ירמיהו

אֲשֶׁ֨ר הָיָ֧הa דְבַר־יְהוָ֛ה אֶל־יִרְמְיָ֥הוּ הַנָּבִ֖יא עַל־הַגֹּויִֽם׃

2 לְמִצְרַ֗יִם עַל־חֵ֨יל פַּרְעֹ֤ה נְכֹו֙a מֶ֣לֶךְ מִצְרַ֔יִם אֲשֶׁר־הָיָ֥הb עַל־נְהַר־פְּרָ֖תc בְּכַרְכְּמִ֑שׁd אֲשֶׁ֣ר הִכָּ֗הe נְבֽוּכַדְרֶאצַּר֙f מֶ֣לֶךְ בָּבֶ֔ל בִּשְׁנַת֙ הָֽרְבִיעִ֔ית לִיהֹויָקִ֥יםg בֶּן־יֹאשִׁיָּ֖הוּ מֶ֥לֶךְ יְהוּדָֽה׃

3 עִרְכ֤וּa מָגֵן֙ וְצִנָּ֔הb וּגְשׁ֖וּc לַמִּלְחָמָֽה׃

4 אִסְר֣וּa הַסּוּסִ֗ים וַֽעֲלוּ֙b הַפָּ֣רָשִׁ֔ים וְהִֽתְיַצְּב֖וּc בְּכֹ֥ובָעִ֑יםd מִרְקוּ֙e הָֽרְמָחִ֔יםf לִבְשׁ֖וּg הַסִּרְיֹנֹֽתh ׃

5 מַדּ֣וּעַ רָאִ֗יתִיa הֵ֣מָּה חַתִּים֮b נְסֹגִ֣יםc אָחֹור֒d וְגִבֹּורֵיהֶ֣ם יֻכַּ֔תּוּe וּמָנֹ֥וסf נָ֖סוּg וְלֹ֣א הִפְנ֑וּh מָגֹ֥ורi מִסָּבִ֖יב נְאֻם־יְהוָֽה׃

6 אַל־יָנ֣וּסa הַקַּ֔לb וְאַל־יִמָּלֵ֖טc הַגִּבֹּ֑ור צָפֹ֨ונָה֙ עַל־יַ֣ד נְהַר־פְּרָ֔תd כָּשְׁל֖וּe וְנָפָֽלוּf ׃

7 מִי־זֶ֖ה כַּיְאֹ֣רa יַֽעֲלֶ֑הb כַּנְּהָרֹ֕ות יִֽתְגָּעֲשׁ֖וּc מֵימָֽיו׃

8 מִצְרַ֨יִם֙ כַּיְאֹ֣רa יַֽעֲלֶ֔הb וְכַנְּהָרֹ֖ות יִתְגֹּ֣עֲשׁוּc מָ֑יִם וַיֹּ֗אמֶרd אַֽעֲלֶה֙e אֲכַסֶּהf ־אֶ֔רֶץ אֹבִ֥ידָהg עִ֖יר וְיֹ֥שְׁבֵיh בָֽהּ׃

9 עֲל֤וּa הַסּוּסִים֙ וְהִתְהֹלְל֣וּb הָרֶ֔כֶב וְיֵצְא֖וּc הַגִּבֹּורִ֑ים כּ֤וּשׁd וּפוּט֙e תֹּפְשֵׂ֣י מָגֵ֔ן וְלוּדִ֕יםf תֹּפְשֵׂ֖י דֹּ֥רְכֵי קָֽשֶׁת׃

10 וְֽהַיֹּ֨ום הַה֜וּא לַאדֹנָ֧י יְהוִ֣ה צְבָאֹ֗ות יֹ֤ום נְקָמָה֙a לְהִנָּקֵ֣םb מִצָּרָ֔יו וְאָכְלָ֥הc חֶ֨רֶב֙ וְשָׂ֣בְעָ֔הd וְרָוְתָ֖הe מִדָּמָ֑ם כִּ֣י זֶ֠בַח לַאדֹנָ֨י יְהוִ֧ה צְבָאֹ֛ות בְּאֶ֥רֶץ צָפֹ֖ון אֶל־נְהַר־פְּרָֽתf ׃

11 עֲלִ֤יa גִלְעָד֙ וּקְחִ֣יb צֳרִ֔יc בְּתוּלַ֖ת בַּת־מִצְרָ֑יִם לַשָּׁוְא֙ הרביתיd רְפֻאֹ֔ותe תְּעָלָ֖הf אֵ֥ין לָֽךְ׃

12 שָׁמְע֤וּa גֹויִם֙ קְלֹונֵ֔ךְb וְצִוְחָתֵ֖ךְc מָלְאָ֣הd הָאָ֑רֶץ כִּֽי־גִבֹּ֤ור בְּגִבֹּור֙ כָּשָׁ֔לוּe יַחְדָּ֖יו נָפְל֥וּf שְׁנֵיהֶֽם׃ פ

13 הַדָּבָר֙ אֲשֶׁ֣ר דִּבֶּ֣רa יְהוָ֔ה אֶֽל־יִרְמְיָ֖הוּ הַנָּבִ֑יא לָבֹ֗ואb נְבֽוּכַדְרֶאצַּר֙c מֶ֣לֶךְ בָּבֶ֔ל לְהַכֹּ֖ותd אֶת־אֶ֥רֶץ מִצְרָֽיִם׃

14 הַגִּ֤ידוּa בְמִצְרַ֨יִם֙ וְהַשְׁמִ֣יעוּb בְמִגְדֹּ֔ולc וְהַשְׁמִ֥יעוּd בְנֹ֖ףe וּבְתַחְפַּנְחֵ֑סf אִמְר֗וּg הִתְיַצֵּב֙h וְהָכֵ֣ןi לָ֔ךְ כִּֽי־אָכְלָ֥הj חֶ֖רֶב סְבִיבֶֽיךָ׃

15 מַדּ֖וּעַ נִסְחַ֣ףa אַבִּירֶ֑יךָb לֹ֣א עָמַ֔דc כִּ֥י יְהוָ֖ה הֲדָפֹֽוd ׃

16 הִרְבָּ֖הa כֹּושֵׁ֑ל גַּם־נָפַ֞לb אִ֣ישׁ אֶל־רֵעֵ֗הוּ וַיֹּֽאמְרוּ֙c ק֣וּמָהd ׀ וְנָשֻׁ֣בָהe אֶל־עַמֵּ֗נוּ וְאֶל־אֶ֨רֶץ֙ מֹֽולַדְתֵּ֔נוּf מִפְּנֵ֖י חֶ֥רֶב הַיֹּונָֽהg ׃

17 קָרְא֖וּa שָׁ֑ם פַּרְעֹ֤ה מֶֽלֶךְ־מִצְרַ֨יִם֙ שָׁאֹ֔וןb הֶעֱבִ֖ירc הַמֹּועֵֽד׃

18 חַי־אָ֨נִי֙ נְאֻם־הַמֶּ֔לֶךְ יְהוָ֥ה צְבָאֹ֖ות שְׁמֹ֑ו כִּ֚י כְּתָבֹ֣ורa בֶּֽהָרִ֔ים וּכְכַרְמֶ֖לb בַּיָּ֥ם יָבֹֽואc ׃

19 כְּלֵ֤י גֹולָה֙a עֲשִׂ֣יb לָ֔ךְ יֹושֶׁ֖בֶת בַּת־מִצְרָ֑יִם כִּֽי־נֹף֙c לְשַׁמָּ֣הd תִֽהְיֶ֔הe וְנִצְּתָ֖הf מֵאֵ֥ין יֹושֵֽׁב׃ ס

20 עֶגְלָ֥הa יְפֵֽהb ־פִיָּ֖הc מִצְרָ֑יִם קֶ֥רֶץd מִצָּפֹ֖ון בָּ֥אe בָֽאf ׃

21 גַּם־שְׂכִרֶ֤יהָa בְקִרְבָּהּ֙ כְּעֶגְלֵ֣יb מַרְבֵּ֔קc כִּֽי־גַם־הֵ֧מָּה הִפְנ֛וּd נָ֥סוּe יַחְדָּ֖יו לֹ֣א עָמָ֑דוּf כִּ֣י יֹ֥ום אֵידָ֛םg בָּ֥אh עֲלֵיהֶ֖ם עֵ֥ת פְּקֻדָּתָֽםi ׃

22 קֹולָ֖הּ כַּנָּחָ֣שׁa יֵלֵ֑ךְb כִּֽי־בְחַ֣יִל יֵלֵ֔כוּc וּבְקַרְדֻּמֹּות֙d בָּ֣אוּe לָ֔הּ כְּחֹטְבֵ֖יf עֵצִֽים׃

23 כָּרְת֤וּa יַעְרָהּ֙ נְאֻם־יְהוָ֔ה כִּ֖י לֹ֣א יֵֽחָקֵ֑רb כִּ֤י רַבּוּ֙c מֵֽאַרְבֶּ֔הd וְאֵ֥ין לָהֶ֖ם מִסְפָּֽר׃

24 הֹבִ֖ישָׁהa בַּת־מִצְרָ֑יִם נִתְּנָ֖הb בְּיַ֥ד עַם־צָפֹֽון׃

25 אָמַר֩a יְהוָ֨ה צְבָאֹ֜ות אֱלֹהֵ֣י יִשְׂרָאֵ֗ל הִנְנִ֤י פֹוקֵד֙b אֶל־אָמֹ֣וןc מִנֹּ֔אd וְעַל־פַּרְעֹה֙ וְעַל־מִצְרַ֔יִם וְעַל־אֱלֹהֶ֖יהָ וְעַל־מְלָכֶ֑יהָ וְעַ֨ל־פַּרְעֹ֔ה וְעַ֥ל הַבֹּטְחִ֖יםe בֹּֽו׃

26 וּנְתַתִּ֗יםa בְּיַד֙ מְבַקְשֵׁ֣י נַפְשָׁ֔ם וּבְיַ֛ד נְבֽוּכַדְרֶאצַּ֥רb מֶֽלֶךְ־בָּבֶ֖ל וּבְיַד־עֲבָדָ֑יו וְאַחֲרֵי־כֵ֛ן תִּשְׁכֹּ֥ןc כִּֽימֵי־קֶ֖דֶם נְאֻם־יְהוָֽה׃ ס

27 וְ֠אַתָּה אַל־תִּירָ֞אa עַבְדִּ֤י יַֽעֲקֹב֙ וְאַל־תֵּחַ֣תb יִשְׂרָאֵ֔ל כִּ֠י הִנְנִ֤י מֹושִֽׁעֲךָ֙c מֵֽרָחֹ֔וק וְאֶֽת־זַרְעֲךָ֖ מֵאֶ֣רֶץ שִׁבְיָ֑םd וְשָׁ֧בe יַעֲקֹ֛וב וְשָׁקַ֥טf וְשַׁאֲנַ֖ןg וְאֵ֥ין מַחֲרִֽידh ׃ ס

28 אַ֠תָּה אַל־תִּירָ֞אa עַבְדִּ֤י יַֽעֲקֹב֙ נְאֻם־יְהוָ֔ה כִּ֥י אִתְּךָ֖ אָ֑נִי כִּי֩ אֶעֱשֶׂ֨הb כָלָ֜הc בְּכָֽל־הַגֹּויִ֣ם׀ אֲשֶׁ֧ר הִדַּחְתִּ֣יךָd שָׁ֗מָּה וְאֹֽתְךָ֙ לֹא־אֶעֱשֶׂ֣הe כָלָ֔הf וְיִסַּרְתִּ֨יךָ֙g לַמִּשְׁפָּ֔ט וְנַקֵּ֖הh לֹ֥א אֲנַקֶּֽךָּi ׃ ס