איוב

וַ֭יַּעַןa בִּלְדַּ֥דb הַשֻּׁחִ֗יc וַיֹּאמַֽרd ׃

2 עַד־אָ֤נָהa ׀ תְּשִׂימ֣וּןb קִנְצֵ֣יc לְמִלִּ֑יןd תָּ֝בִ֗ינוּe וְאַחַ֥ר נְדַבֵּֽרf ׃

3 מַ֭דּוּעַ נֶחְשַׁ֣בְנוּa כַבְּהֵמָ֑ה נִ֝טְמִ֗ינוּb בְּעֵינֵיכֶֽם׃

4 טֹֽרֵ֥ףa נַפְשֹׁ֗ו בְּאַ֫פֹּ֥ו הַ֭לְמַעַנְךָ תֵּעָ֣זַבb אָ֑רֶץ וְיֶעְתַּקc ־צ֝֗וּר מִמְּקֹמֹֽו׃

5 גַּ֤ם אֹ֣ור רְשָׁעִ֣ים יִדְעָ֑ךְa וְלֹֽא־יִ֝גַּ֗הּb שְׁבִ֣יבc אִשֹּֽׁו׃

6 אֹ֖ור חָשַׁ֣ךְa בְּאָהֳלֹ֑ו וְ֝נֵרֹ֗וb עָלָ֥יו יִדְעָֽךְc ׃

7 יֵֽ֭צְרוּa צַעֲדֵ֣יb אֹונֹ֑ו וְֽתַשְׁלִיכֵ֥הוּc עֲצָתֹֽו׃

8 כִּֽי־שֻׁלַּ֣חa בְּרֶ֣שֶׁתb בְּרַגְלָ֑יו וְעַל־שְׂ֝בָכָ֗הc יִתְהַלָּֽךְd ׃

9 יֹאחֵ֣זa בְּעָקֵ֣בb פָּ֑חc יַחֲזֵ֖קd עָלָ֣יו צַמִּֽיםe ׃

10 טָמ֣וּןa בָּאָ֣רֶץ חַבְלֹ֑ו וּ֝מַלְכֻּדְתֹּ֗וb עֲלֵ֣י נָתִֽיבc ׃

11 סָ֭בִיב בִּֽעֲתֻ֣הוּa בַלָּהֹ֑ותb וֶהֱפִיצֻ֥הוּc לְרַגְלָֽיו׃

12 יְהִיa ־רָעֵ֥בb אֹנֹ֑ו וְ֝אֵ֗ידc נָכֹ֥וןd לְצַלְעֹֽוe ׃

13 יֹ֭אכַלa בַּדֵּ֣י עֹורֹ֑ו יֹאכַ֥לb בַּ֝דָּ֗יו בְּכֹ֣ור מָֽוֶת׃

14 יִנָּתֵ֣קa מֵ֭אָהֳלֹו מִבְטַחֹ֑וb וְ֝תַצְעִדֵ֗הוּc לְמֶ֣לֶךְ בַּלָּהֹֽותd ׃

15 תִּשְׁכֹּ֣וןa בְּ֭אָהֳלֹו מִבְּלִי־לֹ֑ו יְזֹרֶ֖הb עַל־נָוֵ֣הוּc גָפְרִֽיתd ׃

16 מִ֭תַּחַת שָֽׁרָשָׁ֣יוa יִבָ֑שׁוּb וּ֝מִמַּ֗עַל יִמַּ֥לc קְצִירֹֽוd ׃

17 זִֽכְרֹוa ־אָ֭בַדb מִנִּי־אָ֑רֶץ וְלֹא־שֵׁ֥ם לֹ֝֗ו עַל־פְּנֵי־חֽוּץ׃

18 יֶ֭הְדְּפֻהוּa מֵאֹ֣ור אֶל־חֹ֑שֶׁךְ וּֽמִתֵּבֵ֥לb יְנִדֻּֽהוּc ׃

19 לֹ֘א נִ֤יןa לֹ֣ו וְלֹא־נֶ֣כֶדb בְּעַמֹּ֑ו וְאֵ֥ין שָׂ֝רִ֗ידc בִּמְגוּרָֽיוd ׃

20 עַל־יֹ֖ומֹו נָשַׁ֣מּוּa אַחֲרֹנִ֑ים וְ֝קַדְמֹנִ֗יםb אָ֣חֲזוּc שָֽׂעַרd ׃

21 אַךְ־אֵ֭לֶּה מִשְׁכְּנֹ֣ות עַוָּ֑לa וְ֝זֶ֗ה מְקֹ֣ום לֹא־יָדַֽעb ־אֵֽל׃ ס