ירמיהו

בָּעֵ֤ת הַהִיא֙ נְאֻם־יְהוָ֔ה אֶֽהְיֶה֙a לֵֽאלֹהִ֔ים לְכֹ֖ל מִשְׁפְּחֹ֣ות יִשְׂרָאֵ֑ל וְהֵ֖מָּה יִֽהְיוּb ־לִ֥י לְעָֽם׃ ס

2 כֹּ֚ה אָמַ֣רa יְהוָ֔ה מָצָ֥אb חֵן֙ בַּמִּדְבָּ֔ר עַ֖ם שְׂרִ֣ידֵיc חָ֑רֶב הָלֹ֥וךְd לְהַרְגִּיעֹ֖וe יִשְׂרָאֵֽל׃

3 מֵרָחֹ֕וק יְהוָ֖ה נִרְאָ֣הa לִ֑י וְאַהֲבַ֤תb עֹולָם֙ אֲהַבְתִּ֔יךְc עַל־כֵּ֖ן מְשַׁכְתִּ֥יךְd חָֽסֶד׃

4 עֹ֤וד אֶבְנֵךְ֙a וְֽנִבְנֵ֔יתb בְּתוּלַ֖ת יִשְׂרָאֵ֑ל עֹ֚וד תַּעְדִּ֣יc תֻפַּ֔יִךְd וְיָצָ֖אתe בִּמְחֹ֥ולf מְשַׂחֲקִֽיםg ׃

5 עֹ֚וד תִּטְּעִ֣יa כְרָמִ֔ים בְּהָרֵ֖י שֹֽׁמְרֹ֑ון נָטְע֥וּb נֹטְעִ֖ים וְחִלֵּֽלוּc ׃

6 כִּ֣י יֶשׁ־יֹ֔ום קָרְא֥וּa נֹצְרִ֖ים בְּהַ֣ר אֶפְרָ֑יִם ק֚וּמוּb וְנַעֲלֶ֣הc צִיֹּ֔ון אֶל־יְהוָ֖ה אֱלֹהֵֽינוּ׃ פ

7 כִּי־כֹ֣ה׀ אָמַ֣רa יְהוָ֗ה רָנּ֤וּb לְיַֽעֲקֹב֙ שִׂמְחָ֔ה וְצַהֲל֖וּc בְּרֹ֣אשׁ הַגֹּויִ֑ם הַשְׁמִ֤יעוּd הַֽלְלוּ֙e וְאִמְר֔וּf הֹושַׁ֤עg יְהוָה֙ אֶֽת־עַמְּךָ֔ אֵ֖ת שְׁאֵרִ֥ית יִשְׂרָאֵֽל׃

8 הִנְנִי֩ מֵבִ֨יאa אֹותָ֜ם מֵאֶ֣רֶץ צָפֹ֗ון וְקִבַּצְתִּים֮b מִיַּרְכְּתֵיc ־אָרֶץ֒ בָּ֚ם עִוֵּ֣רd וּפִסֵּ֔חַe הָרָ֥הf וְיֹלֶ֖דֶת יַחְדָּ֑ו קָהָ֥ל גָּדֹ֖ול יָשׁ֥וּבוּg הֵֽנָּה׃

9 בִּבְכִ֣יa יָבֹ֗אוּb וּֽבְתַחֲנוּנִים֮c אֹֽובִילֵם֒d אֹֽולִיכֵם֙e אֶל־נַ֣חֲלֵי מַ֔יִם בְּדֶ֣רֶךְ יָשָׁ֔ר לֹ֥א יִכָּשְׁל֖וּf בָּ֑הּ כִּֽי־הָיִ֤יתִיg לְיִשְׂרָאֵל֙ לְאָ֔ב וְאֶפְרַ֖יִם בְּכֹ֥רִי הֽוּא׃ ס

10 שִׁמְע֤וּa דְבַר־יְהוָה֙ גֹּויִ֔ם וְהַגִּ֥ידוּb בָאִיִּ֖יםc מִמֶּרְחָ֑קd וְאִמְר֗וּe מְזָרֵ֤הf יִשְׂרָאֵל֙ יְקַבְּצֶ֔נּוּg וּשְׁמָרֹ֖וh כְּרֹעֶ֥ה עֶדְרֹֽוi ׃

11 כִּֽי־פָדָ֥הa יְהוָ֖ה אֶֽת־יַעֲקֹ֑ב וּגְאָלֹ֕וb מִיַּ֖ד חָזָ֥ק מִמֶּֽנּוּ׃

12 וּבָאוּ֮a וְרִנְּנ֣וּb בִמְרֹום־צִיֹּון֒ וְנָהֲר֞וּc אֶל־ט֣וּבd יְהוָ֗ה עַל־דָּגָן֙e וְעַל־תִּירֹ֣שׁf וְעַל־יִצְהָ֔רg וְעַל־בְּנֵי־צֹ֖אן וּבָקָ֑ר וְהָיְתָ֤הh נַפְשָׁם֙ כְּגַ֣ןi רָוֶ֔הj וְלֹא־יֹוסִ֥יפוּk לְדַאֲבָ֖הl עֹֽוד׃

13 אָ֣ז תִּשְׂמַ֤חa בְּתוּלָה֙ בְּמָחֹ֔ולb וּבַחֻרִ֥יםc וּזְקֵנִ֖ים יַחְדָּ֑ו וְהָפַכְתִּ֨יd אֶבְלָ֤םe לְשָׂשֹׂון֙f וְנִ֣חַמְתִּ֔יםg וְשִׂמַּחְתִּ֖יםh מִיגֹונָֽםi ׃

14 וְרִוֵּיתִ֛יa נֶ֥פֶשׁ הַכֹּהֲנִ֖ים דָּ֑שֶׁןb וְעַמִּ֛י אֶת־טוּבִ֥יc יִשְׂבָּ֖עוּd נְאֻם־יְהוָֽה׃ ס

15 כֹּ֣ה׀ אָמַ֣רa יְהוָ֗ה קֹ֣ול בְּרָמָ֤הb נִשְׁמָע֙c נְהִי֙d בְּכִ֣יe תַמְרוּרִ֔יםf רָחֵ֖לg מְבַכָּ֣הh עַל־בָּנֶ֑יהָ מֵאֲנָ֛הi לְהִנָּחֵ֥םj עַל־בָּנֶ֖יהָ כִּ֥י אֵינֶֽנּוּ׃ ס

16 כֹּ֣ה׀ אָמַ֣רa יְהוָ֗ה מִנְעִ֤יb קֹולֵךְ֙ מִבֶּ֔כִיc וְעֵינַ֖יִךְ מִדִּמְעָ֑הd כִּי֩ יֵ֨שׁ שָׂכָ֤רe לִפְעֻלָּתֵךְ֙f נְאֻם־יְהוָ֔ה וְשָׁ֖בוּg מֵאֶ֥רֶץ אֹויֵֽב׃

17 וְיֵשׁ־תִּקְוָ֥הa לְאַחֲרִיתֵ֖ךְ נְאֻם־יְהוָ֑ה וְשָׁ֥בוּb בָנִ֖ים לִגְבוּלָֽם׃ ס

18 שָׁמֹ֣ועַ שָׁמַ֗עְתִּיa אֶפְרַ֨יִם֙ מִתְנֹודֵ֔דb יִסַּרְתַּ֨נִי֙c וָֽאִוָּסֵ֔רd כְּעֵ֖גֶלe לֹ֣א לֻמָּ֑דf הֲשִׁיבֵ֣נִיg וְאָשׁ֔וּבָהh כִּ֥י אַתָּ֖ה יְהוָ֥ה אֱלֹהָֽי׃

19 כִּֽי־אַחֲרֵ֤י שׁוּבִי֙a נִחַ֔מְתִּיb וְאַֽחֲרֵי֙ הִוָּ֣דְעִ֔יc סָפַ֖קְתִּיd עַל־יָרֵ֑ךְe בֹּ֚שְׁתִּיf וְגַם־נִכְלַ֔מְתִּיg כִּ֥י נָשָׂ֖אתִיh חֶרְפַּ֥ת נְעוּרָֽיi ׃

20 הֲבֵן֩ יַקִּ֨ירa לִ֜י אֶפְרַ֗יִם אִ֚ם יֶ֣לֶד שַׁעֲשֻׁעִ֔יםb כִּֽי־מִדֵּ֤יc דַבְּרִי֙d בֹּ֔ו זָכֹ֥ר אֶזְכְּרֶ֖נּוּe עֹ֑וד עַל־כֵּ֗ן הָמ֤וּf מֵעַי֙g לֹ֔ו רַחֵ֥םh אֲֽרַחֲמֶ֖נּוּi נְאֻם־יְהוָֽה׃ ס

21 הַצִּ֧יבִיa לָ֣ךְ צִיֻּנִ֗יםb שִׂ֤מִיc לָךְ֙ תַּמְרוּרִ֔יםd שִׁ֣תִיe לִבֵּ֔ךְ לַֽמְסִלָּ֖הf דֶּ֣רֶךְ הלכתיg שׁ֚וּבִיh בְּתוּלַ֣ת יִשְׂרָאֵ֔ל שֻׁ֖בִיi אֶל־עָרַ֥יִךְ אֵֽלֶּה׃

22 עַד־מָתַי֙a תִּתְחַמָּקִ֔יןb הַבַּ֖ת הַשֹּֽׁובֵבָ֑הc כִּֽי־בָרָ֨אd יְהוָ֤ה חֲדָשָׁה֙ בָּאָ֔רֶץ נְקֵבָ֖הe תְּסֹ֥ובֵֽבf גָּֽבֶר׃ ס

23 כֹּֽה־אָמַ֞רa יְהוָ֤ה צְבָאֹות֙ אֱלֹהֵ֣י יִשְׂרָאֵ֔ל עֹ֣וד יֹאמְר֞וּb אֶת־הַדָּבָ֣ר הַזֶּ֗ה בְּאֶ֤רֶץ יְהוּדָה֙ וּבְעָרָ֔יו בְּשׁוּבִ֖יc אֶת־שְׁבוּתָ֑םd יְבָרֶכְךָ֧e יְהוָ֛ה נְוֵהf ־צֶ֖דֶק הַ֥ר הַקֹּֽדֶשׁ׃

24 וְיָ֥שְׁבוּa בָ֛הּ יְהוּדָ֥ה וְכָל־עָרָ֖יו יַחְדָּ֑ו אִכָּרִ֕יםb וְנָסְע֖וּc בַּעֵֽדֶרd ׃

25 כִּ֥י הִרְוֵ֖יתִיa נֶ֣פֶשׁ עֲיֵפָ֑הb וְכָל־נֶ֥פֶשׁ דָּאֲבָ֖הc מִלֵּֽאתִיd ׃

26 עַל־זֹ֖את הֱקִיצֹ֣תִיa וָאֶרְאֶ֑הb וּשְׁנָתִ֖יc עָ֥רְבָהd לִּֽי׃ ס

27 הִנֵּ֛ה יָמִ֥ים בָּאִ֖יםa נְאֻם־יְהוָ֑ה וְזָרַעְתִּ֗יb אֶת־בֵּ֤ית יִשְׂרָאֵל֙ וְאֶת־בֵּ֣ית יְהוּדָ֔ה זֶ֥רַע אָדָ֖ם וְזֶ֥רַע בְּהֵמָֽה׃

28 וְהָיָ֞הa כַּאֲשֶׁ֧ר שָׁקַ֣דְתִּיb עֲלֵיהֶ֗ם לִנְתֹ֧ושׁc וְלִנְתֹ֛וץd וְלַהֲרֹ֖סe וּלְהַאֲבִ֣ידf וּלְהָרֵ֑עַg כֵּ֣ן אֶשְׁקֹ֧דh עֲלֵיהֶ֛ם לִבְנֹ֥ותi וְלִנְטֹ֖ועַj נְאֻם־יְהוָֽה׃

29 בַּיָּמִ֣ים הָהֵ֔ם לֹא־יֹאמְר֣וּa עֹ֔וד אָבֹ֖ות אָ֣כְלוּb בֹ֑סֶרc וְשִׁנֵּ֥י בָנִ֖ים תִּקְהֶֽינָהd ׃

30 כִּ֛י אִם־אִ֥ישׁ בַּעֲוֹנֹ֖ו יָמ֑וּתa כָּל־הָֽאָדָ֛ם הָאֹכֵ֥לb הַבֹּ֖סֶרc תִּקְהֶ֥ינָהd שִׁנָּֽיו׃ ס

31 הִנֵּ֛ה יָמִ֥ים בָּאִ֖יםa נְאֻם־יְהוָ֑ה וְכָרַתִּ֗יb אֶת־בֵּ֧ית יִשְׂרָאֵ֛ל וְאֶת־בֵּ֥ית יְהוּדָ֖ה בְּרִ֥ית חֲדָשָֽׁה׃

32 לֹ֣א כַבְּרִ֗ית אֲשֶׁ֤ר כָּרַ֨תִּי֙a אֶת־אֲבֹותָ֔ם בְּיֹום֙ הֶחֱזִיקִ֣יb בְיָדָ֔ם לְהֹוצִיאָ֖םc מֵאֶ֖רֶץ מִצְרָ֑יִם אֲשֶׁר־הֵ֜מָּה הֵפֵ֣רוּd אֶת־בְּרִיתִ֗י וְאָנֹכִ֛י בָּעַ֥לְתִּיe בָ֖ם נְאֻם־יְהוָֽה׃

33 כִּ֣י זֹ֣את הַבְּרִ֡ית אֲשֶׁ֣ר אֶכְרֹת֩a אֶת־בֵּ֨ית יִשְׂרָאֵ֜ל אַחֲרֵ֨י הַיָּמִ֤ים הָהֵם֙ נְאֻם־יְהוָ֔ה נָתַ֤תִּיb אֶת־תֹּֽורָתִי֙ בְּקִרְבָּ֔ם וְעַל־לִבָּ֖ם אֶכְתֲּבֶ֑נָּהc וְהָיִ֤יתִיd לָהֶם֙ לֵֽאלֹהִ֔ים וְהֵ֖מָּה יִֽהְיוּe ־לִ֥י לְעָֽם׃

34 וְלֹ֧א יְלַמְּד֣וּa עֹ֗וד אִ֣ישׁ אֶת־רֵעֵ֜הוּ וְאִ֤ישׁ אֶת־אָחִיו֙ לֵאמֹ֔רb דְּע֖וּc אֶת־יְהוָ֑ה כִּֽי־כוּלָּם֩ יֵדְע֨וּd אֹותִ֜י לְמִקְטַנָּ֤םe וְעַד־גְּדֹולָם֙ נְאֻם־יְהוָ֔ה כִּ֤י אֶסְלַח֙f לַֽעֲוֹנָ֔ם וּלְחַטָּאתָ֖ם לֹ֥א אֶזְכָּרg ־עֹֽוד׃ ס

35 כֹּ֣ה׀ אָמַ֣רa יְהוָ֗ה נֹתֵ֥ןb שֶׁ֨מֶשׁ֙ לְאֹ֣ור יֹומָ֔ם חֻקֹּ֛ת יָרֵ֥חַc וְכֹוכָבִ֖יםd לְאֹ֣ור לָ֑יְלָה רֹגַ֤עe הַיָּם֙ וַיֶּהֱמ֣וּf גַלָּ֔יוg יְהוָ֥ה צְבָאֹ֖ות שְׁמֹֽו׃

36 אִם־יָמֻ֜שׁוּa הַחֻקִּ֥ים הָאֵ֛לֶּה מִלְּפָנַ֖י נְאֻם־יְהוָ֑ה גַּם֩ זֶ֨רַע יִשְׂרָאֵ֜ל יִשְׁבְּת֗וּb מִֽהְיֹ֥ותc גֹּ֛וי לְפָנַ֖י כָּל־הַיָּמִֽים׃ ס

37 כֹּ֣ה׀ אָמַ֣רa יְהוָ֗ה אִם־יִמַּ֤דּוּb שָׁמַ֨יִם֙ מִלְמַ֔עְלָה וְיֵחָקְר֥וּc מֹֽוסְדֵיd ־אֶ֖רֶץ לְמָ֑טָּהe גַּם־אֲנִ֞י אֶמְאַ֨סf בְּכָל־זֶ֧רַע יִשְׂרָאֵ֛ל עַֽל־כָּל־אֲשֶׁ֥ר עָשׂ֖וּg נְאֻם־יְהוָֽה׃ ס

38 הִנֵּ֛ה יָמִ֥ים a נְאֻם־יְהוָ֑ה וְנִבְנְתָ֤הb הָעִיר֙ לַֽיהוָ֔ה מִמִּגְדַּ֥לc חֲנַנְאֵ֖לd שַׁ֥עַר הַפִּנָּֽהe ׃

39 וְיָצָ֨אa עֹ֜וד קוהb הַמִּדָּה֙ נֶגְדֹּ֔ו עַ֖ל גִּבְעַ֣ת גָּרֵ֑בc וְנָסַ֖בd גֹּעָֽתָהe ׃

40 וְכָל־הָעֵ֣מֶק הַפְּגָרִ֣יםa ׀ וְהַדֶּ֡שֶׁןb וְכָֽל־השׁרמותc עַד־נַ֨חַל קִדְרֹ֜וןd עַד־פִּנַּ֨תe שַׁ֤עַר הַסּוּסִים֙ מִזְרָ֔חָה קֹ֖דֶשׁ לַֽיהוָ֑ה לֹֽא־יִנָּתֵ֧שׁf וְֽלֹא־יֵהָרֵ֛סg עֹ֖וד לְעֹולָֽם׃ ס