ירמיהו

הַדָּבָ֛ר אֲשֶׁר־הָיָ֥הa אֶֽל־יִרְמְיָ֖הוּ מֵאֵ֣ת יְהוָ֑ה וּנְבוּכַדְרֶאצַּ֣רb מֶֽלֶךְ־בָּבֶ֣ל׀ וְכָל־חֵילֹ֡ו וְכָל־מַמְלְכֹ֣ות אֶרֶץ֩ מֶמְשֶׁ֨לֶתc יָדֹ֜ו וְכָל־הָעַמִּ֗ים נִלְחָמִ֧יםd עַל־יְרוּשָׁלִַ֛ם וְעַל־כָּל־עָרֶ֖יהָ לֵאמֹֽרe ׃

2 כֹּֽה־אָמַ֤רa יְהוָה֙ אֱלֹהֵ֣י יִשְׂרָאֵ֔ל הָלֹךְ֙b וְאָ֣מַרְתָּ֔c אֶל־צִדְקִיָּ֖הוּ מֶ֣לֶךְ יְהוּדָ֑ה וְאָמַרְתָּ֣d אֵלָ֗יו כֹּ֚ה אָמַ֣רe יְהוָ֔ה הִנְנִ֨י נֹתֵ֜ןf אֶת־הָעִ֤יר הַזֹּאת֙ בְּיַ֣ד מֶֽלֶךְ־בָּבֶ֔ל וּשְׂרָפָ֖הּg בָּאֵֽשׁ׃

3 וְאַתָּ֗ה לֹ֚א תִמָּלֵט֙a מִיָּדֹ֔ו כִּ֚י תָּפֹ֣שׂ תִּתָּפֵ֔שׂb וּבְיָדֹ֖ו תִּנָּתֵ֑ןc וְֽ֠עֵינֶיךָ אֶת־עֵינֵ֨י מֶֽלֶךְ־בָּבֶ֜ל תִּרְאֶ֗ינָהd וּפִ֛יהוּ אֶת־פִּ֥יךָ יְדַבֵּ֖רe וּבָבֶ֥ל תָּבֹֽואf ׃

4 אַ֚ךְ שְׁמַ֣עa דְּבַר־יְהוָ֔ה צִדְקִיָּ֖הוּ מֶ֣לֶךְ יְהוּדָ֑ה כֹּֽה־אָמַ֤רb יְהוָה֙ עָלֶ֔יךָ לֹ֥א תָמ֖וּתc בֶּחָֽרֶב׃

5 בְּשָׁלֹ֣ום תָּמ֗וּתa וּֽכְמִשְׂרְפֹ֣ותb אֲ֠בֹותֶיךָ הַמְּלָכִ֨ים הָרִֽאשֹׁנִ֜ים אֲשֶׁר־הָי֣וּc לְפָנֶ֗יךָ כֵּ֚ן יִשְׂרְפוּd ־לָ֔ךְ וְהֹ֥וי אָדֹ֖ון יִסְפְּדוּe ־לָ֑ךְ כִּֽי־דָבָ֥ר אֲנִֽי־דִבַּ֖רְתִּיf נְאֻם־יְהוָֽה׃ ס

6 וַיְדַבֵּר֙a יִרְמְיָ֣הוּ הַנָּבִ֔יא אֶל־צִדְקִיָּ֖הוּ מֶ֣לֶךְ יְהוּדָ֑ה אֵ֛ת כָּל־הַדְּבָרִ֥ים הָאֵ֖לֶּה בִּירוּשָׁלִָֽם׃

7 וְחֵ֣יל מֶֽלֶךְ־בָּבֶ֗ל נִלְחָמִים֙a עַל־יְר֣וּשָׁלִַ֔ם וְעַ֛ל כָּל־עָרֵ֥י יְהוּדָ֖ה הַנֹּֽותָרֹ֑ות אֶל־לָכִישׁ֙b וְאֶל־עֲזֵקָ֔הc כִּ֣י הֵ֗נָּהd נִשְׁאֲר֛וּe בְּעָרֵ֥י יְהוּדָ֖ה עָרֵ֥י מִבְצָֽרf ׃ פ

8 הַדָּבָ֛ר אֲשֶׁר־הָיָ֥הa אֶֽל־יִרְמְיָ֖הוּ מֵאֵ֣ת יְהוָ֑ה אַחֲרֵ֡י כְּרֹת֩b הַמֶּ֨לֶךְ צִדְקִיָּ֜הוּ בְּרִ֗ית אֶת־כָּל־הָעָם֙ אֲשֶׁ֣ר בִּירֽוּשָׁלִַ֔ם לִקְרֹ֥אc לָהֶ֖ם דְּרֹֽורd ׃

9 לְ֠שַׁלַּחa אִ֣ישׁ אֶת־עַבְדֹּ֞ו וְאִ֧ישׁ אֶת־שִׁפְחָתֹ֛ו הָעִבְרִ֥יb וְהָעִבְרִיָּ֖הc חָפְשִׁ֑יםd לְבִלְתִּ֧י עֲבָדe ־בָּ֛ם בִּיהוּדִ֥י אָחִ֖יהוּ אִֽישׁ׃

10 וַיִּשְׁמְעוּ֩a כָל־הַשָּׂרִ֨ים וְכָל־הָעָ֜ם אֲשֶׁר־בָּ֣אוּb בַבְּרִ֗ית לְ֠שַׁלַּחc אִ֣ישׁ אֶת־עַבְדֹּ֞ו וְאִ֤ישׁ אֶת־שִׁפְחָתֹו֙ חָפְשִׁ֔יםd לְבִלְתִּ֥י עֲבָדe ־בָּ֖ם עֹ֑וד וַֽיִּשְׁמְע֖וּf וַיְשַׁלֵּֽחוּg ׃

11 וַיָּשׁ֨וּבוּ֙a אַחֲרֵי־כֵ֔ן וַיָּשִׁ֗בוּb אֶת־הָֽעֲבָדִים֙ וְאֶת־הַשְּׁפָחֹ֔ות אֲשֶׁ֥ר שִׁלְּח֖וּc חָפְשִׁ֑יםd ויכבישׁוםe לַעֲבָדִ֖ים וְלִשְׁפָחֹֽות׃ ס

12 וַיְהִ֤יa דְבַר־יְהוָה֙ אֶֽל־יִרְמְיָ֔הוּ מֵאֵ֥ת יְהוָ֖ה לֵאמֹֽרb ׃

13 כֹּֽה־אָמַ֥רa יְהוָ֖ה אֱלֹהֵ֣י יִשְׂרָאֵ֑ל אָנֹכִ֗י כָּרַ֤תִּֽיb בְרִית֙ אֶת־אֲבֹ֣ותֵיכֶ֔ם בְּיֹ֨ום הֹוצִאִ֤יc אֹותָם֙ מֵאֶ֣רֶץ מִצְרַ֔יִם מִבֵּ֥ית עֲבָדִ֖ים לֵאמֹֽרd ׃

14 מִקֵּ֣ץ שֶׁ֣בַע שָׁנִ֡ים תְּֽשַׁלְּח֡וּa אִישׁ֩ אֶת־אָחִ֨יו הָעִבְרִ֜יb אֲשֶֽׁר־יִמָּכֵ֣רc לְךָ֗ וַעֲבָֽדְךָ֙d שֵׁ֣שׁ שָׁנִ֔ים וְשִׁלַּחְתֹּ֥וe חָפְשִׁ֖יf מֵֽעִמָּ֑ךְ וְלֹֽא־שָׁמְע֤וּg אֲבֹֽותֵיכֶם֙ אֵלַ֔י וְלֹ֥א הִטּ֖וּh אֶת־אָזְנָֽם׃

15 וַתָּשֻׁ֨בוּa אַתֶּ֜ם הַיֹּ֗ום וַתַּעֲשׂ֤וּb אֶת־הַיָּשָׁר֙ בְּעֵינַ֔י לִקְרֹ֥אc דְרֹ֖ורd אִ֣ישׁ לְרֵעֵ֑הוּ וַתִּכְרְת֤וּe בְרִית֙ לְפָנַ֔י בַּבַּ֕יִת אֲשֶׁר־נִקְרָ֥אf שְׁמִ֖י עָלָֽיו׃

16 וַתָּשֻׁ֨בוּ֙a וַתְּחַלְּל֣וּb אֶת־שְׁמִ֔י וַתָּשִׁ֗בוּc אִ֤ישׁ אֶת־עַבְדֹּו֙ וְאִ֣ישׁ אֶת־שִׁפְחָתֹ֔ו אֲשֶׁר־שִׁלַּחְתֶּ֥םd חָפְשִׁ֖יםe לְנַפְשָׁ֑ם וַתִּכְבְּשׁ֣וּf אֹתָ֔ם לִֽהְיֹ֣ותg לָכֶ֔ם לַעֲבָדִ֖ים וְלִשְׁפָחֹֽות׃ ס

17 לָכֵן֮ כֹּה־אָמַ֣רa יְהוָה֒ אַתֶּם֙ לֹֽא־שְׁמַעְתֶּ֣םb אֵלַ֔י לִקְרֹ֣אc דְרֹ֔ורd אִ֥ישׁ לְאָחִ֖יו וְאִ֣ישׁ לְרֵעֵ֑הוּ הִנְנִ֣י קֹרֵא֩e לָכֶ֨ם דְּרֹ֜ורf נְאֻם־יְהוָ֗ה אֶל־הַחֶ֨רֶב֙ אֶל־הַדֶּ֣בֶרg וְאֶל־הָרָעָ֔ב וְנָתַתִּ֤יh אֶתְכֶם֙ לזועהi לְכֹ֖ל מַמְלְכֹ֥ות הָאָֽרֶץ׃

18 וְנָתַתִּ֣יa אֶת־הָאֲנָשִׁ֗ים הָעֹֽבְרִים֙b אֶת־בְּרִתִ֔י אֲשֶׁ֤ר לֹֽא־הֵקִ֨ימוּ֙c אֶת־דִּבְרֵ֣י הַבְּרִ֔ית אֲשֶׁ֥ר כָּרְת֖וּd לְפָנָ֑י הָעֵ֨גֶל֙e אֲשֶׁ֣ר כָּרְת֣וּf לִשְׁנַ֔יִם וַיַּעַבְר֖וּg בֵּ֥ין בְּתָרָֽיוh ׃

19 שָׂרֵ֨י יְהוּדָ֜ה וְשָׂרֵ֣י יְרוּשָׁלִַ֗ם הַסָּֽרִסִים֙a וְהַכֹּ֣הֲנִ֔ים וְכֹ֖ל עַ֣ם הָאָ֑רֶץ הָעֹ֣בְרִ֔יםb בֵּ֖ין בִּתְרֵ֥יc הָעֵֽגֶלd ׃

20 וְנָתַתִּ֤יa אֹותָם֙ בְּיַ֣ד אֹֽיְבֵיהֶ֔ם וּבְיַ֖ד מְבַקְשֵׁ֣י נַפְשָׁ֑ם וְהָיְתָ֤הb נִבְלָתָם֙c לְמַֽאֲכָ֔לd לְעֹ֥וף הַשָּׁמַ֖יִם וּלְבֶהֱמַ֥ת הָאָֽרֶץ׃

21 וְאֶת־צִדְקִיָּ֨הוּ מֶֽלֶךְ־יְהוּדָ֜ה וְאֶת־שָׂרָ֗יו אֶתֵּן֙a בְּיַ֣ד אֹֽיְבֵיהֶ֔ם וּבְיַ֖ד מְבַקְשֵׁ֣י נַפְשָׁ֑ם וּבְיַד חֵ֚יל מֶ֣לֶךְ בָּבֶ֔ל הָעֹלִ֖יםb מֵעֲלֵיכֶֽם׃

22 הִנְנִ֨י מְצַוֶּ֜הa נְאֻם־יְהוָ֗ה וַהֲשִׁ֨בֹתִ֜יםb אֶל־הָעִ֤יר הַזֹּאת֙ וְנִלְחֲמ֣וּc עָלֶ֔יהָ וּלְכָד֖וּהָd וּשְׂרָפֻ֣הָe בָאֵ֑שׁ וְאֶת־עָרֵ֧י יְהוּדָ֛ה אֶתֵּ֥ןf שְׁמָמָ֖ה מֵאֵ֥ין יֹשֵֽׁב׃ פ