ירמיהו

אִם־תָּשׁ֨וּבa יִשְׂרָאֵ֧ל׀ נְאֻם־יְהוָ֛ה אֵלַ֖י תָּשׁ֑וּבb וְאִם־תָּסִ֧ירc שִׁקּוּצֶ֛יךָd מִפָּנַ֖י וְלֹ֥א תָנֽוּדe ׃

2 וְנִשְׁבַּ֨עְתָּ֙a חַי־יְהוָ֔ה בֶּאֱמֶ֖ת בְּמִשְׁפָּ֣ט וּבִצְדָקָ֑ה וְהִתְבָּ֥רְכוּb בֹ֛ו גֹּויִ֖ם וּבֹ֥ו יִתְהַלָּֽלוּc ׃ ס

3 כִּי־כֹ֣ה׀ אָמַ֣רa יְהֹוָ֗ה לְאִ֤ישׁ יְהוּדָה֙ וְלִיר֣וּשָׁלִַ֔ם נִ֥ירוּb לָכֶ֖ם נִ֑ירc וְאַֽל־תִּזְרְע֖וּd אֶל־קֹוצִֽיםe ׃

4 הִמֹּ֣לוּa לַיהֹוָ֗ה וְהָסִ֨רוּ֙b עָרְלֹ֣ותc לְבַבְכֶ֔ם אִ֥ישׁ יְהוּדָ֖ה וְיֹשְׁבֵ֣י יְרוּשָׁלִָ֑ם פֶּן־תֵּצֵ֨אd כָאֵ֜שׁ חֲמָתִ֗י וּבָעֲרָה֙e וְאֵ֣ין מְכַבֶּ֔הf מִפְּנֵ֖י רֹ֥עַg מַעַלְלֵיכֶֽםh ׃

5 הַגִּ֣ידוּa בִֽיהוּדָ֗ה וּבִירוּשָׁלִַ֨ם֙ הַשְׁמִ֔יעוּb וְאִמְר֕וּc ותקעוd שֹׁופָ֖ר בָּאָ֑רֶץ קִרְא֤וּe מַלְאוּ֙f וְאִמְר֔וּg הֵאָסְפ֥וּh וְנָבֹ֖ואָהi אֶל־עָרֵ֥י הַמִּבְצָֽרj ׃

6 שְׂאוּa ־נֵ֣סb צִיֹּ֔ונָה הָעִ֖יזוּc אַֽל־תַּעֲמֹ֑דוּd כִּ֣י רָעָ֗ה אָנֹכִ֛י מֵבִ֥יאe מִצָּפֹ֖ון וְשֶׁ֥בֶרf גָּדֹֽול׃

7 עָלָ֤הa אַרְיֵה֙b מִֽסֻּבְּכֹ֔וc וּמַשְׁחִ֣ית גֹּויִ֔ם נָסַ֖עd יָצָ֣אe מִמְּקֹמֹ֑ו לָשׂ֤וּםf אַרְצֵךְ֙ לְשַׁמָּ֔הg עָרַ֥יִךְ תִּצֶּ֖ינָהh מֵאֵ֥ין יֹושֵֽׁב׃

8 עַל־זֹ֛את חִגְר֥וּa שַׂקִּ֖יםb סִפְד֣וּc וְהֵילִ֑ילוּd כִּ֥י לֹא־שָׁ֛בe חֲרֹ֥וןf אַף־יְהֹוָ֖ה מִמֶּֽנּוּ׃ פ

9 וְהָיָ֤הa בַיֹּום־הַהוּא֙ נְאֻם־יְהוָ֔ה יֹאבַ֥דb לֵב־הַמֶּ֖לֶךְ וְלֵ֣ב הַשָּׂרִ֑ים וְנָשַׁ֨מּוּ֙c הַכֹּ֣הֲנִ֔ים וְהַנְּבִיאִ֖ים יִתְמָֽהוּd ׃

10 וָאֹמַ֞רa אֲהָ֣הּb ׀ אֲדֹנָ֣י יְהוִ֗ה אָכֵן֩c הַשֵּׁ֨אd הִשֵּׁ֜אתָe לָעָ֤ם הַזֶּה֙ וְלִירוּשָׁלִַ֣ם לֵאמֹ֔רf שָׁלֹ֖ום יִהְיֶ֣הg לָכֶ֑ם וְנָגְעָ֥הh חֶ֖רֶב עַד־הַנָּֽפֶשׁ׃

11 בָּעֵ֣ת הַהִ֗יא יֵאָמֵ֤רa לָֽעָם־הַזֶּה֙ וְלִיר֣וּשָׁלִַ֔ם ר֣וּחַ צַ֤חb שְׁפָיִים֙c בַּמִּדְבָּ֔ר דֶּ֖רֶךְ בַּת־עַמִּ֑י לֹ֥וא לִזְרֹ֖ותd וְלֹ֥וא לְהָבַֽרe ׃

12 ר֧וּחַ מָלֵ֛אa מֵאֵ֖לֶּה יָ֣בֹואb לִ֑י עַתָּ֕ה גַּם־אֲנִ֛י אֲדַבֵּ֥רc מִשְׁפָּטִ֖ים אֹותָֽם׃

13 הִנֵּ֣ה׀ כַּעֲנָנִ֣יםa יַעֲלֶ֗הb וְכַסּוּפָה֙c מַרְכְּבֹותָ֔יוd קַלּ֥וּe מִנְּשָׁרִ֖יםf סוּסָ֑יו אֹ֥ויg לָ֖נוּ כִּ֥י שֻׁדָּֽדְנוּh ׃

14 כַּבְּסִ֨יa מֵרָעָ֤ה לִבֵּךְ֙ יְר֣וּשָׁלִַ֔ם לְמַ֖עַן תִּוָּשֵׁ֑עִיb עַד־מָתַ֛יc תָּלִ֥יןd בְּקִרְבֵּ֖ךְ מַחְשְׁבֹ֥ותe אֹונֵֽךְ׃

15 כִּ֛י קֹ֥ול מַגִּ֖ידa מִדָּ֑ן וּמַשְׁמִ֥יעַb אָ֖וֶן מֵהַ֥ר אֶפְרָֽיִם׃

16 הַזְכִּ֣ירוּa לַגֹּויִ֗ם הִנֵּה֙ הַשְׁמִ֣יעוּb עַל־יְרוּשָׁלִַ֔ם נֹצְרִ֥ים בָּאִ֖יםc מֵאֶ֣רֶץ הַמֶּרְחָ֑קd וַֽיִּתְּנ֛וּe עַל־עָרֵ֥י יְהוּדָ֖ה קֹולָֽם׃

17 כְּשֹׁמְרֵ֣י שָׂדַ֔יa הָי֥וּb עָלֶ֖יהָ מִסָּבִ֑יב כִּי־אֹתִ֥י מָרָ֖תָהc נְאֻם־יְהוָֽה׃

18 דַּרְכֵּךְ֙ וּמַ֣עֲלָלַ֔יִךְa עָשֹׂ֥וb אֵ֖לֶּה לָ֑ךְ זֹ֤את רָעָתֵךְ֙ כִּ֣י מָ֔רc כִּ֥י נָגַ֖עd עַד־לִבֵּֽךְ׃ ס

19 מֵעַ֣יa ׀ מֵעַ֨יb ׀ אחולהc קִירֹ֥ות לִבִּ֛י הֹֽמֶהd ־לִּ֥י לִבִּ֖י לֹ֣א אַחֲרִ֑ישׁe כִּ֣י קֹ֤ול שֹׁופָר֙ שׁמעתיf נַפְשִׁ֔י תְּרוּעַ֖תg מִלְחָמָֽה׃

20 שֶׁ֤בֶרa עַל־שֶׁ֨בֶר֙b נִקְרָ֔אc כִּ֥י שֻׁדְּדָ֖הd כָּל־הָאָ֑רֶץ פִּתְאֹם֙e שֻׁדְּד֣וּf אֹהָלַ֔י רֶ֖גַעg יְרִיעֹתָֽי׃

21 עַד־מָתַ֖יa אֶרְאֶהb ־נֵּ֑סc אֶשְׁמְעָ֖הd קֹ֥ול שֹׁופָֽר׃ ס

22 כִּ֣י׀ אֱוִ֣ילa עַמִּ֗י אֹותִי֙ לֹ֣א יָדָ֔עוּb בָּנִ֤ים סְכָלִים֙c הֵ֔מָּה וְלֹ֥א נְבֹונִ֖יםd הֵ֑מָּה חֲכָמִ֥ים הֵ֨מָּה֙ לְהָרַ֔עe וּלְהֵיטִ֖יבf לֹ֥א יָדָֽעוּg ׃

23 רָאִ֨יתִי֙a אֶת־הָאָ֔רֶץ וְהִנֵּה־תֹ֖הוּb וָבֹ֑הוּc וְאֶל־הַשָּׁמַ֖יִם וְאֵ֥ין אֹורָֽם׃

24 רָאִ֨יתִי֙a הֶֽהָרִ֔ים וְהִנֵּ֖ה רֹעֲשִׁ֑יםb וְכָל־הַגְּבָעֹ֖ות הִתְקַלְקָֽלוּc ׃

25 רָאִ֕יתִיa וְהִנֵּ֖ה אֵ֣ין הָאָדָ֑ם וְכָל־עֹ֥וף הַשָּׁמַ֖יִם נָדָֽדוּb ׃

26 רָאִ֕יתִיa וְהִנֵּ֥ה הַכַּרְמֶ֖לb הַמִּדְבָּ֑ר וְכָל־עָרָ֗יו נִתְּצוּ֙c מִפְּנֵ֣י יְהוָ֔ה מִפְּנֵ֖י חֲרֹ֥וןd אַפֹּֽו׃ ס

27 כִּי־כֹה֙ אָמַ֣רa יְהוָ֔ה שְׁמָמָ֥ה תִהְיֶ֖הb כָּל־הָאָ֑רֶץ וְכָלָ֖הc לֹ֥א אֶעֱשֶֽׂהd ׃

28 עַל־זֹאת֙ תֶּאֱבַ֣לa הָאָ֔רֶץ וְקָדְר֥וּb הַשָּׁמַ֖יִם מִמָּ֑עַל עַ֤ל כִּי־דִבַּ֨רְתִּי֙c זַמֹּ֔תִיd וְלֹ֥א נִחַ֖מְתִּיe וְלֹא־אָשׁ֥וּבf מִמֶּֽנָּה׃

29 מִקֹּ֨ול פָּרָ֜שׁ וְרֹ֣מֵהa קֶ֗שֶׁת בֹּרַ֨חַת֙b כָּל־הָעִ֔יר בָּ֚אוּc בֶּעָבִ֔יםd וּבַכֵּפִ֖יםe עָל֑וּf כָּל־הָעִ֣יר עֲזוּבָ֔הg וְאֵין־יֹושֵׁ֥בh בָּהֵ֖ן אִֽישׁ׃

30 ואתיa שָׁד֜וּד מַֽה־תַּעֲשִׂ֗יb כִּֽי־תִלְבְּשִׁ֨יc שָׁנִ֜יd כִּי־תַעְדִּ֣יe עֲדִיf ־זָהָ֗ב כִּֽי־תִקְרְעִ֤יg בַפּוּךְ֙h עֵינַ֔יִךְ לַשָּׁ֖וְא תִּתְיַפִּ֑יi מָאֲסוּj ־בָ֥ךְ עֹגְבִ֖יםk נַפְשֵׁ֥ךְ יְבַקֵּֽשׁוּl ׃

31 כִּי֩ קֹ֨ול כְּחֹולָ֜ה שָׁמַ֗עְתִּיa צָרָה֙ כְּמַבְכִּירָ֔הb קֹ֧ול בַּת־צִיֹּ֛ון תִּתְיַפֵּ֖חַc תְּפָרֵ֣שׂd כַּפֶּ֑יהָ אֹֽויe ־נָ֣א לִ֔י כִּֽי־עָיְפָ֥הf נַפְשִׁ֖י לְהֹרְגִֽים׃ פ