ירמיהו

וַיְהִ֧יa דְבַר־יְהוָ֛ה אֶֽל־יִרְמְיָ֖הוּ שֵׁנִ֑ית וְהוּא֙ עֹודֶ֣נּוּ עָצ֔וּרb בַּחֲצַ֥ר הַמַּטָּרָ֖הc לֵאמֹֽרd ׃

2 כֹּֽה־אָמַ֥רa יְהוָ֖ה עֹשָׂ֑הּb יְהוָ֗ה יֹוצֵ֥רc אֹותָ֛הּ לַהֲכִינָ֖הּd יְהוָ֥ה שְׁמֹֽו׃

3 קְרָ֥אa אֵלַ֖י וְאֶעֱנֶ֑ךָּb וְאַגִּ֧ידָהc לְּךָ֛ גְּדֹלֹ֥ות וּבְצֻרֹ֖ותd לֹ֥א יְדַעְתָּֽםe ׃ ס

4 כִּי֩ כֹ֨ה אָמַ֤רa יְהוָה֙ אֱלֹהֵ֣י יִשְׂרָאֵ֔ל עַל־בָּתֵּי֙ הָעִ֣יר הַזֹּ֔את וְעַל־בָּתֵּ֖י מַלְכֵ֣י יְהוּדָ֑ה הַנְּתֻצִ֕יםb אֶל־הַסֹּלְלֹ֖ותc וְאֶל־הֶחָֽרֶב׃

5 בָּאִ֗יםa לְהִלָּחֵם֙b אֶת־הַכַּשְׂדִּ֔ים וּלְמַלְאָם֙c אֶת־פִּגְרֵ֣יd הָאָדָ֔ם אֲשֶׁר־הִכֵּ֥יתִיe בְאַפִּ֖י וּבַחֲמָתִ֑י וַאֲשֶׁ֨ר הִסְתַּ֤רְתִּיf פָנַי֙ מֵהָעִ֣יר הַזֹּ֔את עַ֖ל כָּל־רָעָתָֽם׃

6 הִנְנִ֧י מַעֲלֶהa ־לָּ֛הּ אֲרֻכָ֥הb וּמַרְפֵּ֖אc וּרְפָאתִ֑יםd וְגִלֵּיתִ֣יe לָהֶ֔ם עֲתֶ֥רֶתf שָׁלֹ֖ום וֶאֱמֶֽת׃

7 וַהֲשִֽׁבֹתִי֙a אֶת־שְׁב֣וּתb יְהוּדָ֔ה וְאֵ֖ת שְׁב֣וּתc יִשְׂרָאֵ֑ל וּבְנִתִ֖יםd כְּבָרִֽאשֹׁנָֽה׃

8 וְטִ֣הַרְתִּ֔יםa מִכָּל־עֲוֹנָ֖ם אֲשֶׁ֣ר חָֽטְאוּb ־לִ֑י וְסָלַחְתִּ֗יc לכולd ־עֲוֹנֹֽותֵיהֶם֙ אֲשֶׁ֣ר חָֽטְאוּe ־לִ֔י וַאֲשֶׁ֖ר פָּ֥שְׁעוּf בִֽי׃

9 וְהָ֣יְתָהa לִּ֗י לְשֵׁ֤ם שָׂשֹׂון֙b לִתְהִלָּ֣ה וּלְתִפְאֶ֔רֶתc לְכֹ֖ל גֹּויֵ֣י הָאָ֑רֶץ אֲשֶׁ֨ר יִשְׁמְע֜וּd אֶת־כָּל־הַטֹּובָ֗ה אֲשֶׁ֤ר אָֽנֹכִי֙ עֹשֶׂ֣הe אֹתָ֔ם וּפָחֲד֣וּf וְרָֽגְז֗וּg עַ֤ל כָּל־הַטֹּובָה֙ וְעַ֣ל כָּל־הַשָּׁלֹ֔ום אֲשֶׁ֥ר אָֽנֹכִ֖י עֹ֥שֶׂהh לָּֽהּ׃ ס

10 כֹּ֣ה׀ אָמַ֣רa יְהוָ֗ה עֹוד֮ יִשָּׁמַ֣עb בַּמָּקֹום־הַזֶּה֒ אֲשֶׁר֙ אַתֶּ֣ם אֹֽמְרִ֔יםc חָרֵ֣בd ה֔וּא מֵאֵ֥ין אָדָ֖ם וּמֵאֵ֣ין בְּהֵמָ֑ה בְּעָרֵ֤י יְהוּדָה֙ וּבְחֻצֹ֣ות יְרוּשָׁלִַ֔ם הַֽנְשַׁמֹּ֗ותe מֵאֵ֥ין אָדָ֛ם וּמֵאֵ֥ין יֹושֵׁ֖ב וּמֵאֵ֥ין בְּהֵמָֽה׃

11 קֹ֣ול שָׂשֹׂ֞וןa וְקֹ֣ול שִׂמְחָ֗ה קֹ֣ול חָתָן֮b וְקֹ֣ול כַּלָּה֒c קֹ֣ול אֹמְרִ֡ים הֹודוּ֩d אֶת־יְהוָ֨ה צְבָאֹ֜ות כִּֽי־טֹ֤וב יְהוָה֙ כִּֽי־לְעֹולָ֣ם חַסְדֹּ֔ו מְבִאִ֥יםe תֹּודָ֖הf בֵּ֣ית יְהוָ֑ה כִּֽי־אָשִׁ֧יבg אֶת־שְׁבוּתh ־הָאָ֛רֶץ כְּבָרִאשֹׁנָ֖ה אָמַ֥רi יְהוָֽה׃ ס

12 כֹּֽה־אָמַר֮a יְהוָ֣ה צְבָאֹות֒ עֹ֞וד יִֽהְיֶ֣הb ׀ בַּמָּקֹ֣ום הַזֶּ֗ה הֶחָרֵ֛בc מֵֽאֵין־אָדָ֥ם וְעַד־בְּהֵמָ֖ה וּבְכָל־עָרָ֑יו נְוֵ֣הd רֹעִ֔ים מַרְבִּצִ֖יםe צֹֽאן׃

13 בְּעָרֵ֨י הָהָ֜ר בְּעָרֵ֤י הַשְּׁפֵלָה֙a וּבְעָרֵ֣י הַנֶּ֔גֶב וּבְאֶ֧רֶץ בִּנְיָמִ֛ן וּבִסְבִיבֵ֥י יְרוּשָׁלִַ֖ם וּבְעָרֵ֣י יְהוּדָ֑ה עֹ֣ד תַּעֲבֹ֧רְנָהb הַצֹּ֛אן עַל־יְדֵ֥י מֹונֶ֖הc אָמַ֥רd יְהוָֽה׃ ס

14 הִנֵּ֛ה יָמִ֥ים בָּאִ֖יםa נְאֻם־יְהוָ֑ה וַהֲקִֽמֹתִי֙b אֶת־הַדָּבָ֣ר הַטֹּ֔וב אֲשֶׁ֥ר דִּבַּ֛רְתִּיc אֶל־בֵּ֥ית יִשְׂרָאֵ֖ל וְעַל־בֵּ֥ית יְהוּדָֽה׃

15 בַּיָּמִ֤ים הָהֵם֙ וּבָעֵ֣ת הַהִ֔יא אַצְמִ֥יחַa לְדָוִ֖ד צֶ֣מַחb צְדָקָ֑ה וְעָשָׂ֛הc מִשְׁפָּ֥ט וּצְדָקָ֖ה בָּאָֽרֶץ׃

16 בַּיָּמִ֤ים הָהֵם֙ תִּוָּשַׁ֣עa יְהוּדָ֔ה וִירוּשָׁלִַ֖ם תִּשְׁכֹּ֣וןb לָבֶ֑טַחc וְזֶ֥ה אֲשֶׁר־יִקְרָאd ־לָ֖הּ יְהוָ֥ה׀ צִדְקֵֽנוּ׃ ס

17 כִּי־כֹ֖ה אָמַ֣רa יְהוָ֑ה לֹֽא־יִכָּרֵ֣תb לְדָוִ֔ד אִ֕ישׁ יֹשֵׁ֖בc עַל־כִּסֵּ֥א בֵֽית־יִשְׂרָאֵֽל׃

18 וְלַכֹּהֲנִים֙ הַלְוִיִּ֔ם לֹֽא־יִכָּרֵ֥תa אִ֖ישׁ מִלְּפָנָ֑י מַעֲלֶ֨הb עֹולָ֜ה וּמַקְטִ֥ירc מִנְחָ֛ה וְעֹ֥שֶׂהd זֶּ֖בַח כָּל־הַיָּמִֽים׃ ס

19 וַֽיְהִי֙a דְּבַר־יְהוָ֔ה אֶֽל־יִרְמְיָ֖הוּ לֵאמֹֽורb ׃

20 כֹּ֚ה אָמַ֣רa יְהוָ֔ה אִם־תָּפֵ֨רוּ֙b אֶת־בְּרִיתִ֣י הַיֹּ֔ום וְאֶת־בְּרִיתִ֖י הַלָּ֑יְלָה וּלְבִלְתִּ֛י הֱיֹ֥ותc יֹֽומָם־וָלַ֖יְלָה בְּעִתָּֽם׃

21 גַּם־בְּרִיתִ֤י תֻפַר֙a אֶת־דָּוִ֣ד עַבְדִּ֔י מִהְיֹֽותb ־לֹ֥ו בֵ֖ן מֹלֵ֣ךְc עַל־כִּסְאֹ֑ו וְאֶת־הַלְוִיִּ֥ם הַכֹּהֲנִ֖ים מְשָׁרְתָֽי׃

22 אֲשֶׁ֤ר לֹֽא־יִסָּפֵר֙a צְבָ֣א הַשָּׁמַ֔יִם וְלֹ֥א יִמַּ֖דb חֹ֣ולc הַיָּ֑ם כֵּ֣ן אַרְבֶּ֗הd אֶת־זֶ֨רַע֙ דָּוִ֣ד עַבְדִּ֔י וְאֶת־הַלְוִיִּ֖ם מְשָׁרְתֵ֥יe אֹתִֽי׃ ס

23 וַֽיְהִי֙a דְּבַר־יְהוָ֔ה אֶֽל־יִרְמְיָ֖הוּ לֵאמֹֽרb ׃

24 הֲלֹ֣וא רָאִ֗יתָa מָֽה־הָעָ֤ם הַזֶּה֙ דִּבְּר֣וּb לֵאמֹ֔רc שְׁתֵּ֣י הַמִּשְׁפָּחֹ֗ות אֲשֶׁ֨ר בָּחַ֧רd יְהוָ֛ה בָּהֶ֖ם וַיִּמְאָסֵ֑םe וְאֶת־עַמִּי֙ יִנְאָצ֔וּןf מִֽהְיֹ֥ותg עֹ֖וד גֹּ֥וי לִפְנֵיהֶֽם׃ ס

25 כֹּ֚ה אָמַ֣רa יְהוָ֔ה אִם־לֹ֥א בְרִיתִ֖י יֹומָ֣ם וָלָ֑יְלָה חֻקֹּ֛ות שָׁמַ֥יִם וָאָ֖רֶץ לֹא־שָֽׂמְתִּיb ׃

26 גַּם־זֶ֣רַע יַעֲקֹוב֩ וְדָוִ֨ד עַבְדִּ֜י אֶמְאַ֗סa מִקַּ֤חַתb מִזַּרְעֹו֙ מֹֽשְׁלִ֔ים אֶל־זֶ֥רַע אַבְרָהָ֖ם יִשְׂחָ֣קc וְיַעֲקֹ֑ב כִּֽי־אשׁובd אֶת־שְׁבוּתָ֖םe וְרִחַמְתִּֽיםf ׃ ס