ירמיהו

הַדָּבָר֙ אֲשֶׁ֣ר הָיָ֣הa אֶֽל־יִרְמְיָ֔הוּ מֵאֵ֥ת יְהוָ֖ה לֵאמֹֽרb ׃

2 כֹּֽה־אָמַ֧רa יְהוָ֛ה אֱלֹהֵ֥י יִשְׂרָאֵ֖ל לֵאמֹ֑רb כְּתָבc ־לְךָ֗ אֵ֧ת כָּל־הַדְּבָרִ֛ים אֲשֶׁר־דִּבַּ֥רְתִּיd אֵלֶ֖יךָ אֶל־סֵֽפֶר׃

3 כִּ֠י הִנֵּ֨ה יָמִ֤ים בָּאִים֙a נְאֻם־יְהוָ֔ה וְ֠שַׁבְתִּיb אֶת־שְׁב֨וּתc עַמִּ֧י יִשְׂרָאֵ֛ל וִֽיהוּדָ֖ה אָמַ֣רd יְהוָ֑ה וַהֲשִׁבֹתִ֗יםe אֶל־הָאָ֛רֶץ אֲשֶׁר־נָתַ֥תִּיf לַאֲבֹותָ֖ם וִֽירֵשֽׁוּהָg ׃ פ

4 וְאֵ֣לֶּה הַדְּבָרִ֗ים אֲשֶׁ֨ר דִּבֶּ֧רa יְהוָ֛ה אֶל־יִשְׂרָאֵ֖ל וְאֶל־יְהוּדָֽה׃

5 כִּי־כֹה֙ אָמַ֣רa יְהוָ֔ה קֹ֥ול חֲרָדָ֖הb שָׁמָ֑עְנוּc פַּ֖חַדd וְאֵ֥ין שָׁלֹֽום׃

6 שַׁאֲלוּa ־נָ֣א וּרְא֔וּb אִם־יֹלֵ֖דc זָכָ֑ר מַדּוּעַ֩ רָאִ֨יתִיd כָל־גֶּ֜בֶר יָדָ֤יו עַל־חֲלָצָיו֙e כַּיֹּ֣ולֵדָ֔ה וְנֶהֶפְכ֥וּf כָל־פָּנִ֖ים לְיֵרָקֹֽוןg ׃

7 הֹ֗וי כִּ֥י גָדֹ֛ול הַיֹּ֥ום הַה֖וּא מֵאַ֣יִן כָּמֹ֑הוּ וְעֵֽת־צָרָ֥ה הִיא֙ לְיַֽעֲקֹ֔ב וּמִמֶּ֖נָּה יִוָּשֵֽׁעַa ׃

8 וְהָיָה֩a בַיֹּ֨ום הַה֜וּא נְאֻ֣ם׀ יְהוָ֣ה צְבָאֹ֗ות אֶשְׁבֹּ֤רb עֻלֹּו֙c מֵעַ֣ל צַוָּארֶ֔ךָd וּמֹוסְרֹותֶ֖יךָe אֲנַתֵּ֑קf וְלֹא־יַעַבְדוּg ־בֹ֥ו עֹ֖וד זָרִֽים׃

9 וְעָ֣בְד֔וּa אֵ֖ת יְהוָ֣ה אֱלֹֽהֵיהֶ֑ם וְאֵת֙ דָּוִ֣ד מַלְכָּ֔ם אֲשֶׁ֥ר אָקִ֖יםb לָהֶֽם׃ ס

10 וְאַתָּ֡ה אַל־תִּירָא֩a עַבְדִּ֨י יַעֲקֹ֤ב נְאֻם־יְהֹוָה֙ וְאַל־תֵּחַ֣תb יִשְׂרָאֵ֔ל כִּ֠י הִנְנִ֤י מֹושִֽׁיעֲךָ֙c מֵֽרָחֹ֔וק וְאֶֽת־זַרְעֲךָ֖ מֵאֶ֣רֶץ שִׁבְיָ֑םd וְשָׁ֧בe יַעֲקֹ֛ב וְשָׁקַ֥טf וְשַׁאֲנַ֖ןg וְאֵ֥ין מַחֲרִֽידh ׃

11 כִּֽי־אִתְּךָ֥ אֲנִ֛י נְאֻם־יְהוָ֖ה לְהֹֽושִׁיעֶ֑ךָa כִּי֩ אֶעֱשֶׂ֨הb כָלָ֜הc בְּכָֽל־הַגֹּויִ֣ם׀ אֲשֶׁ֧ר הֲפִצֹותִ֣יךָd שָּׁ֗ם אַ֤ךְ אֹֽתְךָ֙ לֹֽא־אֶעֱשֶׂ֣הe כָלָ֔הf וְיִסַּרְתִּ֨יךָ֙g לַמִּשְׁפָּ֔ט וְנַקֵּ֖הh לֹ֥א אֲנַקֶּֽךָּi ׃ פ

12 כִּ֣י כֹ֥ה אָמַ֛רa יְהוָ֖ה אָנ֣וּשׁb לְשִׁבְרֵ֑ךְc נַחְלָ֖הd מַכָּתֵֽךְe ׃

13 אֵֽין־דָּ֥ןa דִּינֵ֖ךְb לְמָזֹ֑ורc רְפֻאֹ֥ותd תְּעָלָ֖הe אֵ֥ין לָֽךְ׃

14 כָּל־מְאַהֲבַ֣יִךְ שְׁכֵח֔וּךְa אֹותָ֖ךְ לֹ֣א יִדְרֹ֑שׁוּb כִּי֩ מַכַּ֨תc אֹויֵ֤ב הִכִּיתִיךְ֙d מוּסַ֣ר אַכְזָרִ֔יe עַ֚ל רֹ֣ב עֲוֹנֵ֔ךְ עָצְמ֖וּf חַטֹּאתָֽיִךְ׃

15 מַה־תִּזְעַק֙a עַל־שִׁבְרֵ֔ךְb אָנ֖וּשׁc מַכְאֹבֵ֑ךְd עַ֣ל׀ רֹ֣ב עֲוֹנֵ֗ךְ עָֽצְמוּ֙e חַטֹּאתַ֔יִךְ עָשִׂ֥יתִיf אֵ֖לֶּה לָֽךְ׃

16 לָכֵ֞ן כָּל־אֹכְלַ֨יִךְ֙ יֵאָכֵ֔לוּa וְכָל־צָרַ֥יִךְ כֻּלָּ֖ם בַּשְּׁבִ֣יb יֵלֵ֑כוּc וְהָי֤וּd שֹׁאסַ֨יִךְ֙e לִמְשִׁסָּ֔הf וְכָל־בֹּזְזַ֖יִךְg אֶתֵּ֥ןh לָבַֽזi ׃

17 כִּי֩ אַעֲלֶ֨הa אֲרֻכָ֥הb לָ֛ךְ וּמִמַּכֹּותַ֥יִךְc אֶרְפָּאֵ֖ךְd נְאֻם־יְהוָ֑ה כִּ֤י נִדָּחָה֙ קָ֣רְאוּe לָ֔ךְ צִיֹּ֣ון הִ֔יא דֹּרֵ֖שׁ אֵ֥ין לָֽהּ׃ ס

18 כֹּ֣ה׀ אָמַ֣רa יְהוָ֗ה הִנְנִי־שָׁב֙b שְׁבוּת֙c אָהֳלֵ֣י יַֽעֲקֹ֔וב וּמִשְׁכְּנֹתָ֖יו אֲרַחֵ֑םd וְנִבְנְתָ֥הe עִיר֙ עַל־תִּלָּ֔הּf וְאַרְמֹ֖וןg עַל־מִשְׁפָּטֹ֥ו יֵשֵֽׁבh ׃

19 וְיָצָ֥אa מֵהֶ֛ם תֹּודָ֖הb וְקֹ֣ול מְשַׂחֲקִ֑יםc וְהִרְבִּתִים֙d וְלֹ֣א יִמְעָ֔טוּe וְהִכְבַּדְתִּ֖יםf וְלֹ֥א יִצְעָֽרוּg ׃

20 וְהָי֤וּa בָנָיו֙ כְּקֶ֔דֶם וַעֲדָתֹ֖ו לְפָנַ֣י תִּכֹּ֑וןb וּפָ֣קַדְתִּ֔יc עַ֖ל כָּל־לֹחֲצָֽיוd ׃

21 וְהָיָ֨הa אַדִּירֹ֜וb מִמֶּ֗נּוּ וּמֹֽשְׁלֹו֙ מִקִּרְבֹּ֣ו יֵצֵ֔אc וְהִקְרַבְתִּ֖יוd וְנִגַּ֣שׁe אֵלָ֑י כִּי֩ מִ֨י הוּא־זֶ֜ה עָרַ֧בf אֶת־לִבֹּ֛ו לָגֶ֥שֶׁתg אֵלַ֖י נְאֻם־יְהוָֽה׃

22 וִהְיִ֥יתֶםa לִ֖י לְעָ֑ם וְאָ֣נֹכִ֔י אֶהְיֶ֥הb לָכֶ֖ם לֵאלֹהִֽים׃ ס

23 הִנֵּ֣ה׀ סַעֲרַ֣תa יְהוָ֗ה חֵמָה֙ יָֽצְאָ֔הb סַ֖עַרc מִתְגֹּורֵ֑ר עַ֛ל רֹ֥אשׁ רְשָׁעִ֖ים יָחֽוּלd ׃

24 לֹ֣א יָשׁ֗וּבa חֲרֹון֙b אַף־יְהוָ֔ה עַד־עֲשֹׂתֹ֥וc וְעַד־הֲקִימֹ֖וd מְזִמֹּ֣ותe לִבֹּ֑ו בְּאַחֲרִ֥ית הַיָּמִ֖ים תִּתְבֹּ֥ונְנוּf בָֽהּ׃