ירמיהו

וַיִּשְׁמַ֤עa פַּשְׁחוּר֙b בֶּן־אִמֵּ֣רc הַכֹּהֵ֔ן וְהֽוּא־פָקִ֥ידd נָגִ֖ידe בְּבֵ֣ית יְהוָ֑ה אֶֽת־יִרְמְיָ֔הוּ נִבָּ֖אf אֶת־הַדְּבָרִ֥ים הָאֵֽלֶּה׃

2 וַיַּכֶּ֣הa פַשְׁח֔וּרb אֵ֖ת יִרְמְיָ֣הוּ הַנָּבִ֑יא וַיִּתֵּ֨ןc אֹתֹ֜ו עַל־הַמַּהְפֶּ֗כֶתd אֲשֶׁ֨ר בְּשַׁ֤עַר בִּנְיָמִן֙ הָֽעֶלְיֹ֔ון אֲשֶׁ֖ר בְּבֵ֥ית יְהוָֽה׃

3 וַֽיְהִי֙a מִֽמָּחֳרָ֔תb וַיֹּצֵ֥אc פַשְׁח֛וּרd אֶֽת־יִרְמְיָ֖הוּ מִן־הַמַּהְפָּ֑כֶתe וַיֹּ֨אמֶרf אֵלָ֜יו יִרְמְיָ֗הוּ לֹ֤א פַשְׁחוּר֙g קָרָ֤אh יְהוָה֙ שְׁמֶ֔ךָ כִּ֖י אִם־מָגֹ֥ורi מִסָּבִֽיב׃ פ

4 כִּ֣י כֹ֣ה אָמַ֣רa יְהוָ֡ה הִנְנִי֩ נֹתֶנְךָ֙b לְמָגֹ֜ורc לְךָ֣ וּלְכָל־אֹהֲבֶ֗יךָ וְנָֽפְל֛וּd בְּחֶ֥רֶב אֹיְבֵיהֶ֖ם וְעֵינֶ֣יךָ רֹאֹ֑ותe וְאֶת־כָּל־יְהוּדָ֗ה אֶתֵּן֙f בְּיַ֣ד מֶֽלֶךְ־בָּבֶ֔ל וְהִגְלָ֥םg בָּבֶ֖לָה וְהִכָּ֥םh בֶּחָֽרֶב׃

5 וְנָתַתִּ֗יa אֶת־כָּל־חֹ֨סֶן֙b הָעִ֣יר הַזֹּ֔את וְאֶת־כָּל־יְגִיעָ֖הּc וְאֶת־כָּל־יְקָרָ֑הּd וְאֵ֨ת כָּל־אֹוצְרֹ֜ות מַלְכֵ֣י יְהוּדָ֗ה אֶתֵּן֙e בְּיַ֣ד אֹֽיְבֵיהֶ֔ם וּבְזָזוּם֙f וּלְקָח֔וּםg וֶהֱבִיא֖וּםh בָּבֶֽלָה׃

6 וְאַתָּ֣ה פַשְׁח֗וּרa וְכֹל֙ יֹשְׁבֵ֣י בֵיתֶ֔ךָ תֵּלְכ֖וּb בַּשֶּׁ֑בִיc וּבָבֶ֣ל תָּבֹ֗ואd וְשָׁ֤ם תָּמוּת֙e וְשָׁ֣ם תִּקָּבֵ֔רf אַתָּה֙ וְכָל־אֹ֣הֲבֶ֔יךָ אֲשֶׁר־נִבֵּ֥אתָg לָהֶ֖ם בַּשָּֽׁקֶר׃ ס

7 פִּתִּיתַ֤נִיa יְהוָה֙ וָֽאֶפָּ֔תb חֲזַקְתַּ֖נִיc וַתּוּכָ֑לd הָיִ֤יתִיe לִשְׂחֹוק֙f כָּל־הַיֹּ֔ום כֻּלֹּ֖ה לֹעֵ֥גg לִֽי׃

8 כִּֽי־מִדֵּ֤יa אֲדַבֵּר֙b אֶזְעָ֔קc חָמָ֥ס וָשֹׁ֖דd אֶקְרָ֑אe כִּֽי־הָיָ֨הf דְבַר־יְהוָ֥ה לִ֛י לְחֶרְפָּ֥ה וּלְקֶ֖לֶסg כָּל־הַיֹּֽום׃

9 וְאָמַרְתִּ֣יa לֹֽא־אֶזְכְּרֶ֗נּוּb וְלֹֽא־אֲדַבֵּ֥רc עֹוד֙ בִּשְׁמֹ֔ו וְהָיָ֤הd בְלִבִּי֙ כְּאֵ֣שׁ בֹּעֶ֔רֶת עָצֻ֖רe בְּעַצְמֹתָ֑י וְנִלְאֵ֥יתִיf כַּֽלְכֵ֖לg וְלֹ֥א אוּכָֽלh ׃

10 כִּ֣י שָׁמַ֜עְתִּיa דִּבַּ֣תb רַבִּים֮ מָגֹ֣ורc מִסָּבִיב֒ הַגִּ֨ידוּ֙d וְנַגִּידֶ֔נּוּe כֹּ֚ל אֱנֹ֣ושׁf שְׁלֹומִ֔י שֹׁמְרֵ֖יg צַלְעִ֑יh אוּלַ֤יi יְפֻתֶּה֙j וְנ֣וּכְלָהk לֹ֔ו וְנִקְחָ֥הl נִקְמָתֵ֖נוּm מִמֶּֽנּוּ׃

11 וַֽיהוָ֤ה אֹותִי֙ כְּגִבֹּ֣ור עָרִ֔יץa עַל־כֵּ֛ן רֹדְפַ֥י יִכָּשְׁל֖וּb וְלֹ֣א יֻכָ֑לוּc בֹּ֤שׁוּd מְאֹד֙ כִּֽי־לֹ֣א הִשְׂכִּ֔ילוּe כְּלִמַּ֥תf עֹולָ֖ם לֹ֥א תִשָּׁכֵֽחַg ׃

12 וַיהוָ֤ה צְבָאֹות֙ בֹּחֵ֣ןa צַדִּ֔יק רֹאֶ֥הb כְלָיֹ֖ותc וָלֵ֑ב אֶרְאֶ֤הd נִקְמָֽתְךָ֙e מֵהֶ֔ם כִּ֥י אֵלֶ֖יךָ גִּלִּ֥יתִיf אֶת־רִיבִֽי׃ ס

13 שִׁ֚ירוּa לַֽיהוָ֔ה הַֽלְל֖וּb אֶת־יְהוָ֑ה כִּ֥י הִצִּ֛ילc אֶת־נֶ֥פֶשׁ אֶבְיֹ֖ון מִיַּ֥ד מְרֵעִֽים׃ ס

14 אָר֣וּרa הַיֹּ֔ום אֲשֶׁ֥ר יֻלַּ֖דְתִּיb בֹּ֑ו יֹ֛ום אֲשֶׁר־יְלָדַ֥תְנִיc אִמִּ֖י אַל־יְהִ֥יd בָרֽוּךְe ׃

15 אָר֣וּרa הָאִ֗ישׁ אֲשֶׁ֨ר בִּשַּׂ֤רb אֶת־אָבִי֙ לֵאמֹ֔רc יֻֽלַּדd ־לְךָ֖ בֵּ֣ן זָכָ֑ר שַׂמֵּ֖חַ שִׂמֳּחָֽהוּe ׃

16 וְהָיָה֙a הָאִ֣ישׁ הַה֔וּא כֶּֽעָרִ֛ים אֲשֶׁר־הָפַ֥ךְb יְהוָ֖ה וְלֹ֣א נִחָ֑םc וְשָׁמַ֤עd זְעָקָה֙e בַּבֹּ֔קֶר וּתְרוּעָ֖הf בְּעֵ֥ת צָהֳרָֽיִםg ׃

17 אֲשֶׁ֥ר לֹא־מֹותְתַ֖נִיa מֵרָ֑חֶםb וַתְּהִיc ־לִ֤י אִמִּי֙ קִבְרִ֔י וְרַחְמָ֖הֿd הֲרַ֥תe עֹולָֽם׃

18 לָ֤מָּה זֶּה֙ מֵרֶ֣חֶםa יָצָ֔אתִיb לִרְאֹ֥ותc עָמָ֖ל וְיָגֹ֑וןd וַיִּכְל֥וּe בְּבֹ֖שֶׁתf יָמָֽי׃ פ