ירמיהו

מִֽי־יִתְּנֵ֣נִיa בַמִּדְבָּ֗ר מְלֹון֙b אֹֽרְחִ֔יםc וְאֶֽעֶזְבָה֙d אֶת־עַמִּ֔י וְאֵלְכָ֖הe מֵֽאִתָּ֑ם כִּ֤י כֻלָּם֙ מְנָ֣אֲפִ֔יםf עֲצֶ֖רֶתg בֹּגְדִֽיםh ׃

2 וַֽיַּדְרְכ֤וּa אֶת־לְשֹׁונָם֙ קַשְׁתָּ֣ם שֶׁ֔קֶר וְלֹ֥א לֶאֱמוּנָ֖הb גָּבְר֣וּc בָאָ֑רֶץ כִּי֩ מֵרָעָ֨ה אֶל־רָעָ֧ה׀ יָצָ֛אוּd וְאֹתִ֥י לֹֽא־יָדָ֖עוּe נְאֻם־יְהוָֽה׃ ס

3 אִ֤ישׁ מֵרֵעֵ֨הוּ֙ הִשָּׁמֵ֔רוּa וְעַל־כָּל־אָ֖ח אַל־תִּבְטָ֑חוּb כִּ֤י כָל־אָח֙ עָקֹ֣ובc יַעְקֹ֔בd וְכָל־רֵ֖עַ רָכִ֥ילe יַהֲלֹֽךְf ׃

4 וְאִ֤ישׁ בְּרֵעֵ֨הוּ֙ יְהָתֵ֔לּוּa וֶאֱמֶ֖ת לֹ֣א יְדַבֵּ֑רוּb לִמְּד֧וּc לְשֹׁונָ֛ם דַּבֶּרd ־שֶׁ֖קֶר הַעֲוֵ֥הe נִלְאֽוּf ׃

5 שִׁבְתְּךָ֖a בְּתֹ֣וךְ מִרְמָ֑הb בְּמִרְמָ֛הc מֵאֲנ֥וּd דַֽעַתe ־אֹותִ֖י נְאֻם־יְהוָֽה׃ ס

6 לָכֵ֗ן כֹּ֤ה אָמַר֙a יְהוָ֣ה צְבָאֹ֔ות הִנְנִ֥י צֹורְפָ֖םb וּבְחַנְתִּ֑יםc כִּֽי־אֵ֣יךְ אֶעֱשֶׂ֔הd מִפְּנֵ֖י בַּת־עַמִּֽי׃

7 חֵ֥ץ שׁוחטa לְשֹׁונָ֖ם מִרְמָ֣הb דִבֵּ֑רc בְּפִ֗יו שָׁלֹ֤ום אֶת־רֵעֵ֨הוּ֙ יְדַבֵּ֗רd וּבְקִרְבֹּ֖ו יָשִׂ֥יםe אָרְבֹּֽוf ׃

8 הַעַל־אֵ֥לֶּה לֹֽא־אֶפְקָדa ־בָּ֖ם נְאֻם־יְהוָ֑ה אִ֚ם בְּגֹ֣וי אֲשֶׁר־כָּזֶ֔ה לֹ֥א תִתְנַקֵּ֖םb נַפְשִֽׁי׃ ס

9 עַל־הֶ֨הָרִ֜ים אֶשָּׂ֧אa בְכִ֣יb וָנֶ֗הִיc וְעַל־נְאֹ֤ותd מִדְבָּר֙ קִינָ֔הe כִּ֤י נִצְּתוּ֙f מִבְּלִי־אִ֣ישׁ עֹבֵ֔רg וְלֹ֥א שָׁמְע֖וּh קֹ֣ול מִקְנֶ֑ה מֵעֹ֤וף הַשָּׁמַ֨יִם֙ וְעַד־בְּהֵמָ֔ה נָדְד֖וּi הָלָֽכוּj ׃

10 וְנָתַתִּ֧יa אֶת־יְרוּשָׁלִַ֛ם לְגַלִּ֖יםb מְעֹ֣וןc תַּנִּ֑יםd וְאֶת־עָרֵ֧י יְהוּדָ֛ה אֶתֵּ֥ןe שְׁמָמָ֖ה מִבְּלִ֖י יֹושֵֽׁב׃ ס

11 מִֽי־הָאִ֤ישׁ הֶֽחָכָם֙ וְיָבֵ֣ןa אֶת־זֹ֔את וַאֲשֶׁ֨ר דִּבֶּ֧רb פִּֽי־יְהוָ֛ה אֵלָ֖יו וְיַגִּדָ֑הּc עַל־מָה֙ אָבְדָ֣הd הָאָ֔רֶץ נִצְּתָ֥הe כַמִּדְבָּ֖ר מִבְּלִ֖י עֹבֵֽר׃ ס

12 וַיֹּ֣אמֶרa יְהוָ֔ה עַל־עָזְבָם֙b אֶת־תֹּ֣ורָתִ֔י אֲשֶׁ֥ר נָתַ֖תִּיc לִפְנֵיהֶ֑ם וְלֹא־שָׁמְע֥וּd בְקֹולִ֖י וְלֹא־הָ֥לְכוּe בָֽהּ׃

13 וַיֵּ֣לְכ֔וּa אַחֲרֵ֖י שְׁרִר֣וּתb לִבָּ֑ם וְאַחֲרֵי֙ הַבְּעָלִ֔ים אֲשֶׁ֥ר לִמְּד֖וּםc אֲבֹותָֽם׃ ס

14 לָכֵ֗ן כֹּֽה־אָמַ֞רa יְהוָ֤ה צְבָאֹות֙ אֱלֹהֵ֣י יִשְׂרָאֵ֔ל הִנְנִ֧י מַאֲכִילָ֛םb אֶת־הָעָ֥ם הַזֶּ֖ה לַֽעֲנָ֑הc וְהִשְׁקִיתִ֖יםd מֵי־רֹֽאשׁe ׃

15 וַהֲפִֽצֹותִים֙a בַּגֹּויִ֔ם אֲשֶׁר֙ לֹ֣א יָֽדְע֔וּb הֵ֖מָּה וַֽאֲבֹותָ֑ם וְשִׁלַּחְתִּ֤יc אַֽחֲרֵיהֶם֙ אֶת־הַחֶ֔רֶב עַ֥ד כַּלֹּותִ֖יd אֹותָֽם׃ פ

16 כֹּ֤ה אָמַר֙a יְהוָ֣ה צְבָאֹ֔ות הִתְבֹּֽונְנ֛וּb וְקִרְא֥וּc לַמְקֹונְנֹ֖ותd וּתְבֹואֶ֑ינָהe וְאֶל־הַחֲכָמֹ֥ות שִׁלְח֖וּf וְתָבֹֽואנָהg ׃

17 וּתְמַהֵ֕רְנָהa וְתִשֶּׂ֥נָהb עָלֵ֖ינוּ נֶ֑הִיc וְתֵרַ֤דְנָהd עֵינֵ֨ינוּ֙ דִּמְעָ֔הe וְעַפְעַפֵּ֖ינוּf יִזְּלוּg ־מָֽיִם׃

18 כִּ֣י קֹ֥ול נְהִ֛יa נִשְׁמַ֥עb מִצִּיֹּ֖ון אֵ֣יךְ שֻׁדָּ֑דְנוּc בֹּ֤שְׁנֽוּd מְאֹד֙ כִּֽי־עָזַ֣בְנוּe אָ֔רֶץ כִּ֥י הִשְׁלִ֖יכוּf מִשְׁכְּנֹותֵֽינוּ׃ ס

19 כִּֽי־שְׁמַ֤עְנָהa נָשִׁים֙ דְּבַר־יְהוָ֔ה וְתִקַּ֥חb אָזְנְכֶ֖ם דְּבַר־פִּ֑יו וְלַמֵּ֤דְנָהc בְנֹֽותֵיכֶם֙ נֶ֔הִיd וְאִשָּׁ֥ה רְעוּתָ֖הּe קִינָֽהf ׃

20 כִּֽי־עָ֤לָהa מָ֨וֶת֙ בְּחַלֹּונֵ֔ינוּb בָּ֖אc בְּאַרְמְנֹותֵ֑ינוּd לְהַכְרִ֤יתe עֹולָל֙f מִח֔וּץ בַּחוּרִ֖יםg מֵרְחֹבֹֽותh ׃

21 דַּבֵּ֗רa כֹּ֚ה נְאֻם־יְהוָ֔ה וְנָֽפְלָה֙b נִבְלַ֣תc הָֽאָדָ֔ם כְּדֹ֖מֶןd עַל־פְּנֵ֣י הַשָּׂדֶ֑ה וּכְעָמִ֛ירe מֵאַחֲרֵ֥י הַקֹּצֵ֖רf וְאֵ֥ין מְאַסֵּֽףg ׃ ס

22 כֹּ֣ה׀ אָמַ֣רa יְהוָ֗ה אַל־יִתְהַלֵּ֤לb חָכָם֙ בְּחָכְמָתֹ֔ו וְאַל־יִתְהַלֵּ֥לc הַגִּבֹּ֖ור בִּגְבֽוּרָתֹ֑ו אַל־יִתְהַלֵּ֥לd עָשִׁ֖ירe בְּעָשְׁרֹֽוf ׃

23 כִּ֣י אִם־בְּזֹ֞את יִתְהַלֵּ֣לa הַמִּתְהַלֵּ֗ל הַשְׂכֵּל֮b וְיָדֹ֣עַc אֹותִי֒ כִּ֚י אֲנִ֣י יְהוָ֔ה עֹ֥שֶׂהd חֶ֛סֶד מִשְׁפָּ֥ט וּצְדָקָ֖ה בָּאָ֑רֶץ כִּֽי־בְאֵ֥לֶּה חָפַ֖צְתִּיe נְאֻם־יְהוָֽה׃ ס

24 הִנֵּ֛ה יָמִ֥ים בָּאִ֖יםa נְאֻם־יְהוָ֑ה וּפָ֣קַדְתִּ֔יb עַל־כָּל־מ֖וּלc בְּעָרְלָֽהd ׃

25 עַל־מִצְרַ֣יִם וְעַל־יְהוּדָ֗ה וְעַל־אֱדֹ֞ום וְעַל־בְּנֵ֤י עַמֹּון֙ וְעַל־מֹואָ֔ב וְעַל֙ כָּל־קְצוּצֵ֣יa פֵאָ֔ה הַיֹּשְׁבִ֖יםb בַּמִּדְבָּ֑ר כִּ֤י כָל־הַגֹּויִם֙ עֲרֵלִ֔יםc וְכָל־בֵּ֥ית יִשְׂרָאֵ֖ל עַרְלֵיd ־לֵֽב׃ ס