ירמיהו

לִבְנֵ֣י עַמֹּ֗ון כֹּ֚ה אָמַ֣רa יְהוָ֔ה הֲבָנִ֥ים אֵין֙ לְיִשְׂרָאֵ֔ל אִם־יֹורֵ֖שׁ אֵ֣ין לֹ֑ו מַדּ֗וּעַ יָרַ֤שׁb מַלְכָּם֙c אֶת־גָּ֔ד וְעַמֹּ֖ו בְּעָרָ֥יו יָשָֽׁבd ׃

2 לָכֵ֡ן הִנֵּה֩ יָמִ֨ים בָּאִ֜יםa נְאֻם־יְהוָ֗ה וְ֠הִשְׁמַעְתִּיb אֶל־רַבַּ֨תc בְּנֵי־עַמֹּ֜ון תְּרוּעַ֣תd מִלְחָמָ֗ה וְהָֽיְתָה֙e לְתֵ֣לf שְׁמָמָ֔ה וּבְנֹתֶ֖יהָ בָּאֵ֣שׁ תִּצַּ֑תְנָהg וְיָרַ֧שׁh יִשְׂרָאֵ֛ל אֶת־יֹרְשָׁ֖יו אָמַ֥רi יְהוָֽה׃

3 הֵילִ֨ילִיa חֶשְׁבֹּ֜וןb כִּ֣י שֻׁדְּדָהc ־עַ֗יd צְעַקְנָה֮e בְּנֹ֣ות רַבָּה֒f חֲגֹ֣רְנָהg שַׂקִּ֔יםh סְפֹ֕דְנָהi וְהִתְשֹׁוטַ֖טְנָהj בַּגְּדֵרֹ֑ותk כִּ֤י מַלְכָּם֙l בַּגֹּולָ֣הm יֵלֵ֔ךְn כֹּהֲנָ֥יו וְשָׂרָ֖יו יַחְדָּֽיו׃

4 מַה־תִּתְהַֽלְלִי֙a בָּֽעֲמָקִ֔ים זָ֣בb עִמְקֵ֔ךְ הַבַּ֖ת הַשֹּֽׁובֵבָ֑הc הַבֹּֽטְחָה֙d בְּאֹ֣צְרֹתֶ֔יהָ מִ֖י יָבֹ֥ואe אֵלָֽי׃

5 הִנְנִי֩ מֵבִ֨יאa עָלַ֜יִךְ פַּ֗חַדb נְאֻם־אֲדֹנָ֧י יְהוִ֛ה צְבָאֹ֖ות מִכָּל־סְבִיבָ֑יִךְ וְנִדַּחְתֶּם֙c אִ֣ישׁ לְפָנָ֔יו וְאֵ֥ין מְקַבֵּ֖ץd לַנֹּדֵֽדe ׃

6 וְאַחֲרֵי־כֵ֗ן אָשִׁ֛יבa אֶת־שְׁב֥וּתb בְּנֵֽי־עַמֹּ֖ון נְאֻם־יְהוָֽה׃ ס

7 לֶאֱדֹ֗ום כֹּ֤ה אָמַר֙a יְהוָ֣ה צְבָאֹ֔ות הַאֵ֥ין עֹ֛וד חָכְמָ֖ה בְּתֵימָ֑ןb אָבְדָ֤הc עֵצָה֙ מִבָּנִ֔ים נִסְרְחָ֖הd חָכְמָתָֽם׃

8 נֻ֤סוּa הָפְנוּ֙b הֶעְמִ֣יקוּc לָשֶׁ֔בֶתd יֹשְׁבֵ֖י דְּדָ֑ןe כִּ֣י אֵ֥ידf עֵשָׂ֛ו הֵבֵ֥אתִיg עָלָ֖יו עֵ֥ת פְּקַדְתִּֽיוh ׃

9 אִם־בֹּֽצְרִים֙a בָּ֣אוּb לָ֔ךְ לֹ֥א יַשְׁאִ֖רוּc עֹֽולֵלֹ֑ותd אִם־גַּנָּבִ֥יםe בַּלַּ֖יְלָה הִשְׁחִ֥יתוּf דַיָּֽםg ׃

10 כִּֽי־אֲנִ֞י חָשַׂ֣פְתִּיa אֶת־עֵשָׂ֗ו גִּלֵּ֨יתִי֙b אֶת־מִסְתָּרָ֔יוc וְנֶחְבָּ֖הd לֹ֣א יוּכָ֑לe שֻׁדַּ֥דf זַרְעֹ֛ו וְאֶחָ֥יו וּשְׁכֵנָ֖יוg וְאֵינֶֽנּוּ׃

11 עָזְבָ֥הa יְתֹמֶ֖יךָb אֲנִ֣י אֲחַיֶּ֑הc וְאַלְמְנֹתֶ֖יךָ עָלַ֥י תִּבְטָֽחוּd ׃ ס

12 כִּי־כֹ֣ה׀ אָמַ֣רa יְהוָ֗ה הִ֠נֵּה אֲשֶׁר־אֵ֨ין מִשְׁפָּטָ֜ם לִשְׁתֹּ֤ותb הַכֹּוס֙c שָׁתֹ֣ו יִשְׁתּ֔וּd וְאַתָּ֣ה ה֔וּא נָקֹ֖הe תִּנָּקֶ֑הf לֹ֣א תִנָּקֶ֔הg כִּ֥י שָׁתֹ֖ה תִּשְׁתֶּֽהh ׃

13 כִּ֣י בִ֤י נִשְׁבַּ֨עְתִּי֙a נְאֻם־יְהוָ֔ה כִּֽי־לְשַׁמָּ֧הb לְחֶרְפָּ֛ה לְחֹ֥רֶבc וְלִקְלָלָ֖הd תִּֽהְיֶ֣הe בָצְרָ֑הf וְכָל־עָרֶ֥יהָ תִהְיֶ֖ינָהg לְחָרְבֹ֥ותh עֹולָֽם׃

14 שְׁמוּעָ֤הa שָׁמַ֨עְתִּי֙b מֵאֵ֣ת יְהוָ֔ה וְצִ֖ירc בַּגֹּויִ֣ם שָׁל֑וּחַd הִֽתְקַבְּצוּ֙e וּבֹ֣אוּf עָלֶ֔יהָ וְק֖וּמוּg לַמִּלְחָמָֽה׃

15 כִּֽי־הִנֵּ֥ה קָטֹ֛ן נְתַתִּ֖יךָa בַּגֹּויִ֑ם בָּז֖וּיb בָּאָדָֽם׃

16 תִּֽפְלַצְתְּךָ֞a הִשִּׁ֤יאb אֹתָךְ֙ זְדֹ֣וןc לִבֶּ֔ךָ שֹֽׁכְנִי֙ בְּחַגְוֵ֣יd הַסֶּ֔לַע תֹּפְשִׂ֖י מְרֹ֣ום גִּבְעָ֑ה כִּֽי־תַגְבִּ֤יהַe כַּנֶּ֨שֶׁר֙f קִנֶּ֔ךָg מִשָּׁ֥ם אֹֽורִידְךָ֖h נְאֻם־יְהוָֽה׃

17 וְהָיְתָ֥הa אֱדֹ֖ום לְשַׁמָּ֑הb כֹּ֚ל עֹבֵ֣רc עָלֶ֔יהָ יִשֹּׁ֥םd וְיִשְׁרֹ֖קe עַל־כָּל־מַכֹּותֶֽהָf ׃

18 כְּֽמַהְפֵּכַ֞תa סְדֹ֧םb וַעֲמֹרָ֛הc וּשְׁכֵנֶ֖יהָd אָמַ֣רe יְהוָ֑ה לֹֽא־יֵשֵׁ֥בf שָׁם֙ אִ֔ישׁ וְלֹֽא־יָג֥וּרg בָּ֖הּ בֶּן־אָדָֽם׃

19 הִ֠נֵּה כְּאַרְיֵ֞הa יַעֲלֶ֨הb מִגְּאֹ֣וןc הַיַּרְדֵּן֮ אֶל־נְוֵ֣הd אֵיתָן֒e כִּֽי־אַרְגִּ֤יעָהf אֲרִיצֶ֨נּוּg מֵֽעָלֶ֔יהָ וּמִ֥י בָח֖וּר אֵלֶ֣יהָ אֶפְקֹ֑דh כִּ֣י מִ֤י כָמֹ֨ונִי֙ וּמִ֣י יֹעִידֶ֔נִּיi וּמִי־זֶ֣ה רֹעֶ֔ה אֲשֶׁ֥ר יַעֲמֹ֖דj לְפָנָֽי׃ ס

20 לָכֵ֞ן שִׁמְע֣וּa עֲצַת־יְהוָ֗ה אֲשֶׁ֤ר יָעַץ֙b אֶל־אֱדֹ֔ום וּמַ֨חְשְׁבֹותָ֔יוc אֲשֶׁ֥ר חָשַׁ֖בd אֶל־יֹשְׁבֵ֣י תֵימָ֑ןe אִם־לֹ֤א יִסְחָבוּם֙f צְעִירֵ֣יg הַצֹּ֔אן אִם־לֹ֥א יַשִּׁ֛יםh עֲלֵיהֶ֖ם נְוֵהֶֽםi ׃

21 מִקֹּ֣ול נִפְלָ֔םa רָעֲשָׁ֖הb הָאָ֑רֶץ צְעָקָ֕הc בְּיַם־ס֖וּףd נִשְׁמַ֥עe קֹולָֽהּ׃

22 הִנֵּ֤ה כַנֶּ֨שֶׁר֙a יַעֲלֶ֣הb וְיִדְאֶ֔הc וְיִפְרֹ֥שׂd כְּנָפָ֖יו עַל־בָּצְרָ֑הe וְֽ֠הָיָהf לֵ֞ב גִּבֹּורֵ֤י אֱדֹום֙ בַּיֹּ֣ום הַה֔וּא כְּלֵ֖ב אִשָּׁ֥ה מְצֵרָֽהg ׃ ס

23 לְדַמֶּ֗שֶׂקa בֹּ֤ושָֽׁהb חֲמָת֙c וְאַרְפָּ֔דd כִּי־שְׁמֻעָ֥הe רָעָ֛ה שָׁמְע֖וּf נָמֹ֑גוּg בַּיָּ֣ם דְּאָגָ֔הh הַשְׁקֵ֖טi לֹ֥א יוּכָֽלj ׃

24 רָפְתָ֥הa דַמֶּ֛שֶׂקb הִפְנְתָ֥הc לָנ֖וּסd וְרֶ֣טֶטe ׀ הֶחֱזִ֑יקָהf צָרָ֧ה וַחֲבָלִ֛יםg אֲחָזַ֖תָּהh כַּיֹּולֵדָֽה׃

25 אֵ֥יךְ לֹֽא־עֻזְּבָ֖הa עִ֣יר תהלהb קִרְיַ֖תc מְשֹׂושִֽׂיd ׃

26 לָכֵ֛ן יִפְּל֥וּa בַחוּרֶ֖יהָb בִּרְחֹבֹתֶ֑יהָc וְכָל־אַנְשֵׁ֨י הַמִּלְחָמָ֤ה יִדַּ֨מּוּ֙d בַּיֹּ֣ום הַה֔וּא נְאֻ֖ם יְהוָ֥ה צְבָאֹֽות׃

27 וְהִצַּ֥תִּיa אֵ֖שׁ בְּחֹומַ֣ת דַּמָּ֑שֶׂקb וְאָכְלָ֖הc אַרְמְנֹ֥ותd בֶּן־הֲדָֽדe ׃ ס

28 לְקֵדָ֣רa ׀ וּֽלְמַמְלְכֹ֣ות חָצֹ֗ורb אֲשֶׁ֤ר הִכָּה֙c נבוכדראצורd מֶֽלֶךְ־בָּבֶ֔ל כֹּ֖ה אָמַ֣רe יְהוָ֑ה ק֚וּמוּf עֲל֣וּg אֶל־קֵדָ֔רh וְשָׁדְד֖וּi אֶת־בְּנֵי־קֶֽדֶם׃

29 אָהֳלֵיהֶ֤ם וְצֹאנָם֙ יִקָּ֔חוּa יְרִיעֹותֵיהֶ֧ם וְכָל־כְּלֵיהֶ֛ם וּגְמַלֵּיהֶ֖ם יִשְׂא֣וּb לָהֶ֑ם וְקָרְא֧וּc עֲלֵיהֶ֛ם מָגֹ֖ורd מִסָּבִֽיב׃

30 נֻסוּ֩a נֻּ֨דוּb מְאֹ֜ד הֶעְמִ֧יקוּc לָשֶׁ֛בֶתd יֹשְׁבֵ֥י חָצֹ֖ורe נְאֻם־יְהוָ֑ה כִּֽי־יָעַ֨ץf עֲלֵיכֶ֜ם נְבוּכַדְרֶאצַּ֤רg מֶֽלֶךְ־בָּבֶל֙ עֵצָ֔ה וְחָשַׁ֥בh עליהםi מַחֲשָׁבָֽהj ׃

31 ק֣וּמוּa עֲל֗וּb אֶל־גֹּ֥וי שְׁלֵ֛יוc יֹושֵׁ֥בd לָבֶ֖טַחe נְאֻם־יְהוָ֑ה לֹא־דְלָתַ֧יִם וְלֹֽא־בְרִ֛יחַf לֹ֖ו בָּדָ֥דg יִשְׁכֹּֽנוּh ׃

32 וְהָי֨וּa גְמַלֵּיהֶ֜ם לָבַ֗זb וַהֲמֹ֤ון מִקְנֵיהֶם֙ לְשָׁלָ֔ל וְזֵרִתִ֥יםc לְכָל־ר֖וּחַ קְצוּצֵ֣יd פֵאָ֑ה וּמִכָּל־עֲבָרָ֛יו אָבִ֥יאe אֶת־אֵידָ֖םf נְאֻם־יְהוָֽה׃

33 וְהָיְתָ֨הa חָצֹ֜ורb לִמְעֹ֥וןc תַּנִּ֛יםd שְׁמָמָ֖ה עַד־עֹולָ֑ם לֹֽא־יֵשֵׁ֥בe שָׁם֙ אִ֔ישׁ וְלֹֽא־יָג֥וּרf בָּ֖הּ בֶּן־אָדָֽם׃ ס

34 אֲשֶׁ֨ר הָיָ֧הa דְבַר־יְהוָ֛ה אֶל־יִרְמְיָ֥הוּ הַנָּבִ֖יא אֶל־עֵילָ֑םb בְּרֵאשִׁ֗ית מַלְכ֛וּת צִדְקִיָּ֥הc מֶֽלֶךְ־יְהוּדָ֖ה לֵאמֹֽרd ׃

35 כֹּ֤ה אָמַר֙a יְהוָ֣ה צְבָאֹ֔ות הִנְנִ֥י שֹׁבֵ֖רb אֶת־קֶ֣שֶׁת עֵילָ֑םc רֵאשִׁ֖ית גְּבוּרָתָֽם׃

36 וְהֵבֵאתִ֨יa אֶל־עֵילָ֜םb אַרְבַּ֣ע רוּחֹ֗ות מֵֽאַרְבַּע֙ קְצֹ֣ותc הַשָּׁמַ֔יִם וְזֵ֣רִתִ֔יםd לְכֹ֖ל הָרֻחֹ֣ות הָאֵ֑לֶּה וְלֹֽא־יִהְיֶ֣הe הַגֹּ֔וי אֲשֶׁ֛ר לֹֽא־יָבֹ֥ואf שָׁ֖ם נִדְּחֵ֥י עולםg ׃

37 וְהַחְתַּתִּ֣יa אֶת־עֵ֠ילָםb לפְנֵ֨י אֹיְבֵיהֶ֜ם וְלִפְנֵ֣י׀ מְבַקְשֵׁ֣י נַפְשָׁ֗ם וְהֵבֵאתִ֨יc עֲלֵיהֶ֧ם׀ רָעָ֛ה אֶת־חֲרֹ֥וןd אַפִּ֖י נְאֻם־יְהוָ֑ה וְשִׁלַּחְתִּ֤יe אַֽחֲרֵיהֶם֙ אֶת־הַחֶ֔רֶב עַ֥ד כַּלֹּותִ֖יf אֹותָֽם׃

38 וְשַׂמְתִּ֥יa כִסְאִ֖י בְּעֵילָ֑םb וְהַאֲבַדְתִּ֥יc מִשָּׁ֛ם מֶ֥לֶךְ וְשָׂרִ֖ים נְאֻם־יְהוָֽה׃

39 וְהָיָ֣הa ׀ בְּאַחֲרִ֣ית הַיָּמִ֗ים אשׁובb אֶת־שׁביתc עֵילָ֖םd נְאֻם־יְהוָֽה׃ ס