ירמיהו

וַיְהִ֣יa ׀ בַּשָּׁנָ֣ה הַהִ֗יא בְּרֵאשִׁית֙ מַמְלֶ֨כֶת֙b צִדְקִיָּ֣הc מֶֽלֶךְ־יְהוּדָ֔ה בשׁנתd הָֽרְבִעִ֔ית בַּחֹ֖דֶשׁ הַחֲמִישִׁ֑יe אָמַ֣רf אֵלַ֡י חֲנַנְיָה֩g בֶן־עַזּ֨וּרh הַנָּבִ֜יא אֲשֶׁ֤ר מִגִּבְעֹון֙i בְּבֵ֣ית יְהוָ֔ה לְעֵינֵ֧י הַכֹּהֲנִ֛ים וְכָל־הָעָ֖ם לֵאמֹֽרj ׃

2 כֹּֽה־אָמַ֞רa יְהוָ֧ה צְבָאֹ֛ות אֱלֹהֵ֥י יִשְׂרָאֵ֖ל לֵאמֹ֑רb שָׁבַ֞רְתִּיc אֶת־עֹ֖לd מֶ֥לֶךְ בָּבֶֽל׃

3 בְּעֹ֣וד׀ שְׁנָתַ֣יִם יָמִ֗ים אֲנִ֤י מֵשִׁיב֙a אֶל־הַמָּקֹ֣ום הַזֶּ֔ה אֶֽת־כָּל־כְּלֵ֖י בֵּ֣ית יְהוָ֑ה אֲשֶׁ֨ר לָקַ֜חb נְבוּכַדנֶאצַּ֤רc מֶֽלֶךְ־בָּבֶל֙ מִן־הַמָּקֹ֣ום הַזֶּ֔ה וַיְבִיאֵ֖םd בָּבֶֽל׃

4 וְאֶת־יְכָנְיָ֣הa בֶן־יְהֹויָקִ֣יםb מֶֽלֶךְ־יְ֠הוּדָה וְאֶת־כָּל־גָּל֨וּתc יְהוּדָ֜ה הַבָּאִ֣יםd בָּבֶ֗לָה אֲנִ֥י מֵשִׁ֛יבe אֶל־הַמָּקֹ֥ום הַזֶּ֖ה נְאֻם־יְהוָ֑ה כִּ֣י אֶשְׁבֹּ֔רf אֶת־עֹ֖לg מֶ֥לֶךְ בָּבֶֽל׃

5 וַיֹּ֨אמֶר֙a יִרְמְיָ֣הb הַנָּבִ֔יא אֶל־חֲנַנְיָ֖הc הַנָּבִ֑יא לְעֵינֵ֤י הַכֹּֽהֲנִים֙ וּלְעֵינֵ֣י כָל־הָעָ֔ם הָעֹמְדִ֖יםd בְּבֵ֥ית יְהוָֽה׃

6 וַיֹּ֨אמֶר֙a יִרְמְיָ֣הb הַנָּבִ֔יא אָמֵ֕ןc כֵּ֖ן יַעֲשֶׂ֣הd יְהוָ֑ה יָקֵ֤םe יְהוָה֙ אֶת־דְּבָרֶ֔יךָ אֲשֶׁ֣ר נִבֵּ֗אתָf לְהָשִׁ֞יבg כְּלֵ֤י בֵית־יְהוָה֙ וְכָל־הַגֹּולָ֔הh מִבָּבֶ֖ל אֶל־הַמָּקֹ֥ום הַזֶּֽה׃

7 אַךְ־שְׁמַֽעa ־נָא֙ הַדָּבָ֣ר הַזֶּ֔ה אֲשֶׁ֥ר אָנֹכִ֖י דֹּבֵ֣רb בְּאָזְנֶ֑יךָ וּבְאָזְנֵ֖י כָּל־הָעָֽם׃

8 הַנְּבִיאִ֗ים אֲשֶׁ֨ר הָי֧וּa לְפָנַ֛י וּלְפָנֶ֖יךָ מִן־הָֽעֹולָ֑ם וַיִּנָּ֨בְא֜וּb אֶל־אֲרָצֹ֤ות רַבֹּות֙ וְעַל־מַמְלָכֹ֣ות גְּדֹלֹ֔ות לְמִלְחָמָ֖ה וּלְרָעָ֥ה וּלְדָֽבֶרc ׃

9 הַנָּבִ֕יא אֲשֶׁ֥ר יִנָּבֵ֖אa לְשָׁלֹ֑ום בְּבֹא֙b דְּבַ֣ר הַנָּבִ֗יא יִוָּדַע֙c הַנָּבִ֔יא אֲשֶׁר־שְׁלָחֹ֥וd יְהוָ֖ה בֶּאֱמֶֽת׃

10 וַיִּקַּ֞חa חֲנַנְיָ֤הb הַנָּבִיא֙ אֶת־הַמֹּוטָ֔הc מֵעַ֕ל צַוַּ֖ארd יִרְמְיָ֣הe הַנָּבִ֑יא וַֽיִּשְׁבְּרֵֽהוּf ׃

11 וַיֹּ֣אמֶרa חֲנַנְיָה֩b לְעֵינֵ֨י כָל־הָעָ֜ם לֵאמֹ֗רc כֹּה֮ אָמַ֣רd יְהוָה֒ כָּ֣כָהe אֶשְׁבֹּ֞רf אֶת־עֹ֣לg ׀ נְבֻֽכַדְנֶאצַּ֣רh מֶֽלֶךְ־בָּבֶ֗ל בְּעֹוד֙ שְׁנָתַ֣יִם יָמִ֔ים מֵעַ֕ל־צַוַּ֖ארi כָּל־הַגֹּויִ֑ם וַיֵּ֛לֶךְj יִרְמְיָ֥הk הַנָּבִ֖יא לְדַרְכֹּֽו׃ פ

12 וַיְהִ֥יa דְבַר־יְהוָ֖ה אֶֽל־יִרְמְיָ֑הb אַ֠חֲרֵי שְׁבֹ֞ורc חֲנַנְיָ֤הd הַנָּבִיא֙ אֶת־הַמֹּוטָ֔הe מֵעַ֗ל צַוַּ֛ארf יִרְמְיָ֥הg הַנָּבִ֖יא לֵאמֹֽרh ׃

13 הָלֹוךְ֩a וְאָמַרְתָּ֨b אֶל־חֲנַנְיָ֜הc לֵאמֹ֗רd כֹּ֚ה אָמַ֣רe יְהוָ֔ה מֹוטֹ֥תf עֵ֖ץ שָׁבָ֑רְתָּg וְעָשִׂ֥יתָh תַחְתֵּיהֶ֖ן מֹטֹ֥ותi בַּרְזֶֽל׃

14 כִּ֣י כֹֽה־אָמַר֩a יְהוָ֨ה צְבָאֹ֜ות אֱלֹהֵ֣י יִשְׂרָאֵ֗ל עֹ֣לb בַּרְזֶ֡ל נָתַ֜תִּיc עַל־צַוַּ֣ארd ׀ כָּל־הַגֹּויִ֣ם הָאֵ֗לֶּה לַעֲבֹ֛דe אֶת־נְבֻכַדְנֶאצַּ֥רf מֶֽלֶךְ־בָּבֶ֖ל וַעֲבָדֻ֑הוּg וְגַ֛ם אֶת־חַיַּ֥ת הַשָּׂדֶ֖ה נָתַ֥תִּיh לֹֽו׃

15 וַיֹּ֨אמֶרa יִרְמְיָ֧הb הַנָּבִ֛יא אֶל־חֲנַנְיָ֥הc הַנָּבִ֖יא שְׁמַֽעd ־נָ֣א חֲנַנְיָ֑הe לֹֽא־שְׁלָחֲךָ֣f יְהוָ֔ה וְאַתָּ֗ה הִבְטַ֛חְתָּg אֶת־הָעָ֥ם הַזֶּ֖ה עַל־שָֽׁקֶר׃

16 לָכֵ֗ן כֹּ֚ה אָמַ֣רa יְהוָ֔ה הִנְנִי֙ מְשַֽׁלֵּֽחֲךָ֔b מֵעַ֖ל פְּנֵ֣י הָאֲדָמָ֑ה הַשָּׁנָה֙ אַתָּ֣ה מֵ֔תc כִּֽי־סָרָ֥הd דִבַּ֖רְתָּe אֶל־יְהוָֽה׃

17 וַיָּ֛מָתa חֲנַנְיָ֥הb הַנָּבִ֖יא בַּשָּׁנָ֣ה הַהִ֑יא בַּחֹ֖דֶשׁ הַשְּׁבִיעִֽי׃ פ