ירמיהו

10
שִׁמְע֣וּa אֶת־הַדָּבָ֗ר אֲשֶׁ֨ר דִּבֶּ֧רb יְהוָ֛ה עֲלֵיכֶ֖ם בֵּ֥ית יִשְׂרָאֵֽל׃
2  כֹּ֣ה׀ אָמַ֣רa יְהוָ֗ה אֶל־דֶּ֤רֶךְ הַגֹּויִם֙ אַל־תִּלְמָ֔דוּb וּמֵאֹתֹ֥ות הַשָּׁמַ֖יִם אַל־תֵּחָ֑תּוּc כִּֽי־יֵחַ֥תּוּd הַגֹּויִ֖ם מֵהֵֽמָּה׃
3  כִּֽי־חֻקֹּ֥ות הָֽעַמִּ֖ים הֶ֣בֶל ה֑וּא כִּֽי־עֵץ֙ מִיַּ֣עַר כְּרָתֹ֔וa מַעֲשֵׂ֥ה יְדֵ֥י־חָרָ֖שׁb בַּֽמַּעֲצָֽדc ׃
4  בְּכֶ֥סֶף וּבְזָהָ֖ב יְיַפֵּ֑הוּa בְּמַסְמְרֹ֧ותb וּבְמַקָּבֹ֛ותc יְחַזְּק֖וּםd וְלֹ֥וא יָפִֽיקe ׃
5  כְּתֹ֨מֶרa מִקְשָׁ֥הb הֵ֨מָּה֙ וְלֹ֣א יְדַבֵּ֔רוּc נָשֹׂ֥וא יִנָּשׂ֖וּאd כִּ֣י לֹ֣א יִצְעָ֑דוּe אַל־תִּֽירְא֤וּf מֵהֶם֙ כִּי־לֹ֣א יָרֵ֔עוּg וְגַם־הֵיטֵ֖יב אֵ֥ין אֹותָֽם׃ ס
6  מֵאֵ֥ין כָּמֹ֖וךָ יְהוָ֑ה גָּדֹ֥ול אַתָּ֛ה וְגָדֹ֥ול שִׁמְךָ֖ בִּגְבוּרָֽה׃
7  מִ֣י לֹ֤א יִֽרָאֲךָ֙a מֶ֣לֶךְ הַגֹּויִ֔ם כִּ֥י לְךָ֖ יָאָ֑תָהb כִּ֣י בְכָל־חַכְמֵ֧י הַגֹּויִ֛ם וּבְכָל־מַלְכוּתָ֖ם מֵאֵ֥ין כָּמֹֽוךָ׃
8  וּבְאַחַ֖ת יִבְעֲר֣וּa וְיִכְסָ֑לוּb מוּסַ֥ר הֲבָלִ֖ים עֵ֥ץ הֽוּא׃
9  כֶּ֣סֶף מְרֻקָּ֞עa מִתַּרְשִׁ֣ישׁb יוּבָ֗אc וְזָהָב֙ מֵֽאוּפָ֔זd מַעֲשֵׂ֥ה חָרָ֖שׁe וִידֵ֣י צֹורֵ֑ףf תְּכֵ֤לֶתg וְאַרְגָּמָן֙h לְבוּשָׁ֔םi מַעֲשֵׂ֥ה חֲכָמִ֖ים כֻּלָּֽם׃
10  וַֽיהוָ֤ה אֱלֹהִים֙ אֱמֶ֔ת הֽוּא־אֱלֹהִ֥ים חַיִּ֖ים וּמֶ֣לֶךְ עֹולָ֑ם מִקִּצְפֹּו֙a תִּרְעַ֣שׁb הָאָ֔רֶץ וְלֹֽא־יָכִ֥לוּc גֹויִ֖ם זַעְמֹֽוd ׃ ס
11  כִּדְנָה֙ תֵּאמְר֣וּןa לְהֹ֔ום אֱלָ֣הַיָּ֔א דִּֽי־שְׁמַיָּ֥אb וְאַרְקָ֖אc לָ֣א עֲבַ֑דוּd יֵאבַ֧דוּe מֵֽאַרְעָ֛אf וּמִן־תְּחֹ֥ותg שְׁמַיָּ֖אh אֵֽלֶּהi ׃ ס
12  עֹשֵׂ֥הa אֶ֨רֶץ֙ בְּכֹחֹ֔ו מֵכִ֥יןb תֵּבֵ֖לc בְּחָכְמָתֹ֑ו וּבִתְבוּנָתֹ֖וd נָטָ֥הe שָׁמָֽיִם׃
13  לְקֹ֨ול תִּתֹּ֜וa הֲמֹ֥ון מַ֨יִם֙ בַּשָּׁמַ֔יִם וַיַּעֲלֶ֥הb נְשִׂאִ֖יםc מִקְצֵ֣ה ארץd בְּרָקִ֤יםe לַמָּטָר֙f עָשָׂ֔הg וַיֹּ֥וצֵאh ר֖וּחַ מֵאֹצְרֹתָֽיו׃
14  נִבְעַ֤רa כָּל־אָדָם֙ מִדַּ֔עַת הֹבִ֥ישׁb כָּל־צֹורֵ֖ףc מִפָּ֑סֶלd כִּ֛י שֶׁ֥קֶר נִסְכֹּ֖וe וְלֹא־ר֥וּחַ בָּֽם׃
15  הֶ֣בֶל הֵ֔מָּה מַעֲשֵׂ֖ה תַּעְתֻּעִ֑יםa בְּעֵ֥ת פְּקֻדָּתָ֖םb יֹאבֵֽדוּc ׃
16  לֹֽא־כְאֵ֜לֶּה חֵ֣לֶק יַעֲקֹ֗ב כִּֽי־יֹוצֵ֤רa הַכֹּל֙ ה֔וּא וְיִ֨שְׂרָאֵ֔ל שֵׁ֖בֶט נַֽחֲלָתֹ֑ו יְהוָ֥ה צְבָאֹ֖ות שְׁמֹֽו׃ ס
17  אִסְפִּ֥יa מֵאֶ֖רֶץ כִּנְעָתֵ֑ךְb ישׁבתיc בַּמָּצֹֽורd ׃ ס
18  כִּֽי־כֹה֙ אָמַ֣רa יְהוָ֔ה הִנְנִ֥י קֹולֵ֛עַb אֶת־יֹושְׁבֵ֥י הָאָ֖רֶץ בַּפַּ֣עַם הַזֹּ֑את וַהֲצֵרֹ֥ותִיc לָהֶ֖ם לְמַ֥עַן יִמְצָֽאוּd ׃ ס
19  אֹ֥ויa לִי֙ עַל־שִׁבְרִ֔יb נַחְלָ֖הc מַכָּתִ֑יd וַאֲנִ֣י אָמַ֔רְתִּיe אַ֛ךְ זֶ֥ה חֳלִ֖יf וְאֶשָּׂאֶֽנּוּg ׃
20  אָהֳלִ֣י שֻׁדָּ֔דa וְכָל־מֵיתָרַ֖יb נִתָּ֑קוּc בָּנַ֤י יְצָאֻ֨נִי֙d וְאֵינָ֔ם אֵין־נֹטֶ֥הe עֹוד֙ אָהֳלִ֔י וּמֵקִ֖יםf יְרִיעֹותָֽי׃
21  כִּ֤י נִבְעֲרוּ֙a הָֽרֹעִ֔ים וְאֶת־יְהוָ֖ה לֹ֣א דָרָ֑שׁוּb עַל־כֵּן֙ לֹ֣א הִשְׂכִּ֔ילוּc וְכָל־מַרְעִיתָ֖םd נָפֹֽוצָהe ׃ ס
22  קֹ֤ול שְׁמוּעָה֙a הִנֵּ֣ה בָאָ֔הb וְרַ֥עַשׁc גָּדֹ֖ול מֵאֶ֣רֶץ צָפֹ֑ון לָשׂ֞וּםd אֶת־עָרֵ֧י יְהוּדָ֛ה שְׁמָמָ֖ה מְעֹ֥וןe תַּנִּֽיםf ׃ ס
23  יָדַ֣עְתִּיa יְהוָ֔ה כִּ֛י לֹ֥א לָאָדָ֖ם דַּרְכֹּ֑ו לֹֽא־לְאִ֣ישׁ הֹלֵ֔ךְb וְהָכִ֖יןc אֶֽת־צַעֲדֹֽוd ׃
24  יַסְּרֵ֥נִיa יְהוָ֖ה אַךְ־בְּמִשְׁפָּ֑ט אַל־בְּאַפְּךָ֖ פֶּן־תַּמְעִטֵֽנִיb ׃
25  שְׁפֹ֣ךְa חֲמָתְךָ֗ עַל־הַגֹּויִם֙ אֲשֶׁ֣ר לֹֽא־יְדָע֔וּךָb וְעַל֙ מִשְׁפָּחֹ֔ות אֲשֶׁ֥ר בְּשִׁמְךָ֖ לֹ֣א קָרָ֑אוּc כִּֽי־אָכְל֣וּd אֶֽת־יַעֲקֹ֗ב וַאֲכָלֻ֨הוּ֙e וַיְכַלֻּ֔הוּf וְאֶת־נָוֵ֖הוּg הֵשַֽׁמּוּh ׃ פ