ירמיהו

בַּשָּׁנָ֣ה הַ֠תְּשִׁעִיתa לְצִדְקִיָּ֨הוּ מֶלֶךְ־יְהוּדָ֜ה בַּחֹ֣דֶשׁ הָעֲשִׂרִ֗יb בָּ֠אc נְבוּכַדְרֶאצַּ֨רd מֶֽלֶךְ־בָּבֶ֤ל וְכָל־חֵילֹו֙ אֶל־יְר֣וּשָׁלִַ֔ם וַיָּצֻ֖רוּe עָלֶֽיהָ׃ ס

2 בְּעַשְׁתֵּֽיa ־עֶשְׂרֵ֤ה שָׁנָה֙ לְצִדְקִיָּ֔הוּ בַּחֹ֥דֶשׁ הָרְבִיעִ֖י בְּתִשְׁעָ֣ה לַחֹ֑דֶשׁ הָבְקְעָ֖הb הָעִֽיר׃

3 וַיָּבֹ֗אוּa כֹּ֚ל שָׂרֵ֣י מֶֽלֶךְ־בָּבֶ֔ל וַיֵּשְׁב֖וּb בְּשַׁ֣עַר הַתָּ֑וֶךְ נֵרְגַ֣ל שַׂר־֠אֶצֶרc סַֽמְגַּר־נְב֞וּd שַׂר־סְכִ֣יםe רַבf ־סָרִ֗יסg נֵרְגַ֤ל שַׂר־אֶ֨צֶר֙h רַבi ־מָ֔גj וְכָל־שְׁאֵרִ֔ית שָׂרֵ֖י מֶ֥לֶךְ בָּבֶֽל׃

4 וַיְהִ֡יa כַּאֲשֶׁ֣ר רָ֠אָםb צִדְקִיָּ֨הוּ מֶֽלֶךְ־יְהוּדָ֜ה וְכֹ֣ל׀ אַנְשֵׁ֣י הַמִּלְחָמָ֗ה וַֽ֠יִּבְרְחוּc וַיֵּצְא֨וּd לַ֤יְלָה מִן־הָעִיר֙ דֶּ֚רֶךְ גַּ֣ןe הַמֶּ֔לֶךְ בְּשַׁ֖עַר בֵּ֣ין הַחֹמֹתָ֑יִם וַיֵּצֵ֖אf דֶּ֥רֶךְ הָעֲרָבָֽה׃

5 וַיִּרְדְּפ֨וּa חֵיל־כַּשְׂדִּ֜ים אַחֲרֵיהֶ֗ם וַיַּשִּׂ֣גוּb אֶת־צִדְקִיָּהוּ֮ בְּעַֽרְבֹ֣ות יְרֵחֹו֒ וַיִּקְח֣וּc אֹתֹ֗ו וַֽ֠יַּעֲלֻהוּd אֶל־נְבוּכַדְרֶאצַּ֧רe מֶֽלֶךְ־בָּבֶ֛ל רִבְלָ֖תָהf בְּאֶ֣רֶץ חֲמָ֑תg וַיְדַבֵּ֥רh אִתֹּ֖ו מִשְׁפָּטִֽים׃

6 וַיִּשְׁחַט֩a מֶ֨לֶךְ בָּבֶ֜ל אֶת־בְּנֵ֧י צִדְקִיָּ֛הוּ בְּרִבְלָ֖הb לְעֵינָ֑יו וְאֵת֙ כָּל־חֹרֵ֣יc יְהוּדָ֔ה שָׁחַ֖טd מֶ֥לֶךְ בָּבֶֽל׃

7 וְאֶת־עֵינֵ֥י צִדְקִיָּ֖הוּ עִוֵּ֑רa וַיַּאַסְרֵ֨הוּ֙b בַּֽנְחֻשְׁתַּ֔יִם לָבִ֥יאc אֹתֹ֖ו בָּבֶֽלָה׃

8 וְאֶת־בֵּ֤ית הַמֶּ֨לֶךְ֙ וְאֶת־בֵּ֣ית הָעָ֔ם שָׂרְפ֥וּa הַכַּשְׂדִּ֖ים בָּאֵ֑שׁ וְאֶת־חֹמֹ֥ות יְרוּשָׁלִַ֖ם נָתָֽצוּb ׃

9 וְאֵת֩ יֶ֨תֶר הָעָ֜ם הַנִּשְׁאָרִ֣יםa בָּעִ֗יר וְאֶת־הַנֹּֽפְלִים֙ אֲשֶׁ֣ר נָפְל֣וּb עָלָ֔יו וְאֵ֛ת יֶ֥תֶר הָעָ֖ם הַנִּשְׁאָרִ֑יםc הֶגְלָ֛הd נְבֽוּזַר־אֲדָ֥ןe רַבf ־טַבָּחִ֖יםg בָּבֶֽל׃

10 וּמִן־הָעָ֣ם הַדַּלִּ֗יםa אֲשֶׁ֤ר אֵין־לָהֶם֙ מְא֔וּמָהb הִשְׁאִ֛ירc נְבוּזַרְאֲדָ֥ןd רַבe ־טַבָּחִ֖יםf בְּאֶ֣רֶץ יְהוּדָ֑ה וַיִּתֵּ֥ןg לָהֶ֛ם כְּרָמִ֥ים וִֽיגֵבִ֖יםh בַּיֹּ֥ום הַהֽוּא׃

11 וַיְצַ֛וa נְבוּכַדְרֶאצַּ֥רb מֶֽלֶךְ־בָּבֶ֖ל עַֽל־יִרְמְיָ֑הוּ בְּיַ֛ד נְבוּזַרְאֲדָ֥ןc רַבd ־טַבָּחִ֖יםe לֵאמֹֽרf ׃

12 קָחֶ֗נּוּa וְעֵינֶ֨יךָ֙ שִׂ֣יםb עָלָ֔יו וְאַל־תַּ֥עַשׂc לֹ֖ו מְא֣וּמָהd רָּ֑ע כִּ֗י אםe כַּֽאֲשֶׁר֙ יְדַבֵּ֣רf אֵלֶ֔יךָ כֵּ֖ן עֲשֵׂ֥הg עִמֹּֽו׃

13 וַיִּשְׁלַ֞חa נְבֽוּזַרְאֲדָ֣ןb רַבc ־טַבָּחִ֗יםd וּנְבֽוּשַׁזְבָּן֙e רַבf ־סָרִ֔יסg וְנֵרְגַ֥ל שַׂר־אֶ֖צֶרh רַבi ־מָ֑גj וְכֹ֖ל רַבֵּ֥יk מֶֽלֶךְ־בָּבֶֽל׃

14 וַיִּשְׁלְחוּ֩a וַיִּקְח֨וּb אֶֽת־יִרְמְיָ֜הוּ מֵחֲצַ֣ר הַמַּטָּרָ֗הc וַיִּתְּנ֤וּd אֹתֹו֙ אֶל־גְּדַלְיָ֨הוּ֙e בֶּן־אֲחִיקָ֣םf בֶּן־שָׁפָ֔ןg לְהֹוצִאֵ֖הוּh אֶל־הַבָּ֑יִת וַיֵּ֖שֶׁבi בְּתֹ֥וךְ הָעָֽם׃ ס

15 וְאֶֽל־יִרְמְיָ֖הוּ הָיָ֣הa דְבַר־יְהוָ֑ה בִּֽהְיֹתֹ֣וb עָצ֔וּרc בַּחֲצַ֥ר הַמַּטָּרָ֖הd לֵאמֹֽרe ׃

16 הָלֹ֣וךְa וְאָמַרְתָּ֡b לְעֶבֶד־מֶ֨לָךְc הַכּוּשִׁ֜יd לֵאמֹ֗רe כֹּֽה־אָמַ֞רf יְהוָ֤ה צְבָאֹות֙ אֱלֹהֵ֣י יִשְׂרָאֵ֔ל הִנְנִי֩ מביg אֶת־דְּבָרַ֜י אֶל־הָעִ֥יר הַזֹּ֛את לְרָעָ֖ה וְלֹ֣א לְטֹובָ֑ה וְהָי֥וּh לְפָנֶ֖יךָ בַּיֹּ֥ום הַהֽוּא׃

17 וְהִצַּלְתִּ֥יךָa בַיֹּום־הַה֖וּא נְאֻם־יְהוָ֑ה וְלֹ֤א תִנָּתֵן֙b בְּיַ֣ד הָֽאֲנָשִׁ֔ים אֲשֶׁר־אַתָּ֥ה יָגֹ֖ורc מִפְּנֵיהֶֽם׃

18 כִּ֤י מַלֵּט֙ אֲמַלֶּטְךָ֔a וּבַחֶ֖רֶב לֹ֣א תִפֹּ֑לb וְהָיְתָ֨הc לְךָ֤ נַפְשְׁךָ֙ לְשָׁלָ֔ל כִּֽי־בָטַ֥חְתָּd בִּ֖י נְאֻם־יְהוָֽה׃ ס