ירמיהו

הַדָּבָר֙ אֲשֶׁ֣ר הָיָ֣הa אֶֽל־יִרְמְיָ֔הוּ אֶ֚ל כָּל־הַיְּהוּדִ֔ים הַיֹּשְׁבִ֖יםb בְּאֶ֣רֶץ מִצְרָ֑יִם הַיֹּשְׁבִ֤יםc בְּמִגְדֹּל֙d וּבְתַחְפַּנְחֵ֣סe וּבְנֹ֔ףf וּבְאֶ֥רֶץ פַּתְרֹ֖וסg לֵאמֹֽרh ׃ ס

2 כֹּה־אָמַ֞רa יְהוָ֤ה צְבָאֹות֙ אֱלֹהֵ֣י יִשְׂרָאֵ֔ל אַתֶּ֣ם רְאִיתֶ֗םb אֵ֤ת כָּל־הָֽרָעָה֙ אֲשֶׁ֤ר הֵבֵ֨אתִי֙c עַל־יְר֣וּשָׁלִַ֔ם וְעַ֖ל כָּל־עָרֵ֣י יְהוּדָ֑ה וְהִנָּ֤ם חָרְבָּה֙d הַיֹּ֣ום הַזֶּ֔ה וְאֵ֥ין בָּהֶ֖ם יֹושֵֽׁב׃

3 מִפְּנֵ֣י רָעָתָ֗ם אֲשֶׁ֤ר עָשׂוּ֙a לְהַכְעִסֵ֔נִיb לָלֶ֣כֶתc לְקַטֵּ֔רd לַעֲבֹ֖דe לֵאלֹהִ֣ים אֲחֵרִ֑ים אֲשֶׁר֙ לֹ֣א יְדָע֔וּםf הֵ֖מָּה אַתֶּ֥ם וַאֲבֹתֵיכֶֽם׃

4 וָאֶשְׁלַ֤חa אֲלֵיכֶם֙ אֶת־כָּל־עֲבָדַ֣י הַנְּבִיאִ֔ים הַשְׁכֵּ֥ים וְשָׁלֹ֖חַ לֵאמֹ֑רb אַל־נָ֣א תַעֲשׂ֗וּc אֵ֛ת דְּבַֽר־הַתֹּעֵבָ֥ה הַזֹּ֖את אֲשֶׁ֥ר שָׂנֵֽאתִיd ׃

5 וְלֹ֤א שָֽׁמְעוּ֙a וְלֹא־הִטּ֣וּb אֶת־אָזְנָ֔ם לָשׁ֖וּבc מֵרָֽעָתָ֑ם לְבִלְתִּ֥י קַטֵּ֖רd לֵאלֹהִ֥ים אֲחֵרִֽים׃

6 וַתִּתַּ֤ךְa חֲמָתִי֙ וְאַפִּ֔י וַתִּבְעַר֙b בְּעָרֵ֣י יְהוּדָ֔ה וּבְחֻצֹ֖ות יְרֽוּשָׁלִָ֑ם וַתִּהְיֶ֛ינָהc לְחָרְבָּ֥הd לִשְׁמָמָ֖ה כַּיֹּ֥ום הַזֶּֽה׃ ס

7 וְעַתָּ֡ה כֹּֽה־אָמַ֣רa יְהוָה֩ אֱלֹהֵ֨י צְבָאֹ֜ות אֱלֹהֵ֣י יִשְׂרָאֵ֗ל לָמָה֩ אַתֶּ֨ם עֹשִׂ֜יםb רָעָ֤ה גְדֹולָה֙ אֶל־נַפְשֹׁ֣תֵכֶ֔ם לְהַכְרִ֨יתc לָכֶ֧ם אִישׁ־וְאִשָּׁ֛ה עֹולֵ֥לd וְיֹונֵ֖קe מִתֹּ֣וךְ יְהוּדָ֑ה לְבִלְתִּ֛י הֹותִ֥ירf לָכֶ֖ם שְׁאֵרִֽית׃

8 לְהַכְעִסֵ֨נִי֙a בְּמַעֲשֵׂ֣י יְדֵיכֶ֔ם לְקַטֵּ֞רb לֵאלֹהִ֤ים אֲחֵרִים֙ בְּאֶ֣רֶץ מִצְרַ֔יִם אֲשֶׁר־אַתֶּ֥ם בָּאִ֖יםc לָג֣וּרd שָׁ֑ם לְמַ֨עַן֙ הַכְרִ֣יתe לָכֶ֔ם וּלְמַ֤עַן הֱיֹֽותְכֶם֙f לִקְלָלָ֣הg וּלְחֶרְפָּ֔ה בְּכֹ֖ל גֹּויֵ֥י הָאָֽרֶץ׃

9 הַֽשְׁכַחְתֶּם֩a אֶת־רָעֹ֨ות אֲבֹותֵיכֶ֜ם וְאֶת־רָעֹ֣ות׀ מַלְכֵ֣י יְהוּדָ֗ה וְאֵת֙ רָעֹ֣ות נָשָׁ֔יו וְאֵת֙ רָעֹ֣תֵכֶ֔ם וְאֵ֖ת רָעֹ֣ת נְשֵׁיכֶ֑ם אֲשֶׁ֤ר עָשׂוּ֙b בְּאֶ֣רֶץ יְהוּדָ֔ה וּבְחֻצֹ֖ות יְרוּשָׁלִָֽם׃

10 לֹ֣א דֻכְּא֔וּa עַ֖ד הַיֹּ֣ום הַזֶּ֑ה וְלֹ֣א יָרְא֗וּb וְלֹֽא־הָלְכ֤וּc בְתֹֽורָתִי֙ וּבְחֻקֹּתַ֔י אֲשֶׁר־נָתַ֥תִּיd לִפְנֵיכֶ֖ם וְלִפְנֵ֥י אֲבֹותֵיכֶֽם׃ ס

11 לָכֵ֗ן כֹּֽה־אָמַ֞רa יְהוָ֤ה צְבָאֹות֙ אֱלֹהֵ֣י יִשְׂרָאֵ֔ל הִנְנִ֨י שָׂ֥םb פָּנַ֛י בָּכֶ֖ם לְרָעָ֑ה וּלְהַכְרִ֖יתc אֶת־כָּל־יְהוּדָֽה׃

12 וְלָקַחְתִּ֞יa אֶת־שְׁאֵרִ֣ית יְהוּדָ֗ה אֲשֶׁר־שָׂ֨מוּb פְנֵיהֶ֜ם לָבֹ֣ואc אֶֽרֶץ־מִצְרַיִם֮ לָג֣וּרd שָׁם֒ וְתַ֨מּוּe כֹ֜ל בְּאֶ֧רֶץ מִצְרַ֣יִם יִפֹּ֗לוּf בַּחֶ֤רֶב בָּֽרָעָב֙ יִתַּ֔מּוּg מִקָּטֹן֙ וְעַד־גָּדֹ֔ול בַּחֶ֥רֶב וּבָרָעָ֖ב יָמֻ֑תוּh וְהָיוּ֙i לְאָלָ֣הj לְשַׁמָּ֔הk וְלִקְלָלָ֖הl וּלְחֶרְפָּֽה׃

13 וּפָקַדְתִּ֗יa עַ֤ל הַיֹּֽושְׁבִים֙b בְּאֶ֣רֶץ מִצְרַ֔יִם כַּאֲשֶׁ֥ר פָּקַ֖דְתִּיc עַל־יְרֽוּשָׁלִָ֑ם בַּחֶ֥רֶב בָּרָעָ֖ב וּבַדָּֽבֶרd ׃

14 וְלֹ֨א יִהְיֶ֜הa פָּלִ֤יטb וְשָׂרִיד֙c לִשְׁאֵרִ֣ית יְהוּדָ֔ה הַבָּאִ֥יםd לָגֽוּרe ־שָׁ֖ם בְּאֶ֣רֶץ מִצְרָ֑יִם וְלָשׁ֣וּבf ׀ אֶ֣רֶץ יְהוּדָ֗ה אֲשֶׁר־הֵ֜מָּה מְנַשְּׂאִ֤יםg אֶת־נַפְשָׁם֙ לָשׁוּב֙h לָשֶׁ֣בֶתi שָׁ֔ם כִּ֥י לֹֽא־יָשׁ֖וּבוּj כִּ֥י אִם־פְּלֵטִֽיםk ׃ ס

15 וַיַּעֲנ֣וּa אֶֽת־יִרְמְיָ֗הוּ כָּל־הָאֲנָשִׁ֤ים הַיֹּֽדְעִים֙b כִּֽי־מְקַטְּרֹ֤ותc נְשֵׁיהֶם֙ לֵאלֹהִ֣ים אֲחֵרִ֔ים וְכָל־הַנָּשִׁ֥ים הָעֹמְדֹ֖ותd קָהָ֣ל גָּדֹ֑ול וְכָל־הָעָ֛ם הַיֹּשְׁבִ֥יםe בְּאֶֽרֶץ־מִצְרַ֖יִם בְּפַתְרֹ֥וסf לֵאמֹֽרg ׃

16 הַדָּבָ֛ר אֲשֶׁר־דִּבַּ֥רְתָּa אֵלֵ֖ינוּ בְּשֵׁ֣ם יְהוָ֑ה אֵינֶ֥נּוּ שֹׁמְעִ֖יםb אֵלֶֽיךָ׃

17 כִּ֩י עָשֹׂ֨ה נַעֲשֶׂ֜הa אֶֽת־כָּל־הַדָּבָ֣ר׀ אֲשֶׁר־יָצָ֣אb מִפִּ֗ינוּ לְקַטֵּ֞רc לִמְלֶ֣כֶתd הַשָּׁמַיִם֮ וְהַסֵּֽיךְe ־לָ֣הּ נְסָכִים֒ כַּאֲשֶׁ֨ר עָשִׂ֜ינוּf אֲנַ֤חְנוּ וַאֲבֹתֵ֨ינוּ֙ מְלָכֵ֣ינוּ וְשָׂרֵ֔ינוּ בְּעָרֵ֣י יְהוּדָ֔ה וּבְחֻצֹ֖ות יְרוּשָׁלִָ֑ם וַנִּֽשְׂבַּֽעg ־לֶ֨חֶם֙ וַנִּֽהְיֶ֣הh טֹובִ֔ים וְרָעָ֖ה לֹ֥א רָאִֽינוּi ׃

18 וּמִן־אָ֡ז חָדַ֜לְנוּa לְקַטֵּ֨רb לִמְלֶ֧כֶתc הַשָּׁמַ֛יִם וְהַסֵּֽךְd ־לָ֥הּ נְסָכִ֖ים חָסַ֣רְנוּe כֹ֑ל וּבַחֶ֥רֶב וּבָרָעָ֖ב תָּֽמְנוּf ׃

19 וְכִֽי־אֲנַ֤חְנוּ מְקַטְּרִים֙a לִמְלֶ֣כֶתb הַשָּׁמַ֔יִם וּלְהַסֵּ֥ךְc לָ֖הּ נְסָכִ֑ים הֲמִֽבַּלְעֲדֵ֣יd אֲנָשֵׁ֗ינוּ עָשִׂ֨ינוּe לָ֤הּ כַּוָּנִים֙f לְהַ֣עֲצִבָ֔הg וְהַסֵּ֥ךְh לָ֖הּ נְסָכִֽים׃ פ

20 וַיֹּ֥אמֶרa יִרְמְיָ֖הוּ אֶל־כָּל־הָעָ֑ם עַל־הַגְּבָרִ֤ים וְעַל־הַנָּשִׁים֙ וְעַל־כָּל־הָעָ֔ם הָעֹנִ֥יםb אֹתֹ֛ו דָּבָ֖ר לֵאמֹֽרc ׃

21 הֲלֹ֣וא אֶת־הַקִּטֵּ֗רa אֲשֶׁ֨ר קִטַּרְתֶּ֜םb בְּעָרֵ֤י יְהוּדָה֙ וּבְחֻצֹ֣ות יְרוּשָׁלִַ֔ם אַתֶּ֧ם וַאֲבֹֽותֵיכֶ֛ם מַלְכֵיכֶ֥ם וְשָׂרֵיכֶ֖ם וְעַ֣ם הָאָ֑רֶץ אֹתָם֙ זָכַ֣רc יְהוָ֔ה וַֽתַּעֲלֶ֖הd עַל־לִבֹּֽו׃

22 וְלֹֽא־יוּכַל֩a יְהוָ֨ה עֹ֜וד לָשֵׂ֗אתb מִפְּנֵי֙ רֹ֣עַc מַעַלְלֵיכֶ֔םd מִפְּנֵ֥י הַתֹּועֵבֹ֖ת אֲשֶׁ֣ר עֲשִׂיתֶ֑םe וַתְּהִ֣יf אַ֠רְצְכֶם לְחָרְבָּ֨הg וּלְשַׁמָּ֧הh וְלִקְלָלָ֛הi מֵאֵ֥ין יֹושֵׁ֖ב כְּהַיֹּ֥ום הַזֶּֽה׃

23 מִפְּנֵי֩ אֲשֶׁ֨ר קִטַּרְתֶּ֜םa וַאֲשֶׁ֧ר חֲטָאתֶ֣םb לַיהוָ֗ה וְלֹ֤א שְׁמַעְתֶּם֙c בְּקֹ֣ול יְהוָ֔ה וּבְתֹרָתֹ֧ו וּבְחֻקֹּתָ֛יו וּבְעֵדְוֹתָ֖יו לֹ֣א הֲלַכְתֶּ֑םd עַל־כֵּ֞ן קָרָ֥אתe אֶתְכֶ֛ם הָרָעָ֥ה הַזֹּ֖את כַּיֹּ֥ום הַזֶּֽה׃ ס

24 וַיֹּ֤אמֶרa יִרְמְיָ֨הוּ֙ אֶל־כָּל־הָעָ֔ם וְאֶ֖ל כָּל־הַנָּשִׁ֑ים שִׁמְעוּ֙b דְּבַר־יְהוָ֔ה כָּל־יְהוּדָ֕ה אֲשֶׁ֖ר בְּאֶ֥רֶץ מִצְרָֽיִם׃ ס

25 כֹּֽה־אָמַ֣רa יְהוָֽה־צְבָאֹות֩ אֱלֹהֵ֨י יִשְׂרָאֵ֜ל לֵאמֹ֗רb אַתֶּ֨ם וּנְשֵׁיכֶ֜ם וַתְּדַבֵּ֣רְנָהc בְּפִיכֶם֮ וּבִידֵיכֶ֣ם מִלֵּאתֶ֣םd ׀ לֵאמֹר֒e עָשֹׂ֨ה נַעֲשֶׂ֜הf אֶת־נְדָרֵ֗ינוּ אֲשֶׁ֤ר נָדַ֨רְנוּ֙g לְקַטֵּר֙h לִמְלֶ֣כֶתi הַשָּׁמַ֔יִם וּלְהַסֵּ֥ךְj לָ֖הּ נְסָכִ֑ים הָקֵ֤ים תָּקִ֨ימְנָה֙k אֶת־נִדְרֵיכֶ֔ם וְעָשֹׂ֥ה תַעֲשֶׂ֖ינָהl אֶת־נִדְרֵיכֶֽם׃ פ

26 לָכֵן֙ שִׁמְע֣וּa דְבַר־יְהוָ֔ה כָּל־יְהוּדָ֕ה הַיֹּשְׁבִ֖יםb בְּאֶ֣רֶץ מִצְרָ֑יִם הִנְנִ֨י נִשְׁבַּ֜עְתִּיc בִּשְׁמִ֤י הַגָּדֹול֙ אָמַ֣רd יְהוָ֔ה אִם־יִהְיֶה֩e עֹ֨וד שְׁמִ֜י נִקְרָ֣אf ׀ בְּפִ֣י׀ כָּל־אִ֣ישׁ יְהוּדָ֗ה אֹמֵ֛רg חַי־אֲדֹנָ֥י יְהוִ֖ה בְּכָל־אֶ֥רֶץ מִצְרָֽיִם׃

27 הִנְנִ֨י שֹׁקֵ֧דa עֲלֵיהֶ֛ם לְרָעָ֖ה וְלֹ֣א לְטֹובָ֑ה וְתַמּוּ֩b כָל־אִ֨ישׁ יְהוּדָ֜ה אֲשֶׁ֧ר בְּאֶֽרֶץ־מִצְרַ֛יִם בַּחֶ֥רֶב וּבָרָעָ֖ב עַד־כְּלֹותָֽםc ׃

28 וּפְלִיטֵ֨יa חֶ֜רֶב יְשֻׁב֨וּןb מִן־אֶ֧רֶץ מִצְרַ֛יִם אֶ֥רֶץ יְהוּדָ֖ה מְתֵ֣יc מִסְפָּ֑ר וְֽיָדְע֞וּd כָּל־שְׁאֵרִ֣ית יְהוּדָ֗ה הַבָּאִ֤יםe לְאֶֽרֶץ־מִצְרַ֨יִם֙ לָג֣וּרf שָׁ֔ם דְּבַר־מִ֥י יָק֖וּםg מִמֶּ֥נִּי וּמֵהֶֽם׃

29 וְזֹאת־לָכֶ֤ם הָאֹות֙ נְאֻם־יְהוָ֔ה כִּֽי־פֹקֵ֥דa אֲנִ֛י עֲלֵיכֶ֖ם בַּמָּקֹ֣ום הַזֶּ֑ה לְמַ֨עַן֙ תֵּֽדְע֔וּb כִּי֩ קֹ֨ום יָק֧וּמוּc דְבָרַ֛י עֲלֵיכֶ֖ם לְרָעָֽה׃ ס

30 כֹּ֣ה׀ אָמַ֣רa יְהוָ֗ה הִנְנִ֣י נֹ֠תֵןb אֶת־פַּרְעֹ֨ה חָפְרַ֤עc מֶֽלֶךְ־מִצְרַ֨יִם֙ בְּיַ֣ד אֹֽיְבָ֔יו וּבְיַ֖ד מְבַקְשֵׁ֣י נַפְשֹׁ֑ו כַּאֲשֶׁ֨ר נָתַ֜תִּיd אֶת־צִדְקִיָּ֣הוּ מֶֽלֶךְ־יְהוּדָ֗ה בְּיַ֨ד נְבוּכַדְרֶאצַּ֧רe מֶֽלֶךְ־בָּבֶ֛ל אֹיְבֹ֖ו וּמְבַקֵּ֥שׁ נַפְשֹֽׁו׃ ס