ירמיהו

צַדִּ֤יק אַתָּה֙ יְהוָ֔ה כִּ֥י אָרִ֖יבa אֵלֶ֑יךָ אַ֤ךְ מִשְׁפָּטִים֙ אֲדַבֵּ֣רb אֹותָ֔ךְ מַדּ֗וּעַ דֶּ֤רֶךְ רְשָׁעִים֙ צָלֵ֔חָהc שָׁל֖וּd כָּל־בֹּ֥גְדֵיe בָֽגֶדf ׃

2 נְטַעְתָּם֙a גַּם־שֹׁרָ֔שׁוּb יֵלְכ֖וּc גַּם־עָ֣שׂוּd פֶ֑רִי קָרֹ֤וב אַתָּה֙ בְּפִיהֶ֔ם וְרָחֹ֖וק מִכִּלְיֹותֵיהֶֽםe ׃

3 וְאַתָּ֤ה יְהוָה֙ יְדַעְתָּ֔נִיa תִּרְאֵ֕נִיb וּבָחַנְתָּ֥c לִבִּ֖י אִתָּ֑ךְ הַתִּקֵם֙d כְּצֹ֣אן לְטִבְחָ֔הe וְהַקְדִּשֵׁ֖םf לְיֹ֥ום הֲרֵגָֽהg ׃ ס

4 עַד־מָתַי֙a תֶּאֱבַ֣לb הָאָ֔רֶץ וְעֵ֥שֶׂבc כָּל־הַשָּׂדֶ֖ה יִיבָ֑שׁd מֵרָעַ֣ת יֹֽשְׁבֵי־בָ֗הּ סָפְתָ֤הe בְהֵמֹות֙ וָעֹ֔וף כִּ֣י אָמְר֔וּf לֹ֥א יִרְאֶ֖הg אֶת־אַחֲרִיתֵֽנוּ׃

5 כִּ֣י אֶת־רַגְלִ֥יםa ׀ רַ֨צְתָּה֙b וַיַּלְא֔וּךָc וְאֵ֥יךְ תְּתַֽחֲרֶ֖הd אֶת־הַסּוּסִ֑ים וּבְאֶ֤רֶץ שָׁלֹום֙ אַתָּ֣ה בֹוטֵ֔חַe וְאֵ֥יךְ תַּעֲשֶׂ֖הf בִּגְאֹ֥וןg הַיַּרְדֵּֽן׃

6 כִּ֧י גַם־אַחֶ֣יךָ וּבֵית־אָבִ֗יךָ גַּם־הֵ֨מָּה֙ בָּ֣גְדוּa בָ֔ךְ גַּם־הֵ֛מָּה קָרְא֥וּb אַחֲרֶ֖יךָ מָלֵ֑אc אַל־תַּאֲמֵ֣ןd בָּ֔ם כִּֽי־יְדַבְּר֥וּe אֵלֶ֖יךָ טֹובֹֽות׃ ס

7 עָזַ֨בְתִּי֙a אֶת־בֵּיתִ֔י נָטַ֖שְׁתִּיb אֶת־נַחֲלָתִ֑י נָתַ֛תִּיc אֶת־יְדִד֥וּתd נַפְשִׁ֖י בְּכַ֥ף אֹיְבֶֽיהָ׃

8 הָיְתָהa ־לִּ֥י נַחֲלָתִ֖י כְּאַרְיֵ֣הb בַיָּ֑עַר נָתְנָ֥הc עָלַ֛י בְּקֹולָ֖הּ עַל־כֵּ֥ן שְׂנֵאתִֽיהָd ׃

9 הַעַ֨יִטa צָב֤וּעַb נַחֲלָתִי֙ לִ֔י הַעַ֖יִטc סָבִ֣יב עָלֶ֑יהָ לְכ֗וּd אִסְפ֛וּe כָּל־חַיַּ֥ת הַשָּׂדֶ֖ה הֵתָ֥יוּf לְאָכְלָֽהg ׃

10 רֹעִ֤ים רַבִּים֙ שִֽׁחֲת֣וּa כַרְמִ֔י בֹּסְס֖וּb אֶת־חֶלְקָתִ֑יc נָֽתְנ֛וּd אֶת־חֶלְקַ֥תe חֶמְדָּתִ֖יf לְמִדְבַּ֥ר שְׁמָמָֽה׃

11 שָׂמָהּ֙a לִשְׁמָמָ֔ה אָבְלָ֥הb עָלַ֖י שְׁמֵמָ֑הc נָשַׁ֨מָּה֙d כָּל־הָאָ֔רֶץ כִּ֛י אֵ֥ין אִ֖ישׁ שָׂ֥םe עַל־לֵֽב׃

12 עַֽל־כָּל־שְׁפָיִ֣םa בַּמִּדְבָּ֗ר בָּ֚אוּb שֹֽׁדְדִ֔ים כִּ֣י חֶ֤רֶב לַֽיהוָה֙ אֹֽכְלָ֔הc מִקְצֵה־אֶ֖רֶץ וְעַד־קְצֵ֣ה הָאָ֑רֶץ אֵ֥ין שָׁלֹ֖ום לְכָל־בָּשָֽׂר׃ ס

13 זָרְע֤וּa חִטִּים֙b וְקֹצִ֣יםc קָצָ֔רוּd נֶחְל֖וּe לֹ֣א יֹועִ֑לוּf וּבֹ֨שׁוּ֙g מִתְּבוּאֹ֣תֵיכֶ֔םh מֵחֲרֹ֖וןi אַף־יְהוָֽה׃ ס

14 כֹּ֣ה׀ אָמַ֣רa יְהוָ֗ה עַל־כָּל־שְׁכֵנַי֙b הָֽרָעִ֔ים הַנֹּֽגְעִים֙c בַּֽנַּחֲלָ֔ה אֲשֶׁר־הִנְחַ֥לְתִּיd אֶת־עַמִּ֖י אֶת־יִשְׂרָאֵ֑ל הִנְנִ֤י נֹֽתְשָׁם֙e מֵעַ֣ל אַדְמָתָ֔ם וְאֶת־בֵּ֥ית יְהוּדָ֖ה אֶתֹּ֥ושׁf מִתֹּוכָֽם׃

15 וְהָיָ֗הa אַֽחֲרֵי֙ נָתְשִׁ֣יb אֹותָ֔ם אָשׁ֖וּבc וְרִֽחַמְתִּ֑יםd וַהֲשִׁבֹתִ֛יםe אִ֥ישׁ לְנַחֲלָתֹ֖ו וְאִ֥ישׁ לְאַרְצֹֽו׃

16 וְהָיָ֡הa אִם־לָמֹ֣ד יִלְמְדוּ֩b אֶת־דַּֽרְכֵ֨י עַמִּ֜י לְהִשָּׁבֵ֤עַc בִּשְׁמִי֙ חַי־יְהוָ֔ה כַּאֲשֶׁ֤ר לִמְּדוּ֙d אֶת־עַמִּ֔י לְהִשָּׁבֵ֖עַe בַּבָּ֑עַל וְנִבְנ֖וּf בְּתֹ֥וךְ עַמִּֽי׃

17 וְאִ֖ם לֹ֣א יִשְׁמָ֑עוּa וְנָ֨תַשְׁתִּ֜יb אֶת־הַגֹּ֥וי הַה֛וּא נָתֹ֥ושׁc וְאַבֵּ֖דd נְאֻם־יְהוָֽה׃ ס