ירמיהו

הַדָּבָר֙ אֲשֶׁ֣ר הָיָ֣הa אֶֽל־יִרְמְיָ֔הוּ מֵאֵ֥ת יְהוָ֖ה לֵאמֹֽרb ׃

2 שִׁמְע֕וּa אֶת־דִּבְרֵ֖י הַבְּרִ֣ית הַזֹּ֑את וְדִבַּרְתָּם֙b אֶל־אִ֣ישׁ יְהוּדָ֔ה וְעַל־יֹשְׁבֵ֖י יְרוּשָׁלִָֽם׃

3 וְאָמַרְתָּ֣a אֲלֵיהֶ֔ם כֹּֽה־אָמַ֥רb יְהוָ֖ה אֱלֹהֵ֣י יִשְׂרָאֵ֑ל אָר֣וּרc הָאִ֔ישׁ אֲשֶׁר֙ לֹ֣א יִשְׁמַ֔עd אֶת־דִּבְרֵ֖י הַבְּרִ֥ית הַזֹּֽאת׃

4 אֲשֶׁ֣ר צִוִּ֣יתִיa אֶת־אֲבֹֽותֵיכֶ֡ם בְּיֹ֣ום הֹוצִיאִֽיb ־אֹותָ֣ם מֵאֶֽרֶץ־מִצְרַיִם֩ מִכּ֨וּרc הַבַּרְזֶ֜ל לֵאמֹ֗רd שִׁמְע֤וּe בְקֹולִי֙ וַעֲשִׂיתֶ֣םf אֹותָ֔ם כְּכֹ֥ל אֲשֶׁר־אֲצַוֶּ֖הg אֶתְכֶ֑ם וִהְיִ֤יתֶםh לִי֙ לְעָ֔ם וְאָ֣נֹכִ֔י אֶהְיֶ֥הi לָכֶ֖ם לֵאלֹהִֽים׃

5 לְמַעַן֩ הָקִ֨יםa אֶת־הַשְּׁבוּעָ֜הb אֲשֶׁר־נִשְׁבַּ֣עְתִּיc לַאֲבֹֽותֵיכֶ֗ם לָתֵ֤תd לָהֶם֙ אֶ֣רֶץ זָבַ֥תe חָלָ֛בf וּדְבַ֖שׁ כַּיֹּ֣ום הַזֶּ֑ה וָאַ֥עַןg וָאֹמַ֖רh אָמֵ֥ןi ׀ יְהוָֽה׃ ס

6 וַיֹּ֤אמֶרa יְהוָה֙ אֵלַ֔י קְרָ֨אb אֶת־כָּל־הַדְּבָרִ֤ים הָאֵ֨לֶּה֙ בְּעָרֵ֣י יְהוּדָ֔ה וּבְחֻצֹ֥ות יְרוּשָׁלִַ֖ם לֵאמֹ֑רc שִׁמְע֗וּd אֶת־דִּבְרֵי֙ הַבְּרִ֣ית הַזֹּ֔את וַעֲשִׂיתֶ֖םe אֹותָֽם׃

7 כִּי֩ הָעֵ֨דa הַעִדֹ֜תִיb בַּאֲבֹֽותֵיכֶ֗ם בְּיֹום֩ הַעֲלֹותִ֨יc אֹותָ֜ם מֵאֶ֤רֶץ מִצְרַ֨יִם֙ וְעַד־הַיֹּ֣ום הַזֶּ֔ה הַשְׁכֵּ֥םd וְהָעֵ֖דe לֵאמֹ֑רf שִׁמְע֖וּg בְּקֹולִֽי׃

8 וְלֹ֤א שָֽׁמְעוּ֙a וְלֹֽא־הִטּ֣וּb אֶת־אָזְנָ֔ם וַיֵּ֣לְכ֔וּc אִ֕ישׁ בִּשְׁרִיר֖וּתd לִבָּ֣ם הָרָ֑ע וָאָבִ֨יאe עֲלֵיהֶ֜ם אֶֽת־כָּל־דִּבְרֵ֧י הַבְּרִית־הַזֹּ֛את אֲשֶׁר־צִוִּ֥יתִיf לַעֲשֹׂ֖ותg וְלֹ֥א עָשֽׂוּh ׃ ס

9 וַיֹּ֥אמֶרa יְהוָ֖ה אֵלָ֑י נִֽמְצָאb ־קֶ֨שֶׁר֙c בְּאִ֣ישׁ יְהוּדָ֔ה וּבְיֹשְׁבֵ֖י יְרוּשָׁלִָֽם׃

10 שָׁ֩בוּ֩a עַל־עֲוֹנֹ֨ת אֲבֹותָ֜ם הָרִֽאשֹׁנִ֗ים אֲשֶׁ֤ר מֵֽאֲנוּ֙b לִשְׁמֹ֣ועַc אֶת־דְּבָרַ֔י וְהֵ֣מָּה הָלְכ֗וּd אַחֲרֵ֛י אֱלֹהִ֥ים אֲחֵרִ֖ים לְעָבְדָ֑םe הֵפֵ֤רוּf בֵֽית־יִשְׂרָאֵל֙ וּבֵ֣ית יְהוּדָ֔ה אֶת־בְּרִיתִ֕י אֲשֶׁ֥ר כָּרַ֖תִּיg אֶת־אֲבֹותָֽם׃ ס

11 לָכֵ֗ן כֹּ֚ה אָמַ֣רa יְהוָ֔ה הִנְנִ֨י מֵבִ֤יאb אֲלֵיהֶם֙ רָעָ֔ה אֲשֶׁ֥ר לֹֽא־יוּכְל֖וּc לָצֵ֣אתd מִמֶּ֑נָּה וְזָעֲק֣וּe אֵלַ֔י וְלֹ֥א אֶשְׁמַ֖עf אֲלֵיהֶֽם׃

12 וְהָֽלְכ֞וּa עָרֵ֣י יְהוּדָ֗ה וְיֹשְׁבֵי֙ יְר֣וּשָׁלִַ֔ם וְזָֽעֲקוּ֙b אֶל־הָ֣אֱלֹהִ֔ים אֲשֶׁ֛ר הֵ֥ם מְקַטְּרִ֖יםc לָהֶ֑ם וְהֹושֵׁ֛עַ לֹֽא־יֹושִׁ֥יעוּd לָהֶ֖ם בְּעֵ֥ת רָעָתָֽם׃

13 כִּ֚י מִסְפַּ֣ר עָרֶ֔יךָ הָי֥וּa אֱלֹהֶ֖יךָ יְהוּדָ֑ה וּמִסְפַּ֞ר חֻצֹ֣ות יְרוּשָׁלִַ֗ם שַׂמְתֶּ֤םb מִזְבְּחֹות֙ לַבֹּ֔שֶׁתc מִזְבְּחֹ֖ות לְקַטֵּ֥רd לַבָּֽעַל׃ ס

14 וְאַתָּ֗ה אַל־תִּתְפַּלֵּל֙a בְּעַד־הָעָ֣ם הַזֶּ֔ה וְאַל־תִּשָּׂ֥אb בַעֲדָ֖ם רִנָּ֣הc וּתְפִלָּ֑ה כִּ֣י אֵינֶ֣נִּי שֹׁמֵ֗עַd בְּעֵ֛ת קָרְאָ֥םe אֵלַ֖י בְּעַ֥ד רָעָתָֽם׃ ס

15 מֶ֣ה לִֽידִידִ֞יa בְּבֵיתִ֗י עֲשֹׂותָ֤הּb הַֽמְזִמָּ֨תָה֙c הָֽרַבִּ֔ים וּבְשַׂר־קֹ֖דֶשׁ יַעַבְר֣וּd מֵֽעָלָ֑יִךְ כִּ֥י רָעָתֵ֖כִי אָ֥ז תַּעֲלֹֽזִיe ׃

16 זַ֤יִתa רַֽעֲנָן֙b יְפֵ֣הc פְרִי־תֹ֔אַרd קָרָ֥אe יְהוָ֖ה שְׁמֵ֑ךְ לְקֹ֣ול׀ הֲמוּלָּ֣הf גְדֹלָ֗ה הִצִּ֥יתg אֵשׁ֙ עָלֶ֔יהָ וְרָע֖וּh דָּלִיֹּותָֽיוi ׃

17 וַיהוָ֤ה צְבָאֹות֙ הַנֹּוטֵ֣עַa אֹותָ֔ךְ דִּבֶּ֥רb עָלַ֖יִךְ רָעָ֑ה בִּ֠גְלַלc רָעַ֨ת בֵּֽית־יִשְׂרָאֵ֜ל וּבֵ֣ית יְהוּדָ֗ה אֲשֶׁ֨ר עָשׂ֥וּd לָהֶ֛ם לְהַכְעִסֵ֖נִיe לְקַטֵּ֥רf לַבָּֽעַל׃ ס

18 וַֽיהוָ֥ה הֹֽודִיעַ֖נִיa וָֽאֵדָ֑עָהb אָ֖ז הִרְאִיתַ֥נִיc מַעַלְלֵיהֶֽםd ׃

19 וַאֲנִ֕י כְּכֶ֥בֶשׂ אַלּ֖וּףa יוּבַ֣לb לִטְבֹ֑וחַc וְלֹֽא־יָדַ֜עְתִּיd כִּֽי־עָלַ֣י׀ חָשְׁב֣וּe מַחֲשָׁבֹ֗ותf נַשְׁחִ֨יתָהg עֵ֤ץ בְּלַחְמֹו֙ וְנִכְרְתֶ֨נּוּ֙h מֵאֶ֣רֶץ חַיִּ֔ים וּשְׁמֹ֖ו לֹֽא־יִזָּכֵ֥רi עֹֽוד׃

20 וַֽיהוָ֤ה צְבָאֹות֙ שֹׁפֵ֣ט צֶ֔דֶק בֹּחֵ֥ןa כְּלָיֹ֖ותb וָלֵ֑ב אֶרְאֶ֤הc נִקְמָֽתְךָ֙d מֵהֶ֔ם כִּ֥י אֵלֶ֖יךָ גִּלִּ֥יתִיe אֶת־רִיבִֽי׃ ס

21 לָכֵ֗ן כֹּֽה־אָמַ֤רa יְהוָה֙ עַל־אַנְשֵׁ֣י עֲנָתֹ֔ותb הַֽמְבַקְשִׁ֥יםc אֶֽת־נַפְשְׁךָ֖ לֵאמֹ֑רd לֹ֤א תִנָּבֵא֙e בְּשֵׁ֣ם יְהוָ֔ה וְלֹ֥א תָמ֖וּתf בְּיָדֵֽנוּ׃ ס

22 לָכֵ֗ן כֹּ֤ה אָמַר֙a יְהוָ֣ה צְבָאֹ֔ות הִנְנִ֥י פֹקֵ֖דb עֲלֵיהֶ֑ם הַבַּֽחוּרִים֙c יָמֻ֣תוּd בַחֶ֔רֶב בְּנֵיהֶם֙ וּבְנֹ֣ותֵיהֶ֔ם יָמֻ֖תוּe בָּרָעָֽב׃

23 וּשְׁאֵרִ֕ית לֹ֥א תִֽהְיֶ֖הa לָהֶ֑ם כִּֽי־אָבִ֥יאb רָעָ֛ה אֶל־אַנְשֵׁ֥י עֲנָתֹ֖ותc שְׁנַ֥ת פְּקֻדָּתָֽםd ׃ ס