ירמיהו

הַדָּבָ֛ר אֲשֶׁר־הָיָ֥הa אֶֽל־יִרְמְיָ֖הוּ מֵאֵ֣ת יְהוָ֑ה בִּימֵ֨י יְהֹויָקִ֧יםb בֶּן־יֹאשִׁיָּ֛הוּ מֶ֥לֶךְ יְהוּדָ֖ה לֵאמֹֽרc ׃

2 הָלֹוךְ֮a אֶל־בֵּ֣ית הָרֵכָבִים֒b וְדִבַּרְתָּ֣c אֹותָ֔ם וַהֲבִֽאֹותָם֙d בֵּ֣ית יְהוָ֔ה אֶל־אַחַ֖ת הַלְּשָׁכֹ֑ותe וְהִשְׁקִיתָ֥f אֹותָ֖ם יָֽיִן׃

3 וָאֶקַּ֞חa אֶת־יַאֲזַנְיָ֤הb בֶֽן־יִרְמְיָ֨הוּ֙ בֶּן־חֲבַצִּנְיָ֔הc וְאֶת־אֶחָ֖יו וְאֶת־כָּל־בָּנָ֑יו וְאֵ֖ת כָּל־בֵּ֥ית הָרֵכָבִֽיםd ׃

4 וָאָבִ֤אa אֹתָם֙ בֵּ֣ית יְהוָ֔ה אֶל־לִשְׁכַּ֗תb בְּנֵ֛י חָנָ֥ןc בֶּן־יִגְדַּלְיָ֖הוּd אִ֣ישׁ הָאֱלֹהִ֑ים אֲשֶׁר־אֵ֨צֶל֙ לִשְׁכַּ֣תe הַשָּׂרִ֔ים אֲשֶׁ֣ר מִמַּ֗עַל לְלִשְׁכַּ֛תf מַעֲשֵׂיָ֥הוּg בֶן־שַׁלֻּ֖םh שֹׁמֵ֥ר הַסַּֽףi ׃

5 וָאֶתֵּ֞ןa לִפְנֵ֣י׀ בְּנֵ֣י בֵית־הָרֵכָבִ֗יםb גְּבִעִ֛יםc מְלֵאִ֥יםd יַ֖יִן וְכֹסֹ֑ותe וָאֹמַ֥רf אֲלֵיהֶ֖ם שְׁתוּg ־יָֽיִן׃

6 וַיֹּאמְר֖וּa לֹ֣א נִשְׁתֶּהb ־יָּ֑יִן כִּי֩ יֹונָדָ֨בc בֶּן־רֵכָ֜בd אָבִ֗ינוּ צִוָּ֤הe עָלֵ֨ינוּ֙ לֵאמֹ֔רf לֹ֧א תִשְׁתּוּg ־יַ֛יִן אַתֶּ֥ם וּבְנֵיכֶ֖ם עַד־עֹולָֽם׃

7 וּבַ֣יִת לֹֽא־תִבְנ֗וּa וְזֶ֤רַע לֹֽא־תִזְרָ֨עוּ֙b וְכֶ֣רֶם לֹֽא־תִטָּ֔עוּc וְלֹ֥א יִֽהְיֶ֖הd לָכֶ֑ם כִּ֠י בָּאֳהָלִ֤ים תֵּֽשְׁבוּ֙e כָּל־יְמֵיכֶ֔ם לְמַ֨עַן תִּֽחְי֜וּf יָמִ֤ים רַבִּים֙ עַל־פְּנֵ֣י הָאֲדָמָ֔ה אֲשֶׁ֥ר אַתֶּ֖ם גָּרִ֥יםg שָֽׁם׃

8 וַנִּשְׁמַ֗עa בְּקֹ֨ול יְהֹונָדָ֤בb בֶּן־רֵכָב֙c אָבִ֔ינוּ לְכֹ֖ל אֲשֶׁ֣ר צִוָּ֑נוּd לְבִלְתִּ֤י שְׁתֹֽותe ־יַ֨יִן֙ כָּל־יָמֵ֔ינוּ אֲנַ֣חְנוּ נָשֵׁ֔ינוּ בָּנֵ֖ינוּ וּבְנֹתֵֽינוּ׃

9 וּלְבִלְתִּ֛י בְּנֹ֥ותa בָּתִּ֖ים לְשִׁבְתֵּ֑נוּb וְכֶ֧רֶם וְשָׂדֶ֛ה וָזֶ֖רַע לֹ֥א יִֽהְיֶהc ־לָּֽנוּ׃

10 וַנֵּ֖שֶׁבa בָּֽאֳהָלִ֑ים וַנִּשְׁמַ֣עb וַנַּ֔עַשׂc כְּכֹ֥ל אֲשֶׁר־צִוָּ֖נוּd יֹונָדָ֥בe אָבִֽינוּ׃

11 וַיְהִ֗יa בַּעֲלֹ֨ותb נְבוּכַדְרֶאצַּ֥רc מֶֽלֶךְ־בָּבֶל֮ אֶל־הָאָרֶץ֒ וַנֹּ֗אמֶרd בֹּ֚אוּe וְנָבֹ֣ואf יְרוּשָׁלִַ֔ם מִפְּנֵי֙ חֵ֣יל הַכַּשְׂדִּ֔ים וּמִפְּנֵ֖י חֵ֣יל אֲרָ֑ם וַנֵּ֖שֶׁבg בִּירוּשָׁלִָֽם׃ פ

12 וַֽיְהִי֙a דְּבַר־יְהוָ֔ה אֶֽל־יִרְמְיָ֖הוּ לֵאמֹֽרb ׃

13 כֹּֽה־אָמַ֞רa יְהוָ֤ה צְבָאֹות֙ אֱלֹהֵ֣י יִשְׂרָאֵ֔ל הָלֹ֤ךְb וְאָֽמַרְתָּ֙c לְאִ֣ישׁ יְהוּדָ֔ה וּלְיֹֽושְׁבֵ֖י יְרֽוּשָׁלִָ֑ם הֲלֹ֨וא תִקְח֥וּd מוּסָ֛ר לִשְׁמֹ֥עַe אֶל־דְּבָרַ֖י נְאֻם־יְהוָֽה׃

14 הוּקַ֡םa אֶת־דִּבְרֵ֣י יְהֹונָדָ֣בb בֶּן־רֵ֠כָבc אֲשֶׁר־צִוָּ֨הd אֶת־בָּנָ֜יו לְבִלְתִּ֣י שְׁתֹֽותe ־יַ֗יִן וְלֹ֤א שָׁתוּ֙f עַד־הַיֹּ֣ום הַזֶּ֔ה כִּ֣י שָֽׁמְע֔וּg אֵ֖ת מִצְוַ֣ת אֲבִיהֶ֑ם וְאָ֨נֹכִ֜י דִּבַּ֤רְתִּיh אֲלֵיכֶם֙ הַשְׁכֵּ֣ם וְדַבֵּ֔ר וְלֹ֥א שְׁמַעְתֶּ֖םi אֵלָֽי׃

15 וָאֶשְׁלַ֣חa אֲלֵיכֶ֣ם אֶת־כָּל־עֲבָדַ֣י הַנְּבִאִ֣ים׀ הַשְׁכֵּ֣ים וְשָׁלֹ֣חַ׀ לֵאמֹ֡רb שֻׁבוּc ־נָ֡א אִישׁ֩ מִדַּרְכֹּ֨ו הָרָעָ֜ה וְהֵיטִ֣יבוּd מַֽעַלְלֵיכֶ֗םe וְאַל־תֵּ֨לְכ֜וּf אַחֲרֵ֨י אֱלֹהִ֤ים אֲחֵרִים֙ לְעָבְדָ֔םg וּשְׁבוּ֙h אֶל־הָ֣אֲדָמָ֔ה אֲשֶׁר־נָתַ֥תִּיi לָכֶ֖ם וְלַאֲבֹֽתֵיכֶ֑ם וְלֹ֤א הִטִּיתֶם֙j אֶֽת־אָזְנְכֶ֔ם וְלֹ֥א שְׁמַעְתֶּ֖םk אֵלָֽי׃

16 כִּ֣י הֵקִ֗ימוּa בְּנֵי֙ יְהֹונָדָ֣בb בֶּן־רֵכָ֔בc אֶת־מִצְוַ֥ת אֲבִיהֶ֖ם אֲשֶׁ֣ר צִוָּ֑םd וְהָעָ֣ם הַזֶּ֔ה לֹ֥א שָׁמְע֖וּe אֵלָֽי׃ ס

17 לָ֠כֵן כֹּֽה־אָמַ֨רa יְהוָ֜ה אֱלֹהֵ֤י צְבָאֹות֙ אֱלֹהֵ֣י יִשְׂרָאֵ֔ל הִנְנִ֧י מֵבִ֣יאb אֶל־יְהוּדָ֗ה וְאֶ֤ל כָּל־יֹֽושְׁבֵי֙ יְר֣וּשָׁלִַ֔ם אֵ֚ת כָּל־הָ֣רָעָ֔ה אֲשֶׁ֥ר דִּבַּ֖רְתִּיc עֲלֵיהֶ֑ם יַ֣עַן דִּבַּ֤רְתִּיd אֲלֵיהֶם֙ וְלֹ֣א שָׁמֵ֔עוּe וָאֶקְרָ֥אf לָהֶ֖ם וְלֹ֥א עָנֽוּg ׃

18 וּלְבֵ֨ית הָרֵכָבִ֜יםa אָמַ֣רb יִרְמְיָ֗הוּ כֹּֽה־אָמַ֞רc יְהוָ֤ה צְבָאֹות֙ אֱלֹהֵ֣י יִשְׂרָאֵ֔ל יַ֚עַן אֲשֶׁ֣ר שְׁמַעְתֶּ֔םd עַל־מִצְוַ֖ת יְהֹונָדָ֣בe אֲבִיכֶ֑ם וַֽתִּשְׁמְרוּ֙f אֶת־כָּל־מִצְוֹתָ֔יו וַֽתַּעֲשׂ֔וּg כְּכֹ֥ל אֲשֶׁר־צִוָּ֖הh אֶתְכֶֽם׃ ס

19 לָכֵ֗ן כֹּ֥ה אָמַ֛רa יְהוָ֥ה צְבָאֹ֖ות אֱלֹהֵ֣י יִשְׂרָאֵ֑ל לֹֽא־יִכָּרֵ֨תb אִ֜ישׁ לְיֹונָדָ֧בc בֶּן־רֵכָ֛בd עֹמֵ֥דe לְפָנַ֖י כָּל־הַיָּמִֽים׃ פ