ירמיהו

הַדָּבָ֛ר אֲשֶׁר־הָיָ֥הa אֶֽל־יִרְמְיָ֖הוּ מֵאֵ֣ת יְהוָ֑ה בִּשְׁלֹ֨חַb אֵלָ֜יו הַמֶּ֣לֶךְ צִדְקִיָּ֗הוּ אֶת־פַּשְׁחוּר֙c בֶּן־מַלְכִּיָּ֔הd וְאֶת־צְפַנְיָ֧הe בֶן־מַעֲשֵׂיָ֛הf הַכֹּהֵ֖ן לֵאמֹֽרg ׃

2 דְּרָשׁa ־נָ֤א בַעֲדֵ֨נוּ֙ אֶת־יְהוָ֔ה כִּ֛י נְבוּכַדְרֶאצַּ֥רb מֶֽלֶךְ־בָּבֶ֖ל נִלְחָ֣םc עָלֵ֑ינוּ אוּלַי֩d יַעֲשֶׂ֨הe יְהוָ֤ה אֹותָ֨נוּ֙ כְּכָל־נִפְלְאֹתָ֔יו וְיַעֲלֶ֖הf מֵעָלֵֽינוּ׃ ס

3 וַיֹּ֥אמֶרa יִרְמְיָ֖הוּ אֲלֵיהֶ֑ם כֹּ֥ה תֹאמְרֻ֖ןb אֶל־צִדְקִיָּֽהוּ׃

4 כֹּֽה־אָמַ֨רa יְהוָ֜ה אֱלֹהֵ֣י יִשְׂרָאֵ֗ל הִנְנִ֣י מֵסֵב֮b אֶת־כְּלֵ֣י הַמִּלְחָמָה֮ אֲשֶׁ֣ר בְּיֶדְכֶם֒ אֲשֶׁ֨ר אַתֶּ֜ם נִלְחָמִ֣יםc בָּ֗ם אֶת־מֶ֤לֶךְ בָּבֶל֙ וְאֶת־הַכַּשְׂדִּ֔ים הַצָּרִ֣יםd עֲלֵיכֶ֔ם מִח֖וּץ לַֽחֹומָ֑ה וְאָסַפְתִּ֣יe אֹותָ֔ם אֶל־תֹּ֖וךְ הָעִ֥יר הַזֹּֽאת׃

5 וְנִלְחַמְתִּ֤יa אֲנִי֙ אִתְּכֶ֔ם בְּיָ֥ד נְטוּיָ֖ה וּבִזְרֹ֣ועַ חֲזָקָ֑ה וּבְאַ֥ף וּבְחֵמָ֖ה וּבְקֶ֥צֶףb גָּדֹֽול׃

6 וְהִכֵּיתִ֗יa אֶת־יֹֽושְׁבֵי֙ הָעִ֣יר הַזֹּ֔את וְאֶת־הָאָדָ֖ם וְאֶת־הַבְּהֵמָ֑ה בְּדֶ֥בֶרb גָּדֹ֖ול יָמֻֽתוּc ׃

7 וְאַחֲרֵי־כֵ֣ן נְאֻם־יְהוָ֡ה אֶתֵּ֣ןa אֶת־צִדְקִיָּ֣הוּ מֶֽלֶךְ־יְהוּדָ֣ה וְאֶת־עֲבָדָ֣יו׀ וְאֶת־הָעָ֡ם וְאֶת־הַנִּשְׁאָרִים֩b בָּעִ֨יר הַזֹּ֜את מִן־הַדֶּ֣בֶרc ׀ מִן־הַחֶ֣רֶב וּמִן־הָרָעָ֗ב בְּיַד֙ נְבוּכַדְרֶאצַּ֣רd מֶֽלֶךְ־בָּבֶ֔ל וּבְיַד֙ אֹֽיְבֵיהֶ֔ם וּבְיַ֖ד מְבַקְשֵׁ֣י נַפְשָׁ֑ם וְהִכָּ֣םe לְפִי־חֶ֔רֶב לֹֽא־יָח֣וּסf עֲלֵיהֶ֔ם וְלֹ֥א יַחְמֹ֖לg וְלֹ֥א יְרַחֵֽםh ׃

8 וְאֶל־הָעָ֤ם הַזֶּה֙ תֹּאמַ֔רa כֹּ֖ה אָמַ֣רb יְהוָ֑ה הִנְנִ֤י נֹתֵן֙c לִפְנֵיכֶ֔ם אֶת־דֶּ֥רֶךְ הַחַיִּ֖ים וְאֶת־דֶּ֥רֶךְ הַמָּֽוֶת׃

9 הַיֹּשֵׁב֙a בָּעִ֣יר הַזֹּ֔את יָמ֕וּתb בַּחֶ֖רֶב וּבָרָעָ֣ב וּבַדָּ֑בֶרc וְהַיֹּוצֵא֩d וְנָפַ֨לe עַל־הַכַּשְׂדִּ֜ים הַצָּרִ֤יםf עֲלֵיכֶם֙ יחיהg וְהָֽיְתָהh ־לֹּ֥ו נַפְשֹׁ֖ו לְשָׁלָֽל׃

10 כִּ֣י שַׂ֣מְתִּיa פָ֠נַי בָּעִ֨יר הַזֹּ֧את לְרָעָ֛ה וְלֹ֥א לְטֹובָ֖ה נְאֻם־יְהוָ֑ה בְּיַד־מֶ֤לֶךְ בָּבֶל֙ תִּנָּתֵ֔ןb וּשְׂרָפָ֖הּc בָּאֵֽשׁ׃ ס

11 וּלְבֵית֙ מֶ֣לֶךְ יְהוּדָ֔ה שִׁמְע֖וּa דְּבַר־יְהוָֽה׃

12 בֵּ֣ית דָּוִ֗ד כֹּ֚ה אָמַ֣רa יְהוָ֔ה דִּ֤ינוּb לַבֹּ֨קֶר֙ מִשְׁפָּ֔ט וְהַצִּ֥ילוּc גָז֖וּלd מִיַּ֣ד עֹושֵׁ֑קe פֶּן־תֵּצֵ֨אf כָאֵ֜שׁ חֲמָתִ֗י וּבָעֲרָה֙g וְאֵ֣ין מְכַבֶּ֔הh מִפְּנֵ֖י רֹ֥עַi מעלליהםj ׃

13 הִנְנִ֨י אֵלַ֜יִךְ יֹשֶׁ֧בֶת הָעֵ֛מֶק צ֥וּר הַמִּישֹׁ֖רa נְאֻם־יְהוָ֑ה הָאֹֽמְרִים֙b מִֽי־יֵחַ֣תc עָלֵ֔ינוּ וּמִ֥י יָבֹ֖ואd בִּמְעֹונֹותֵֽינוּe ׃

14 וּפָקַדְתִּ֧יa עֲלֵיכֶ֛ם כִּפְרִ֥י מַעַלְלֵיכֶ֖םb נְאֻם־יְהוָ֑ה וְהִצַּ֤תִּיc אֵשׁ֙ בְּיַעְרָ֔הּ וְאָכְלָ֖הd כָּל־סְבִיבֶֽיהָ׃ ס