ירמיהו

הֹ֣וי רֹעִ֗ים מְאַבְּדִ֧יםa וּמְפִצִ֛יםb אֶת־צֹ֥אן מַרְעִיתִ֖יc נְאֻם־יְהוָֽה׃

2 לָ֠כֵן כֹּֽה־אָמַ֨רa יְהוָ֜ה אֱלֹהֵ֣י יִשְׂרָאֵ֗ל עַֽל־הָרֹעִים֮ הָרֹעִ֣יםb אֶת־עַמִּי֒ אַתֶּ֞ם הֲפִצֹתֶ֤םc אֶת־צֹאנִי֙ וַתַּדִּח֔וּםd וְלֹ֥א פְקַדְתֶּ֖םe אֹתָ֑ם הִנְנִ֨י פֹקֵ֧דf עֲלֵיכֶ֛ם אֶת־רֹ֥עַg מַעַלְלֵיכֶ֖םh נְאֻם־יְהוָֽה׃

3 וַאֲנִ֗י אֲקַבֵּץ֙a אֶת־שְׁאֵרִ֣ית צֹאנִ֔י מִכֹּל֙ הָאֲרָצֹ֔ות אֲשֶׁר־הִדַּ֥חְתִּיb אֹתָ֖ם שָׁ֑ם וַהֲשִׁבֹתִ֥יc אֶתְהֶ֛ן עַל־נְוֵהֶ֖ןd וּפָר֥וּe וְרָבֽוּf ׃

4 וַהֲקִמֹתִ֧יa עֲלֵיהֶ֛ם רֹעִ֖ים וְרָע֑וּםb וְלֹא־יִֽירְא֨וּc עֹ֧וד וְלֹא־יֵחַ֛תּוּd וְלֹ֥א יִפָּקֵ֖דוּe נְאֻם־יְהוָֽה׃ ס

5 הִנֵּ֨ה יָמִ֤ים בָּאִים֙a נְאֻם־יְהוָ֔ה וַהֲקִמֹתִ֥יb לְדָוִ֖ד צֶ֣מַחc צַדִּ֑יק וּמָ֤לַךְd מֶ֨לֶךְ֙ וְהִשְׂכִּ֔ילe וְעָשָׂ֛הf מִשְׁפָּ֥ט וּצְדָקָ֖ה בָּאָֽרֶץ׃

6 בְּיָמָיו֙ תִּוָּשַׁ֣עa יְהוּדָ֔ה וְיִשְׂרָאֵ֖ל יִשְׁכֹּ֣ןb לָבֶ֑טַחc וְזֶה־שְּׁמֹ֥ו אֲֽשֶׁר־יִקְרְאֹ֖וd יְהוָ֥ה׀ צִדְקֵֽנוּ׃ ס

7 לָכֵ֛ן הִנֵּֽה־יָמִ֥ים בָּאִ֖יםa נְאֻם־יְהוָ֑ה וְלֹא־יֹ֤אמְרוּb עֹוד֙ חַי־יְהוָ֔ה אֲשֶׁ֧ר הֶעֱלָ֛הc אֶת־בְּנֵ֥י יִשְׂרָאֵ֖ל מֵאֶ֥רֶץ מִצְרָֽיִם׃

8 כִּ֣י אִם־חַי־יְהוָ֗ה אֲשֶׁ֣ר הֶעֱלָה֩a וַאֲשֶׁ֨ר הֵבִ֜יאb אֶת־זֶ֨רַע בֵּ֤ית יִשְׂרָאֵל֙ מֵאֶ֣רֶץ צָפֹ֔ונָה וּמִכֹּל֙ הָֽאֲרָצֹ֔ות אֲשֶׁ֥ר הִדַּחְתִּ֖יםc שָׁ֑ם וְיָשְׁב֖וּd עַל־אַדְמָתָֽם׃ ס

9 לַנְּבִאִ֞ים נִשְׁבַּ֧רa לִבִּ֣י בְקִרְבִּ֗י רָֽחֲפוּ֙b כָּל־עַצְמֹותַ֔י הָיִ֨יתִי֙c כְּאִ֣ישׁ שִׁכֹּ֗ורd וּכְגֶ֖בֶר עֲבָ֣רֹוe יָ֑יִן מִפְּנֵ֣י יְהוָ֔ה וּמִפְּנֵ֖י דִּבְרֵ֥י קָדְשֹֽׁו׃

10 כִּ֤י מְנָֽאֲפִים֙a מָלְאָ֣הb הָאָ֔רֶץ כִּֽי־מִפְּנֵ֤י אָלָה֙c אָבְלָ֣הd הָאָ֔רֶץ יָבְשׁ֖וּe נְאֹ֣ותf מִדְבָּ֑ר וַתְּהִ֤יg מְרֽוּצָתָם֙h רָעָ֔ה וּגְבוּרָתָ֖ם לֹא־כֵֽןi ׃

11 כִּֽי־גַם־נָבִ֥יא גַם־כֹּהֵ֖ן חָנֵ֑פוּa גַּם־בְּבֵיתִ֛י מָצָ֥אתִיb רָעָתָ֖ם נְאֻם־יְהוָֽה׃

12 לָכֵן֩ יִֽהְיֶ֨הa דַרְכָּ֜ם לָהֶ֗ם כַּחֲלַקְלַקֹּות֙b בָּֽאֲפֵלָ֔הc יִדַּ֖חוּd וְנָ֣פְלוּe בָ֑הּ כִּֽי־אָבִ֨יאf עֲלֵיהֶ֥ם רָעָ֛ה שְׁנַ֥ת פְּקֻדָּתָ֖םg נְאֻם־יְהוָֽה׃

13 וּבִנְבִיאֵ֥י שֹׁמְרֹ֖ון רָאִ֣יתִיa תִפְלָ֑הb הִנַּבְּא֣וּc בַבַּ֔עַל וַיַּתְע֥וּd אֶת־עַמִּ֖י אֶת־יִשְׂרָאֵֽל׃ ס

14 וּבִנְבִאֵ֨י יְרוּשָׁלִַ֜ם רָאִ֣יתִיa שַׁעֲרוּרָ֗הb נָאֹ֞וףc וְהָלֹ֤ךְd בַּשֶּׁ֨קֶר֙ וְחִזְּקוּ֙e יְדֵ֣י מְרֵעִ֔ים לְבִ֨לְתִּי־שָׁ֔בוּf אִ֖ישׁ מֵרָֽעָתֹ֑ו הָֽיוּg ־לִ֤י כֻלָּם֙ כִּסְדֹ֔םh וְיֹשְׁבֶ֖יהָ כַּעֲמֹרָֽהi ׃ ס

15 לָכֵ֞ן כֹּֽה־אָמַ֨רa יְהוָ֤ה צְבָאֹות֙ עַל־הַנְּבִאִ֔ים הִנְנִ֨י מַאֲכִ֤ילb אֹותָם֙ לַֽעֲנָ֔הc וְהִשְׁקִתִ֖יםd מֵי־רֹ֑אשׁe כִּ֗י מֵאֵת֙ נְבִיאֵ֣י יְרוּשָׁלִַ֔ם יָצְאָ֥הf חֲנֻפָּ֖הg לְכָל־הָאָֽרֶץ׃ פ

16 כֹּֽה־אָמַ֞רa יְהוָ֣ה צְבָאֹ֗ות אַֽל־תִּשְׁמְע֞וּb עַל־דִּבְרֵ֤י הַנְּבִאִים֙ הַנִּבְּאִ֣יםc לָכֶ֔ם מַהְבִּלִ֥יםd הֵ֖מָּה אֶתְכֶ֑ם חֲזֹ֤וןe לִבָּם֙ יְדַבֵּ֔רוּf לֹ֖א מִפִּ֥י יְהוָֽה׃

17 אֹמְרִ֤יםa אָמֹור֙ לִֽמְנַאֲצַ֔יb דִּבֶּ֣רc יְהוָ֔ה שָׁלֹ֖ום יִֽהְיֶ֣הd לָכֶ֑ם וְ֠כֹל הֹלֵ֞ךְ בִּשְׁרִר֤וּתe לִבֹּו֙ אָֽמְר֔וּf לֹֽא־תָבֹ֥ואg עֲלֵיכֶ֖ם רָעָֽה׃

18 כִּ֣י מִ֤י עָמַד֙a בְּסֹ֣ודb יְהוָ֔ה וְיֵ֖רֶאc וְיִשְׁמַ֣עd אֶת־דְּבָרֹ֑ו מִֽי־הִקְשִׁ֥יבe דבריf וַיִּשְׁמָֽעg ׃ ס

19 הִנֵּ֣ה׀ סַעֲרַ֣תa יְהוָ֗ה חֵמָה֙ יָֽצְאָ֔הb וְסַ֖עַרc מִתְחֹולֵ֑לd עַ֛ל רֹ֥אשׁ רְשָׁעִ֖ים יָחֽוּלe ׃

20 לֹ֤א יָשׁוּב֙a אַף־יְהוָ֔ה עַד־עֲשֹׂתֹ֥וb וְעַד־הֲקִימֹ֖וc מְזִמֹּ֣ותd לִבֹּ֑ו בְּאַֽחֲרִית֙ הַיָּמִ֔ים תִּתְבֹּ֥ונְנוּe בָ֖הּ בִּינָֽהf ׃

21 לֹא־שָׁלַ֥חְתִּיa אֶת־הַנְּבִאִ֖ים וְהֵ֣ם רָ֑צוּb לֹא־דִבַּ֥רְתִּיc אֲלֵיהֶ֖ם וְהֵ֥ם נִבָּֽאוּd ׃

22 וְאִֽם־עָמְד֖וּa בְּסֹודִ֑יb וְיַשְׁמִ֤עוּc דְבָרַי֙ אֶת־עַמִּ֔י וִֽישִׁבוּם֙d מִדַּרְכָּ֣ם הָרָ֔ע וּמֵרֹ֖עַe מַֽעַלְלֵיהֶֽםf ׃ ס

23 הַאֱלֹהֵ֧י מִקָּרֹ֛ב אָ֖נִי נְאֻם־יְהוָ֑ה וְלֹ֥א אֱלֹהֵ֖י מֵרָחֹֽק׃

24 אִם־יִסָּתֵ֨רa אִ֧ישׁ בַּמִּסְתָּרִ֛יםb וַאֲנִ֥י לֹֽא־אֶרְאֶ֖נּוּc נְאֻם־יְהוָ֑ה הֲלֹ֨וא אֶת־הַשָּׁמַ֧יִם וְאֶת־הָאָ֛רֶץ אֲנִ֥י מָלֵ֖אd נְאֻם־יְהוָֽה׃

25 שָׁמַ֗עְתִּיa אֵ֤ת אֲשֶׁר־אָֽמְרוּ֙b הַנְּבִאִ֔ים הַֽנִּבְּאִ֥יםc בִּשְׁמִ֛י שֶׁ֖קֶר לֵאמֹ֑רd חָלַ֖מְתִּיe חָלָֽמְתִּיf ׃

26 עַד־מָתַ֗יa הֲיֵ֛שׁ בְּלֵ֥ב הַנְּבִאִ֖ים נִבְּאֵ֣י הַשָּׁ֑קֶר וּנְבִיאֵ֖י תַּרְמִ֥תb לִבָּֽם׃

27 הַחֹשְׁבִ֗יםa לְהַשְׁכִּ֤יחַb אֶת־עַמִּי֙ שְׁמִ֔י בַּחֲלֹ֣ומֹתָ֔ם אֲשֶׁ֥ר יְסַפְּר֖וּc אִ֣ישׁ לְרֵעֵ֑הוּ כַּאֲשֶׁ֨ר שָׁכְח֧וּd אֲבֹותָ֛ם אֶת־שְׁמִ֖י בַּבָּֽעַל׃

28 הַנָּבִ֞יא אֲשֶׁר־אִתֹּ֤ו חֲלֹום֙ יְסַפֵּ֣רa חֲלֹ֔ום וַאֲשֶׁ֤ר דְּבָרִי֙ אִתֹּ֔ו יְדַבֵּ֥רb דְּבָרִ֖י אֱמֶ֑ת מַה־לַתֶּ֥בֶןc אֶת־הַבָּ֖רd נְאֻם־יְהוָֽה׃

29 הֲלֹ֨וא כֹ֧ה דְבָרִ֛י כָּאֵ֖שׁ נְאֻם־יְהוָ֑ה וּכְפַטִּ֖ישׁa יְפֹ֥צֵֽץb סָֽלַע׃ ס

30 לָכֵ֛ן הִנְנִ֥י עַל־הַנְּבִאִ֖ים נְאֻם־יְהוָ֑ה מְגַנְּבֵ֣יa דְבָרַ֔י אִ֖ישׁ מֵאֵ֥ת רֵעֵֽהוּ׃

31 הִנְנִ֥י עַל־הַנְּבִיאִ֖ם נְאֻם־יְהוָ֑ה הַלֹּקְחִ֣יםa לְשֹׁונָ֔ם וַֽיִּנְאֲמ֖וּb נְאֻֽם׃

32 הִ֠נְנִי עַֽל־נִבְּאֵ֞י חֲלֹמֹ֥ות שֶׁ֨קֶר֙ נְאֻם־יְהוָ֔ה וַֽיְסַפְּרוּם֙a וַיַּתְע֣וּb אֶת־עַמִּ֔י בְּשִׁקְרֵיהֶ֖ם וּבְפַחֲזוּתָ֑םc וְאָנֹכִ֨י לֹֽא־שְׁלַחְתִּ֜יםd וְלֹ֣א צִוִּיתִ֗יםe וְהֹועֵ֛ילf לֹֽא־יֹועִ֥ילוּg לָֽעָם־הַזֶּ֖ה נְאֻם־יְהוָֽה׃

33 וְכִי־יִשְׁאָלְךָ֩a הָעָ֨ם הַזֶּ֜ה אֹֽו־הַנָּבִ֤יא אֹֽו־כֹהֵן֙ לֵאמֹ֔רb מַה־מַשָּׂ֖אc יְהוָ֑ה וְאָמַרְתָּ֤d אֲלֵיהֶם֙ אֶת־מַה־מַשָּׂ֔אe וְנָטַשְׁתִּ֥יf אֶתְכֶ֖ם נְאֻם־יְהוָֽה׃

34 וְהַנָּבִ֤יא וְהַכֹּהֵן֙ וְהָעָ֔ם אֲשֶׁ֥ר יֹאמַ֖רa מַשָּׂ֣אb יְהוָ֑ה וּפָקַדְתִּ֛יc עַל־הָאִ֥ישׁ הַה֖וּא וְעַל־בֵּיתֹֽו׃

35 כֹּ֥ה תֹאמְר֛וּa אִ֥ישׁ עַל־רֵעֵ֖הוּ וְאִ֣ישׁ אֶל־אָחִ֑יו מֶה־עָנָ֣הb יְהוָ֔ה וּמַה־דִּבֶּ֖רc יְהוָֽה׃

36 וּמַשָּׂ֥אa יְהוָ֖ה לֹ֣א תִזְכְּרוּb ־עֹ֑וד כִּ֣י הַמַּשָּׂ֗אc יִֽהְיֶה֙d לְאִ֣ישׁ דְּבָרֹ֔ו וַהֲפַכְתֶּ֗םe אֶת־דִּבְרֵי֙ אֱלֹהִ֣ים חַיִּ֔ים יְהוָ֥ה צְבָאֹ֖ות אֱלֹהֵֽינוּ׃

37 כֹּ֥ה תֹאמַ֖רa אֶל־הַנָּבִ֑יא מֶה־עָנָ֣ךְb יְהוָ֔ה וּמַה־דִּבֶּ֖רc יְהוָֽה׃

38 וְאִם־מַשָּׂ֣אa יְהוָה֮ תֹּאמֵרוּ֒b לָכֵ֗ן כֹּ֚ה אָמַ֣רc יְהוָ֔ה יַ֧עַן אֲמָרְכֶ֛םd אֶת־הַדָּבָ֥ר הַזֶּ֖ה מַשָּׂ֣אe יְהוָ֑ה וָאֶשְׁלַ֤חf אֲלֵיכֶם֙ לֵאמֹ֔רg לֹ֥א תֹאמְר֖וּh מַשָּׂ֥אi יְהוָֽה׃

39 לָכֵ֣ן הִנְנִ֔י וְנָשִׁ֥יתִיa אֶתְכֶ֖ם נָשֹׁ֑אb וְנָטַשְׁתִּ֣יc אֶתְכֶ֗ם וְאֶת־הָעִיר֙ אֲשֶׁ֨ר נָתַ֧תִּיd לָכֶ֛ם וְלַאֲבֹותֵיכֶ֖ם מֵעַ֥ל פָּנָֽי׃

40 וְנָתַתִּ֥יa עֲלֵיכֶ֖ם חֶרְפַּ֣ת עֹולָ֑ם וּכְלִמּ֣וּתb עֹולָ֔ם אֲשֶׁ֖ר לֹ֥א תִשָּׁכֵֽחַc ׃ ס