ירמיהו

וְאֵ֨לֶּה֙ דִּבְרֵ֣י הַסֵּ֔פֶר אֲשֶׁ֥ר שָׁלַ֛חa יִרְמְיָ֥הb הַנָּבִ֖יא מִירוּשָׁלִָ֑ם אֶל־יֶ֜תֶר זִקְנֵ֣י הַגֹּולָ֗הc וְאֶל־הַכֹּהֲנִ֤ים וְאֶל־הַנְּבִיאִים֙ וְאֶל־כָּל־הָעָ֔ם אֲשֶׁ֨ר הֶגְלָ֧הd נְבֽוּכַדְנֶאצַּ֛רe מִירוּשָׁלִַ֖ם בָּבֶֽלָה׃

2 אַחֲרֵ֣י צֵ֣אתa יְכָנְיָֽהb ־הַ֠מֶּלֶךְ וְהַגְּבִירָ֨הc וְהַסָּרִיסִ֜יםd שָׂרֵ֨י יְהוּדָ֧ה וִירוּשָׁלִַ֛ם וְהֶחָרָ֥שׁe וְהַמַּסְגֵּ֖רf מִירוּשָׁלִָֽם׃

3 בְּיַד֙ אֶלְעָשָׂ֣הa בֶן־שָׁפָ֔ןb וּגְמַרְיָ֖הc בֶּן־חִלְקִיָּ֑הd אֲשֶׁ֨ר שָׁלַ֜חe צִדְקִיָּ֣הf מֶֽלֶךְ־יְהוּדָ֗ה אֶל־נְבוּכַדְנֶאצַּ֛רg מֶ֥לֶךְ בָּבֶ֖ל בָּבֶ֥לָה לֵאמֹֽרh ׃ ס

4 כֹּ֥ה אָמַ֛רa יְהוָ֥ה צְבָאֹ֖ות אֱלֹהֵ֣י יִשְׂרָאֵ֑ל לְכָל־הַ֨גֹּולָ֔הb אֲשֶׁר־הִגְלֵ֥יתִיc מִירוּשָׁלִַ֖ם בָּבֶֽלָה׃

5 בְּנ֥וּa בָתִּ֖ים וְשֵׁ֑בוּb וְנִטְע֣וּc גַנֹּ֔ותd וְאִכְל֖וּe אֶת־פִּרְיָֽן׃

6 קְח֣וּa נָשִׁ֗ים וְהֹולִידוּ֮b בָּנִ֣ים וּבָנֹות֒ וּקְח֨וּc לִבְנֵיכֶ֜ם נָשִׁ֗ים וְאֶת־בְּנֹֽותֵיכֶם֙ תְּנ֣וּd לַֽאֲנָשִׁ֔ים וְתֵלַ֖דְנָהe בָּנִ֣ים וּבָנֹ֑ות וּרְבוּf ־שָׁ֖ם וְאַל־תִּמְעָֽטוּg ׃

7 וְדִרְשׁ֞וּa אֶת־שְׁלֹ֣ום הָעִ֗יר אֲשֶׁ֨ר הִגְלֵ֤יתִיb אֶתְכֶם֙ שָׁ֔מָּה וְהִתְפַּֽלְל֥וּc בַעֲדָ֖הּ אֶל־יְהוָ֑ה כִּ֣י בִשְׁלֹומָ֔הּ יִהְיֶ֥הd לָכֶ֖ם שָׁלֹֽום׃ פ

8 כִּי֩ כֹ֨ה אָמַ֜רa יְהוָ֤ה צְבָאֹות֙ אֱלֹהֵ֣י יִשְׂרָאֵ֔ל אַל־יַשִּׁ֧יאוּb לָכֶ֛ם נְבִֽיאֵיכֶ֥ם אֲשֶׁר־בְּקִרְבְּכֶ֖ם וְקֹֽסְמֵיכֶ֑םc וְאַֽל־תִּשְׁמְעוּ֙d אֶל־חֲלֹמֹ֣תֵיכֶ֔ם אֲשֶׁ֥ר אַתֶּ֖ם מַחְלְמִֽיםe ׃

9 כִּ֣י בְשֶׁ֔קֶר הֵ֛ם נִבְּאִ֥יםa לָכֶ֖ם בִּשְׁמִ֑י לֹ֥א שְׁלַחְתִּ֖יםb נְאֻם־יְהוָֽה׃ ס

10 כִּֽי־כֹה֙ אָמַ֣רa יְהוָ֔ה כִּ֠י לְפִ֞י מְלֹ֧אתb לְבָבֶ֛ל שִׁבְעִ֥ים שָׁנָ֖ה אֶפְקֹ֣דc אֶתְכֶ֑ם וַהֲקִמֹתִ֤יd עֲלֵיכֶם֙ אֶת־דְּבָרִ֣י הַטֹּ֔וב לְהָשִׁ֣יבe אֶתְכֶ֔ם אֶל־הַמָּקֹ֖ום הַזֶּֽה׃

11 כִּי֩ אָנֹכִ֨י יָדַ֜עְתִּיa אֶת־הַמַּחֲשָׁבֹ֗תb אֲשֶׁ֧ר אָנֹכִ֛י חֹשֵׁ֥בc עֲלֵיכֶ֖ם נְאֻם־יְהוָ֑ה מַחְשְׁבֹ֤ותd שָׁלֹום֙ וְלֹ֣א לְרָעָ֔ה לָתֵ֥תe לָכֶ֖ם אַחֲרִ֥ית וְתִקְוָֽהf ׃

12 וּקְרָאתֶ֤םa אֹתִי֙ וַֽהֲלַכְתֶּ֔םb וְהִתְפַּלַּלְתֶּ֖םc אֵלָ֑י וְשָׁמַעְתִּ֖יd אֲלֵיכֶֽם׃

13 וּבִקַּשְׁתֶּ֥םa אֹתִ֖י וּמְצָאתֶ֑םb כִּ֥י תִדְרְשֻׁ֖נִיc בְּכָל־לְבַבְכֶֽם׃

14 וְנִמְצֵ֣אתִיa לָכֶם֮ נְאֻם־יְהוָה֒ וְשַׁבְתִּ֣יb אֶת־שׁביתכםc וְקִבַּצְתִּ֣יd אֶ֠תְכֶם מִֽכָּל־הַגֹּויִ֞ם וּמִכָּל־הַמְּקֹומֹ֗ות אֲשֶׁ֨ר הִדַּ֧חְתִּיe אֶתְכֶ֛ם שָׁ֖ם נְאֻם־יְהוָ֑ה וַהֲשִׁבֹתִ֣יf אֶתְכֶ֔ם אֶל־הַ֨מָּקֹ֔ום אֲשֶׁר־הִגְלֵ֥יתִיg אֶתְכֶ֖ם מִשָּֽׁם׃

15 כִּ֖י אֲמַרְתֶּ֑םa הֵקִ֨יםb לָ֧נוּ יְהוָ֛ה נְבִאִ֖ים בָּבֶֽלָה׃ ס

16 כִּי־כֹ֣ה׀ אָמַ֣רa יְהוָ֗ה אֶל־הַמֶּ֨לֶךְ֙ הַיֹּושֵׁב֙b אֶל־כִּסֵּ֣א דָוִ֔ד וְאֶל־כָּל־הָעָ֔ם הַיֹּושֵׁ֖בc בָּעִ֣יר הַזֹּ֑את אֲחֵיכֶ֕ם אֲשֶׁ֛ר לֹֽא־יָצְא֥וּd אִתְּכֶ֖ם בַּגֹּולָֽהe ׃

17 כֹּ֤ה אָמַר֙a יְהוָ֣ה צְבָאֹ֔ות הִנְנִי֙ מְשַׁלֵּ֣חַb בָּ֔ם אֶת־הַחֶ֖רֶב אֶת־הָרָעָ֣ב וְאֶת־הַדָּ֑בֶרc וְנָתַתִּ֣יd אֹותָ֗ם כַּתְּאֵנִים֙e הַשֹּׁ֣עָרִ֔יםf אֲשֶׁ֥ר לֹא־תֵאָכַ֖לְנָהg מֵרֹֽעַh ׃

18 וְרָֽדַפְתִּי֙a אַֽחֲרֵיהֶ֔ם בַּחֶ֖רֶב בָּרָעָ֣ב וּבַדָּ֑בֶרb וּנְתַתִּ֨יםc לזועהd לְכֹ֣ל׀ מַמְלְכֹ֣ות הָאָ֗רֶץ לְאָלָ֤הe וּלְשַׁמָּה֙f וְלִשְׁרֵקָ֣הg וּלְחֶרְפָּ֔ה בְּכָל־הַגֹּויִ֖ם אֲשֶׁר־הִדַּחְתִּ֥יםh שָֽׁם׃

19 תַּ֛חַת אֲשֶֽׁר־לֹא־שָׁמְע֥וּa אֶל־דְּבָרַ֖י נְאֻם־יְהוָ֑ה אֲשֶׁר֩ שָׁלַ֨חְתִּיb אֲלֵיהֶ֜ם אֶת־עֲבָדַ֤י הַנְּבִאִים֙ הַשְׁכֵּ֣םc וְשָׁלֹ֔חַd וְלֹ֥א שְׁמַעְתֶּ֖םe נְאֻם־יְהוָֽה׃

20 וְאַתֶּ֖ם שִׁמְע֣וּa דְבַר־יְהוָ֑ה כָּל־הַ֨גֹּולָ֔הb אֲשֶׁר־שִׁלַּ֥חְתִּיc מִירוּשָׁלִַ֖ם בָּבֶֽלָה׃ ס

21 כֹּֽה־אָמַר֩a יְהוָ֨ה צְבָאֹ֜ות אֱלֹהֵ֣י יִשְׂרָאֵ֗ל אֶל־אַחְאָ֤ב בֶּן־קֹֽולָיָה֙b וְאֶל־צִדְקִיָּ֣הוּ בֶן־מַֽעֲשֵׂיָ֔הc הַֽנִּבְּאִ֥יםd לָכֶ֛ם בִּשְׁמִ֖י שָׁ֑קֶר הִנְנִ֣י׀ נֹתֵ֣ןe אֹתָ֗ם בְּיַד֙ נְבֽוּכַדְרֶאצַּ֣רf מֶֽלֶךְ־בָּבֶ֔ל וְהִכָּ֖םg לְעֵינֵיכֶֽם׃

22 וְלֻקַּ֤חa מֵהֶם֙ קְלָלָ֔הb לְכֹל֙ גָּל֣וּתc יְהוּדָ֔ה אֲשֶׁ֥ר בְּבָבֶ֖ל לֵאמֹ֑רd יְשִֽׂמְךָ֤e יְהוָה֙ כְּצִדְקִיָּ֣הוּ וּכְאֶחָ֔ב אֲשֶׁר־קָלָ֥םf מֶֽלֶךְ־בָּבֶ֖ל בָּאֵֽשׁ׃

23 יַ֡עַן אֲשֶׁר֩ עָשׂ֨וּa נְבָלָ֜הb בְּיִשְׂרָאֵ֗ל וַיְנַֽאֲפוּ֙c אֶת־נְשֵׁ֣י רֵֽעֵיהֶ֔ם וַיְדַבְּר֨וּd דָבָ֤ר בִּשְׁמִי֙ שֶׁ֔קֶר אֲשֶׁ֖ר לֹ֣וא צִוִּיתִ֑םe וְאָנֹכִ֛י הוידעf וָעֵ֖ד נְאֻם־יְהוָֽה׃ ס

24 וְאֶל־שְׁמַעְיָ֥הוּa הַנֶּחֱלָמִ֖יb תֹּאמַ֥רc לֵאמֹֽרd ׃

25 כֹּֽה־אָמַ֞רa יְהוָ֧ה צְבָאֹ֛ות אֱלֹהֵ֥י יִשְׂרָאֵ֖ל לֵאמֹ֑רb יַ֡עַן אֲשֶׁ֣ר אַתָּה֩ שָׁלַ֨חְתָּc בְשִׁמְכָ֜ה סְפָרִ֗ים אֶל־כָּל־הָעָם֙ אֲשֶׁ֣ר בִּירוּשָׁלִַ֔ם וְאֶל־צְפַנְיָ֤הd בֶן־מַֽעֲשֵׂיָה֙e הַכֹּהֵ֔ן וְאֶ֥ל כָּל־הַכֹּהֲנִ֖ים לֵאמֹֽרf ׃

26 יְהוָ֞ה נְתָנְךָ֣a כֹהֵ֗ן תַּ֚חַת יְהֹויָדָ֣ע הַכֹּהֵ֔ן לִֽהְיֹ֤ותb פְּקִדִים֙c בֵּ֣ית יְהוָ֔ה לְכָל־אִ֥ישׁ מְשֻׁגָּ֖עd וּמִתְנַבֵּ֑א וְנָתַתָּ֥הe אֹתֹ֛ו אֶל־הַמַּהְפֶּ֖כֶתf וְאֶל־הַצִּינֹֽקg ׃

27 וְעַתָּ֗ה לָ֚מָּה לֹ֣א גָעַ֔רְתָּa בְּיִרְמְיָ֖הוּ הָֽעֲנְּתֹתִ֑יb הַמִּתְנַבֵּ֖אc לָכֶֽם׃

28 כִּ֣י עַל־כֵּ֞ן שָׁלַ֥חa אֵלֵ֛ינוּ בָּבֶ֥ל לֵאמֹ֖רb אֲרֻכָּ֣הc הִ֑יא בְּנ֤וּd בָתִּים֙ וְשֵׁ֔בוּe וְנִטְע֣וּf גַנֹּ֔ותg וְאִכְל֖וּh אֶת־פְּרִיהֶֽן׃

29 וַיִּקְרָ֛אa צְפַנְיָ֥הb הַכֹּהֵ֖ן אֶת־הַסֵּ֣פֶר הַזֶּ֑ה בְּאָזְנֵ֖י יִרְמְיָ֥הוּ הַנָּבִֽיא׃ פ

30 וַֽיְהִי֙a דְּבַר־יְהוָ֔ה אֶֽל־יִרְמְיָ֖הוּ לֵאמֹֽרb ׃

31 שְׁלַ֤חa עַל־כָּל־הַגֹּולָה֙b לֵאמֹ֔רc כֹּ֚ה אָמַ֣רd יְהוָ֔ה אֶל־שְׁמַעְיָ֖הe הַנֶּחֱלָמִ֑יf יַ֡עַן אֲשֶׁר֩ נִבָּ֨אg לָכֶ֜ם שְׁמַעְיָ֗הh וַֽאֲנִי֙ לֹ֣א שְׁלַחְתִּ֔יוi וַיַּבְטַ֥חj אֶתְכֶ֖ם עַל־שָֽׁקֶר׃

32 לָכֵ֞ן כֹּֽה־אָמַ֣רa יְהוָ֗ה הִנְנִ֨י פֹקֵ֜דb עַל־שְׁמַעְיָ֣הc הַנֶּחֱלָמִי֮d וְעַל־זַרְעֹו֒ לֹא־יִהְיֶ֨הe לֹ֜ו אִ֣ישׁ׀ יֹושֵׁ֣בf ׀ בְּתֹוךְ־הָעָ֣ם הַזֶּ֗ה וְלֹֽא־יִרְאֶ֥הg בַטֹּ֛וב אֲשֶׁר־אֲנִ֥י עֹשֶֽׂהh ־לְעַמִּ֖י נְאֻם־יְהוָ֑ה כִּֽי־סָרָ֥הi דִבֶּ֖רj עַל־יְהוָֽה׃ ס