ירמיהו

הִרְאַנִי֮a יְהוָה֒ וְהִנֵּ֗ה שְׁנֵי֙ דּוּדָאֵ֣יb תְאֵנִ֔יםc מוּעָדִ֕יםd לִפְנֵ֖י הֵיכַ֣ל יְהוָ֑ה אַחֲרֵ֣י הַגְלֹ֣ותe נְבוּכַדְרֶאצַּ֣רf מֶֽלֶךְ־בָּבֶ֡ל אֶת־יְכָנְיָ֣הוּg בֶן־יְהֹויָקִ֣יםh מֶֽלֶךְ־יְהוּדָה֩ וְאֶת־שָׂרֵ֨י יְהוּדָ֜ה וְאֶת־הֶחָרָ֤שׁi וְאֶת־הַמַּסְגֵּר֙j מִיר֣וּשָׁלִַ֔ם וַיְבִאֵ֖םk בָּבֶֽל׃

2 הַדּ֣וּדa אֶחָ֗ד תְּאֵנִים֙b טֹבֹ֣ות מְאֹ֔ד כִּתְאֵנֵ֖יc הַבַּכֻּרֹ֑ותd וְהַדּ֣וּדe אֶחָ֗ד תְּאֵנִים֙f רָעֹ֣ות מְאֹ֔ד אֲשֶׁ֥ר לֹא־תֵֽאָכַ֖לְנָהg מֵרֹֽעַh ׃ ס

3 וַיֹּ֨אמֶרa יְהוָ֜ה אֵלַ֗י מָֽה־אַתָּ֤ה רֹאֶה֙b יִרְמְיָ֔הוּ וָאֹמַ֖רc תְּאֵנִ֑יםd הַתְּאֵנִ֤יםe הַטֹּבֹות֙ טֹבֹ֣ות מְאֹ֔ד וְהָֽרָעֹות֙ רָעֹ֣ות מְאֹ֔ד אֲשֶׁ֥ר לֹא־תֵאָכַ֖לְנָהf מֵרֹֽעַg ׃ פ

4 וַיְהִ֥יa דְבַר־יְהוָ֖ה אֵלַ֥י לֵאמֹֽרb ׃

5 כֹּֽה־אָמַ֤רa יְהוָה֙ אֱלֹהֵ֣י יִשְׂרָאֵ֔ל כַּתְּאֵנִ֥יםb הַטֹּבֹ֖ות הָאֵ֑לֶּה כֵּֽן־אַכִּ֞ירc אֶת־גָּל֣וּתd יְהוּדָ֗ה אֲשֶׁ֨ר שִׁלַּ֜חְתִּיe מִן־הַמָּקֹ֥ום הַזֶּ֛ה אֶ֥רֶץ כַּשְׂדִּ֖ים לְטֹובָֽה׃

6 וְשַׂמְתִּ֨יa עֵינִ֤י עֲלֵיהֶם֙ לְטֹובָ֔ה וַהֲשִׁבֹתִ֖יםb עַל־הָאָ֣רֶץ הַזֹּ֑את וּבְנִיתִים֙c וְלֹ֣א אֶהֱרֹ֔סd וּנְטַעְתִּ֖יםe וְלֹ֥א אֶתֹּֽושׁf ׃

7 וְנָתַתִּי֩a לָהֶ֨ם לֵ֜ב לָדַ֣עַתb אֹתִ֗י כִּ֚י אֲנִ֣י יְהוָ֔ה וְהָיוּc ־לִ֣י לְעָ֔ם וְאָ֣נֹכִ֔י אֶהְיֶ֥הd לָהֶ֖ם לֵאלֹהִ֑ים כִּֽי־יָשֻׁ֥בוּe אֵלַ֖י בְּכָל־לִבָּֽם׃ ס

8 וְכַתְּאֵנִים֙a הָֽרָעֹ֔ות אֲשֶׁ֥ר לֹא־תֵאָכַ֖לְנָהb מֵרֹ֑עַc כִּי־כֹ֣ה׀ אָמַ֣רd יְהוָ֗ה כֵּ֣ן אֶ֠תֵּןe אֶת־צִדְקִיָּ֨הוּ מֶֽלֶךְ־יְהוּדָ֤ה וְאֶת־שָׂרָיו֙ וְאֵ֣ת׀ שְׁאֵרִ֣ית יְרוּשָׁלִַ֗ם הַנִּשְׁאָרִים֙f בָּאָ֣רֶץ הַזֹּ֔את וְהַיֹּשְׁבִ֖ים בְּאֶ֥רֶץ מִצְרָֽיִם׃

9 וּנְתַתִּים֙a לזועהb לְרָעָ֔ה לְכֹ֖ל מַמְלְכֹ֣ות הָאָ֑רֶץ לְחֶרְפָּ֤ה וּלְמָשָׁל֙c לִשְׁנִינָ֣הd וְלִקְלָלָ֔הe בְּכָל־הַמְּקֹמֹ֖ות אֲשֶֽׁר־אַדִּיחֵ֥םf שָֽׁם׃

10 וְשִׁלַּ֣חְתִּיa בָ֔ם אֶת־הַחֶ֖רֶב אֶת־הָרָעָ֣ב וְאֶת־הַדָּ֑בֶרb עַד־תֻּמָּם֙c מֵעַ֣ל הָאֲדָמָ֔ה אֲשֶׁר־נָתַ֥תִּיd לָהֶ֖ם וְלַאֲבֹותֵיהֶֽם׃ פ