ירמיהו

וַיְהִ֥יa דְבַר־יְהוָ֖ה אֵלַ֥י לֵאמֹֽרb ׃

2 הָלֹ֡ךְa וְקָֽרָאתָ֩b בְאָזְנֵי֙ יְרוּשָׁלִַ֜ם לֵאמֹ֗רc כֹּ֚ה אָמַ֣רd יְהוָ֔ה זָכַ֤רְתִּיe לָךְ֙ חֶ֣סֶד נְעוּרַ֔יִךְf אַהֲבַ֖תg כְּלוּלֹתָ֑יִךְh לֶכְתֵּ֤ךְi אַחֲרַי֙ בַּמִּדְבָּ֔ר בְּאֶ֖רֶץ לֹ֥א זְרוּעָֽהj ׃

3 קֹ֤דֶשׁ יִשְׂרָאֵל֙ לַיהוָ֔ה רֵאשִׁ֖ית תבואתהa כָּל־אֹכְלָ֣יו יֶאְשָׁ֔מוּb רָעָ֛ה תָּבֹ֥אc אֲלֵיהֶ֖ם נְאֻם־יְהוָֽה׃ פ

4 שִׁמְע֥וּa דְבַר־יְהוָ֖ה בֵּ֣ית יַעֲקֹ֑ב וְכָֽל־מִשְׁפְּחֹ֖ות בֵּ֥ית יִשְׂרָאֵֽל׃

5 כֹּ֣ה׀ אָמַ֣רa יְהוָ֗ה מַה־מָּצְא֨וּb אֲבֹותֵיכֶ֥ם בִּי֙ עָ֔וֶלc כִּ֥י רָחֲק֖וּd מֵעָלָ֑י וַיֵּֽלְכ֛וּe אַחֲרֵ֥י הַהֶ֖בֶל וַיֶּהְבָּֽלוּf ׃

6 וְלֹ֣א אָמְר֔וּa אַיֵּ֣הb יְהוָ֔ה הַמַּעֲלֶ֥הc אֹתָ֖נוּ מֵאֶ֣רֶץ מִצְרָ֑יִם הַמֹּולִ֨יךְd אֹתָ֜נוּ בַּמִּדְבָּ֗ר בְּאֶ֨רֶץ עֲרָבָ֤ה וְשׁוּחָה֙e בְּאֶ֨רֶץ֙ צִיָּ֣הf וְצַלְמָ֔וֶתg בְּאֶ֗רֶץ לֹֽא־עָ֤בַרh בָּהּ֙ אִ֔ישׁ וְלֹֽא־יָשַׁ֥בi אָדָ֖ם שָֽׁם׃

7 וָאָבִ֤יאa אֶתְכֶם֙ אֶל־אֶ֣רֶץ הַכַּרְמֶ֔לb לֶאֱכֹ֥לc פִּרְיָ֖הּ וְטוּבָ֑הּd וַתָּבֹ֨אוּ֙e וַתְּטַמְּא֣וּf אֶת־אַרְצִ֔י וְנַחֲלָתִ֥י שַׂמְתֶּ֖םg לְתֹועֵבָֽה׃

8 הַכֹּהֲנִ֗ים לֹ֤א אָֽמְרוּ֙a אַיֵּ֣הb יְהוָ֔ה וְתֹפְשֵׂ֤י הַתֹּורָה֙ לֹ֣א יְדָע֔וּנִיc וְהָרֹעִ֖ים פָּ֣שְׁעוּd בִ֑י וְהַנְּבִיאִים֙ נִבְּא֣וּe בַבַּ֔עַל וְאַחֲרֵ֥י לֹֽא־יֹועִ֖לוּf הָלָֽכוּg ׃

9 לָכֵ֗ן עֹ֛ד אָרִ֥יבa אִתְּכֶ֖ם נְאֻם־יְהוָ֑ה וְאֶת־בְּנֵ֥י בְנֵיכֶ֖ם אָרִֽיבb ׃

10 כִּ֣י עִבְר֞וּa אִיֵּ֤יb כִתִּיִּים֙c וּרְא֔וּd וְקֵדָ֛רe שִׁלְח֥וּf וְהִֽתְבֹּונְנ֖וּg מְאֹ֑ד וּרְא֕וּh הֵ֥ן הָיְתָ֖הi כָּזֹֽאת׃

11 הַהֵימִ֥ירa גֹּוי֙ אֱלֹהִ֔ים וְהֵ֖מָּה לֹ֣א אֱלֹהִ֑ים וְעַמִּ֛י הֵמִ֥ירb כְּבֹודֹ֖ו בְּלֹ֥וא יֹועִֽילc ׃

12 שֹׁ֥מּוּa שָׁמַ֖יִם עַל־זֹ֑את וְשַׂעֲר֛וּb חָרְב֥וּc מְאֹ֖ד נְאֻם־יְהוָֽה׃

13 כִּֽי־שְׁתַּ֥יִם רָעֹ֖ות עָשָׂ֣הa עַמִּ֑י אֹתִ֨י עָזְב֜וּb מְקֹ֣ורc ׀ מַ֣יִם חַיִּ֗ים לַחְצֹ֤בd לָהֶם֙ בֹּארֹ֔ות בֹּארֹת֙ נִשְׁבָּרִ֔ים אֲשֶׁ֥ר לֹא־יָכִ֖לוּe הַמָּֽיִם׃

14 הַעֶ֨בֶד֙ יִשְׂרָאֵ֔ל אִם־יְלִ֥ידa בַּ֖יִת ה֑וּא מַדּ֖וּעַ הָיָ֥הb לָבַֽזc ׃

15 עָלָיו֙ יִשְׁאֲג֣וּa כְפִרִ֔יםb נָתְנ֖וּc קֹולָ֑ם וַיָּשִׁ֤יתוּd אַרְצֹו֙ לְשַׁמָּ֔הe עָרָ֥יו נצתהf מִבְּלִ֥י יֹשֵֽׁב׃

16 גַּם־בְּנֵי־נֹ֖ףa ותחפנסb יִרְע֖וּךְc קָדְקֹֽדd ׃

17 הֲלֹוא־זֹ֖את תַּעֲשֶׂהa ־לָּ֑ךְ עָזְבֵךְ֙b אֶת־יְהוָ֣ה אֱלֹהַ֔יִךְ בְּעֵ֖ת מֹולִיכֵ֥ךְc בַּדָּֽרֶךְ׃

18 וְעַתָּ֗ה מַה־לָּךְ֙ לְדֶ֣רֶךְ מִצְרַ֔יִם לִשְׁתֹּ֖ותa מֵ֣י שִׁחֹ֑ורb וּמַה־לָּךְ֙ לְדֶ֣רֶךְ אַשּׁ֔וּר לִשְׁתֹּ֖ותc מֵ֥י נָהָֽר׃

19 תְּיַסְּרֵ֣ךְa רָעָתֵ֗ךְ וּמְשֻֽׁבֹותַ֨יִךְ֙b תֹּוכִחֻ֔ךְc וּדְעִ֤יd וּרְאִי֙e כִּי־רַ֣עf וָמָ֔רg עָזְבֵ֖ךְh אֶת־יְהוָ֣ה אֱלֹהָ֑יִךְ וְלֹ֤א פַחְדָּתִי֙i אֵלַ֔יִךְ נְאֻם־אֲדֹנָ֥י יְהוִ֖ה צְבָאֹֽות׃

20 כִּ֣י מֵעֹולָ֞ם שָׁבַ֣רְתִּיa עֻלֵּ֗ךְb נִתַּ֨קְתִּי֙c מֹוסְרֹתַ֔יִךְd וַתֹּאמְרִ֖יe לֹ֣א אעבדf כִּ֣י עַֽל־כָּל־גִּבְעָ֞ה גְּבֹהָ֗הg וְתַ֨חַת֙ כָּל־עֵ֣ץ רַעֲנָ֔ןh אַ֖תְּ צֹעָ֥הi זֹנָֽהj ׃

21 וְאָֽנֹכִי֙ נְטַעְתִּ֣יךְa שֹׂרֵ֔קb כֻּלֹּ֖ה זֶ֣רַע אֱמֶ֑ת וְאֵיךְ֙ נֶהְפַּ֣כְתְּc לִ֔י סוּרֵ֖יd הַגֶּ֥פֶן נָכְרִיָּֽהe ׃

22 כִּ֤י אִם־תְּכַבְּסִי֙a בַּנֶּ֔תֶרb וְתַרְבִּיc ־לָ֖ךְ בֹּרִ֑יתd נִכְתָּ֤םe עֲוֹנֵךְ֙ לְפָנַ֔י נְאֻ֖ם אֲדֹנָ֥י יְהוִֽה׃

23 אֵ֣יךְ תֹּאמְרִ֞יa לֹ֣א נִטְמֵ֗אתִיb אַחֲרֵ֤י הַבְּעָלִים֙ לֹ֣א הָלַ֔כְתִּיc רְאִ֤יd דַרְכֵּךְ֙ בַּגַּ֔יְא דְּעִ֖יe מֶ֣ה עָשִׂ֑יתf בִּכְרָ֥הg קַלָּ֖הh מְשָׂרֶ֥כֶתi דְּרָכֶֽיהָ׃

24 פֶּ֣רֶהa ׀ לִמֻּ֣דb מִדְבָּ֗ר בְּאַוַּ֤תc נפשׁוd שָׁאֲפָ֣הe ר֔וּחַ תַּאֲנָתָ֖הּf מִ֣י יְשִׁיבֶ֑נָּהg כָּל־מְבַקְשֶׁ֨יהָ֙ לֹ֣א יִיעָ֔פוּh בְּחָדְשָׁ֖הּ יִמְצָאֽוּנְהָi ׃

25 מִנְעִ֤יa רַגְלֵךְ֙ מִיָּחֵ֔ףb וגורנךc מִצִּמְאָ֑הd וַתֹּאמְרִ֣יe נֹואָ֔שׁf לֹ֕וא כִּֽי־אָהַ֥בְתִּיg זָרִ֖ים וְאַחֲרֵיהֶ֥ם אֵלֵֽךְh ׃

26 כְּבֹ֤שֶׁתa גַּנָּב֙b כִּ֣י יִמָּצֵ֔אc כֵּ֥ן הֹבִ֖ישׁוּd בֵּ֣ית יִשְׂרָאֵ֑ל הֵ֤מָּה מַלְכֵיהֶם֙ שָֽׂרֵיהֶ֔ם וְכֹהֲנֵיהֶ֖ם וּנְבִיאֵיהֶֽם׃

27 אֹמְרִ֨יםa לָעֵ֜ץ אָ֣בִי אַ֗תָּה וְלָאֶ֨בֶן֙ אַ֣תְּ ילדתניb כִּֽי־פָנ֥וּc אֵלַ֛י עֹ֖רֶףd וְלֹ֣א פָנִ֑ים וּבְעֵ֤ת רָֽעָתָם֙ יֹֽאמְר֔וּe ק֖וּמָהf וְהֹושִׁיעֵֽנוּg ׃

28 וְאַיֵּ֤הa אֱלֹהֶ֨יךָ֙ אֲשֶׁ֣ר עָשִׂ֣יתָb לָּ֔ךְ יָק֕וּמוּc אִם־יֹושִׁיע֖וּךָd בְּעֵ֣ת רָעָתֶ֑ךָ כִּ֚י מִסְפַּ֣ר עָרֶ֔יךָ הָי֥וּe אֱלֹהֶ֖יךָ יְהוּדָֽה׃ ס

29 לָ֥מָּה תָרִ֖יבוּa אֵלָ֑י כֻּלְּכֶ֛ם פְּשַׁעְתֶּ֥םb בִּ֖י נְאֻם־יְהוָֽה׃

30 לַשָּׁוְא֙ הִכֵּ֣יתִיa אֶת־בְּנֵיכֶ֔ם מוּסָ֖ר לֹ֣א לָקָ֑חוּb אָכְלָ֧הc חַרְבְּכֶ֛ם נְבִֽיאֵיכֶ֖ם כְּאַרְיֵ֥הd מַשְׁחִֽית׃

31 הַדֹּ֗ור אַתֶּם֙ רְא֣וּa דְבַר־יְהוָ֔ה הֲמִדְבָּ֤ר הָיִ֨יתִי֙b לְיִשְׂרָאֵ֔ל אִ֛ם אֶ֥רֶץ מַאְפֵּ֖לְיָ֑הc מַדּ֜וּעַ אָמְר֤וּd עַמִּי֙ רַ֔דְנוּe לֹֽוא־נָבֹ֥ואf עֹ֖וד אֵלֶֽיךָ׃

32 הֲתִשְׁכַּ֤חa בְּתוּלָה֙ עֶדְיָ֔הּb כַּלָּ֖הc קִשֻּׁרֶ֑יהָd וְעַמִּ֣י שְׁכֵח֔וּנִיe יָמִ֖ים אֵ֥ין מִסְפָּֽר׃

33 מַה־תֵּיטִ֥בִיa דַּרְכֵּ֖ךְ לְבַקֵּ֣שׁb אַהֲבָ֑הc לָכֵן֙ גַּ֣ם אֶת־הָרָעֹ֔ות למדתיd אֶת־דְּרָכָֽיִךְ׃

34 גַּ֤ם בִּכְנָפַ֨יִךְ֙ נִמְצְא֔וּa דַּ֛ם נַפְשֹׁ֥ות אֶבְיֹונִ֖ים נְקִיִּ֑יםb לֹֽא־בַמַּחְתֶּ֥רֶתc מְצָאתִ֖יםd כִּ֥י עַל־כָּל־אֵֽלֶּה׃

35 וַתֹּֽאמְרִי֙a כִּ֣י נִקֵּ֔יתִיb אַ֛ךְ שָׁ֥בc אַפֹּ֖ו מִמֶּ֑נִּי הִנְנִי֙ נִשְׁפָּ֣טd אֹותָ֔ךְ עַל־אָמְרֵ֖ךְe לֹ֥א חָטָֽאתִיf ׃

36 מַה־תֵּזְלִ֥יa מְאֹ֖ד לְשַׁנֹּ֣ותb אֶת־דַּרְכֵּ֑ךְ גַּ֤ם מִמִּצְרַ֨יִם֙ תֵּבֹ֔ושִׁיc כַּאֲשֶׁר־בֹּ֖שְׁתְּd מֵאַשּֽׁוּר׃

37 גַּ֣ם מֵאֵ֥ת זֶה֙ תֵּֽצְאִ֔יa וְיָדַ֖יִךְ עַל־רֹאשֵׁ֑ךְ כִּֽי־מָאַ֤סb יְהֹוָה֙ בְּמִבְטַחַ֔יִךְc וְלֹ֥א תַצְלִ֖יחִיd לָהֶֽם׃