ירמיהו

לְמֹואָ֡ב כֹּֽה־אָמַר֩a יְהוָ֨ה צְבָאֹ֜ות אֱלֹהֵ֣י יִשְׂרָאֵ֗ל הֹ֤וי אֶל־נְבֹו֙b כִּ֣י שֻׁדָּ֔דָהc הֹבִ֥ישָׁהd נִלְכְּדָ֖הe קִרְיָתָ֑יִםf הֹבִ֥ישָׁהg הַמִּשְׂגָּ֖בh וָחָֽתָּהi ׃

2 אֵ֣ין עֹוד֮ תְּהִלַּ֣ת מֹואָב֒ בְּחֶשְׁבֹּ֗וןa חָשְׁב֤וּb עָלֶ֨יהָ֙ רָעָ֔ה לְכ֖וּc וְנַכְרִיתֶ֣נָּהd מִגֹּ֑וי גַּם־מַדְמֵ֣ןe תִּדֹּ֔מִּיf אַחֲרַ֖יִךְ תֵּ֥לֶךְg חָֽרֶב׃

3 קֹ֥ול צְעָקָ֖הa מֵחֹֽרֹונָ֑יִםb שֹׁ֖דc וָשֶׁ֥בֶרd גָּדֹֽול׃

4 נִשְׁבְּרָ֖הa מֹואָ֑ב הִשְׁמִ֥יעוּb זְּעָקָ֖הc צעוריהd ׃

5 כִּ֚י מַעֲלֵ֣הa הלחותb בִּבְכִ֖יc יַֽעֲלֶהd ־בֶּ֑כִיe כִּ֚י בְּמֹורַ֣דf חֹורֹנַ֔יִםg צָרֵ֥י צַֽעֲקַתh ־שֶׁ֖בֶרi שָׁמֵֽעוּj ׃

6 נֻ֖סוּa מַלְּט֣וּb נַפְשְׁכֶ֑ם וְתִֽהְיֶ֕ינָהc כַּעֲרֹועֵ֖רd בַּמִּדְבָּֽר׃

7 כִּ֠י יַ֣עַן בִּטְחֵ֤ךְa בְּמַעֲשַׂ֨יִךְ֙ וּבְאֹ֣וצְרֹותַ֔יִךְ גַּם־אַ֖תְּ תִּלָּכֵ֑דִיb וְיָצָ֤אc כמישׁd בַּגֹּולָ֔הe כֹּהֲנָ֥יו וְשָׂרָ֖יו יחדf ׃

8 וְיָבֹ֨אa שֹׁדֵ֜ד אֶל־כָּל־עִ֗יר וְעִיר֙ לֹ֣א תִמָּלֵ֔טb וְאָבַ֥דc הָעֵ֖מֶק וְנִשְׁמַ֣דd הַמִּישֹׁ֑רe אֲשֶׁ֖ר אָמַ֥רf יְהוָֽה׃

9 תְּנוּa ־צִ֣יץb לְמֹואָ֔ב כִּ֥י נָצֹ֖אc תֵּצֵ֑אd וְעָרֶ֨יהָ֙ לְשַׁמָּ֣הe תִֽהְיֶ֔ינָהf מֵאֵ֥ין יֹושֵׁ֖בg בָּהֵֽן׃

10 אָר֗וּרa עֹשֶׂ֛הb מְלֶ֥אכֶת יְהוָ֖ה רְמִיָּ֑הc וְאָר֕וּרd מֹנֵ֥עַe חַרְבֹּ֖ו מִדָּֽם׃

11 שַׁאֲנַ֨ןa מֹואָ֜ב מִנְּעוּרָ֗יוb וְשֹׁקֵ֥טc הוּא֙ אֶל־שְׁמָרָ֔יוd וְלֹֽא־הוּרַ֤קe מִכְּלִי֙ אֶל־כֶּ֔לִי וּבַגֹּולָ֖הf לֹ֣א הָלָ֑ךְg עַל־כֵּ֗ן עָמַ֤דh טַעְמֹו֙i בֹּ֔ו וְרֵיחֹ֖ו לֹ֥א נָמָֽרj ׃ ס

12 לָכֵ֞ן הִנֵּ֖ה־יָמִ֤ים בָּאִים֙a נְאֻם־יְהוָ֔ה וְשִׁלַּחְתִּיb ־לֹ֥ו צֹעִ֖יםc וְצֵעֻ֑הוּd וְכֵלָ֣יו יָרִ֔יקוּe וְנִבְלֵיהֶ֖םf יְנַפֵּֽצוּg ׃

13 וּבֹ֥שׁa מֹואָ֖ב מִכְּמֹ֑ושׁb כַּאֲשֶׁר־בֹּ֨שׁוּ֙c בֵּ֣ית יִשְׂרָאֵ֔ל מִבֵּ֥ית אֵ֖ל מִבְטֶחָֽםd ׃

14 אֵ֚יךְ תֹּֽאמְר֔וּa גִּבֹּורִ֖ים אֲנָ֑חְנוּ וְאַנְשֵׁי־חַ֖יִל לַמִּלְחָמָֽה׃

15 שֻׁדַּ֤דa מֹואָב֙ וְעָרֶ֣יהָ עָלָ֔הb וּמִבְחַ֥רc בַּֽחוּרָ֖יוd יָרְד֣וּe לַטָּ֑בַחf נְאֻ֨ם־הַמֶּ֔לֶךְ יְהוָ֥ה צְבָאֹ֖ות שְׁמֹֽו׃

16 קָרֹ֥וב אֵידa ־מֹואָ֖ב לָבֹ֑ואb וְרָ֣עָתֹ֔ו מִהֲרָ֖הc מְאֹֽד׃

17 נֻ֤דוּa לֹו֙ כָּל־סְבִיבָ֔יו וְכֹ֖ל יֹדְעֵ֣י שְׁמֹ֑ו אִמְר֗וּb אֵיכָ֤הc נִשְׁבַּר֙d מַטֵּה־עֹ֔ז מַקֵּ֖לe תִּפְאָרָֽהf ׃

18 רְדִ֤יa מִכָּבֹוד֙ ישׁביb בַצָּמָ֔אc יֹשֶׁ֖בֶת בַּת־דִּיבֹ֑וןd כִּֽי־שֹׁדֵ֤ד מֹואָב֙ עָ֣לָהe בָ֔ךְ שִׁחֵ֖תf מִבְצָרָֽיִךְg ׃

19 אֶל־דֶּ֛רֶךְ עִמְדִ֥יa וְצַפִּ֖יb יֹושֶׁ֣בֶת עֲרֹועֵ֑רc שַׁאֲלִיd ־נָ֣ס וְנִמְלָ֔טָה אִמְרִ֖יe מַה־נִּֽהְיָֽתָהf ׃

20 הֹבִ֥ישׁa מֹואָ֛ב כִּֽי־חַ֖תָּהb היליליc ׀ וזעקיd הַגִּ֣ידוּe בְאַרְנֹ֔וןf כִּ֥י שֻׁדַּ֖דg מֹואָֽב׃

21 וּמִשְׁפָּ֥ט בָּ֖אa אֶל־אֶ֣רֶץ הַמִּישֹׁ֑רb אֶל־חֹלֹ֥וןc וְאֶל־יַ֖הְצָהd וְעַל־מופעתe ׃

22 וְעַל־דִּיבֹ֣וןa וְעַל־נְבֹ֔וb וְעַל־בֵּ֖ית דִּבְלָתָֽיִםc ׃

23 וְעַ֧ל קִרְיָתַ֛יִםa וְעַל־בֵּ֥ית גָּמ֖וּלb וְעַל־בֵּ֥ית מְעֹֽוןc ׃

24 וְעַל־קְרִיֹּ֖ותa וְעַל־בָּצְרָ֑הb וְעַ֗ל כָּל־עָרֵי֙ אֶ֣רֶץ מֹואָ֔ב הָרְחֹקֹ֖ות וְהַקְּרֹבֹֽות׃

25 נִגְדְּעָה֙a קֶ֣רֶן מֹואָ֔ב וּזְרֹעֹ֖ו נִשְׁבָּ֑רָהb נְאֻ֖ם יְהוָֽה׃

26 הַשְׁכִּירֻ֕הוּa כִּ֥י עַל־יְהוָ֖ה הִגְדִּ֑ילb וְסָפַ֤קc מֹואָב֙ בְּקִיאֹ֔וd וְהָיָ֥הe לִשְׂחֹ֖קf גַּם־הֽוּא׃

27 וְאִ֣ם׀ לֹ֣וא הַשְּׂחֹ֗קa הָיָ֤הb לְךָ֙ יִשְׂרָאֵ֔ל אִם־בְּגַנָּבִ֖יםc נמצאהd כִּֽי־מִדֵּ֧יe דְבָרֶ֥יךָ בֹּ֖ו תִּתְנֹודָֽדf ׃

28 עִזְב֤וּa עָרִים֙ וְשִׁכְנ֣וּb בַּסֶּ֔לַע יֹשְׁבֵ֖י מֹואָ֑ב וִֽהְי֣וּc כְיֹונָ֔הd תְּקַנֵּ֖ןe בְּעֶבְרֵ֥י פִי־פָֽחַתf ׃

29 שָׁמַ֥עְנוּa גְאֹוןb ־מֹואָ֖ב גֵּאֶ֣הc מְאֹ֑ד גָּבְהֹ֧וd וּגְאֹונֹ֛וe וְגַאֲוָתֹ֖וf וְרֻ֥םg לִבֹּֽו׃

30 אֲנִ֤י יָדַ֨עְתִּ֨יa נְאֻם־יְהוָ֔ה עֶבְרָתֹ֖וb וְלֹא־כֵ֑ןc בַּדָּ֖יוd לֹא־כֵ֥ןe עָשֽׂוּf ׃

31 עַל־כֵּן֙ עַל־מֹואָ֣ב אֲיֵלִ֔ילa וּלְמֹואָ֥ב כֻּלֹּ֖ה אֶזְעָ֑קb אֶל־אַנְשֵׁ֥י קִֽיר־חֶ֖רֶשׂc יֶהְגֶּֽהd ׃

32 מִבְּכִ֨יa יַעְזֵ֤רb אֶבְכֶּהc ־לָּךְ֙ הַגֶּ֣פֶן שִׂבְמָ֔הd נְטִֽישֹׁתַ֨יִךְ֙e עָ֣בְרוּf יָ֔ם עַ֛ד יָ֥ם יַעְזֵ֖רg נָגָ֑עוּh עַל־קֵיצֵ֥ךְi וְעַל־בְּצִירֵ֖ךְj שֹׁדֵ֖ד נָפָֽלk ׃

33 וְנֶאֶסְפָ֨הa שִׂמְחָ֥ה וָגִ֛ילb מִכַּרְמֶ֖לc וּמֵאֶ֣רֶץ מֹואָ֑ב וְיַ֨יִן֙ מִיקָבִ֣יםd הִשְׁבַּ֔תִּיe לֹֽא־יִדְרֹ֣ךְf הֵידָ֔דg הֵידָ֖דh לֹ֥א הֵידָֽדi ׃

34 מִזַּעֲקַ֨תa חֶשְׁבֹּ֜וןb עַד־אֶלְעָלֵ֗הc עַד־יַ֨הַץ֙d נָתְנ֣וּe קֹולָ֔ם מִצֹּ֨עַר֙f עַד־חֹ֣רֹנַ֔יִםg עֶגְלַ֖ת שְׁלִֽשִׁיָּ֑הh כִּ֚י גַּם־מֵ֣י נִמְרִ֔יםi לִמְשַׁמֹּ֖ותj יִהְיֽוּk ׃

35 וְהִשְׁבַּתִּ֥יa לְמֹואָ֖ב נְאֻם־יְהוָ֑ה מַעֲלֶ֣הb בָמָ֔ה וּמַקְטִ֖ירc לֵאלֹהָֽיו׃

36 עַל־כֵּ֞ן לִבִּ֤י לְמֹואָב֙ כַּחֲלִלִ֣יםa יֶהֱמֶ֔הb וְלִבִּי֙ אֶל־אַנְשֵׁ֣י קִֽיר־חֶ֔רֶשׂc כַּחֲלִילִ֖יםd יֶהֱמֶ֑הe עַל־כֵּ֛ן יִתְרַ֥תf עָשָׂ֖הg אָבָֽדוּh ׃

37 כִּ֤י כָל־רֹאשׁ֙ קָרְחָ֔הa וְכָל־זָקָ֖ןb גְּרֻעָ֑הc עַ֤ל כָּל־יָדַ֨יִם֙ גְּדֻדֹ֔תd וְעַל־מָתְנַ֖יִםe שָֽׂקf ׃

38 עַ֣ל כָּל־גַּגֹּ֥ותa מֹואָ֛ב וּבִרְחֹבֹתֶ֖יהָb כֻּלֹּ֣ה מִסְפֵּ֑דc כִּֽי־שָׁבַ֣רְתִּיd אֶת־מֹואָ֗ב כִּכְלִ֛י אֵֽין־חֵ֥פֶץe בֹּ֖ו נְאֻם־יְהוָֽה׃

39 אֵ֥יךְ חַ֨תָּה֙a הֵילִ֔ילוּb אֵ֛יךְ הִפְנָהc ־עֹ֥רֶףd מֹואָ֖ב בֹּ֑ושׁe וְהָיָ֥הf מֹואָ֛ב לִשְׂחֹ֥קg וְלִמְחִתָּ֖הh לְכָל־סְבִיבָֽיו׃ ס

40 כִּי־כֹה֙ אָמַ֣רa יְהוָ֔ה הִנֵּ֥ה כַנֶּ֖שֶׁרb יִדְאֶ֑הc וּפָרַ֥שׂd כְּנָפָ֖יו אֶל־מֹואָֽב׃

41 נִלְכְּדָה֙a הַקְּרִיֹּ֔ותb וְהַמְּצָדֹ֖ותc נִתְפָּ֑שָׂהd וְֽ֠הָיָהe לֵ֞ב גִּבֹּורֵ֤י מֹואָב֙ בַּיֹּ֣ום הַה֔וּא כְּלֵ֖ב אִשָּׁ֥ה מְצֵרָֽהf ׃

42 וְנִשְׁמַ֥דa מֹואָ֖ב מֵעָ֑ם כִּ֥י עַל־יְהוָ֖ה הִגְדִּֽילb ׃

43 פַּ֥חַדa וָפַ֖חַתb וָפָ֑חc עָלֶ֛יךָ יֹושֵׁ֥ב מֹואָ֖ב נְאֻם־יְהוָֽה׃

44 הניסa מִפְּנֵ֤י הַפַּ֨חַד֙b יִפֹּ֣לc אֶל־הַפַּ֔חַתd וְהָֽעֹלֶה֙e מִן־הַפַּ֔חַתf יִלָּכֵ֖דg בַּפָּ֑חh כִּֽי־אָבִ֨יאi אֵלֶ֧יהָ אֶל־מֹואָ֛ב שְׁנַ֥ת פְּקֻדָּתָ֖םj נְאֻם־יְהוָֽה׃

45 בְּצֵ֥ל חֶשְׁבֹּ֛וןa עָמְד֖וּb מִכֹּ֣חַ נָסִ֑יםc כִּֽי־אֵ֞שׁ יָצָ֣אd מֵחֶשְׁבֹּ֗וןe וְלֶֽהָבָה֙f מִבֵּ֣ין סִיחֹ֔וןg וַתֹּ֨אכַל֙h פְּאַ֣ת מֹואָ֔ב וְקָדְקֹ֖דi בְּנֵ֥י שָׁאֹֽוןj ׃

46 אֹויa ־לְךָ֣ מֹואָ֔ב אָבַ֖דb עַם־כְּמֹ֑ושׁc כִּֽי־לֻקְּח֤וּd בָנֶ֨יךָ֙ בַּשֶּׁ֔בִיe וּבְנֹתֶ֖יךָ בַּשִּׁבְיָֽהf ׃

47 וְשַׁבְתִּ֧יa שְׁבוּתb ־מֹואָ֛ב בְּאַחֲרִ֥ית הַיָּמִ֖ים נְאֻם־יְהוָ֑ה עַד־הֵ֖נָּה מִשְׁפַּ֥ט מֹואָֽב׃ ס