ירמיהו

בְּרֵאשִׁ֗ית מַמְלְכ֛וּתa יְהֹויָקִ֥יםb בֶּן־יֹאשִׁיָּ֖הוּ מֶ֣לֶךְ יְהוּדָ֑ה הָיָה֙c הַדָּבָ֣ר הַזֶּ֔ה מֵאֵ֥ת יְהוָ֖ה לֵאמֹֽרd ׃

2 כֹּ֣ה׀ אָמַ֣רa יְהוָ֗ה עֲמֹד֮b בַּחֲצַ֣ר בֵּית־יְהוָה֒ וְדִבַּרְתָּ֞c עַל־כָּל־עָרֵ֣י יְהוּדָ֗ה הַבָּאִים֙d לְהִשְׁתַּחֲוֹ֣תe בֵּית־יְהוָ֔ה אֵ֚ת כָּל־הַדְּבָרִ֔ים אֲשֶׁ֥ר צִוִּיתִ֖יךָf לְדַבֵּ֣רg אֲלֵיהֶ֑ם אַל־תִּגְרַ֖עh דָּבָֽר׃

3 אוּלַ֣יa יִשְׁמְע֔וּb וְיָשֻׁ֕בוּc אִ֖ישׁ מִדַּרְכֹּ֣ו הָרָעָ֑ה וְנִחַמְתִּ֣יd אֶל־הָרָעָ֗ה אֲשֶׁ֨ר אָנֹכִ֤י חֹשֵׁב֙e לַעֲשֹׂ֣ותf לָהֶ֔ם מִפְּנֵ֖י רֹ֥עַg מַעַלְלֵיהֶֽםh ׃

4 וְאָמַרְתָּ֣a אֲלֵיהֶ֔ם כֹּ֖ה אָמַ֣רb יְהוָ֑ה אִם־לֹ֤א תִשְׁמְעוּ֙c אֵלַ֔י לָלֶ֨כֶת֙d בְּתֹ֣ורָתִ֔י אֲשֶׁ֥ר נָתַ֖תִּיe לִפְנֵיכֶֽם׃

5 לִשְׁמֹ֗עַa עַל־דִּבְרֵ֨י עֲבָדַ֣י הַנְּבִאִ֔ים אֲשֶׁ֥ר אָנֹכִ֖י שֹׁלֵ֣חַb אֲלֵיכֶ֑ם וְהַשְׁכֵּ֥םc וְשָׁלֹ֖חַd וְלֹ֥א שְׁמַעְתֶּֽםe ׃

6 וְנָתַתִּ֛יa אֶת־הַבַּ֥יִת הַזֶּ֖ה כְּשִׁלֹ֑הb וְאֶת־הָעִ֤יר הזאתהc אֶתֵּ֣ןd לִקְלָלָ֔הe לְכֹ֖ל גֹּויֵ֥י הָאָֽרֶץ׃ ס

7 וַֽיִּשְׁמְע֛וּa הַכֹּהֲנִ֥ים וְהַנְּבִאִ֖ים וְכָל־הָעָ֑ם אֶֽת־יִרְמְיָ֔הוּ מְדַבֵּ֛רb אֶת־הַדְּבָרִ֥ים הָאֵ֖לֶּה בְּבֵ֥ית יְהוָֽה׃

8 וַיְהִ֣יa ׀ כְּכַלֹּ֣ותb יִרְמְיָ֗הוּ לְדַבֵּר֙c אֵ֣ת כָּל־אֲשֶׁר־צִוָּ֣הd יְהוָ֔ה לְדַבֵּ֖רe אֶל־כָּל־הָעָ֑ם וַיִּתְפְּשׂ֨וּf אֹתֹ֜ו הַכֹּהֲנִ֧ים וְהַנְּבִאִ֛ים וְכָל־הָעָ֥ם לֵאמֹ֖רg מֹ֥ות תָּמֽוּתh ׃

9 מַדּוּעַ֩ נִבֵּ֨יתָa בְשֵׁם־יְהוָ֜ה לֵאמֹ֗רb כְּשִׁלֹו֙c יִֽהְיֶה֙d הַבַּ֣יִת הַזֶּ֔ה וְהָעִ֥יר הַזֹּ֛את תֶּחֱרַ֖בe מֵאֵ֣ין יֹושֵׁ֑ב וַיִּקָּהֵ֧לf כָּל־הָעָ֛ם אֶֽל־יִרְמְיָ֖הוּ בְּבֵ֥ית יְהוָֽה׃

10 וַֽיִּשְׁמְע֣וּa ׀ שָׂרֵ֣י יְהוּדָ֗ה אֵ֚ת הַדְּבָרִ֣ים הָאֵ֔לֶּה וַיַּעֲל֥וּb מִבֵּית־הַמֶּ֖לֶךְ בֵּ֣ית יְהוָ֑ה וַיֵּֽשְׁב֛וּc בְּפֶ֥תַח שַֽׁעַר־יְהוָ֖ה הֶחָדָֽשׁ׃ ס

11 וַיֹּ֨אמְר֜וּa הַכֹּהֲנִ֤ים וְהַנְּבִאִים֙ אֶל־הַשָּׂרִ֔ים וְאֶל־כָּל־הָעָ֖ם לֵאמֹ֑רb מִשְׁפַּט־מָ֨וֶת֙ לָאִ֣ישׁ הַזֶּ֔ה כִּ֤י נִבָּא֙c אֶל־הָעִ֣יר הַזֹּ֔את כַּאֲשֶׁ֥ר שְׁמַעְתֶּ֖םd בְּאָזְנֵיכֶֽם׃

12 וַיֹּ֤אמֶרa יִרְמְיָ֨הוּ֙ אֶל־כָּל־הַשָּׂרִ֔ים וְאֶל־כָּל־הָעָ֖ם לֵאמֹ֑רb יְהוָ֣ה שְׁלָחַ֗נִיc לְהִנָּבֵ֞אd אֶל־הַבַּ֤יִת הַזֶּה֙ וְאֶל־הָעִ֣יר הַזֹּ֔את אֵ֥ת כָּל־הַדְּבָרִ֖ים אֲשֶׁ֥ר שְׁמַעְתֶּֽםe ׃

13 וְעַתָּ֗ה הֵיטִ֤יבוּa דַרְכֵיכֶם֙ וּמַ֣עַלְלֵיכֶ֔םb וְשִׁמְע֕וּc בְּקֹ֖ול יְהוָ֣ה אֱלֹהֵיכֶ֑ם וְיִנָּחֵ֣םd יְהוָ֔ה אֶל־הָ֣רָעָ֔ה אֲשֶׁ֥ר דִּבֶּ֖רe עֲלֵיכֶֽם׃

14 וַאֲנִ֖י הִנְנִ֣י בְיֶדְכֶ֑ם עֲשׂוּa ־לִ֛י כַּטֹּ֥וב וְכַיָּשָׁ֖ר בְּעֵינֵיכֶֽם׃

15 אַ֣ךְ׀ יָדֹ֣עַ תֵּדְע֗וּa כִּ֣י אִם־מְמִתִ֣יםb אַתֶּם֮ אֹתִי֒ כִּי־דָ֣ם נָקִ֗יc אַתֶּם֙ נֹתְנִ֣יםd עֲלֵיכֶ֔ם וְאֶל־הָעִ֥יר הַזֹּ֖את וְאֶל־יֹשְׁבֶ֑יהָ כִּ֣י בֶאֱמֶ֗ת שְׁלָחַ֤נִיe יְהוָה֙ עֲלֵיכֶ֔ם לְדַבֵּר֙f בְּאָזְנֵיכֶ֔ם אֵ֥ת כָּל־הַדְּבָרִ֖ים הָאֵֽלֶּה׃ ס

16 וַיֹּאמְר֤וּa הַשָּׂרִים֙ וְכָל־הָעָ֔ם אֶל־הַכֹּהֲנִ֖ים וְאֶל־הַנְּבִיאִ֑ים אֵין־לָאִ֤ישׁ הַזֶּה֙ מִשְׁפַּט־מָ֔וֶת כִּ֗י בְּשֵׁ֛ם יְהוָ֥ה אֱלֹהֵ֖ינוּ דִּבֶּ֥רb אֵלֵֽינוּ׃

17 וַיָּקֻ֣מוּa אֲנָשִׁ֔ים מִזִּקְנֵ֖י הָאָ֑רֶץ וַיֹּ֣אמְר֔וּb אֶל־כָּל־קְהַ֥ל הָעָ֖ם לֵאמֹֽרc ׃

18 מיכיהa הַמֹּ֣ורַשְׁתִּ֔יb הָיָ֣הc נִבָּ֔אd בִּימֵ֖י חִזְקִיָּ֣הוּ מֶֽלֶךְ־יְהוּדָ֑ה וַיֹּ֣אמֶרe אֶל־כָּל־עַם֩ יְהוּדָ֨ה לֵאמֹ֜רf כֹּֽה־אָמַ֣רg ׀ יְהוָ֣ה צְבָאֹ֗ות צִיֹּ֞ון שָׂדֶ֤ה תֵֽחָרֵשׁ֙h וִירוּשָׁלַ֨יִם֙ עִיִּ֣יםi תִּֽהְיֶ֔הj וְהַ֥ר הַבַּ֖יִת לְבָמֹ֥ות יָֽעַר׃

19 הֶהָמֵ֣ת הֱ֠מִתֻהוּa חִזְקִיָּ֨הוּ מֶֽלֶךְ־יְהוּדָ֜ה וְכָל־יְהוּדָ֗ה הֲלֹא֮ יָרֵ֣אb אֶת־יְהוָה֒ וַיְחַל֙c אֶת־פְּנֵ֣י יְהוָ֔ה וַיִּנָּ֣חֶםd יְהוָ֔ה אֶל־הָרָעָ֖ה אֲשֶׁר־דִּבֶּ֣רe עֲלֵיהֶ֑ם וַאֲנַ֗חְנוּ עֹשִׂ֛יםf רָעָ֥ה גְדֹולָ֖ה עַל־נַפְשֹׁותֵֽינוּ׃

20 וְגַם־אִ֗ישׁ הָיָ֤הa מִתְנַבֵּא֙b בְּשֵׁ֣ם יְהוָ֔ה אֽוּרִיָּ֨הוּ֙c בֶּֽן־שְׁמַעְיָ֔הוּd מִקִּרְיַ֖ת הַיְּעָרִ֑יםe וַיִּנָּבֵ֞אf עַל־הָעִ֤יר הַזֹּאת֙ וְעַל־הָאָ֣רֶץ הַזֹּ֔את כְּכֹ֖ל דִּבְרֵ֥י יִרְמְיָֽהוּ׃

21 וַיִּשְׁמַ֣עa הַמֶּֽלֶךְ־יְ֠הֹויָקִיםb וְכָל־גִּבֹּורָ֤יו וְכָל־הַשָּׂרִים֙ אֶת־דְּבָרָ֔יו וַיְבַקֵּ֥שׁc הַמֶּ֖לֶךְ הֲמִיתֹ֑וd וַיִּשְׁמַ֤עe אוּרִיָּ֨הוּ֙f וַיִּרָ֔אg וַיִּבְרַ֖חh וַיָּבֹ֥אi מִצְרָֽיִם׃

22 וַיִּשְׁלַ֞חa הַמֶּ֧לֶךְ יְהֹויָקִ֛יםb אֲנָשִׁ֖ים מִצְרָ֑יִם אֵ֣ת אֶלְנָתָ֧ןc בֶּן־עַכְבֹּ֛ורd וַאֲנָשִׁ֥ים אִתֹּ֖ו אֶל־מִצְרָֽיִם׃

23 וַיֹּוצִ֨יאוּa אֶת־אוּרִיָּ֜הוּb מִמִּצְרַ֗יִם וַיְבִאֻ֨הוּ֙c אֶל־הַמֶּ֣לֶךְ יְהֹויָקִ֔יםd וַיַּכֵּ֖הוּe בֶּחָ֑רֶב וַיַּשְׁלֵךְ֙f אֶת־נִבְלָתֹ֔וg אֶל־קִבְרֵ֖י בְּנֵ֥י הָעָֽם׃

24 אַ֗ךְ יַ֚ד אֲחִיקָ֣םa בֶּן־שָׁפָ֔ןb הָיְתָ֖הc אֶֽת־יִרְמְיָ֑הוּ לְבִלְתִּ֛י תֵּתd ־אֹתֹ֥ו בְיַד־הָעָ֖ם לַהֲמִיתֹֽוe ׃ פ