16
וַיְהִ֥יa
דְבַר־יְהוָ֖ה אֵלַ֥י לֵאמֹֽרb
׃
2
לֹֽא־תִקַּ֥חa
לְךָ֖ אִשָּׁ֑ה וְלֹֽא־יִהְי֤וּb
לְךָ֙ בָּנִ֣ים וּבָנֹ֔ות בַּמָּקֹ֖ום הַזֶּֽה׃
3
כִּי־כֹ֣ה׀ אָמַ֣רa
יְהוָ֗ה עַל־הַבָּנִים֙ וְעַל־הַבָּנֹ֔ות הַיִּלֹּודִ֖יםb
בַּמָּקֹ֣ום הַזֶּ֑ה וְעַֽל־אִמֹּתָ֞ם הַיֹּלְדֹ֣ותc
אֹותָ֗ם וְעַל־אֲבֹותָ֛ם הַמֹּולִדִ֥יםd
אֹותָ֖ם בָּאָ֥רֶץ הַזֹּֽאת׃
4
מְמֹותֵ֨יa
תַחֲלֻאִ֜יםb
יָמֻ֗תוּc
לֹ֤א יִסָּֽפְדוּ֙d
וְלֹ֣א יִקָּבֵ֔רוּe
לְדֹ֛מֶןf
עַל־פְּנֵ֥י הָאֲדָמָ֖ה יִֽהְי֑וּg
וּבַחֶ֤רֶב וּבָֽרָעָב֙ יִכְל֔וּh
וְהָיְתָ֤הi
נִבְלָתָם֙j
לְמַאֲכָ֔לk
לְעֹ֥וף הַשָּׁמַ֖יִם וּלְבֶהֱמַ֥ת הָאָֽרֶץ׃ ס
5
כִּֽי־כֹ֣ה׀ אָמַ֣רa
יְהוָ֗ה אַל־תָּבֹוא֙b
בֵּ֣ית מַרְזֵ֔חַc
וְאַל־תֵּלֵ֣ךְd
לִסְפֹּ֔ודe
וְאַל־תָּנֹ֖דf
לָהֶ֑ם כִּֽי־אָסַ֨פְתִּיg
אֶת־שְׁלֹומִ֜י מֵאֵ֨ת הָעָ֤ם־הַזֶּה֙ נְאֻם־יְהוָ֔ה אֶת־הַחֶ֖סֶד וְאֶת־הָֽרַחֲמִֽיםh
׃
6
וּמֵ֨תוּa
גְדֹלִ֧ים וּקְטַנִּ֛יםb
בָּאָ֥רֶץ הַזֹּ֖את לֹ֣א יִקָּבֵ֑רוּc
וְלֹֽא־יִסְפְּד֣וּd
לָהֶ֔ם וְלֹ֣א יִתְגֹּדַ֔דe
וְלֹ֥א יִקָּרֵ֖חַf
לָהֶֽם׃
7
וְלֹֽא־יִפְרְס֥וּa
לָהֶ֛ם עַל־אֵ֖בֶלb
לְנַחֲמֹ֣וc
עַל־מֵ֑ת וְלֹֽא־יַשְׁק֤וּd
אֹותָם֙ כֹּ֣וסe
תַּנְחוּמִ֔יםf
עַל־אָבִ֖יו וְעַל־אִמֹּֽו׃
8
וּבֵית־מִשְׁתֶּ֥הa
לֹא־תָבֹ֖ואb
לָשֶׁ֣בֶתc
אֹותָ֑ם לֶאֱכֹ֖לd
וְלִשְׁתֹּֽותe
׃ ס
9
כִּי֩ כֹ֨ה אָמַ֜רa
יְהוָ֤ה צְבָאֹות֙ אֱלֹהֵ֣י יִשְׂרָאֵ֔ל הִנְנִ֨י מַשְׁבִּ֜יתb
מִן־הַמָּקֹ֥ום הַזֶּ֛ה לְעֵינֵיכֶ֖ם וּבִֽימֵיכֶ֑ם קֹ֤ול שָׂשֹׂון֙c
וְקֹ֣ול שִׂמְחָ֔ה קֹ֥ול חָתָ֖ןd
וְקֹ֥ול כַּלָּֽהe
׃
10
וְהָיָ֗הa
כִּ֤י תַגִּיד֙b
לָעָ֣ם הַזֶּ֔ה אֵ֥ת כָּל־הַדְּבָרִ֖ים הָאֵ֑לֶּה וְאָמְר֣וּc
אֵלֶ֗יךָ עַל־מֶה֩ דִבֶּ֨רd
יְהוָ֤ה עָלֵ֨ינוּ֙ אֵ֣ת כָּל־הָרָעָ֤ה הַגְּדֹולָה֙ הַזֹּ֔את וּמֶ֤ה עֲוֹנֵ֨נוּ֙ וּמֶ֣ה חַטָּאתֵ֔נוּ אֲשֶׁ֥ר חָטָ֖אנוּe
לַֽיהוָ֥ה אֱלֹהֵֽינוּ׃
11
וְאָמַרְתָּ֣a
אֲלֵיהֶ֗ם עַל֩ אֲשֶׁר־עָזְב֨וּb
אֲבֹותֵיכֶ֤ם אֹותִי֙ נְאֻם־יְהוָ֔ה וַיֵּלְכ֗וּc
אַֽחֲרֵי֙ אֱלֹהִ֣ים אֲחֵרִ֔ים וַיַּעַבְד֖וּםd
וַיִּשְׁתַּחֲו֣וּe
לָהֶ֑ם וְאֹתִ֣י עָזָ֔בוּf
וְאֶת־תֹּורָתִ֖י לֹ֥א שָׁמָֽרוּg
׃
12
וְאַתֶּ֛ם הֲרֵעֹתֶ֥םa
לַעֲשֹׂ֖ותb
מֵאֲבֹֽותֵיכֶ֑ם וְהִנְּכֶ֣ם הֹלְכִ֗יםc
אִ֚ישׁ אַֽחֲרֵי֙ שְׁרִר֣וּתd
לִבֹּֽו־הָרָ֔ע לְבִלְתִּ֖י שְׁמֹ֥עַe
אֵלָֽי׃
13
וְהֵטַלְתִּ֣יa
אֶתְכֶ֗ם מֵעַל֙ הָאָ֣רֶץ הַזֹּ֔את עַל־הָאָ֕רֶץ אֲשֶׁר֙ לֹ֣א יְדַעְתֶּ֔םb
אַתֶּ֖ם וַאֲבֹֽותֵיכֶ֑ם וַעֲבַדְתֶּםc
־שָׁ֞ם אֶת־אֱלֹהִ֤ים אֲחֵרִים֙ יֹומָ֣ם וָלַ֔יְלָה אֲשֶׁ֛ר לֹֽא־אֶתֵּ֥ןd
לָכֶ֖ם חֲנִינָֽהe
׃ ס
14
לָכֵ֛ן הִנֵּֽה־יָמִ֥ים בָּאִ֖יםa
נְאֻם־יְהוָ֑ה וְלֹֽא־יֵאָמֵ֥רb
עֹוד֙ חַי־יְהוָ֔ה אֲשֶׁ֧ר הֶעֱלָ֛הc
אֶת־בְּנֵ֥י יִשְׂרָאֵ֖ל מֵאֶ֥רֶץ מִצְרָֽיִם׃
15
כִּ֣י אִם־חַי־יְהוָ֗ה אֲשֶׁ֨ר הֶעֱלָ֜הa
אֶת־בְּנֵ֤י יִשְׂרָאֵל֙ מֵאֶ֣רֶץ צָפֹ֔ון וּמִכֹּל֙ הָֽאֲרָצֹ֔ות אֲשֶׁ֥ר הִדִּיחָ֖םb
שָׁ֑מָּה וַהֲשִֽׁבֹתִים֙c
עַל־אַדְמָתָ֔ם אֲשֶׁ֥ר נָתַ֖תִּיd
לַאֲבֹותָֽם׃ ס
16
הִנְנִ֨י שֹׁלֵ֜חַa
לדוגיםb
רַבִּ֛ים נְאֻם־יְהוָ֖ה וְדִיג֑וּםc
וְאַֽחֲרֵי־כֵ֗ן אֶשְׁלַח֙d
לְרַבִּ֣ים צַיָּדִ֔יםe
וְצָד֞וּםf
מֵעַ֤ל כָּל־הַר֙ וּמֵעַ֣ל כָּל־גִּבְעָ֔ה וּמִנְּקִיקֵ֖יg
הַסְּלָעִֽים׃
17
כִּ֤י עֵינַי֙ עַל־כָּל־דַּרְכֵיהֶ֔ם לֹ֥א נִסְתְּר֖וּa
מִלְּפָנָ֑י וְלֹֽא־נִצְפַּ֥ןb
עֲוֹנָ֖ם מִנֶּ֥גֶד עֵינָֽי׃
18
וְשִׁלַּמְתִּ֣יa
רִֽאשֹׁונָ֗ה מִשְׁנֵ֤הb
עֲוֹנָם֙ וְחַטָּאתָ֔ם עַ֖ל חַלְּלָ֣םc
אֶת־אַרְצִ֑י בְּנִבְלַ֤תd
שִׁקּֽוּצֵיהֶם֙e
וְתֹועֲבֹ֣ותֵיהֶ֔ם מָלְא֖וּf
אֶת־נַחֲלָתִֽי׃ ס
19
יְהוָ֞ה עֻזִּ֧יa
וּמָעֻזִּ֛יb
וּמְנוּסִ֖יc
בְּיֹ֣ום צָרָ֑ה אֵלֶ֗יךָ גֹּויִ֤ם יָבֹ֨אוּ֙d
מֵֽאַפְסֵיe
־אָ֔רֶץ וְיֹאמְר֗וּf
אַךְ־שֶׁ֨קֶר֙ נָחֲל֣וּg
אֲבֹותֵ֔ינוּ הֶ֖בֶל וְאֵֽין־בָּ֥ם מֹועִֽילh
׃
20
הֲיַעֲשֶׂהa
־לֹּ֥ו אָדָ֖ם אֱלֹהִ֑ים וְהֵ֖מָּה לֹ֥א אֱלֹהִֽים׃
21
לָכֵן֙ הִנְנִ֣י מֹֽודִיעָ֔םa
בַּפַּ֣עַם הַזֹּ֔את אֹודִיעֵ֥םb
אֶת־יָדִ֖י וְאֶת־גְּבֽוּרָתִ֑י וְיָדְע֖וּc
כִּֽי־שְׁמִ֥י יְהוָֽה׃ ס