ירמיהו

חַטַּ֣את יְהוּדָ֗ה כְּתוּבָ֛הa בְּעֵ֥טb בַּרְזֶ֖ל בְּצִפֹּ֣רֶןc שָׁמִ֑ירd חֲרוּשָׁה֙e עַל־ל֣וּחַf לִבָּ֔ם וּלְקַרְנֹ֖ות מִזְבְּחֹותֵיכֶֽם׃

2 כִּזְכֹּ֤רa בְּנֵיהֶם֙ מִזְבְּחֹותָ֔ם וַאֲשֵׁרֵיהֶ֖םb עַל־עֵ֣ץ רַֽעֲנָ֑ןc עַ֖ל גְּבָעֹ֥ות הַגְּבֹהֹֽותd ׃

3 הֲרָרִי֙ בַּשָּׂדֶ֔ה חֵילְךָ֥ כָל־אֹוצְרֹותֶ֖יךָ לָבַ֣זa אֶתֵּ֑ןb בָּמֹתֶ֕יךָ בְּחַטָּ֖את בְּכָל־גְּבוּלֶֽיךָ׃

4 וְשָׁמַטְתָּ֗הa וּבְךָ֙ מִנַּחֲלָֽתְךָ֙ אֲשֶׁ֣ר נָתַ֣תִּיb לָ֔ךְ וְהַעֲבַדְתִּ֨יךָ֙c אֶת־אֹ֣יְבֶ֔יךָ בָּאָ֖רֶץ אֲשֶׁ֣ר לֹֽא־יָדָ֑עְתָּd כִּֽי־אֵ֛שׁ קְדַחְתֶּ֥םe בְּאַפִּ֖י עַד־עֹולָ֥ם תּוּקָֽדf ׃ ס

5 כֹּ֣ה׀ אָמַ֣רa יְהוָ֗ה אָר֤וּרb הַגֶּ֨בֶר֙ אֲשֶׁ֣ר יִבְטַ֣חc בָּֽאָדָ֔ם וְשָׂ֥םd בָּשָׂ֖ר זְרֹעֹ֑ו וּמִן־יְהוָ֖ה יָס֥וּרe לִבֹּֽו׃

6 וְהָיָה֙a כְּעַרְעָ֣רb בָּֽעֲרָבָ֔ה וְלֹ֥א יִרְאֶ֖הc כִּי־יָבֹ֣ואd טֹ֑וב וְשָׁכַ֤ןe חֲרֵרִים֙f בַּמִּדְבָּ֔ר אֶ֥רֶץ מְלֵחָ֖הg וְלֹ֥א תֵשֵֽׁבh ׃ ס

7 בָּר֣וּךְa הַגֶּ֔בֶר אֲשֶׁ֥ר יִבְטַ֖חb בַּֽיהוָ֑ה וְהָיָ֥הc יְהוָ֖ה מִבְטַחֹֽוd ׃

8 וְהָיָ֞הa כְּעֵ֣ץ׀ שָׁת֣וּלb עַל־מַ֗יִם וְעַל־יוּבַל֙c יְשַׁלַּ֣חd שָֽׁרָשָׁ֔יוe וְלֹ֤א יראf כִּֽי־יָבֹ֣אg חֹ֔םh וְהָיָ֥הi עָלֵ֖הוּj רַֽעֲנָ֑ןk וּבִשְׁנַ֤ת בַּצֹּ֨רֶת֙l לֹ֣א יִדְאָ֔גm וְלֹ֥א יָמִ֖ישׁn מֵעֲשֹׂ֥ותo פֶּֽרִי׃

9 עָקֹ֥בa הַלֵּ֛ב מִכֹּ֖ל וְאָנֻ֣שׁb ה֑וּא מִ֖י יֵדָעֶֽנּוּc ׃

10 אֲנִ֧י יְהוָ֛ה חֹקֵ֥רa לֵ֖ב בֹּחֵ֣ןb כְּלָיֹ֑ותc וְלָתֵ֤תd לְאִישׁ֙ כדרכוe כִּפְרִ֖י מַעֲלָלָֽיוf ׃ ס

11 קֹרֵ֤אa דָגַר֙b וְלֹ֣א יָלָ֔דc עֹ֥שֶׂהd עֹ֖שֶׁרe וְלֹ֣א בְמִשְׁפָּ֑ט בַּחֲצִ֤י ימוf יַעַזְבֶ֔נּוּg וּבְאַחֲרִיתֹ֖ו יִהְיֶ֥הh נָבָֽלi ׃

12 כִּסֵּ֣א כָבֹ֔וד מָרֹ֖ום מֵֽרִאשֹׁ֑ון מְקֹ֖ום מִקְדָּשֵֽׁנוּ׃

13 מִקְוֵ֤הa יִשְׂרָאֵל֙ יְהוָ֔ה כָּל־עֹזְבֶ֖יךָ יֵבֹ֑שׁוּb יסוריc בָּאָ֣רֶץ יִכָּתֵ֔בוּd כִּ֥י עָזְב֛וּe מְקֹ֥ורf מַֽיִם־חַיִּ֖ים אֶת־יְהוָֽה׃ ס

14 רְפָאֵ֤נִיa יְהוָה֙ וְאֵ֣רָפֵ֔אb הֹושִׁיעֵ֖נִיc וְאִוָּשֵׁ֑עָהd כִּ֥י תְהִלָּתִ֖י אָֽתָּה׃

15 הִנֵּה־הֵ֕מָּה אֹמְרִ֖יםa אֵלָ֑י אַיֵּ֥הb דְבַר־יְהוָ֖ה יָ֥בֹואc נָֽא׃

16 וַאֲנִ֞י לֹא־אַ֣צְתִּיa ׀ מֵרֹעֶ֣ה אַחֲרֶ֗יךָ וְיֹ֥ום אָנ֛וּשׁb לֹ֥א הִתְאַוֵּ֖יתִיc אַתָּ֣ה יָדָ֑עְתָּd מֹוצָ֣אe שְׂפָתַ֔י נֹ֥כַחf פָּנֶ֖יךָ הָיָֽהg ׃

17 אַל־תִּֽהְיֵהa ־לִ֖י לִמְחִתָּ֑הb מַֽחֲסִיc ־אַ֖תָּה בְּיֹ֥ום רָעָֽה׃

18 יֵבֹ֤שׁוּa רֹדְפַי֙ וְאַל־אֵבֹ֣שָׁהb אָ֔נִי יֵחַ֣תּוּc הֵ֔מָּה וְאַל־אֵחַ֖תָּהd אָ֑נִי הָבִ֤יאe עֲלֵיהֶם֙ יֹ֣ום רָעָ֔ה וּמִשְׁנֶ֥הf שִׁבָּרֹ֖וןg שָׁבְרֵֽםh ׃ ס

19 כֹּה־אָמַ֨רa יְהוָ֜ה אֵלַ֗י הָלֹ֤ךְb וְעָֽמַדְתָּ֙c בְּשַׁ֣עַר בְּנֵֽי־עםd אֲשֶׁ֨ר יָבֹ֤אוּe בֹו֙ מַלְכֵ֣י יְהוּדָ֔ה וַאֲשֶׁ֖ר יֵ֣צְאוּf בֹ֑ו וּבְכֹ֖ל שַׁעֲרֵ֥י יְרוּשָׁלִָֽם׃

20 וְאָמַרְתָּ֣a אֲ֠לֵיהֶם שִׁמְע֨וּb דְבַר־יְהוָ֜ה מַלְכֵ֤י יְהוּדָה֙ וְכָל־יְהוּדָ֔ה וְכֹ֖ל יֹשְׁבֵ֣י יְרוּשָׁלִָ֑ם הַבָּאִ֖יםc בַּשְּׁעָרִ֥ים הָאֵֽלֶּה׃ ס

21 כֹּ֚ה אָמַ֣רa יְהוָ֔ה הִשָּׁמְר֖וּb בְּנַפְשֹֽׁותֵיכֶ֑ם וְאַל־תִּשְׂא֤וּc מַשָּׂא֙d בְּיֹ֣ום הַשַּׁבָּ֔ת וַהֲבֵאתֶ֖םe בְּשַׁעֲרֵ֥י יְרוּשָׁלִָֽם׃

22 וְלֹא־תֹוצִ֨יאוּa מַשָּׂ֤אb מִבָּֽתֵּיכֶם֙ בְּיֹ֣ום הַשַּׁבָּ֔ת וְכָל־מְלָאכָ֖ה לֹ֣א תַֽעֲשׂ֑וּc וְקִדַּשְׁתֶּם֙d אֶת־יֹ֣ום הַשַּׁבָּ֔ת כַּאֲשֶׁ֥ר צִוִּ֖יתִיe אֶת־אֲבֹותֵיכֶֽם׃

23 וְלֹ֣א שָֽׁמְע֔וּa וְלֹ֥א הִטּ֖וּb אֶת־אָזְנָ֑ם וַיַּקְשׁוּ֙c אֶת־עָרְפָּ֔םd לְבִלְתִּ֣י שׁומעe וּלְבִלְתִּ֖י קַ֥חַתf מוּסָֽר׃

24 וְ֠הָיָהa אִם־שָׁמֹ֨עַ תִּשְׁמְע֤וּןb אֵלַי֙ נְאֻם־יְהוָ֔ה לְבִלְתִּ֣י׀ הָבִ֣יאc מַשָּׂ֗אd בְּשַׁעֲרֵ֛י הָעִ֥יר הַזֹּ֖את בְּיֹ֣ום הַשַּׁבָּ֑ת וּלְקַדֵּשׁ֙e אֶת־יֹ֣ום הַשַּׁבָּ֔ת לְבִלְתִּ֥י עֲשֹֽׂותf ־בהg כָּל־מְלָאכָֽה׃

25 וּבָ֣אוּa בְשַׁעֲרֵ֣י הָעִ֣יר הַזֹּ֡את מְלָכִ֣ים׀ וְשָׂרִ֡ים יֹשְׁבִים֩b עַל־כִּסֵּ֨א דָוִ֜ד רֹכְבִ֣יםc ׀ בָּרֶ֣כֶב וּבַסּוּסִ֗ים הֵ֚מָּה וְשָׂ֣רֵיהֶ֔ם אִ֥ישׁ יְהוּדָ֖ה וְיֹשְׁבֵ֣י יְרוּשָׁלִָ֑ם וְיָשְׁבָ֥הd הָֽעִיר־הַזֹּ֖את לְעֹולָֽם׃

26 וּבָ֣אוּa מֵעָרֵֽי־יְ֠הוּדָה וּמִסְּבִיבֹ֨ות יְרוּשָׁלִַ֜ם וּמֵאֶ֣רֶץ בִּנְיָמִ֗ן וּמִן־הַשְּׁפֵלָ֤הb וּמִן־הָהָר֙ וּמִן־הַנֶּ֔גֶב מְבִאִ֛יםc עֹולָ֥ה וְזֶ֖בַח וּמִנְחָ֣ה וּלְבֹונָ֑הd וּמְבִאֵ֥י תֹודָ֖הe בֵּ֥ית יְהוָֽה׃

27 וְאִם־לֹ֨א תִשְׁמְע֜וּa אֵלַ֗י לְקַדֵּשׁ֙b אֶת־יֹ֣ום הַשַּׁבָּ֔ת וּלְבִלְתִּ֣י׀ שְׂאֵ֣תc מַשָּׂ֗אd וּבֹ֛אe בְּשַׁעֲרֵ֥י יְרוּשָׁלִַ֖ם בְּיֹ֣ום הַשַּׁבָּ֑ת וְהִצַּ֧תִּיf אֵ֣שׁ בִּשְׁעָרֶ֗יהָ וְאָֽכְלָ֛הg אַרְמְנֹ֥ותh יְרוּשָׁלִַ֖ם וְלֹ֥א תִכְבֶּֽהi ׃ פ