ירמיהו

הַדָּבָר֙ אֲשֶׁ֣ר הָיָ֣הa אֶֽל־יִרְמְיָ֔הוּ מֵאֵ֥ת יְהוָ֖ה לֵאמֹֽרb ׃

2 עֲמֹ֗דa בְּשַׁ֨עַר֙ בֵּ֣ית יְהוָ֔ה וְקָרָ֣אתָb שָּׁ֔ם אֶת־הַדָּבָ֖ר הַזֶּ֑ה וְאָמַרְתָּ֞c שִׁמְע֣וּd דְבַר־יְהוָ֗ה כָּל־יְהוּדָה֙ הַבָּאִים֙e בַּשְּׁעָרִ֣ים הָאֵ֔לֶּה לְהִֽשְׁתַּחֲוֹ֖תf לַיהוָֽה׃ ס

3 כֹּֽה־אָמַ֞רa יְהוָ֤ה צְבָאֹות֙ אֱלֹהֵ֣י יִשְׂרָאֵ֔ל הֵיטִ֥יבוּb דַרְכֵיכֶ֖ם וּמַֽעַלְלֵיכֶ֑םc וַאֲשַׁכְּנָ֣הd אֶתְכֶ֔ם בַּמָּקֹ֥ום הַזֶּֽה׃

4 אַל־תִּבְטְח֣וּa לָכֶ֔ם אֶל־דִּבְרֵ֥י הַשֶּׁ֖קֶר לֵאמֹ֑רb הֵיכַ֤ל יְהוָה֙ הֵיכַ֣ל יְהוָ֔ה הֵיכַ֥ל יְהוָ֖ה הֵֽמָּה׃

5 כִּ֤י אִם־הֵיטֵיב֙ תֵּיטִ֔יבוּa אֶת־דַּרְכֵיכֶ֖ם וְאֶת־מַֽעַלְלֵיכֶ֑םb אִם־עָשֹׂ֤ו תַֽעֲשׂוּ֙c מִשְׁפָּ֔ט בֵּ֥ין אִ֖ישׁ וּבֵ֥ין רֵעֵֽהוּ׃

6 גֵּ֣ר יָתֹ֤וםa וְאַלְמָנָה֙ לֹ֣א תַֽעֲשֹׁ֔קוּb וְדָ֣ם נָקִ֔יc אַֽל־תִּשְׁפְּכ֖וּd בַּמָּקֹ֣ום הַזֶּ֑ה וְאַחֲרֵ֨י אֱלֹהִ֧ים אֲחֵרִ֛ים לֹ֥א תֵלְכ֖וּe לְרַ֥ע לָכֶֽם׃

7 וְשִׁכַּנְתִּ֤יa אֶתְכֶם֙ בַּמָּקֹ֣ום הַזֶּ֔ה בָּאָ֕רֶץ אֲשֶׁ֥ר נָתַ֖תִּיb לַאֲבֹֽותֵיכֶ֑ם לְמִן־עֹולָ֖ם וְעַד־עֹולָֽם׃

8 הִנֵּ֤ה אַתֶּם֙ בֹּטְחִ֣יםa לָכֶ֔ם עַל־דִּבְרֵ֖י הַשָּׁ֑קֶר לְבִלְתִּ֖י הֹועִֽילb ׃

9 הֲגָנֹ֤בa ׀ רָצֹ֨חַ֙b וְֽנָאֹ֗ףc וְהִשָּׁבֵ֥עַd לַשֶּׁ֖קֶר וְקַטֵּ֣רe לַבָּ֑עַל וְהָלֹ֗ךְf אַחֲרֵ֛י אֱלֹהִ֥ים אֲחֵרִ֖ים אֲשֶׁ֥ר לֹֽא־יְדַעְתֶּֽםg ׃

10 וּבָאתֶ֞םa וַעֲמַדְתֶּ֣םb לְפָנַ֗י בַּבַּ֤יִת הַזֶּה֙ אֲשֶׁ֣ר נִקְרָאc ־שְׁמִ֣י עָלָ֔יו וַאֲמַרְתֶּ֖םd נִצַּ֑לְנוּe לְמַ֣עַן עֲשֹׂ֔ותf אֵ֥ת כָּל־הַתֹּועֵבֹ֖ות הָאֵֽלֶּה׃

11 הַמְעָרַ֣תa פָּרִצִ֗יםb הָיָ֨הc הַבַּ֧יִת הַזֶּ֛ה אֲשֶׁר־נִקְרָֽאd ־שְׁמִ֥י עָלָ֖יו בְּעֵינֵיכֶ֑ם גַּ֧ם אָנֹכִ֛י הִנֵּ֥ה רָאִ֖יתִיe נְאֻם־יְהוָֽה׃ ס

12 כִּ֣י לְכוּa ־נָ֗א אֶל־מְקֹומִי֙ אֲשֶׁ֣ר בְּשִׁילֹ֔וb אֲשֶׁ֨ר שִׁכַּ֧נְתִּֽיc שְׁמִ֛י שָׁ֖ם בָּרִֽאשֹׁונָ֑ה וּרְאוּ֙d אֵ֣ת אֲשֶׁר־עָשִׂ֣יתִיe לֹ֔ו מִפְּנֵ֕י רָעַ֖ת עַמִּ֥י יִשְׂרָאֵֽל׃

13 וְעַתָּ֗ה יַ֧עַן עֲשֹׂותְכֶ֛םa אֶת־כָּל־הַמַּֽעֲשִׂ֥ים הָאֵ֖לֶּה נְאֻם־יְהוָ֑ה וָאֲדַבֵּ֨רb אֲלֵיכֶ֜ם הַשְׁכֵּ֤םc וְדַבֵּר֙d וְלֹ֣א שְׁמַעְתֶּ֔םe וָאֶקְרָ֥אf אֶתְכֶ֖ם וְלֹ֥א עֲנִיתֶֽםg ׃

14 וְעָשִׂ֜יתִיa לַבַּ֣יִת׀ אֲשֶׁ֧ר נִֽקְרָאb ־שְׁמִ֣י עָלָ֗יו אֲשֶׁ֤ר אַתֶּם֙ בֹּטְחִ֣יםc בֹּ֔ו וְלַ֨מָּקֹ֔ום אֲשֶׁר־נָתַ֥תִּיd לָכֶ֖ם וְלַאֲבֹֽותֵיכֶ֑ם כַּאֲשֶׁ֥ר עָשִׂ֖יתִיe לְשִׁלֹֽוf ׃

15 וְהִשְׁלַכְתִּ֥יa אֶתְכֶ֖ם מֵעַ֣ל פָּנָ֑י כַּאֲשֶׁ֤ר הִשְׁלַ֨כְתִּי֙b אֶת־כָּל־אֲחֵיכֶ֔ם אֵ֖ת כָּל־זֶ֥רַע אֶפְרָֽיִם׃ ס

16 וְאַתָּ֞ה אַל־תִּתְפַּלֵּ֣לa ׀ בְּעַד־הָעָ֣ם הַזֶּ֗ה וְאַל־תִּשָּׂ֧אb בַעֲדָ֛ם רִנָּ֥הc וּתְפִלָּ֖ה וְאַל־תִּפְגַּעd ־בִּ֑י כִּי־אֵינֶ֥נִּי שֹׁמֵ֖עַe אֹתָֽךְ׃

17 הַֽאֵינְךָ֣ רֹאֶ֔הa מָ֛ה הֵ֥מָּה עֹשִׂ֖יםb בְּעָרֵ֣י יְהוּדָ֑ה וּבְחֻצֹ֖ות יְרוּשָׁלִָֽם׃

18 הַבָּנִ֞ים מְלַקְּטִ֣יםa עֵצִ֗ים וְהָֽאָבֹות֙ מְבַעֲרִ֣יםb אֶת־הָאֵ֔שׁ וְהַנָּשִׁ֖ים לָשֹׁ֣ותc בָּצֵ֑קd לַעֲשֹׂ֨ותe כַּוָּנִ֜יםf לִמְלֶ֣כֶתg הַשָּׁמַ֗יִם וְהַסֵּ֤ךְh נְסָכִים֙ לֵאלֹהִ֣ים אֲחֵרִ֔ים לְמַ֖עַן הַכְעִסֵֽנִיi ׃

19 הַאֹתִ֛י הֵ֥ם מַכְעִסִ֖יםa נְאֻם־יְהוָ֑ה הֲלֹ֣וא אֹתָ֔ם לְמַ֖עַן בֹּ֥שֶׁתb פְּנֵיהֶֽם׃ ס

20 לָכֵ֞ן כֹּה־אָמַ֣רa ׀ אֲדֹנָ֣י יְהֹוִ֗ה הִנֵּ֨ה אַפִּ֤י וַֽחֲמָתִי֙ נִתֶּ֨כֶת֙b אֶל־הַמָּקֹ֣ום הַזֶּ֔ה עַל־הָֽאָדָם֙ וְעַל־הַבְּהֵמָ֔ה וְעַל־עֵ֥ץ הַשָּׂדֶ֖ה וְעַל־פְּרִ֣י הָֽאֲדָמָ֑ה וּבָעֲרָ֖הc וְלֹ֥א תִכְבֶּֽהd ׃ ס

21 כֹּ֥ה אָמַ֛רa יְהוָ֥ה צְבָאֹ֖ות אֱלֹהֵ֣י יִשְׂרָאֵ֑ל עֹלֹותֵיכֶ֛ם סְפ֥וּb עַל־זִבְחֵיכֶ֖ם וְאִכְל֥וּc בָשָֽׂר׃

22 כִּ֠י לֹֽא־דִבַּ֤רְתִּיa אֶת־אֲבֹֽותֵיכֶם֙ וְלֹ֣א צִוִּיתִ֔יםb בְּיֹ֛ום הוציאc אֹותָ֖ם מֵאֶ֣רֶץ מִצְרָ֑יִם עַל־דִּבְרֵ֥י עֹולָ֖ה וָזָֽבַח׃

23 כִּ֣י אִֽם־אֶת־הַדָּבָ֣ר הַ֠זֶּה צִוִּ֨יתִיa אֹותָ֤ם לֵאמֹר֙b שִׁמְע֣וּc בְקֹולִ֔י וְהָיִ֤יתִיd לָכֶם֙ לֵֽאלֹהִ֔ים וְאַתֶּ֖ם תִּֽהְיוּe ־לִ֣י לְעָ֑ם וַהֲלַכְתֶּ֗םf בְּכָל־הַדֶּ֨רֶךְ֙ אֲשֶׁ֣ר אֲצַוֶּ֣הg אֶתְכֶ֔ם לְמַ֖עַן יִיטַ֥בh לָכֶֽם׃

24 וְלֹ֤א שָֽׁמְעוּ֙a וְלֹֽא־הִטּ֣וּb אֶת־אָזְנָ֔ם וַיֵּֽלְכוּ֙c בְּמֹ֣עֵצֹ֔ותd בִּשְׁרִר֖וּתe לִבָּ֣ם הָרָ֑ע וַיִּהְי֥וּf לְאָחֹ֖ורg וְלֹ֥א לְפָנִֽים׃

25 לְמִן־הַיֹּ֗ום אֲשֶׁ֨ר יָצְא֤וּa אֲבֹֽותֵיכֶם֙ מֵאֶ֣רֶץ מִצְרַ֔יִם עַ֖ד הַיֹּ֣ום הַזֶּ֑ה וָאֶשְׁלַ֤חb אֲלֵיכֶם֙ אֶת־כָּל־עֲבָדַ֣י הַנְּבִיאִ֔ים יֹ֖ום הַשְׁכֵּ֥םc וְשָׁלֹֽחַd ׃

26 וְלֹ֤וא שָׁמְעוּ֙a אֵלַ֔י וְלֹ֥א הִטּ֖וּb אֶת־אָזְנָ֑ם וַיַּקְשׁוּ֙c אֶת־עָרְפָּ֔םd הֵרֵ֖עוּe מֵאֲבֹותָֽם׃

27 וְדִבַּרְתָּ֤a אֲלֵיהֶם֙ אֶת־כָּל־הַדְּבָרִ֣ים הָאֵ֔לֶּה וְלֹ֥א יִשְׁמְע֖וּb אֵלֶ֑יךָ וְקָרָ֥אתָc אֲלֵיהֶ֖ם וְלֹ֥א יַעֲנֽוּכָהd ׃

28 וְאָמַרְתָּ֣a אֲלֵיהֶ֗ם זֶ֤ה הַגֹּוי֙ אֲשֶׁ֣ר לֹֽוא־שָׁמְע֗וּb בְּקֹול֙ יְהוָ֣ה אֱלֹהָ֔יו וְלֹ֥א לָקְח֖וּc מוּסָ֑ר אָֽבְדָה֙d הָֽאֱמוּנָ֔הe וְנִכְרְתָ֖הf מִפִּיהֶֽם׃ ס

29 גָּזִּ֤יa נִזְרֵךְ֙b וְֽהַשְׁלִ֔יכִיc וּשְׂאִ֥יd עַל־שְׁפָיִ֖םe קִינָ֑הf כִּ֚י מָאַ֣סg יְהוָ֔ה וַיִּטֹּ֖שׁh אֶת־דֹּ֥ור עֶבְרָתֹֽוi ׃

30 כִּֽי־עָשׂ֨וּa בְנֵי־יְהוּדָ֥ה הָרַ֛ע בְּעֵינַ֖י נְאֻום־יְהוָ֑ה שָׂ֣מוּb שִׁקּֽוּצֵיהֶ֗םc בַּבַּ֛יִת אֲשֶׁר־נִקְרָאd ־שְׁמִ֥י עָלָ֖יו לְטַמְּאֹֽוe ׃

31 וּבָנ֞וּa בָּמֹ֣ות הַתֹּ֗פֶתb אֲשֶׁר֙ בְּגֵ֣יא בֶן־הִנֹּ֔םc לִשְׂרֹ֛ףd אֶת־בְּנֵיהֶ֥ם וְאֶת־בְּנֹתֵיהֶ֖ם בָּאֵ֑שׁ אֲשֶׁר֙ לֹ֣א צִוִּ֔יתִיe וְלֹ֥א עָלְתָ֖הf עַל־לִבִּֽי׃ ס

32 לָכֵ֞ן הִנֵּֽה־יָמִ֤ים בָּאִים֙a נְאֻם־יְהוָ֔ה וְלֹא־יֵאָמֵ֨רb עֹ֤וד הַתֹּ֨פֶת֙c וְגֵ֣יא בֶן־הִנֹּ֔םd כִּ֖י אִם־גֵּ֣יא הַהֲרֵגָ֑הe וְקָבְר֥וּf בְתֹ֖פֶתg מֵאֵ֥ין מָקֹֽום׃

33 וְֽהָ֨יְתָ֜הa נִבְלַ֨תb הָעָ֤ם הַזֶּה֙ לְמַֽאֲכָ֔לc לְעֹ֥וף הַשָּׁמַ֖יִם וּלְבֶהֱמַ֣ת הָאָ֑רֶץ וְאֵ֖ין מַחֲרִֽידd ׃

34 וְהִשְׁבַּתִּ֣יa ׀ מֵעָרֵ֣י יְהוּדָ֗ה וּמֵֽחֻצֹות֙ יְר֣וּשָׁלִַ֔ם קֹ֤ול שָׂשֹׂון֙b וְקֹ֣ול שִׂמְחָ֔ה קֹ֥ול חָתָ֖ןc וְקֹ֣ול כַּלָּ֑הd כִּ֥י לְחָרְבָּ֖הe תִּהְיֶ֥הf הָאָֽרֶץ׃