ירמיהו

הַדָּבָ֞ר אֲשֶׁר־הָיָ֤הa עַֽל־יִרְמְיָ֨הוּ֙ עַל־כָּל־עַ֣ם יְהוּדָ֔ה בַּשָּׁנָה֙ הָֽרְבִעִ֔ית לִיהֹויָקִ֥יםb בֶּן־יֹאשִׁיָּ֖הוּ מֶ֣לֶךְ יְהוּדָ֑ה הִ֗יא הַשָּׁנָה֙ הָרִ֣אשֹׁנִ֔יתc לִנְבֽוּכַדְרֶאצַּ֖רd מֶ֥לֶךְ בָּבֶֽל׃

2 אֲשֶׁ֨ר דִּבֶּ֜רa יִרְמְיָ֤הוּ הַנָּבִיא֙ עַל־כָּל־עַ֣ם יְהוּדָ֔ה וְאֶ֛ל כָּל־יֹשְׁבֵ֥י יְרוּשָׁלִַ֖ם לֵאמֹֽרb ׃

3 מִן־שְׁלֹ֣שׁ עֶשְׂרֵ֣ה שָׁנָ֡ה לְיֹאשִׁיָּ֣הוּ בֶן־אָמֹון֩a מֶ֨לֶךְ יְהוּדָ֜ה וְעַ֣ד׀ הַיֹּ֣ום הַזֶּ֗ה זֶ֚ה שָׁלֹ֤שׁ וְעֶשְׂרִים֙ שָׁנָ֔ה הָיָ֥הb דְבַר־יְהוָ֖ה אֵלָ֑י וָאֲדַבֵּ֧רc אֲלֵיכֶ֛ם אַשְׁכֵּ֥יםd וְדַבֵּ֖רe וְלֹ֥א שְׁמַעְתֶּֽםf ׃

4 וְשָׁלַח֩a יְהוָ֨ה אֲלֵיכֶ֜ם אֶֽת־כָּל־עֲבָדָ֧יו הַנְּבִאִ֛ים הַשְׁכֵּ֥םb וְשָׁלֹ֖חַc וְלֹ֣א שְׁמַעְתֶּ֑םd וְלֹֽא־הִטִּיתֶ֥םe אֶֽת־אָזְנְכֶ֖ם לִשְׁמֹֽעַf ׃

5 לֵאמֹ֗רa שֽׁוּבוּb ־נָ֞א אִ֣ישׁ מִדַּרְכֹּ֤ו הָֽרָעָה֙ וּמֵרֹ֣עַc מַעַלְלֵיכֶ֔םd וּשְׁבוּ֙e עַל־הָ֣אֲדָמָ֔ה אֲשֶׁ֨ר נָתַ֧ןf יְהוָ֛ה לָכֶ֖ם וְלַאֲבֹֽותֵיכֶ֑ם לְמִן־עֹולָ֖ם וְעַד־עֹולָֽם׃

6 וְאַל־תֵּלְכ֗וּa אַֽחֲרֵי֙ אֱלֹהִ֣ים אֲחֵרִ֔ים לְעָבְדָ֖םb וּלְהִשְׁתַּחֲוֹ֣תc לָהֶ֑ם וְלֹֽא־תַכְעִ֤יסוּd אֹותִי֙ בְּמַעֲשֵׂ֣ה יְדֵיכֶ֔ם וְלֹ֥א אָרַ֖עe לָכֶֽם׃

7 וְלֹֽא־שְׁמַעְתֶּ֥םa אֵלַ֖י נְאֻם־יְהוָ֑ה לְמַ֧עַן הכעסוניb בְּמַעֲשֵׂ֥ה יְדֵיכֶ֖ם לְרַ֥ע לָכֶֽם׃ ס

8 לָכֵ֕ן כֹּ֥ה אָמַ֖רa יְהוָ֣ה צְבָאֹ֑ות יַ֕עַן אֲשֶׁ֥ר לֹֽא־שְׁמַעְתֶּ֖םb אֶת־דְּבָרָֽי׃

9 הִנְנִ֣י שֹׁלֵ֡חַa וְלָקַחְתִּי֩b אֶת־כָּל־מִשְׁפְּחֹ֨ות צָפֹ֜ון נְאֻם־יְהוָ֗ה וְאֶל־נְבֽוּכַדְרֶאצַּ֣רc מֶֽלֶךְ־בָּבֶל֮ עַבְדִּי֒ וַהֲבִ֨אֹתִ֜יםd עַל־הָאָ֤רֶץ הַזֹּאת֙ וְעַל־יֹ֣שְׁבֶ֔יהָ וְעַ֛ל כָּל־הַגֹּויִ֥ם הָאֵ֖לֶּה סָבִ֑יב וְהַ֣חֲרַמְתִּ֔יםe וְשַׂמְתִּים֙f לְשַׁמָּ֣הg וְלִשְׁרֵקָ֔הh וּלְחָרְבֹ֖ותi עֹולָֽם׃

10 וְהַאֲבַדְתִּ֣יa מֵהֶ֗ם קֹ֤ול שָׂשֹׂון֙b וְקֹ֣ול שִׂמְחָ֔ה קֹ֥ול חָתָ֖ןc וְקֹ֣ול כַּלָּ֑הd קֹ֥ול רֵחַ֖יִםe וְאֹ֥ור נֵֽרf ׃

11 וְהָֽיְתָה֙a כָּל־הָאָ֣רֶץ הַזֹּ֔את לְחָרְבָּ֖הb לְשַׁמָּ֑הc וְעָ֨בְד֜וּd הַגֹּויִ֥ם הָאֵ֛לֶּה אֶת־מֶ֥לֶךְ בָּבֶ֖ל שִׁבְעִ֥ים שָׁנָֽה׃

12 וְהָיָ֣הa כִמְלֹ֣אותb שִׁבְעִ֣ים שָׁנָ֡ה אֶפְקֹ֣דc עַל־מֶֽלֶךְ־בָּבֶל֩ וְעַל־הַגֹּ֨וי הַה֧וּא נְאֻם־יְהוָ֛ה אֶת־עֲוֹנָ֖ם וְעַל־אֶ֣רֶץ כַּשְׂדִּ֑ים וְשַׂמְתִּ֥יd אֹתֹ֖ו לְשִֽׁמְמֹ֥ות עֹולָֽם׃

13 והבאיתיa עַל־הָאָ֣רֶץ הַהִ֔יא אֶת־כָּל־דְּבָרַ֖י אֲשֶׁר־דִּבַּ֣רְתִּיb עָלֶ֑יהָ אֵ֤ת כָּל־הַכָּתוּב֙ בַּסֵּ֣פֶר הַזֶּ֔ה אֲשֶׁר־נִבָּ֥אc יִרְמְיָ֖הוּ עַל־כָּל־הַגֹּויִֽם׃

14 כִּ֣י עָֽבְדוּa ־בָ֤ם גַּם־הֵ֨מָּה֙ גֹּויִ֣ם רַבִּ֔ים וּמְלָכִ֖ים גְּדֹולִ֑ים וְשִׁלַּמְתִּ֥יb לָהֶ֛ם כְּפָעֳלָ֖םc וּכְמַעֲשֵׂ֥ה יְדֵיהֶֽם׃ ס

15 כִּ֣י כֹה֩ אָמַ֨רa יְהוָ֜ה אֱלֹהֵ֤י יִשְׂרָאֵל֙ אֵלַ֔י קַ֠חb אֶת־כֹּ֨וסc הַיַּ֧יִן הַחֵמָ֛ה הַזֹּ֖את מִיָּדִ֑י וְהִשְׁקִיתָ֤הd אֹתֹו֙ אֶת־כָּל־הַגֹּויִ֔ם אֲשֶׁ֧ר אָנֹכִ֛י שֹׁלֵ֥חַe אֹותְךָ֖ אֲלֵיהֶֽם׃

16 וְשָׁת֕וּa וְהִֽתְגֹּֽעֲשׁ֖וּb וְהִתְהֹלָ֑לוּc מִפְּנֵ֣י הַחֶ֔רֶב אֲשֶׁ֛ר אָנֹכִ֥י שֹׁלֵ֖חַd בֵּינֹתָֽם׃

17 וָאֶקַּ֥חa אֶת־הַכֹּ֖וסb מִיַּ֣ד יְהוָ֑ה וָֽאַשְׁקֶה֙c אֶת־כָּל־הַגֹּויִ֔ם אֲשֶׁר־שְׁלָחַ֥נִיd יְהוָ֖ה אֲלֵיהֶֽם׃

18 אֶת־יְרוּשָׁלִַ֨ם֙ וְאֶת־עָרֵ֣י יְהוּדָ֔ה וְאֶת־מְלָכֶ֖יהָ אֶת־שָׂרֶ֑יהָ לָתֵ֨תa אֹתָ֜ם לְחָרְבָּ֧הb לְשַׁמָּ֛הc לִשְׁרֵקָ֥הd וְלִקְלָלָ֖הe כַּיֹּ֥ום הַזֶּֽה׃

19 אֶת־פַּרְעֹ֧ה מֶֽלֶךְ־מִצְרַ֛יִם וְאֶת־עֲבָדָ֥יו וְאֶת־שָׂרָ֖יו וְאֶת־כָּל־עַמֹּֽו׃

20 וְאֵת֙ כָּל־הָעֶ֔רֶבa וְאֵ֕ת כָּל־מַלְכֵ֖י אֶ֣רֶץ הָע֑וּץb וְאֵ֗ת כָּל־מַלְכֵי֙ אֶ֣רֶץ פְּלִשְׁתִּ֔ים וְאֶת־אַשְׁקְלֹ֤וןc וְאֶת־עַזָּה֙d וְאֶת־עֶקְרֹ֔וןe וְאֵ֖ת שְׁאֵרִ֥ית אַשְׁדֹּֽודf ׃

21 אֶת־אֱדֹ֥ום וְאֶת־מֹואָ֖ב וְאֶת־בְּנֵ֥י עַמֹּֽון׃

22 וְאֵת֙ כָּל־מַלְכֵי־צֹ֔רa וְאֵ֖ת כָּל־מַלְכֵ֣י צִידֹ֑וןb וְאֵת֙ מַלְכֵ֣י הָאִ֔יc אֲשֶׁ֖ר בְּעֵ֥בֶר הַיָּֽם׃

23 וְאֶת־דְּדָ֤ןa וְאֶת־תֵּימָא֙b וְאֶת־בּ֔וּזc וְאֵ֖ת כָּל־קְצוּצֵ֥יd פֵאָֽה׃

24 וְאֵ֖ת כָּל־מַלְכֵ֣י עֲרָ֑בa וְאֵת֙ כָּל־מַלְכֵ֣י הָעֶ֔רֶבb הַשֹּׁכְנִ֖יםc בַּמִּדְבָּֽר׃

25 וְאֵ֣ת׀ כָּל־מַלְכֵ֣י זִמְרִ֗יa וְאֵת֙ כָּל־מַלְכֵ֣י עֵילָ֔םb וְאֵ֖ת כָּל־מַלְכֵ֥י מָדָֽיc ׃

26 וְאֵ֣ת׀ כָּל־מַלְכֵ֣י הַצָּפֹ֗ון הַקְּרֹבִ֤ים וְהָֽרְחֹקִים֙ אִ֣ישׁ אֶל־אָחִ֔יו וְאֵת֙ כָּל־הַמַּמְלְכֹ֣ות הָאָ֔רֶץ אֲשֶׁ֖ר עַל־פְּנֵ֣י הָאֲדָמָ֑ה וּמֶ֥לֶךְ שֵׁשַׁ֖ךְa יִשְׁתֶּ֥הb אַחֲרֵיהֶֽם׃

27 וְאָמַרְתָּ֣a אֲלֵיהֶ֡ם ס כֹּֽה־אָמַר֩b יְהוָ֨ה צְבָאֹ֜ות אֱלֹהֵ֣י יִשְׂרָאֵ֗ל שְׁת֤וּc וְשִׁכְרוּ֙d וּקְי֔וּe וְנִפְל֖וּf וְלֹ֣א תָק֑וּמוּg מִפְּנֵ֣י הַחֶ֔רֶב אֲשֶׁ֛ר אָנֹכִ֥י שֹׁלֵ֖חַh בֵּינֵיכֶֽם׃

28 וְהָיָ֗הa כִּ֧י יְמָאֲנ֛וּb לָקַֽחַתc ־הַכֹּ֥וסd מִיָּדְךָ֖ לִשְׁתֹּ֑ותe וְאָמַרְתָּ֣f אֲלֵיהֶ֗ם כֹּ֥ה אָמַ֛רg יְהוָ֥ה צְבָאֹ֖ות שָׁתֹ֥ו תִשְׁתּֽוּh ׃

29 כִּי֩ הִנֵּ֨ה בָעִ֜יר אֲשֶׁ֧ר נִֽקְרָאa ־שְׁמִ֣י עָלֶ֗יהָ אָֽנֹכִי֙ מֵחֵ֣לb לְהָרַ֔עc וְאַתֶּ֖ם הִנָּקֵ֣הd תִנָּק֑וּe לֹ֣א תִנָּק֔וּf כִּ֣י חֶ֗רֶב אֲנִ֤י קֹרֵא֙g עַל־כָּל־יֹשְׁבֵ֣י הָאָ֔רֶץ נְאֻ֖ם יְהוָ֥ה צְבָאֹֽות׃

30 וְאַתָּה֙ תִּנָּבֵ֣אa אֲלֵיהֶ֔ם אֵ֥ת כָּל־הַדְּבָרִ֖ים הָאֵ֑לֶּה וְאָמַרְתָּ֣b אֲלֵיהֶ֗ם יְהוָ֞ה מִמָּרֹ֤ום יִשְׁאָג֙c וּמִמְּעֹ֤וןd קָדְשֹׁו֙ יִתֵּ֣ןe קֹולֹ֔ו שָׁאֹ֤גf יִשְׁאַג֙g עַל־נָוֵ֔הוּh הֵידָד֙i כְּדֹרְכִ֣ים יַֽעֲנֶ֔הj אֶ֥ל כָּל־יֹשְׁבֵ֖י הָאָֽרֶץ׃

31 בָּ֤אa שָׁאֹון֙b עַד־קְצֵ֣ה הָאָ֔רֶץ כִּ֣י רִ֤יב לַֽיהוָה֙ בַּגֹּויִ֔ם נִשְׁפָּ֥טc ה֖וּא לְכָל־בָּשָׂ֑ר הָרְשָׁעִ֛ים נְתָנָ֥םd לַחֶ֖רֶב נְאֻם־יְהוָֽה׃ ס

32 כֹּ֤ה אָמַר֙a יְהוָ֣ה צְבָאֹ֔ות הִנֵּ֥ה רָעָ֛ה יֹצֵ֖אתb מִגֹּ֣וי אֶל־גֹּ֑וי וְסַ֣עַרc גָּדֹ֔ול יֵעֹ֖ורd מִיַּרְכְּתֵיe ־אָֽרֶץ׃

33 וְהָי֞וּa חַֽלְלֵ֤י יְהוָה֙ בַּיֹּ֣ום הַה֔וּא מִקְצֵ֥ה הָאָ֖רֶץ וְעַד־קְצֵ֣ה הָאָ֑רֶץ לֹ֣א יִסָּפְד֗וּb וְלֹ֤א יֵאָֽסְפוּ֙c וְלֹ֣א יִקָּבֵ֔רוּd לְדֹ֛מֶןe עַל־פְּנֵ֥י הָאֲדָמָ֖ה יִֽהְיֽוּf ׃

34 הֵילִ֨ילוּa הָרֹעִ֜ים וְזַעֲק֗וּb וְהִֽתְפַּלְּשׁוּ֙c אַדִּירֵ֣יd הַצֹּ֔אן כִּֽי־מָלְא֥וּe יְמֵיכֶ֖ם לִטְבֹ֑וחַf וּתְפֹוצֹ֣ותִיכֶ֔םg וּנְפַלְתֶּ֖םh כִּכְלִ֥י חֶמְדָּֽהi ׃

35 וְאָבַ֥דa מָנֹ֖וסb מִן־הָֽרֹעִ֑ים וּפְלֵיטָ֖הc מֵאַדִּירֵ֥יd הַצֹּֽאן׃

36 קֹ֚ול צַעֲקַ֣תa הָֽרֹעִ֔ים וִֽילְלַ֖תb אַדִּירֵ֣יc הַצֹּ֑אן כִּֽי־שֹׁדֵ֥דd יְהוָ֖ה אֶת־מַרְעִיתָֽםe ׃

37 וְנָדַ֖מּוּa נְאֹ֣ותb הַשָּׁלֹ֑ום מִפְּנֵ֖י חֲרֹ֥וןc אַף־יְהוָֽה׃

38 עָזַ֥בa כַּכְּפִ֖ירb סֻכֹּ֑וc כִּֽי־הָיְתָ֤הd אַרְצָם֙ לְשַׁמָּ֔הe מִפְּנֵי֙ חֲרֹ֣וןf הַיֹּונָ֔הg וּמִפְּנֵ֖י חֲרֹ֥וןh אַפֹּֽו׃ פ