֶּ֗תֶםc אָמַ֥רְתִּיd מִבְטַחִֽיe ׃

25 אִם־אֶ֭שְׂמַחa כִּי־רַ֣ב חֵילִ֑י וְכִֽי־כַ֝בִּ֗ירb מָצְאָ֥הc יָדִֽי׃

26 אִם־אֶרְאֶ֣הa אֹ֖ור כִּ֣י יָהֵ֑לb וְ֝יָרֵ֗חַc יָקָ֥רd הֹלֵֽךְe ׃

27 וַיִּ֣פְתְּa בַּסֵּ֣תֶרb לִבִּ֑י וַתִּשַּׁ֖קc יָדִ֣י לְפִֽי׃

28 גַּם־ה֖וּא עָוֹ֣ן פְּלִילִ֑יa כִּֽי־כִחַ֖שְׁתִּיb לָאֵ֣ל מִמָּֽעַל׃

29 אִם־אֶ֭שְׂמַחa בְּפִ֣ידb מְשַׂנְאִ֑י וְ֝הִתְעֹרַ֗רְתִּיc כִּֽי־מְצָ֥אֹוd רָֽע׃

30 וְלֹא־נָתַ֣תִּיa לַחֲטֹ֣אb חִכִּ֑יc לִשְׁאֹ֖לd בְּאָלָ֣הe נַפְשֹֽׁו׃

31 אִם־לֹ֣א אָ֭מְרוּa מְתֵ֣יb אָהֳלִ֑י מִֽי־יִתֵּ֥ןc מִ֝בְּשָׂרֹ֗ו לֹ֣א נִשְׂבָּֽעd ׃

32 בַּ֭חוּץ לֹא־יָלִ֣יןa גֵּ֑ר דְּ֝לָתַ֗י לָאֹ֥רַח אֶפְתָּֽחb ׃

33 אִם־כִּסִּ֣יתִיa כְאָדָ֣םb פְּשָׁעָ֑י לִטְמֹ֖וןc בְּחֻבִּ֣יd עֲוֹֽנִי׃

34 כִּ֤י אֶֽעֱרֹ֨וץa ׀ הָ֘מֹ֤ון רַבָּ֗ה וּבוּזb ־מִשְׁפָּחֹ֥ות יְחִתֵּ֑נִיc וָ֝אֶדֹּ֗םd לֹא־אֵ֥צֵאe פָֽתַח׃

35 מִ֤י יִתֶּןa ־לִ֨י׀ שֹׁ֘מֵ֤עַֽ לִ֗י הֶן־תָּ֭וִיb שַׁדַּ֣יc יַעֲנֵ֑נִיd וְסֵ֥פֶר כָּ֝תַ֗בe אִ֣ישׁ רִיבִֽי׃

36 אִם־לֹ֣א עַל־שִׁ֭כְמִיa אֶשָּׂאֶ֑נּוּb אֶֽעֶנְדֶ֖נּוּc עֲטָרֹ֣ותd לִֽי׃

37 מִסְפַּ֣ר צְ֭עָדַיa אַגִּידֶ֑נּוּb כְּמֹו־נָ֝גִ֗ידc אֲקָרֲבֶֽנּוּd ׃

38 אִם־עָ֭לַי אַדְמָתִ֣י תִזְעָ֑קa וְ֝יַ֗חַדb תְּלָמֶ֥יהָc יִבְכָּיֽוּןd ׃

39 אִם־כֹּ֖חָהּ אָכַ֣לְתִּיa בְלִי־כָ֑סֶף וְנֶ֖פֶשׁ בְּעָלֶ֣יהָ הִפָּֽחְתִּיb ׃

40 תַּ֤חַת חִטָּ֨הa ׀ יֵ֥צֵאb חֹ֗וחַc וְתַֽחַת־שְׂעֹרָ֥הd בָאְשָׁ֑הe תַּ֝֗מּוּf דִּבְרֵ֥י אִיֹּֽוב׃ פ

32

וַֽיִּשְׁבְּת֡וּa שְׁלֹ֤שֶׁת הָאֲנָשִׁ֣ים הָ֭אֵלֶּה מֵעֲנֹ֣ותb אֶת־אִיֹּ֑וב כִּ֤י ה֖וּא צַדִּ֣יק בְּעֵינָֽיו׃ פ

2 וַיִּ֤חַרa אַ֨ף׀ אֱלִיה֣וּאb בֶן־בַּרַכְאֵ֣לc הַבּוּזִי֮d מִמִּשְׁפַּ֢חַ֫ת רָ֥םe בְּ֭אִיֹּוב חָרָ֣הf אַפֹּ֑ו עַֽל־צַדְּקֹ֥וg נַ֝פְשֹׁ֗ו מֵאֱלֹהִֽים׃

3 וּבִשְׁלֹ֣שֶׁת רֵעָיו֮ חָרָ֢הa אַ֫פֹּ֥ו עַ֤ל אֲשֶׁ֣ר לֹא־מָצְא֣וּb מַעֲנֶ֑הc וַ֝יַּרְשִׁ֗יעוּd אֶת־אִיֹּֽוב׃

4 וֶֽאֱלִיה֗וּa חִכָּ֣הb אֶת־אִ֭יֹּוב בִּדְבָרִ֑ים כִּ֤י זְֽקֵנִים־הֵ֖מָּה מִמֶּ֣נּוּ לְיָמִֽים׃

5 וַיַּ֤רְאa אֱלִיה֗וּאb כִּ֘י אֵ֤ין מַעֲנֶ֗הc בְּ֭פִי שְׁלֹ֥שֶׁת הָאֲנָשִׁ֗ים וַיִּ֥חַרd אַפֹּֽו׃ פ

6 וַיַּ֤עַןa ׀ אֱלִיה֖וּאb בֶן־בַּֽרַכְאֵ֥לc הַבּוּזִ֗יd וַיֹּ֫אמַ֥רe צָ֘עִ֤ירf אֲנִ֣י לְ֭יָמִים וְאַתֶּ֣ם יְשִׁישִׁ֑יםg עַל־כֵּ֖ן זָחַ֥לְתִּיh וָֽאִירָ֓אi ׀ מֵחַוֹּ֖תj דֵּעִ֣יk אֶתְכֶֽם׃

7 אָ֭מַרְתִּיa יָמִ֣ים יְדַבֵּ֑רוּb וְרֹ֥ב שָׁ֝נִ֗ים יֹדִ֥יעוּc חָכְמָֽה׃

8 אָ֭כֵןa רֽוּחַ־הִ֣יא בֶאֱנֹ֑ושׁb וְנִשְׁמַ֖תc שַׁדַּ֣יd תְּבִינֵֽםe ׃

9 לֹֽא־רַבִּ֥ים יֶחְכָּ֑מוּa וּ֝זְקֵנִ֗ים יָבִ֥ינוּb מִשְׁפָּֽט׃

10 לָכֵ֣ן אָ֭מַרְתִּיa שִׁמְעָהb ־לִּ֑י אֲחַוֶּ֖הc דֵּעִ֣יd אַף־אָֽנִי׃

11 הֵ֤ן הֹוחַ֨לְתִּיa לְֽדִבְרֵיכֶ֗ם אָ֭זִיןb עַד־תְּב֥וּנֹֽתֵיכֶ֑םc עַֽד־תַּחְקְר֥וּןd מִלִּֽיןe ׃

12 וְעָֽדֵיכֶ֗ם אֶתְבֹּ֫ונָ֥ןa וְהִנֵּ֤ה אֵ֣ין לְאִיֹּ֣וב מֹוכִ֑יחַb עֹונֶ֖הc אֲמָרָ֣יוd מִכֶּֽם׃

13 פֶּן־תֹּ֣֭אמְרוּa מָצָ֣אנוּb חָכְמָ֑ה אֵ֖ל יִדְּפֶ֣נּוּc לֹא־אִֽישׁ׃

14 וְלֹא־עָרַ֣ךְa אֵלַ֣י מִלִּ֑יןb וּ֝בְאִמְרֵיכֶ֗םc לֹ֣א אֲשִׁיבֶֽנּוּd ׃

15 חַ֭תּוּa לֹא־עָ֣נוּb עֹ֑וד הֶעְתִּ֖יקוּc מֵהֶ֣ם מִלִּֽיםd ׃

16 וְ֭הֹוחַלְתִּיa כִּי־לֹ֣א יְדַבֵּ֑רוּb כִּ֥י עָ֝מְד֗וּc לֹא־עָ֥נוּd עֹֽוד׃

17 אַעֲנֶ֣הa אַף־אֲנִ֣י חֶלְקִ֑י אֲחַוֶּ֖הb דֵעִ֣יc אַף־אָֽנִי׃

18 כִּ֭י מָלֵ֣תִיa מִלִּ֑יםb הֱ֝צִיקַ֗תְנִיc ר֣וּחַ בִּטְנִֽי׃

19 הִנֵּֽה־בִטְנִ֗י כְּיַ֥יִן לֹא־יִפָּתֵ֑חַa כְּאֹבֹ֥ותb חֲ֝דָשִׁ֗ים יִבָּקֵֽעַc ׃

20 אֲדַבְּרָ֥הa וְיִֽרְוַֽחb ־לִ֑י אֶפְתַּ֖חc שְׂפָתַ֣י וְאֶֽעֱנֶֽהd ׃

21 אַל־נָ֭א אֶשָּׂ֣אa פְנֵי־אִ֑ישׁ וְאֶל־אָ֝דָ֗ם לֹ֣א אֲכַנֶּֽהb ׃

22 כִּ֤י לֹ֣א יָדַ֣עְתִּיa אֲכַנֶּ֑הb כִּ֝מְעַ֗ט יִשָּׂאֵ֥נִיc עֹשֵֽׂנִי׃

33

וְֽאוּלָ֗םa שְׁמַֽעb ־נָ֣א אִיֹּ֣וב מִלָּ֑יc וְֽכָל־דְּבָרַ֥י הַאֲזִֽינָהd ׃

2 הִנֵּה־נָ֭א פָּתַ֣חְתִּיa פִ֑י דִּבְּרָ֖הb לְשֹׁונִ֣י בְחִכִּֽיc ׃

3 יֹֽשֶׁרa ־לִבִּ֥י אֲמָרָ֑יb וְדַ֥עַת שְׂ֝פָתַ֗י בָּר֥וּרc מִלֵּֽלוּd ׃

4 רֽוּחַ־אֵ֥ל עָשָׂ֑תְנִיa וְנִשְׁמַ֖תb שַׁדַּ֣יc תְּחַיֵּֽנִיd ׃

5 אִם־תּוּכַ֥לa הֲשִׁיבֵ֑נִיb עֶרְכָ֥הc לְ֝פָנַ֗י הִתְיַצָּֽבָהd ׃

6 הֵן־אֲנִ֣י כְפִ֣יךָ לָאֵ֑ל מֵ֝חֹ֗מֶרa קֹרַ֥צְתִּיb גַם־אָֽנִי׃

7 הִנֵּ֣ה אֵ֭מָתִיa לֹ֣א תְבַעֲתֶ֑ךָּb וְ֝אַכְפִּ֗יc עָלֶ֥יךָ לֹא־יִכְבָּֽדd ׃

8 אַ֭ךְ אָמַ֣רְתָּa בְאָזְנָ֑י וְקֹ֖ול מִלִּ֣יןb אֶשְׁמָֽעc ׃

9 זַ֥ךְa אֲנִ֗י בְּֽלִ֫י פָ֥שַׁע חַ֥ףb אָנֹכִ֑י וְלֹ֖א עָוֹ֣ן לִֽי׃

10 הֵ֣ן תְּ֭נוּאֹותa עָלַ֣י יִמְצָ֑אb יַחְשְׁבֵ֖נִיc לְאֹויֵ֣ב לֹֽו׃

11 יָשֵׂ֣םa בַּסַּ֣דb רַגְלָ֑י יִ֝שְׁמֹ֗רc כָּל־אָרְחֹתָֽי׃

12 הֶן־זֹ֣את לֹא־צָדַ֣קְתָּa אֶעֱנֶ֑ךָּb כִּֽי־יִרְבֶּ֥הc אֱ֝לֹ֗והַ מֵאֱנֹֽושׁd ׃

13 מַ֭דּוּעַ אֵלָ֣יו רִיבֹ֑ותָa כִּ֥י כָל־דְּ֝בָרָ֗יו לֹ֣א־יַעֲנֶֽהb ׃

14 כִּֽי־בְאַחַ֥ת יְדַבֶּרa ־אֵ֑ל וּ֝בִשְׁתַּ֗יִם לֹ֣א יְשׁוּרֶֽנָּהb ׃

15 בַּחֲלֹ֤ום׀ חֶזְיֹ֬וןa לַ֗יְלָה בִּנְפֹ֣לb תַּ֭רְדֵּמָהc עַל־אֲנָשִׁ֑ים בִּ֝תְנוּמֹ֗ותd עֲלֵ֣י מִשְׁכָּֽבe ׃

16 אָ֣ז יִ֭גְלֶהa אֹ֣זֶן אֲנָשִׁ֑ים וּבְמֹ֖סָרָ֣ם יַחְתֹּֽםb ׃

17 לְ֭הָסִירa אָדָ֣ם מַעֲשֶׂ֑ה וְגֵוָ֖הb מִגֶּ֣בֶר יְכַסֶּֽהc ׃

18 יַחְשֹׂ֣ךְa נַ֭פְשֹׁו מִנִּי־שָׁ֑חַתb וְ֝חַיָּתֹ֗וc מֵעֲבֹ֥רd בַּשָּֽׁלַחe ׃

19 וְהוּכַ֣חa בְּ֭מַכְאֹובb עַל־מִשְׁכָּבֹ֑וc וריבd עֲצָמָ֣יו אֵתָֽןe ׃

20 וְזִֽהֲמַ֣תּוּa חַיָּתֹ֣וb לָ֑חֶם וְ֝נַפְשֹׁ֗ו מַאֲכַ֥לc תַּאֲוָֽהd ׃

21 יִ֣כֶלa בְּשָׂרֹ֣ו מֵרֹ֑אִיb ושׁפיc עַ֝צְמֹותָ֗יו לֹ֣א רֻאּֽוּd ׃

22 וַתִּקְרַ֣בa לַשַּׁ֣חַתb נַפְשֹׁ֑ו וְ֝חַיָּתֹ֗וc לַֽמְמִתִֽים׃

23 אִם־יֵ֤שׁ עָלָ֨יו׀ מַלְאָ֗ךְ מֵלִ֗יץa אֶחָ֥ד מִנִּי־אָ֑לֶף לְהַגִּ֖ידb לְאָדָ֣ם יָשְׁרֹֽוc ׃

24 וַיְחֻנֶּ֗נּוּa וַיֹּ֗אמֶרb פְּ֭דָעֵהוּc מֵרֶ֥דֶתd שָׁ֗חַתe מָצָ֥אתִיf כֹֽפֶרg ׃

25 רֻֽטֲפַ֣שׁa בְּשָׂרֹ֣ו מִנֹּ֑עַרb יָ֝שׁ֗וּבc לִימֵ֥י עֲלוּמָֽיוd ׃

26 יֶעְתַּ֤רa אֶל־אֱלֹ֨והַּ׀ וַיִּרְצֵ֗הוּb וַיַּ֣רְאc פָּ֭נָיו בִּתְרוּעָ֑הd וַיָּ֥שֶׁבe לֶ֝אֱנֹ֗ושׁf צִדְקָתֹֽו׃

27 יָשֹׁ֤רa ׀ עַל־אֲנָשִׁ֗ים וַיֹּ֗אמֶרb חָ֭טָאתִיc וְיָשָׁ֥ר הֶעֱוֵ֗יתִיd וְלֹא־שָׁ֥וָהe לִֽי׃

28 פָּדָ֣הa נפשׁיb מֵעֲבֹ֣רc בַּשָּׁ֑חַתd וחיתיe בָּאֹ֥ור תִּרְאֶֽהf ׃

29 הֶן־כָּל־אֵ֭לֶּה יִפְעַלa ־אֵ֑ל פַּעֲמַ֖יִם שָׁלֹ֣ושׁ עִם־גָּֽבֶר׃

30 לְהָשִׁ֣יבa נַ֭פְשֹׁו מִנִּי־שָׁ֑חַתb לֵ֝אֹ֗ורc בְּאֹ֣ור הַֽחַיִּים׃

31 הַקְשֵׁ֖בa אִיֹּ֥וב שְֽׁמַֽעb ־לִ֑י הַ֝חֲרֵ֗שׁc וְאָנֹכִ֥י אֲדַבֵּֽרd ׃

32 אִם־יֵשׁ־מִלִּ֥יןa הֲשִׁיבֵ֑נִיb דַּ֝בֵּ֗רc כִּֽי־חָפַ֥צְתִּיd צַדְּקֶֽךָּe ׃

33 אִם־אַ֭יִן אַתָּ֥ה שְֽׁמַֽעa ־לִ֑י הַ֝חֲרֵ֗שׁb וַאֲאַלֶּפְךָ֥c חָכְמָֽה׃ ס

34

וַיַּ֥עַןa אֱלִיה֗וּאb וַיֹּאמַֽרc ׃

2 שִׁמְע֣וּa חֲכָמִ֣ים מִלָּ֑יb וְ֝יֹדְעִ֗ים הַאֲזִ֥ינוּc לִֽי׃

3 כִּי־אֹ֭זֶן מִלִּ֣יןa תִּבְחָ֑ןb וְ֝חֵ֗ךְc יִטְעַ֥םd לֶאֱכֹֽלe ׃

4 מִשְׁפָּ֥ט נִבְחֲרָהa ־לָּ֑נוּ נֵדְעָ֖הb בֵינֵ֣ינוּ מַה־טֹּֽוב׃

5 כִּֽי־אָ֭מַרa אִיֹּ֣וב צָדַ֑קְתִּיb וְ֝אֵ֗ל הֵסִ֥ירc מִשְׁפָּטִֽי׃

6 עַל־מִשְׁפָּטִ֥י אֲכַזֵּ֑בa אָנ֖וּשׁb חִצִּ֣י בְלִי־פָֽשַׁע׃

7 מִי־גֶ֥בֶר כְּאִיֹּ֑וב יִֽשְׁתֶּהa ־לַּ֥עַגb כַּמָּֽיִם׃

8 וְאָרַ֣חa לְ֭חֶבְרָהb עִם־פֹּ֣עֲלֵי אָ֑וֶן וְ֝לָלֶ֗כֶתc עִם־אַנְשֵׁי־רֶֽשַׁעd ׃

9 כִּֽי־אָ֭מַרa לֹ֣א יִסְכָּןb ־גָּ֑בֶר בִּ֝רְצֹתֹ֗וc עִם־אֱלֹהִֽים׃

10 לָכֵ֤ן׀ אַֽנֲשֵׁ֥י לֵבָ֗ב שִׁמְע֫וּa לִ֥י חָלִ֖לָהb לָאֵ֥ל מֵרֶ֗שַׁעc וְשַׁדַּ֥יd מֵעָֽוֶלe ׃

11 כִּ֤י פֹ֣עַלa אָ֭דָם יְשַׁלֶּםb ־לֹ֑ו וּֽכְאֹ֥רַח אִ֝֗ישׁ יַמְצִאֶֽנּוּc ׃

12 אַף־אָמְנָ֗םa אֵ֥ל לֹֽא־יַרְשִׁ֑יעַb וְ֝שַׁדַּ֗יc לֹֽא־יְעַוֵּ֥תd מִשְׁפָּֽט׃

13 מִֽי־פָקַ֣דa עָלָ֣יו אָ֑רְצָה וּמִ֥י שָׂ֝֗םb תֵּבֵ֥לc כֻּלָּֽהּ׃

14 אִם־יָשִׂ֣יםa אֵלָ֣יו לִבֹּ֑ו רוּחֹ֥ו וְ֝נִשְׁמָתֹ֗וb אֵלָ֥יו יֶאֱסֹֽףc ׃

15 יִגְוַ֣עa כָּל־בָּשָׂ֣ר יָ֑חַדb וְ֝אָדָ֗ם עַל־עָפָ֥ר יָשֽׁוּבc ׃

16 וְאִם־בִּ֥ינָהa שִׁמְעָהb ־זֹּ֑את הַ֝אֲזִ֗ינָהc לְקֹ֣ול מִלָּֽיd ׃

17 הַאַ֬ף שֹׂונֵ֣א מִשְׁפָּ֣ט יַחֲבֹ֑ושׁa וְאִם־צַדִּ֖יק כַּבִּ֣ירb תַּרְשִֽׁיעַc ׃

18 הַאֲמֹ֣רa לְמֶ֣לֶךְ בְּלִיָּ֑עַלb רָ֝שָׁ֗ע אֶל־נְדִיבִֽיםc ׃

19 אֲשֶׁ֤ר לֹֽא־נָשָׂ֨אa ׀ פְּנֵ֥י שָׂרִ֗ים וְלֹ֣א נִכַּרb ־שֹׁ֖ועַc לִפְנֵי־דָ֑לd כִּֽי־מַעֲשֵׂ֖ה יָדָ֣יו כֻּלָּֽם׃

20 רֶ֤גַעa ׀ יָמֻתוּ֮b וַחֲצֹ֢ותc לָ֥יְלָה יְגֹעֲשׁ֣וּd עָ֣ם וְיַעֲבֹ֑רוּe וְיָסִ֥ירוּf אַ֝בִּ֗ירg לֹ֣א בְיָֽד׃

21 כִּי־עֵ֭ינָיו עַל־דַּרְכֵי־אִ֑ישׁ וְֽכָל־צְעָדָ֥יוa יִרְאֶֽהb ׃

22 אֵֽין־חֹ֖שֶׁךְ וְאֵ֣ין צַלְמָ֑וֶתa לְהִסָּ֥תֶרb שָׁ֝֗ם פֹּ֣עֲלֵי אָֽוֶן׃

23 כִּ֤י לֹ֣א עַל־אִ֭ישׁ יָשִׂ֣יםa עֹ֑וד לַהֲלֹ֥ךְb אֶל־אֵ֝֗ל בַּמִּשְׁפָּֽט׃

24 יָרֹ֣עַa כַּבִּירִ֣יםb לֹא־חֵ֑קֶרc וַיַּעֲמֵ֖דd אֲחֵרִ֣ים תַּחְתָּֽם׃

25 לָכֵ֗ן יַ֭כִּירa מַעְבָּֽדֵיהֶ֑םb וְהָ֥פַךְc לַ֝֗יְלָה וְיִדַּכָּֽאוּd ׃

26 תַּֽחַת־רְשָׁעִ֥ים סְפָקָ֗םa בִּמְקֹ֥ום רֹאִֽים׃

27 אֲשֶׁ֣ר עַל־כֵּ֭ן סָ֣רוּa מֵֽאַחֲרָ֑יו וְכָל־דְּ֝רָכָ֗יו לֹ֣א הִשְׂכִּֽילוּb ׃

28 לְהָבִ֣יאa עָ֭לָיו צַֽעֲקַתb ־דָּ֑לc וְצַעֲקַ֖תd עֲנִיִּ֣ים יִשְׁמָֽעe ׃

29 וְה֤וּא יַשְׁקִ֨טa ׀ וּמִ֥י יַרְשִׁ֗עַb וְיַסְתֵּ֣רc פָּ֭נִים וּמִ֣י יְשׁוּרֶ֑נּוּd וְעַל־גֹּ֖וי וְעַל־אָדָ֣ם יָֽחַדe ׃

30 מִ֭מְּלֹךְa אָדָ֥ם חָנֵ֗ףb מִמֹּ֥קְשֵׁיc עָֽם׃

31 כִּֽי־אֶל־אֵ֭ל הֶאָמַ֥רa נָשָׂ֗אתִיb לֹ֣א אֶחְבֹּֽלc ׃

32 בִּלְעֲדֵ֣יa אֶ֭חֱזֶהb אַתָּ֣ה הֹרֵ֑נִיc אִֽם־עָ֥וֶלd פָּ֝עַ֗לְתִּיe לֹ֣א אֹסִֽיףf ׃

33 הַֽמֵעִמְּךָ֬ יְשַׁלְמֶ֨נָּהa כִּֽי־מָאַ֗סְתָּb כִּי־אַתָּ֣ה תִבְחַ֣רc וְלֹא־אָ֑נִי וּֽמַה־יָדַ֥עְתָּd דַבֵּֽרe ׃

34 אַנְשֵׁ֣י לֵ֭בָב יֹ֣אמְרוּa לִ֑י וְגֶ֥בֶר חָ֝כָ֗ם שֹׁמֵ֥עַֽb לִֽי׃

35 אִ֭יֹּוב לֹא־בְדַ֣עַת יְדַבֵּ֑רa וּ֝דְבָרָ֗יו לֹ֣א בְהַשְׂכֵּֽילb ׃

36 אָבִ֗י יִבָּחֵ֣ןa אִיֹּ֣וב עַד־נֶ֑צַחb עַל־תְּ֝שֻׁבֹ֗תc בְּאַנְשֵׁי־אָֽוֶן׃

37 כִּ֥י יֹ֘סִ֤יףa עַֽל־חַטָּאתֹ֣ו פֶ֭שַׁע בֵּינֵ֣ינוּ יִסְפֹּ֑וקb וְיֶ֖רֶבc אֲמָרָ֣יוd לָאֵֽל׃ ס

35

וַיַּ֥עַןa אֱלִיה֗וּb וַיֹּאמַֽרc ׃

2 הֲ֭זֹאת חָשַׁ֣בְתָּa לְמִשְׁפָּ֑ט אָ֝מַ֗רְתָּb צִדְקִ֥י מֵאֵֽל׃

3 כִּֽי־תֹ֭אמַרa מַה־יִּסְכָּןb ־לָ֑ךְ מָֽה־אֹ֝עִ֗ילc מֵֽחַטָּאתִֽי׃

4 אֲ֭נִי אֲשִֽׁיבְךָ֣a מִלִּ֑יןb וְֽאֶת־רֵעֶ֥יךָ עִמָּֽךְ׃

5 הַבֵּ֣טa שָׁמַ֣יִם וּרְאֵ֑הb וְשׁ֥וּרc שְׁ֝חָקִ֗יםd גָּבְה֥וּe מִמֶּֽךָּ׃

6 אִם־חָ֭טָאתָa מַה־תִּפְעָלb ־בֹּ֑ו וְרַבּ֥וּc פְ֝שָׁעֶ֗יךָ מַה־תַּעֲשֶׂהd ־לֹּֽו׃

7 אִם־צָ֭דַקְתָּa מַה־תִּתֶּןb ־לֹ֑ו אֹ֥ו מַה־מִיָּדְךָ֥ יִקָּֽחc ׃

8 לְאִישׁ־כָּמֹ֥וךָ רִשְׁעֶ֑ךָa וּלְבֶן־אָ֝דָ֗ם צִדְקָתֶֽךָ׃

9 מֵ֭רֹב עֲשׁוּקִ֣יםa יַזְעִ֑יקוּb יְשַׁוְּע֖וּc מִזְּרֹ֣ועַ רַבִּֽים׃

10 וְֽלֹא־אָמַ֗רa אַ֭יֵּהb אֱלֹ֣והַּ עֹשָׂ֑י נֹתֵ֖ןc זְמִרֹ֣ותd בַּלָּֽיְלָה׃

11 מַ֭לְּפֵנוּa מִבַּהֲמֹ֣ות אָ֑רֶץ וּמֵעֹ֖וף הַשָּׁמַ֣יִם יְחַכְּמֵֽנוּb ׃

12 שָׁ֣ם יִ֭צְעֲקוּa וְלֹ֣א יַעֲנֶ֑הb מִ֝פְּנֵ֗י גְּאֹ֣וןc רָעִֽים׃

13 אַךְ־שָׁ֭וְא לֹא־יִשְׁמַ֥עa ׀ אֵ֑ל וְ֝שַׁדַּ֗יb לֹ֣א יְשׁוּרֶֽנָּהc ׃

14 אַ֣ף כִּֽי־תֹ֖אמַרa לֹ֣א תְשׁוּרֶ֑נּוּb דִּ֥יןc לְ֝פָנָ֗יו וּתְחֹ֥ולֵֽלd לֹֽו׃

15 וְעַתָּ֗ה כִּי־אַ֭יִן פָּקַ֣דa אַפֹּ֑ו וְלֹֽא־יָדַ֖עb בַּפַּ֣שׁc מְאֹֽד׃

16 וְ֭אִיֹּוב הֶ֣בֶל יִפְצֶהa ־פִּ֑יהוּ בִּבְלִי־דַ֝֗עַת מִלִּ֥יןb יַכְבִּֽרc ׃ פ

36

וַיֹּ֥סֶףa אֱלִיה֗וּאb וַיֹּאמַֽרc ׃

2 כַּתַּרa ־לִ֣י זְ֭עֵירb וַאֲחַוֶּ֑ךָּc כִּ֤י עֹ֖וד לֶאֱלֹ֣והַּ מִלִּֽיםd ׃

3 אֶשָּׂ֣אa דֵ֭עִיb לְמֵרָחֹ֑וק וְ֝לְפֹעֲלִ֗י אֶֽתֵּֽןc ־צֶֽדֶק׃

4 כִּֽי־אָ֭מְנָםa לֹא־שֶׁ֣קֶר מִלָּ֑יb תְּמִ֖ים דֵּעֹ֣ותc עִמָּֽךְ׃

5 הֶן־אֵ֣ל כַּ֭בִּירa וְלֹ֣א יִמְאָ֑סb כַּ֝בִּ֗ירc כֹּ֣חַֽ לֵֽב׃

6 לֹא־יְחַיֶּ֥הa רָשָׁ֑ע וּמִשְׁפַּ֖ט עֲנִיִּ֣ים יִתֵּֽןb ׃

7 לֹֽא־יִגְרַ֥עa מִצַּדִּ֗יק עֵ֫ינָ֥יו וְאֶת־מְלָכִ֥ים לַכִּסֵּ֑א וַיֹּשִׁיבֵ֥םb לָ֝נֶ֗צַחc וַיִּגְבָּֽהוּd ׃

8 וְאִם־אֲסוּרִ֥יםa בַּזִּקִּ֑יםb יִ֝לָּכְד֗וּןc בְּחַבְלֵי־עֹֽנִיd ׃

9 וַיַּגֵּ֣דa לָהֶ֣ם פָּעֳלָ֑םb וּ֝פִשְׁעֵיהֶ֗ם כִּ֣י יִתְגַּבָּֽרוּc ׃

10 וַיִּ֣גֶלa אָ֭זְנָם לַמּוּסָ֑ר וַ֝יֹּ֗אמֶרb כִּֽי־יְשֻׁב֥וּןc מֵאָֽוֶן׃

11 אִֽם־יִשְׁמְע֗וּa וְֽיַ֫עֲבֹ֥דוּb יְכַלּ֣וּc יְמֵיהֶ֣ם בַּטֹּ֑וב וּ֝שְׁנֵיהֶ֗ם בַּנְּעִימִֽיםd ׃

12 וְאִם־לֹ֣א יִ֭שְׁמְעוּa בְּשֶׁ֣לַחb יַעֲבֹ֑רוּc וְ֝יִגְוְע֗וּd כִּבְלִי־דָֽעַת׃

13 וְֽחַנְפֵיa ־לֵ֭ב יָשִׂ֣ימוּb אָ֑ף לֹ֥א יְ֝שַׁוְּע֗וּc כִּ֣י אֲסָרָֽםd ׃

14 תָּמֹ֣תa בַּנֹּ֣עַרb נַפְשָׁ֑ם וְ֝חַיָּתָ֗םc בַּקְּדֵשִֽׁיםd ׃

15 יְחַלֵּ֣ץa עָנִ֣י בְעָנְיֹ֑וb וְיִ֖גֶלc בַּלַּ֣חַץd אָזְנָֽם׃

16 וְאַ֤ף הֲסִיתְךָ֨a ׀ מִפִּי־צָ֗רb רַ֭חַבc לֹא־מוּצָ֣קd תַּחְתֶּ֑יהָ וְנַ֥חַתe שֻׁ֝לְחָנְךָ֗ מָ֣לֵאf דָֽשֶׁןg ׃

17 וְדִיןa ־רָשָׁ֥ע מָלֵ֑אתָb דִּ֖יןc וּמִשְׁפָּ֣ט יִתְמֹֽכוּd ׃

18 כִּֽי־חֵ֭מָה פֶּן־יְסִֽיתְךָ֣a בְסָ֑פֶקb וְרָב־כֹּ֝֗פֶרc אַל־יַטֶּֽךָּd ׃

19 הֲיַעֲרֹ֣ךְa שׁ֖וּעֲךָb לֹ֣א בְצָ֑רc וְ֝כֹ֗ל מַאֲמַצֵּיd ־כֹֽחַ׃

20 אַל־תִּשְׁאַ֥ףa הַלָּ֑יְלָה לַעֲלֹ֖ותb עַמִּ֣ים תַּחְתָּֽם׃

21 הִ֭שָּׁמֶרa אַל־תֵּ֣פֶןb אֶל־אָ֑וֶן כִּֽי־עַל־זֶ֝֗ה בָּחַ֥רְתָּc מֵעֹֽנִיd ׃

22 הֶן־אֵ֭ל יַשְׂגִּ֣יבa בְּכֹחֹ֑ו מִ֖י כָמֹ֣הוּ מֹורֶֽהb ׃

23 מִֽי־פָקַ֣דa עָלָ֣יו דַּרְכֹּ֑ו וּמִֽי־אָ֝מַ֗רb פָּעַ֥לְתָּc עַוְלָֽהd ׃

24 זְ֭כֹרa כִּֽי־תַשְׂגִּ֣יאb פָעֳלֹ֑וc אֲשֶׁ֖ר שֹׁרְר֣וּd אֲנָשִֽׁים׃

25 כָּל־אָדָ֥ם חָֽזוּa ־בֹ֑ו אֱ֝נֹ֗ושׁb יַבִּ֥יטc מֵרָחֹֽוק׃

26 הֶן־אֵ֣ל שַׂ֭גִּיאa וְלֹ֣א נֵדָ֑עb מִסְפַּ֖ר שָׁנָ֣יו וְלֹא־חֵֽקֶרc ׃

27 כִּ֭י יְגָרַ֣עa נִטְפֵיb ־מָ֑יִם יָזֹ֖קּוּc מָטָ֣רd לְאֵדֹֽוe ׃

28 אֲשֶֽׁר־יִזְּל֥וּa שְׁחָקִ֑יםb יִ֝רְעֲפ֗וּc עֲלֵ֤י׀ אָדָ֬ם רָֽב׃

29 אַ֣ף אִם־יָ֭בִיןa מִפְרְשֵׂיb ־עָ֑בc תְּ֝שֻׁאֹ֗ותd סֻכָּתֹֽוe ׃

30 הֵן־פָּרַ֣שׂa עָלָ֣יו אֹורֹ֑ו וְשָׁרְשֵׁ֖יb הַיָּ֣ם כִּסָּֽהc ׃

31 כִּי־בָ֭ם יָדִ֣יןa עַמִּ֑ים יִֽתֶּןb ־אֹ֥כֶלc לְמַכְבִּֽירd ׃

32 עַל־כַּפַּ֥יִם כִּסָּהa ־אֹ֑ור וַיְצַ֖וb עָלֶ֣יהָ בְמַפְגִּֽיעַc ׃

33 יַגִּ֣ידa עָלָ֣יו רֵעֹ֑וb מִ֝קְנֶ֗ה אַ֣ף עַל־עֹולֶֽה׃

37

אַף־לְ֭זֹאת יֶחֱרַ֣דa לִבִּ֑י וְ֝יִתַּ֗רb מִמְּקֹומֹֽו׃

2 שִׁמְע֤וּa שָׁמֹ֣ועַ בְּרֹ֣גֶזb קֹלֹ֑ו וְ֝הֶ֗גֶהc מִפִּ֥יו יֵצֵֽאd ׃

3 תַּֽחַת־כָּל־הַשָּׁמַ֥יִם יִשְׁרֵ֑הוּa וְ֝אֹורֹ֗ו עַל־כַּנְפֹ֥ות הָאָֽרֶץ׃

4 אַחֲרָ֤יו׀ יִשְׁאַגa ־קֹ֗ול יַ֭רְעֵםb בְּקֹ֣ול גְּאֹונֹ֑וc וְלֹ֥א יְ֝עַקְּבֵ֗םd כִּֽי־יִשָּׁמַ֥עe קֹולֹֽו׃

5 יַרְעֵ֤םa אֵ֣ל בְּ֭קֹולֹו נִפְלָאֹ֑ות עֹשֶׂ֥הb גְ֝דֹלֹ֗ות וְלֹ֣א נֵדָֽעc ׃

6 כִּ֤י לַשֶּׁ֨לַגa ׀ יֹאמַ֗רb הֱוֵ֫אc אָ֥רֶץ וְגֶ֥שֶׁםd מָטָ֑רe וְ֝גֶ֗שֶׁםf מִטְרֹ֥ותg עֻזֹּֽו׃

7 בְּיַד־כָּל־אָדָ֥ם יַחְתֹּ֑וםa לָ֝דַ֗עַתb כָּל־אַנְשֵׁ֥י מַעֲשֵֽׂהוּ׃

8 וַתָּבֹ֣אa חַיָּ֣ה בְמֹוb ־אָ֑רֶבc וּבִמְעֹ֖ונֹתֶ֣יהָd תִשְׁכֹּֽןe ׃

9 מִן־הַ֭חֶדֶרa תָּבֹ֣ואb סוּפָ֑הc וּֽמִמְּזָרִ֥יםd קָרָֽהe ׃

10 מִנִּשְׁמַתa ־אֵ֥ל יִתֶּןb ־קָ֑רַחc וְרֹ֖חַב מַ֣יִם בְּמוּצָֽקd ׃

11 אַף־בְּ֭רִיa יַטְרִ֣יחַb עָ֑בc יָ֝פִ֗יץd עֲנַ֣ן אֹורֹֽו׃

12 וְה֤וּא מְסִבֹּ֨ותa ׀ מִתְהַפֵּ֣ךְb בתחבולתוc לְפָעֳלָ֑םd כֹּ֖ל אֲשֶׁ֥ר יְצַוֵּ֓םe ׀ עַל־פְּנֵ֖י תֵבֵ֣לf אָֽרְצָה׃

13 אִם־לְשֵׁ֥בֶט אִם־לְאַרְצֹ֑ו אִם־לְ֝חֶ֗סֶד יַמְצִאֵֽהוּa ׃

14 הַאֲזִ֣ינָהa זֹּ֣את אִיֹּ֑וב עֲ֝מֹ֗דb וְהִתְבֹּונֵ֤ןc ׀ נִפְלְאֹ֬ות אֵֽל׃

15 הֲ֭תֵדַעa בְּשׂוּםb ־אֱלֹ֣והַּ עֲלֵיהֶ֑ם וְ֝הֹופִ֗יעַc אֹ֣ור עֲנָנֹֽו׃

16 הֲ֭תֵדַעa עַל־מִפְלְשֵׂיb ־עָ֑בc מִ֝פְלְאֹ֗ותd תְּמִ֣ים דֵּעִֽיםe ׃

17 אֲשֶׁר־בְּגָדֶ֥יךָ חַמִּ֑יםa בְּהַשְׁקִ֥טb אֶ֝֗רֶץ מִדָּרֹֽוםc ׃

18 תַּרְקִ֣יעַa עִ֭מֹּו לִשְׁחָקִ֑יםb חֲ֝זָקִ֗ים כִּרְאִ֥יc מוּצָֽק׃

19 הֹ֖ודִיעֵנוּa מַה־נֹּ֣אמַרb לֹ֑ו לֹ֥א־נַ֝עֲרֹ֗ךְc מִפְּנֵי־חֹֽשֶׁךְ׃

20 הַֽיְסֻפַּרa ־לֹ֖ו כִּ֣י אֲדַבֵּ֑רb אִֽם־אָ֥מַרc אִ֝֗ישׁ כִּ֣י יְבֻלָּֽעd ׃

21 וְעַתָּ֤ה׀ לֹ֘א רָ֤אוּa אֹ֗ור בָּהִ֣ירb ה֭וּא בַּשְּׁחָקִ֑יםc וְר֥וּחַ עָ֝בְרָ֗הd וַֽתְּטַהֲרֵֽםe ׃

22 מִ֭צָּפֹון זָהָ֣ב יֶֽאֱתֶ֑הa עַל־אֱ֝לֹ֗והַּ נֹ֣ורָא הֹֽודb ׃

23 שַׁדַּ֣יa לֹֽא־מְ֭צָאנֻהוּb שַׂגִּיאc ־כֹ֑חַ וּמִשְׁפָּ֥ט וְרֹב־צְ֝דָקָ֗ה לֹ֣א יְעַנֶּֽהd ׃

24 לָ֭כֵן יְרֵא֣וּהוּa אֲנָשִׁ֑ים לֹֽא־יִ֝רְאֶ֗הb כָּל־חַכְמֵי־לֵֽב׃ פ

38

וַיַּֽעַןa ־יְהוָ֣ה אֶת־אִ֭יֹּוב מןb ׀ הסערהc וַיֹּאמַֽרd ׃

2 מִ֤י זֶ֨ה׀ מַחְשִׁ֖יךְa עֵצָ֥ה בְמִלִּ֗יןb בְּֽלִי־דָֽעַת׃

3 אֱזָרa ־נָ֣א כְגֶ֣בֶר חֲלָצֶ֑יךָb וְ֝אֶשְׁאָלְךָ֗c וְהֹודִיעֵֽנִיd ׃

4 אֵיפֹ֣הa הָ֭יִיתָb בְּיָסְדִיc ־אָ֑רֶץ הַ֝גֵּ֗דd אִם־יָדַ֥עְתָּe בִינָֽהf ׃

5 מִי־שָׂ֣םa מְ֭מַדֶּיהָb כִּ֣י תֵדָ֑עc אֹ֤ו מִֽי־נָטָ֖הd עָלֶ֣יהָ קָּֽוe ׃

6 עַל־מָ֭ה אֲדָנֶ֣יהָ הָטְבָּ֑עוּa אֹ֥ו מִֽי־יָ֝רָ֗הb אֶ֣בֶן פִּנָּתָֽהּc ׃

7 בְּרָןa ־יַ֭חַדb כֹּ֣וכְבֵיc בֹ֑קֶר וַ֝יָּרִ֗יעוּd כָּל־בְּנֵ֥י אֱלֹהִֽים׃

8 וַיָּ֣סֶךְa בִּדְלָתַ֣יִם יָ֑ם בְּ֝גִיחֹ֗וb מֵרֶ֥חֶםc יֵצֵֽאd ׃

9 בְּשׂוּמִ֣יa עָנָ֣ן לְבֻשֹׁ֑וb וַ֝עֲרָפֶ֗לc חֲתֻלָּתֹֽוd ׃

10 וָאֶשְׁבֹּ֣רa עָלָ֣יו חֻקִּ֑י וָֽ֝אָשִׂ֗יםb בְּרִ֣יחַc וּדְלָתָֽיִם׃

11 וָאֹמַ֗רa עַד־פֹּ֣ה תָ֭בֹואb וְלֹ֣א תֹסִ֑יףc וּפֹ֥א־יָ֝שִׁ֗יתd בִּגְאֹ֥וןe גַּלֶּֽיךָf ׃

12 הְֽ֭מִיָּמֶיךָ צִוִּ֣יתָa בֹּ֑קֶר ידעתהb שׁחרc מְקֹמֹֽו׃

13 לֶ֭אֱחֹזa בְּכַנְפֹ֣ות הָאָ֑רֶץ וְיִנָּעֲר֖וּb רְשָׁעִ֣ים מִמֶּֽנָּה׃

14 תִּ֭תְהַפֵּךְa כְּחֹ֣מֶרb חֹותָ֑םc וְ֝יִֽתְיַצְּב֗וּd כְּמֹ֣ו לְבֽוּשׁe ׃

15 וְיִמָּנַ֣עa מֵרְשָׁעִ֣ים אֹורָ֑ם וּזְרֹ֥ועַ רָ֝מָ֗ה תִּשָּׁבֵֽרb ׃

16 הֲ֭בָאתָa עַד־נִבְכֵיb ־יָ֑ם וּבְחֵ֥קֶרc תְּ֝הֹ֗וםd הִתְהַלָּֽכְתָּe ׃

17 הֲנִגְל֣וּa לְ֭ךָ שַׁעֲרֵי־מָ֑וֶת וְשַׁעֲרֵ֖י צַלְמָ֣וֶתb תִּרְאֶֽהc ׃

18 הִ֭תְבֹּנַנְתָּa עַד־רַחֲבֵיb ־אָ֑רֶץ הַ֝גֵּ֗דc אִם־יָדַ֥עְתָּd כֻלָּֽהּ׃

19 אֵיa ־זֶ֣ה הַ֭דֶּרֶךְ יִשְׁכָּןb ־אֹ֑ור וְ֝חֹ֗שֶׁךְ אֵיc ־זֶ֥ה מְקֹמֹֽו׃

20 כִּ֣י תִ֭קָּחֶנּוּa אֶל־גְּבוּלֹ֑ו וְכִֽי־תָ֝בִ֗יןb נְתִיבֹ֥ותc בֵּיתֹֽו׃

21 יָ֭דַעְתָּa כִּי־אָ֣ז תִּוָּלֵ֑דb וּמִסְפַּ֖ר יָמֶ֣יךָ רַבִּֽים׃

22 הֲ֭בָאתָa אֶל־אֹצְרֹ֣ות שָׁ֑לֶגb וְאֹצְרֹ֖ות בָּרָ֣דc תִּרְאֶֽהd ׃

23 אֲשֶׁר־חָשַׂ֥כְתִּיa לְעֶת־צָ֑רb לְיֹ֥ום קְ֝רָ֗בc וּמִלְחָמָֽה׃

24 אֵיa ־זֶ֣ה הַ֭דֶּרֶךְ יֵחָ֣לֶקb אֹ֑ור יָפֵ֖ץc קָדִ֣ים עֲלֵי־אָֽרֶץ׃

25 מִֽי־פִלַּ֣גa לַשֶּׁ֣טֶףb תְּעָלָ֑הc וְ֝דֶ֗רֶךְ לַחֲזִ֥יזd קֹלֹֽות׃

26 לְ֭הַמְטִירa עַל־אֶ֣רֶץ לֹא־אִ֑ישׁ מִ֝דְבָּ֗ר לֹא־אָדָ֥ם בֹּֽו׃

27 לְהַשְׂבִּ֣יעַa שֹׁ֖אָהb וּמְשֹׁאָ֑הc וּ֝לְהַצְמִ֗יחַd מֹ֣צָאe דֶֽשֶׁאf ׃

28 הֲיֵשׁ־לַמָּטָ֥רa אָ֑ב אֹ֥ו מִי־הֹ֝ולִ֗ידb אֶגְלֵיc ־טָֽלd ׃

29 מִבֶּ֣טֶן מִ֭י יָצָ֣אa הַקָּ֑רַחb וּכְפֹ֥רc שָׁ֝מַיִם מִ֣י יְלָדֹֽוd ׃

30 כָּ֭אֶבֶן מַ֣יִם יִתְחַבָּ֑אוּa וּפְנֵ֥י תְ֝הֹ֗וםb יִתְלַכָּֽדוּc ׃

31 הַֽ֭תְקַשֵּׁרa מַעֲדַנֹּ֣ותb כִּימָ֑הc אֹֽו־מֹשְׁכֹ֖ותd כְּסִ֣ילe תְּפַתֵּֽחַf ׃

32 הֲתֹצִ֣יאa מַזָּרֹ֣ותb בְּעִתֹּ֑ו וְ֝עַ֗יִשׁc עַל־בָּנֶ֥יהָ תַנְחֵֽםd ׃

33 הֲ֭יָדַעְתָּa חֻקֹּ֣ות שָׁמָ֑יִם אִם־תָּשִׂ֖יםb מִשְׁטָרֹ֣וc בָאָֽרֶץ׃

34 הֲתָרִ֣יםa לָעָ֣בb קֹולֶ֑ךָ וְֽשִׁפְעַתc ־מַ֥יִם תְּכַסֶּֽךָּd ׃

35 הַֽתְשַׁלַּ֣חa בְּרָקִ֣יםb וְיֵלֵ֑כוּc וְיֹאמְר֖וּd לְךָ֣ הִנֵּֽנוּ׃

36 מִי־שָׁ֭תa בַּטֻּחֹ֣ותb חָכְמָ֑ה אֹ֤ו מִֽי־נָתַ֖ןc לַשֶּׂ֣כְוִיd בִינָֽהe ׃

37 מִֽי־יְסַפֵּ֣רa שְׁחָקִ֣יםb בְּחָכְמָ֑ה וְנִבְלֵ֥יc שָׁ֝מַ֗יִם מִ֣י יַשְׁכִּֽיבd ׃

38 בְּצֶ֣קֶתa עָ֭פָר לַמּוּצָ֑קb וּרְגָבִ֥יםc יְדֻבָּֽקוּd ׃

39 הֲתָצ֣וּדa לְלָבִ֣יאb טָ֑רֶףc וְחַיַּ֖תd כְּפִירִ֣יםe תְּמַלֵּֽאf ׃

40 כִּי־יָשֹׁ֥חוּa בַמְּעֹונֹ֑ותb יֵשְׁב֖וּc בַסֻּכָּ֣הd לְמֹוe ־אָֽרֶבf ׃

41 מִ֤י יָכִ֥יןa לָעֹרֵ֗בb צֵ֫ידֹ֥וc כִּֽי־ילדוd אֶל־אֵ֣ל יְשַׁוֵּ֑עוּe יִ֝תְע֗וּf לִבְלִי־אֹֽכֶלg ׃

39

הֲיָדַ֗עְתָּa עֵ֭ת לֶ֣דֶת יַעֲלֵיb ־סָ֑לַע חֹלֵ֖לc אַיָּלֹ֣ותd תִּשְׁמֹֽרe ׃

2 תִּסְפֹּ֣רa יְרָחִ֣יםb תְּמַלֶּ֑אנָהc וְ֝יָדַ֗עְתָּd עֵ֣ת לִדְתָּֽנָהe ׃

3 תִּ֭כְרַעְנָהa יַלְדֵיהֶ֣ן תְּפַלַּ֑חְנָהb חֶבְלֵיהֶ֥םc תְּשַׁלַּֽחְנָהd ׃

4 יַחְלְמ֣וּa בְ֭נֵיהֶם יִרְבּ֣וּb בַבָּ֑רc יָ֝צְא֗וּd וְלֹא־שָׁ֥בוּe לָֽמֹו׃

5 מִֽי־שִׁלַּ֣חa פֶּ֣רֶאb חָפְשִׁ֑יc וּמֹסְרֹ֥ותd עָ֝רֹ֗ודe מִ֣י פִתֵּֽחַf ׃

6 אֲשֶׁר־שַׂ֣מְתִּיa עֲרָבָ֣ה בֵיתֹ֑ו וּֽמִשְׁכְּנֹותָ֥יו מְלֵֽחָהb ׃

7 יִ֭שְׂחַקa לַהֲמֹ֣ון קִרְיָ֑הb תְּשֻׁאֹ֥ותc נֹ֝וגֵ֗שׂd לֹ֣א יִשְׁמָֽעe ׃

8 יְת֣וּרa הָרִ֣ים מִרְעֵ֑הוּb וְאַחַ֖ר כָּל־יָרֹ֣וקc יִדְרֹֽושׁd ׃

9 הֲיֹ֣אבֶהa רֵּ֣יםb עָבְדֶ֑ךָc אִם־יָ֝לִ֗יןd עַל־אֲבוּסֶֽךָe ׃

10 הֲֽתִקְשָׁרa ־רֵ֭יםb בְּתֶ֣לֶםc עֲבֹתֹ֑וd אִם־יְשַׂדֵּ֖דe עֲמָקִ֣ים אַחֲרֶֽיךָ׃

11 הֲֽתִבְטַחa ־בֹּ֖ו כִּי־רַ֣ב כֹּחֹ֑ו וְתַעֲזֹ֖בb אֵלָ֣יו יְגִיעֶֽךָc ׃

12 הֲתַאֲמִ֣יןa בֹּ֖ו כִּי־ישׁובb זַרְעֶ֑ךָ וְֽגָרְנְךָ֥c יֶאֱסֹֽףd ׃

13 כְּנַף־רְנָנִ֥יםa נֶעֱלָ֑סָהb אִם־אֶ֝בְרָ֗הc חֲסִידָ֥הd וְנֹצָֽהe ׃

14 כִּֽי־תַעֲזֹ֣בa לָאָ֣רֶץ בֵּצֶ֑יהָb וְֽעַל־עָפָ֥ר תְּחַמֵּֽםc ׃

15 וַ֭תִּשְׁכַּחa כִּי־רֶ֣גֶל תְּזוּרֶ֑הָb וְחַיַּ֖ת הַשָּׂדֶ֣ה תְּדוּשֶֽׁהָc ׃

16 הִקְשִׁ֣יחַa בָּנֶ֣יהָ לְּלֹא־לָ֑הּ לְרִ֖יקb יְגִיעָ֣הּc בְּלִי־פָֽחַדd ׃

17 כִּֽי־הִשָּׁ֣הּa אֱלֹ֣והַּ חָכְמָ֑ה וְלֹא־חָ֥לַקb לָ֝֗הּ בַּבִּינָֽהc ׃

18 כָּ֭עֵת בַּמָּרֹ֣ום תַּמְרִ֑יאa תִּֽשְׂחַ֥קb לַ֝סּ֗וּס וּלְרֹֽכְבֹֽו׃

19 הֲתִתֵּ֣ןa לַסּ֣וּס גְּבוּרָ֑ה הֲתַלְבִּ֖ישׁb צַוָּארֹ֣וc רַעְמָֽהd ׃

20 הְֽ֭תַרְעִישֶׁנּוּa כָּאַרְבֶּ֑הb הֹ֖ודc נַחְרֹ֣וd אֵימָֽהe ׃

21 יַחְפְּר֣וּa בָ֭עֵמֶק וְיָשִׂ֣ישׂb בְּכֹ֑חַ יֵ֝צֵ֗אc לִקְרַאתd ־נָֽשֶׁקe ׃

22 יִשְׂחַ֣קa לְ֭פַחַדb וְלֹ֣א יֵחָ֑תc וְלֹֽא־יָ֝שׁ֗וּבd מִפְּנֵי־חָֽרֶב׃

23 עָ֭לָיו תִּרְנֶ֣הa אַשְׁפָּ֑הb לַ֖הַבc חֲנִ֣יתd וְכִידֹֽוןe ׃

24 בְּרַ֣עַשׁa וְ֭רֹגֶזb יְגַמֶּאc ־אָ֑רֶץ וְלֹֽא־יַ֝אֲמִ֗יןd כִּי־קֹ֥ול שֹׁופָֽר׃

25 בְּדֵ֤יa שֹׁפָ֨ר׀ יֹ֘אמַ֤רb הֶאָ֗חc וּֽ֭מֵרָחֹוק יָרִ֣יחַd מִלְחָמָ֑ה רַ֥עַםe שָׂ֝רִים וּתְרוּעָֽהf ׃

26 הֲֽ֭מִבִּינָ֣תְךָa יַֽאֲבֶרb ־נֵ֑ץc יִפְרֹ֖שׂd כנפוe לְתֵימָֽןf ׃

27 אִם־עַל־פִּ֭יךָ יַגְבִּ֣יהַּa נָ֑שֶׁרb וְ֝כִ֗י יָרִ֥יםc קִנֹּֽוd ׃

28 סֶ֣לַע יִ֭שְׁכֹּןa וְיִתְלֹנָ֑ןb עַֽל־שֶׁן־סֶ֝֗לַע וּמְצוּדָֽהc ׃

29 מִשָּׁ֥ם חָֽפַרa ־אֹ֑כֶלb לְ֝מֵרָחֹ֗וק עֵינָ֥יו יַבִּֽיטוּc ׃

30 ואפרחוa יְעַלְעוּb ־דָ֑ם וּבַאֲשֶׁ֥ר חֲ֝לָלִ֗ים שָׁ֣ם הֽוּא׃ פ

40

וַיַּ֖עַןa יְהוָ֥ה אֶת־אִיֹּ֗וב וַיֹּאמַֽרb ׃

2 הֲ֭רֹבa עִם־שַׁדַּ֣יb יִסֹּ֑ורc מֹוכִ֖יחַd אֱלֹ֣והַּ יַעֲנֶֽנָּהe ׃ פ

3 וַיַּ֖עַןa אִיֹּ֥וב אֶת־יְהוָ֗ה וַיֹּאמַֽרb ׃

4 הֵ֣ן קַ֭לֹּתִיa מָ֣ה אֲשִׁיבֶ֑ךָּb יָ֝דִ֗י שַׂ֣מְתִּיc לְמֹוd ־פִֽי׃

5 אַחַ֣ת דִּ֭בַּרְתִּיa וְלֹ֣א אֶֽעֱנֶ֑הb וּ֝שְׁתַּ֗יִם וְלֹ֣א אֹוסִֽיףc ׃ פ

6 וַיַּֽעַןa ־יְהוָ֣ה אֶת־אִ֭יֹּוב מןb ׀ סערהc וַיֹּאמַֽרd ׃

7 אֱזָרa ־נָ֣א כְגֶ֣בֶר חֲלָצֶ֑יךָb אֶ֝שְׁאָלְךָ֗c וְהֹודִיעֵֽנִיd ׃

8 הַ֭אַף תָּפֵ֣רa מִשְׁפָּטִ֑י תַּ֝רְשִׁיעֵ֗נִיb לְמַ֣עַן תִּצְדָּֽקc ׃

9 וְאִם־זְרֹ֖ועַ כָּאֵ֥ל׀ לָ֑ךְ וּ֝בְקֹ֗ול כָּמֹ֥הוּ תַרְעֵֽםa ׃

10 עֲדֵ֥הa נָ֣א גָֽאֹ֣וןb וָגֹ֑בַהּc וְהֹ֖ודd וְהָדָ֣רe תִּלְבָּֽשׁf ׃

11 הָ֭פֵץa עֶבְרֹ֣ותb אַפֶּ֑ךָ וּרְאֵ֥הc כָל־גֵּ֝אֶ֗הd וְהַשְׁפִּילֵֽהוּe ׃

12 רְאֵ֣הa כָל־גֵּ֭אֶהb הַכְנִיעֵ֑הוּc וַהֲדֹ֖ךְd רְשָׁעִ֣ים תַּחְתָּֽם׃

13 טָמְנֵ֣םa בֶּעָפָ֣ר יָ֑חַדb פְּ֝נֵיהֶ֗ם חֲבֹ֣שׁc בַּטָּמֽוּןd ׃

14 וְגַם־אֲנִ֥י אֹודֶ֑ךָּa כִּֽי־תֹושִׁ֖עַb לְךָ֣ יְמִינֶֽךָ׃

15 הִנֵּה־נָ֣א בְ֭הֵמֹותa אֲשֶׁר־עָשִׂ֣יתִיb עִמָּ֑ךְ חָ֝צִ֗ירc כַּבָּקָ֥ר יֹאכֵֽלd ׃

16 הִנֵּה־נָ֣א כֹחֹ֣ו בְמָתְנָ֑יוa וְ֝אֹנֹ֗וb בִּשְׁרִירֵ֥יc בִטְנֹֽו׃

17 יַחְפֹּ֣ץa זְנָבֹ֣וb כְמֹו־אָ֑רֶז גִּידֵ֖יc פחדוd יְשֹׂרָֽגוּe ׃

18 עֲ֭צָמָיו אֲפִיקֵ֣יa נְחוּשָׁ֑הb גְּ֝רָמָ֗יוc כִּמְטִ֥ילd בַּרְזֶֽל׃

19 ה֖וּא רֵאשִׁ֣ית דַּרְכֵי־אֵ֑ל הָ֝עֹשֹׂוa יַגֵּ֥שׁb חַרְבֹּֽו׃

20 כִּֽי־ב֭וּלa הָרִ֣ים יִשְׂאוּb ־לֹ֑ו וְֽכָל־חַיַּ֥ת הַ֝שָּׂדֶ֗ה יְשַֽׂחֲקוּc ־שָֽׁם׃

21 תַּֽחַת־צֶֽאֱלִ֥יםa יִשְׁכָּ֑בb בְּסֵ֖תֶרc קָנֶ֣ה וּבִצָּֽהd ׃

22 יְסֻכֻּ֣הוּa צֶאֱלִ֣יםb צִֽלֲלֹ֑ו יְ֝סֻבּ֗וּהוּc עַרְבֵיd ־נָֽחַל׃

23 הֵ֤ן יַעֲשֹׁ֣קa נָ֭הָר לֹ֣א יַחְפֹּ֑וזb יִבְטַ֓חc ׀ כִּֽי־יָגִ֖יחַd יַרְדֵּ֣ן אֶל־פִּֽיהוּ׃

24 בְּעֵינָ֥יו יִקָּחֶ֑נּוּa בְּ֝מֹֽוקְשִׁ֗יםb יִנְקָבc ־אָֽף׃

25 תִּמְשֹׁ֣ךְa לִוְיָתָ֣ןb בְּחַכָּ֑הc וּ֝בְחֶ֗בֶל תַּשְׁקִ֥יעַd לְשֹׁנֹֽו׃

26 הֲתָשִׂ֣יםa אַגְמֹ֣וןb בְּאַפֹּ֑ו וּ֝בְחֹ֗וחַc תִּקֹּ֥ובd לֶֽחֱיֹוe ׃

27 הֲיַרְבֶּ֣הa אֵ֭לֶיךָ תַּחֲנוּנִ֑יםb אִם־יְדַבֵּ֖רc אֵלֶ֣יךָ רַכֹּֽותd ׃

28 הֲיִכְרֹ֣תa בְּרִ֣ית עִמָּ֑ךְ תִּ֝קָּחֶ֗נּוּb לְעֶ֣בֶד עֹולָֽם׃

29 הַֽתְשַׂחֶקa ־בֹּ֖ו כַּצִּפֹּ֑ורb וְ֝תִקְשְׁרֶ֗נּוּc לְנַעֲרֹותֶֽיךָ׃

30 יִכְר֣וּa עָ֭לָיו חַבָּרִ֑יםb יֶ֝חֱצ֗וּהוּc בֵּ֣ין כְּֽנַעֲנִֽים׃

31 הַֽתְמַלֵּ֣אa בְשֻׂכֹּ֣ותb עֹורֹ֑ו וּבְצִלְצַ֖לc דָּגִ֣יםd רֹאשֹֽׁו׃

32 שִׂיםa ־עָלָ֥יו כַּפֶּ֑ךָ זְכֹ֥רb מִ֝לְחָמָ֗ה אַל־תֹּוסַֽףc ׃

41

הֵן־תֹּחַלְתֹּ֥וa נִכְזָ֑בָהb הֲגַ֖ם אֶל־מַרְאָ֣יו יֻטָֽלc ׃

2 לֹֽא־אַ֭כְזָרa כִּ֣י יְעוּרֶ֑נּוּb וּמִ֥י ה֝֗וּא לְפָנַ֥י יִתְיַצָּֽבc ׃

3 מִ֣י הִ֭קְדִּימַנִיa וַאֲשַׁלֵּ֑םb תַּ֖חַת כָּל־הַשָּׁמַ֣יִם לִי־הֽוּא׃

4 לאa ־אַחֲרִ֥ישׁb בַּדָּ֑יו וּדְבַר־גְּ֝בוּרֹ֗ות וְחִ֣יןc עֶרְכֹּֽוd ׃

5 מִֽי־גִ֭לָּהa פְּנֵ֣י לְבוּשֹׁ֑וb בְּכֶ֥פֶלc רִ֝סְנֹ֗וd מִ֣י יָבֹֽואe ׃

6 דַּלְתֵ֣י פָ֭נָיו מִ֣י פִתֵּ֑חַa סְבִיבֹ֖ות שִׁנָּ֣יו אֵימָֽהb ׃

7 גַּ֭אֲוָהa אֲפִיקֵ֣יb מָֽגִנִּ֑ים סָ֝ג֗וּרc חֹותָ֥םd צָֽרe ׃

8 אֶחָ֣ד בְּאֶחָ֣ד יִגַּ֑שׁוּa וְ֝ר֗וּחַ לֹא־יָבֹ֥ואb בֵֽינֵיהֶֽם׃

9 אִישׁ־בְּאָחִ֥יהוּ יְדֻבָּ֑קוּa יִ֝תְלַכְּד֗וּb וְלֹ֣א יִתְפָּרָֽדוּc ׃

10 עֲֽ֭טִישֹׁתָיוa תָּ֣הֶלb אֹ֑ור וְ֝עֵינָ֗יו כְּעַפְעַפֵּיc ־שָֽׁחַרd ׃

11 מִ֭פִּיו לַפִּידִ֣יםa יַהֲלֹ֑כוּb כִּידֹ֥ודֵיc אֵ֝֗שׁ יִתְמַלָּֽטוּd ׃

12 מִ֭נְּחִירָיוa יֵצֵ֣אb עָשָׁ֑ןc כְּד֖וּדd נָפ֣וּחַe וְאַגְמֹֽןf ׃

13 נַ֭פְשֹׁו גֶּחָלִ֣יםa תְּלַהֵ֑טb וְ֝לַ֗הַבc מִפִּ֥יו יֵצֵֽאd ׃

14 בְּֽ֭צַוָּארֹוa יָלִ֣יןb עֹ֑ז וּ֝לְפָנָ֗יו תָּד֥וּץc דְּאָבָֽהd ׃

15 מַפְּלֵ֣יa בְשָׂרֹ֣ו דָבֵ֑קוּb יָצ֥וּק עָ֝לָ֗יו בַּל־יִמֹּֽוטc ׃

16 לִ֭בֹּו יָצ֣וּקa כְּמֹו־אָ֑בֶן וְ֝יָצ֗וּקb כְּפֶ֣לַחc תַּחְתִּֽיתd ׃

17 מִ֭שֵּׂתֹוa יָג֣וּרוּb אֵלִ֑ים מִ֝שְּׁבָרִ֗יםc יִתְחַטָּֽאוּd ׃

18 מַשִּׂיגֵ֣הוּa חֶ֭רֶב בְּלִ֣י תָק֑וּםb חֲנִ֖יתc מַסָּ֣עd וְשִׁרְיָֽהe ׃

19 יַחְשֹׁ֣בa לְתֶ֣בֶןb בַּרְזֶ֑ל לְעֵ֖ץ רִקָּבֹ֣וןc נְחוּשָֽׁהd ׃

20 לֹֽא־יַבְרִיחֶ֥נּוּa בֶן־קָ֑שֶׁת לְ֝קַ֗שׁb נֶהְפְּכוּc ־לֹ֥ו אַבְנֵי־קָֽלַעd ׃

21 כְּ֭קַשׁa נֶחְשְׁב֣וּb תֹותָ֑חc וְ֝יִשְׂחַ֗קd לְרַ֣עַשׁe כִּידֹֽוןf ׃

22 תַּ֭חְתָּיו חַדּ֣וּדֵיa חָ֑רֶשׂb יִרְפַּ֖דc חָר֣וּץd עֲלֵי־טִֽיטe ׃

23 יַרְתִּ֣יחַa כַּסִּ֣ירb מְצוּלָ֑הc יָ֝֗ם יָשִׂ֥יםd כַּמֶּרְקָחָֽהe ׃

24 אַ֭חֲרָיו יָאִ֣ירa נָתִ֑יבb יַחְשֹׁ֖בc תְּהֹ֣וםd לְשֵׂיבָֽהe ׃

25 אֵֽין־עַל־עָפָ֥ר מָשְׁלֹ֑וa הֶ֝עָשׂ֗וּb לִבְלִי־חָֽתc ׃

26 אֵֽת־כָּל־גָּבֹ֥הַּa יִרְאֶ֑הb ה֝֗וּא מֶ֣לֶךְ עַל־כָּל־בְּנֵי־שָֽׁחַץc ׃ ס

42

וַיַּ֖עַןa אִיֹּ֥וב אֶת־יְהוָ֗ה וַיֹּאמַֽרb ׃

2 ידעתa כִּי־כֹ֣ל תּוּכָ֑לb וְלֹא־יִבָּצֵ֖רc מִמְּךָ֣ מְזִמָּֽהd ׃

3 מִ֤י זֶ֨ה׀ מַעְלִ֥יםa עֵצָ֗ה בְּֽלִ֫י דָ֥עַת לָכֵ֣ן הִ֭גַּדְתִּיb וְלֹ֣א אָבִ֑יןc נִפְלָאֹ֥ות מִ֝מֶּ֗נִּי וְלֹ֣א אֵדָֽעd ׃

4 שְֽׁמַֽעa ־נָ֭א וְאָנֹכִ֣י אֲדַבֵּ֑רb אֶ֝שְׁאָלְךָ֗c וְהֹודִיעֵֽנִיd ׃

5 לְשֵֽׁמַעa ־אֹ֥זֶן שְׁמַעְתִּ֑יךָb וְ֝עַתָּ֗ה עֵינִ֥י רָאָֽתְךָc ׃

6 עַל־כֵּ֭ן אֶמְאַ֣סa וְנִחַ֑מְתִּיb עַל־עָפָ֥ר וָאֵֽפֶרc ׃ פ

7 וַיְהִ֗יa אַחַ֨ר דִּבֶּ֧רb יְהוָ֛ה אֶת־הַדְּבָרִ֥ים הָאֵ֖לֶּה אֶל־אִיֹּ֑וב וַיֹּ֨אמֶרc יְהוָ֜ה אֶל־אֱלִיפַ֣זd הַתֵּֽימָנִ֗יe חָרָ֨הf אַפִּ֤י בְךָ֙ וּבִשְׁנֵ֣י רֵעֶ֔יךָ כִּ֠י לֹ֣א דִבַּרְתֶּ֥םg אֵלַ֛י נְכֹונָ֖ה כְּעַבְדִּ֥י אִיֹּֽוב׃

8 וְעַתָּ֡ה קְחֽוּa ־לָכֶ֣ם שִׁבְעָֽה־פָרִים֩ וְשִׁבְעָ֨ה אֵילִ֜ים וּלְכ֣וּb ׀ אֶל־עַבְדִּ֣י אִיֹּ֗וב וְהַעֲלִיתֶ֤םc עֹולָה֙ בַּֽעַדְכֶ֔ם וְאִיֹּ֣וב עַבְדִּ֔י יִתְפַּלֵּ֖לd עֲלֵיכֶ֑ם כִּ֧י אִם־פָּנָ֣יו אֶשָּׂ֗אe לְבִלְתִּ֞י עֲשֹׂ֤ותf עִמָּכֶם֙ נְבָלָ֔הg כִּ֠י לֹ֣א דִבַּרְתֶּ֥םh אֵלַ֛י נְכֹונָ֖ה כְּעַבְדִּ֥י אִיֹּֽוב׃

9 וַיֵּלְכוּ֩a אֱלִיפַ֨זb הַתֵּֽימָנִ֜יc וּבִלְדַּ֣דd הַשּׁוּחִ֗יe צֹפַר֙f הַנַּ֣עֲמָתִ֔יg וַֽיַּעֲשׂ֔וּh כַּאֲשֶׁ֛ר דִּבֶּ֥רi אֲלֵיהֶ֖ם יְהוָ֑ה וַיִּשָּׂ֥אj יְהוָ֖ה אֶת־פְּנֵ֥י אִיֹּֽוב׃

10 וַֽיהוָ֗ה שָׁ֚בa אֶת־שׁביתb אִיֹּ֔וב בְּהִֽתְפַּֽלְלֹ֖וc בְּעַ֣ד רֵעֵ֑הוּ וַ֧יֹּסֶףd יְהוָ֛ה אֶת־כָּל־אֲשֶׁ֥ר לְאִיֹּ֖וב לְמִשְׁנֶֽהe ׃

11 וַיָּבֹ֣אוּa אֵ֠לָיו כָּל־אֶחָ֨יו וְכָל־אחיתיוb וְכָל־יֹדְעָ֣יו לְפָנִ֗ים וַיֹּאכְל֨וּc עִמֹּ֣ו לֶחֶם֮ בְּבֵיתֹו֒ וַיָּנֻ֤דוּd לֹו֙ וַיְנַחֲמ֣וּe אֹתֹ֔ו עַ֚ל כָּל־הָ֣רָעָ֔ה אֲשֶׁר־הֵבִ֥יאf יְהוָ֖ה עָלָ֑יו וַיִּתְּנוּg ־לֹ֗ו אִ֚ישׁ קְשִׂיטָ֣הh אֶחָ֔ת וְאִ֕ישׁ נֶ֥זֶםi זָהָ֖ב אֶחָֽד׃ ס

12 וַֽיהוָ֗ה בֵּרַ֛ךְa אֶת־אַחֲרִ֥ית אִיֹּ֖וב מֵרֵאשִׁתֹ֑ו וַֽיְהִיb ־לֹ֡ו אַרְבָּעָה֩ עָשָׂ֨ר אֶ֜לֶף צֹ֗אן וְשֵׁ֤שֶׁת אֲלָפִים֙ גְּמַלִּ֔ים וְאֶֽלֶף־צֶ֥מֶדc בָּקָ֖ר וְאֶ֥לֶף אֲתֹונֹֽותd ׃

13 וַֽיְהִיa ־לֹ֛ו שִׁבְעָ֥נָהb בָנִ֖ים וְשָׁלֹ֥ושׁ בָּנֹֽות׃

14 וַיִּקְרָ֤אa שֵׁם־הָֽאַחַת֙ יְמִימָ֔הb וְשֵׁ֥ם הַשֵּׁנִ֖ית קְצִיעָ֑הc וְשֵׁ֥ם הַשְּׁלִישִׁ֖ית קֶ֥רֶן הַפּֽוּךְd ׃

15 וְלֹ֨א נִמְצָ֜אa נָשִׁ֥ים יָפֹ֛ותb כִּבְנֹ֥ות אִיֹּ֖וב בְּכָל־הָאָ֑רֶץ וַיִּתֵּ֨ןc לָהֶ֧ם אֲבִיהֶ֛ם נַחֲלָ֖ה בְּתֹ֥וךְ אֲחֵיהֶֽם׃ ס

16 וַיְחִ֤יa אִיֹּוב֙ אַֽחֲרֵי־זֹ֔את מֵאָ֥ה וְאַרְבָּעִ֖ים שָׁנָ֑ה ויראb אֶת־בָּנָיו֙ וְאֶת־בְּנֵ֣י בָנָ֔יו אַרְבָּעָ֖ה דֹּרֹֽות׃

17 וַיָּ֣מָתa אִיֹּ֔וב זָקֵ֖ן וּשְׂבַ֥עb יָמִֽים׃