ירמיהו

וַיֹּ֤אמֶרa יְהוָה֙ אֵלַ֔י אִם־יַעֲמֹ֨דb מֹשֶׁ֤ה וּשְׁמוּאֵל֙ לְפָנַ֔י אֵ֥ין נַפְשִׁ֖י אֶל־הָעָ֣ם הַזֶּ֑ה שַׁלַּ֥חc מֵֽעַל־פָּנַ֖י וְיֵצֵֽאוּd ׃

2 וְהָיָ֛הa כִּֽי־יֹאמְר֥וּb אֵלֶ֖יךָ אָ֣נָהc נֵצֵ֑אd וְאָמַרְתָּ֨e אֲלֵיהֶ֜ם כֹּֽה־אָמַ֣רf יְהוָ֗ה אֲשֶׁ֨ר לַמָּ֤וֶת לַמָּ֨וֶת֙ וַאֲשֶׁ֤ר לַחֶ֨רֶב֙ לַחֶ֔רֶב וַאֲשֶׁ֤ר לָֽרָעָב֙ לָֽרָעָ֔ב וַאֲשֶׁ֥ר לַשְּׁבִ֖יg לַשֶּֽׁבִיh ׃

3 וּפָקַדְתִּ֨יa עֲלֵיהֶ֜ם אַרְבַּ֤ע מִשְׁפָּחֹות֙ נְאֻם־יְהוָ֔ה אֶת־הַחֶ֣רֶב לַֽהֲרֹ֔גb וְאֶת־הַכְּלָבִ֖יםc לִסְחֹ֑בd וְאֶת־עֹ֧וף הַשָּׁמַ֛יִם וְאֶת־בֶּהֱמַ֥ת הָאָ֖רֶץ לֶאֱכֹ֥לe וּלְהַשְׁחִֽיתf ׃

4 וּנְתַתִּ֣יםa לזועהb לְכֹ֖ל מַמְלְכֹ֣ות הָאָ֑רֶץ בִּ֠גְלַלc מְנַשֶּׁ֤ה בֶן־יְחִזְקִיָּ֨הוּ֙d מֶ֣לֶךְ יְהוּדָ֔ה עַ֥ל אֲשֶׁר־עָשָׂ֖הe בִּירוּשָׁלִָֽם׃

5 כִּ֠י מִֽי־יַחְמֹ֤לa עָלַ֨יִךְ֙ יְר֣וּשָׁלִַ֔ם וּמִ֖י יָנ֣וּדb לָ֑ךְ וּמִ֣י יָס֔וּרc לִשְׁאֹ֥לd לְשָׁלֹ֖ם לָֽךְ׃

6 אַ֣תְּ נָטַ֥שְׁתְּa אֹתִ֛י נְאֻם־יְהוָ֖ה אָחֹ֣ורb תֵּלֵ֑כִיc וָאַ֨טd אֶת־יָדִ֤י עָלַ֨יִךְ֙ וָֽאַשְׁחִיתֵ֔ךְe נִלְאֵ֖יתִיf הִנָּחֵֽםg ׃

7 וָאֶזְרֵ֥םa בְּמִזְרֶ֖הb בְּשַׁעֲרֵ֣י הָאָ֑רֶץ שִׁכַּ֤לְתִּיc אִבַּ֨דְתִּי֙d אֶת־עַמִּ֔י מִדַּרְכֵיהֶ֖ם לֹוא־שָֽׁבוּe ׃

8 עָֽצְמוּa ־לִ֤י אלמנתוb מֵחֹ֣ולc יַמִּ֔ים הֵבֵ֨אתִיd לָהֶ֥ם עַל־אֵ֛ם בָּח֖וּרe שֹׁדֵ֣ד בַּֽצָּהֳרָ֑יִםf הִפַּ֤לְתִּיg עָלֶ֨יהָ֙ פִּתְאֹ֔םh עִ֖ירi וּבֶהָלֹֽותj ׃

9 אֻמְלְלָ֞הa יֹלֶ֣דֶת הַשִּׁבְעָ֗ה נָפְחָ֥הb נַפְשָׁ֛הּ באהc שִׁמְשָׁ֛הּ בְּעֹ֥ד יֹומָ֖ם בֹּ֣ושָׁהd וְחָפֵ֑רָהe וּשְׁאֵֽרִיתָ֗ם לַחֶ֧רֶב אֶתֵּ֛ןf לִפְנֵ֥י אֹיְבֵיהֶ֖ם נְאֻם־יְהוָֽה׃ ס

10 אֹֽויa ־לִ֣י אִמִּ֔י כִּ֣י יְלִדְתִּ֗נִיb אִ֥ישׁ רִ֛יב וְאִ֥ישׁ מָדֹ֖וןc לְכָל־הָאָ֑רֶץ לֹֽא־נָשִׁ֥יתִיd וְלֹא־נָֽשׁוּe ־בִ֖י כֻּלֹּ֥ה מְקַלְלַֽונִיf ׃ ס

11 אָמַ֣רa יְהוָ֔ה אִם־לֹ֥א שׁרותךb לְטֹ֑וב אִם־לֹ֣וא׀ הִפְגַּ֣עְתִּֽיc בְךָ֗ בְּעֵ֥ת־רָעָ֛ה וּבְעֵ֥ת צָרָ֖ה אֶת־הָאֹיֵֽב׃

12 הֲיָרֹ֨עַa בַּרְזֶ֧ל׀ בַּרְזֶ֛ל מִצָּפֹ֖ון וּנְחֹֽשֶׁת׃

13 חֵילְךָ֧ וְאֹוצְרֹותֶ֛יךָ לָבַ֥זa אֶתֵּ֖ןb לֹ֣א בִמְחִ֑ירc וּבְכָל־חַטֹּאותֶ֖יךָ וּבְכָל־גְּבוּלֶֽיךָ׃

14 וְהַֽעֲבַרְתִּי֙a אֶת־אֹ֣יְבֶ֔יךָ בְּאֶ֖רֶץ לֹ֣א יָדָ֑עְתָּb כִּֽי־אֵ֛שׁ קָדְחָ֥הc בְאַפִּ֖י עֲלֵיכֶ֥ם תּוּקָֽדd ׃ ס

15 אַתָּ֧ה יָדַ֣עְתָּa יְהוָ֗ה זָכְרֵ֤נִיb וּפָקְדֵ֨נִי֙c וְהִנָּ֤קֶםd לִי֙ מֵרֹ֣דְפַ֔י אַל־לְאֶ֥רֶךְe אַפְּךָ֖ תִּקָּחֵ֑נִיf דַּ֕עg שְׂאֵתִ֥יh עָלֶ֖יךָ חֶרְפָּֽה׃

16 נִמְצְא֤וּa דְבָרֶ֨יךָ֙ וָאֹ֣כְלֵ֔םb וַיְהִ֤יc דבריךd לִ֔י לְשָׂשֹׂ֖וןe וּלְשִׂמְחַ֣ת לְבָבִ֑י כִּֽי־נִקְרָ֤אf שִׁמְךָ֙ עָלַ֔י יְהוָ֖ה אֱלֹהֵ֥י צְבָאֹֽות׃ ס

17 לֹֽא־יָשַׁ֥בְתִּיa בְסֹודb ־מְשַׂחֲקִ֖יםc וָֽאֶעְלֹ֑זd מִפְּנֵ֤י יָֽדְךָ֙ בָּדָ֣דe יָשַׁ֔בְתִּיf כִּֽי־זַ֖עַםg מִלֵּאתָֽנִיh ׃ ס

18 לָ֣מָּה הָיָ֤הa כְאֵבִי֙b נֶ֔צַחc וּמַכָּתִ֖יd אֲנוּשָׁ֑ה֙e מֵֽאֲנָה֙f הֵֽרָפֵ֔אg הָיֹ֨ו תִֽהְיֶ֥הh לִי֙ כְּמֹ֣ו אַכְזָ֔בi מַ֖יִם לֹ֥א נֶאֱמָֽנוּj ׃ ס

19 לָכֵ֞ן כֹּֽה־אָמַ֣רa יְהוָ֗ה אִם־תָּשׁ֤וּבb וַאֲשִֽׁיבְךָ֙c לְפָנַ֣י תַּֽעֲמֹ֔דd וְאִם־תֹּוצִ֥יאe יָקָ֛רf מִזֹּולֵ֖לg כְּפִ֣י תִֽהְיֶ֑הh יָשֻׁ֤בוּi הֵ֨מָּה֙ אֵלֶ֔יךָ וְאַתָּ֖ה לֹֽא־תָשׁ֥וּבj אֲלֵיהֶֽם׃

20 וּנְתַתִּ֜יךָa לָעָ֣ם הַזֶּ֗ה לְחֹומַ֤ת נְחֹ֨שֶׁת֙ בְּצוּרָ֔הb וְנִלְחֲמ֥וּc אֵלֶ֖יךָ וְלֹא־י֣וּכְלוּd לָ֑ךְ כִּֽי־אִתְּךָ֥ אֲנִ֛י לְהֹושִֽׁיעֲךָ֥e וּלְהַצִּילֶ֖ךָf נְאֻם־יְהוָֽה׃

21 וְהִצַּלְתִּ֖יךָa מִיַּ֣ד רָעִ֑ים וּפְדִתִ֖יךָb מִכַּ֥ף עָרִצִֽיםc ׃ פ