ירמיהו

דִּבְרֵ֥י יִרְמְיָ֖הוּ בֶּן־חִלְקִיָּ֑הוּa מִן־הַכֹּֽהֲנִים֙ אֲשֶׁ֣ר בַּעֲנָתֹ֔ותb בְּאֶ֖רֶץ בִּנְיָמִֽן׃

2 אֲשֶׁ֨ר הָיָ֤הa דְבַר־יְהוָה֙ אֵלָ֔יו בִּימֵ֛י יֹאשִׁיָּ֥הוּ בֶן־אָמֹ֖וןb מֶ֣לֶךְ יְהוּדָ֑ה בִּשְׁלֹשׁ־עֶשְׂרֵ֥ה שָׁנָ֖ה לְמָלְכֹֽוc ׃

3 וַיְהִ֗יa בִּימֵ֨י יְהֹויָקִ֤יםb בֶּן־יֹאשִׁיָּ֨הוּ֙ מֶ֣לֶךְ יְהוּדָ֔ה עַד־תֹּם֙c עַשְׁתֵּ֣יd עֶשְׂרֵ֣ה שָׁנָ֔ה לְצִדְקִיָּ֥הוּ בֶן־יֹאשִׁיָּ֖הוּ מֶ֣לֶךְ יְהוּדָ֑ה עַד־גְּלֹ֥ותe יְרוּשָׁלִַ֖ם בַּחֹ֥דֶשׁ הַחֲמִישִֽׁיf ׃ ס

4 וַיְהִ֥יa דְבַר־יְהוָ֖ה אֵלַ֥י לֵאמֹֽרb ׃

5 בְּטֶ֨רֶם אצורךa בַבֶּ֨טֶן֙ יְדַעְתִּ֔יךָb וּבְטֶ֛רֶם תֵּצֵ֥אc מֵרֶ֖חֶםd הִקְדַּשְׁתִּ֑יךָe נָבִ֥יא לַגֹּויִ֖ם נְתַתִּֽיךָf ׃

6 וָאֹמַ֗רa אֲהָהּ֙b אֲדֹנָ֣י יְהֹוִ֔ה הִנֵּ֥ה לֹא־יָדַ֖עְתִּיc דַּבֵּ֑רd כִּי־נַ֖עַר אָנֹֽכִי׃ פ

7 וַיֹּ֤אמֶרa יְהוָה֙ אֵלַ֔י אַל־תֹּאמַ֖רb נַ֣עַר אָנֹ֑כִי כִּ֠י עַֽל־כָּל־אֲשֶׁ֤ר אֶֽשְׁלָחֲךָ֙c תֵּלֵ֔ךְd וְאֵ֛ת כָּל־אֲשֶׁ֥ר אֲצַוְּךָ֖e תְּדַבֵּֽרf ׃

8 אַל־תִּירָ֖אa מִפְּנֵיהֶ֑ם כִּֽי־אִתְּךָ֥ אֲנִ֛י לְהַצִּלֶ֖ךָb נְאֻם־יְהוָֽה׃

9 וַיִּשְׁלַ֤חa יְהוָה֙ אֶת־יָדֹ֔ו וַיַּגַּ֖עb עַל־פִּ֑י וַיֹּ֤אמֶרc יְהוָה֙ אֵלַ֔י הִנֵּ֛ה נָתַ֥תִּיd דְבָרַ֖י בְּפִֽיךָ׃

10 רְאֵ֞הa הִפְקַדְתִּ֣יךָb ׀ הַיֹּ֣ום הַזֶּ֗ה עַל־הַגֹּויִם֙ וְעַל־הַמַּמְלָכֹ֔ות לִנְתֹ֥ושׁc וְלִנְתֹ֖וץd וּלְהַאֲבִ֣ידe וְלַהֲרֹ֑וסf לִבְנֹ֖ותg וְלִנְטֹֽועַh ׃ פ

11 וַיְהִ֤יa דְבַר־יְהוָה֙ אֵלַ֣י לֵאמֹ֔רb מָה־אַתָּ֥ה רֹאֶ֖הc יִרְמְיָ֑הוּ וָאֹמַ֕רd מַקֵּ֥לe שָׁקֵ֖דf אֲנִ֥י רֹאֶֽהg ׃

12 וַיֹּ֧אמֶרa יְהוָ֛ה אֵלַ֖י הֵיטַ֣בְתָּb לִרְאֹ֑ותc כִּֽי־שֹׁקֵ֥דd אֲנִ֛י עַל־דְּבָרִ֖י לַעֲשֹׂתֹֽוe ׃ פ

13 וַיְהִ֨יa דְבַר־יְהוָ֤ה׀ אֵלַי֙ שֵׁנִ֣ית לֵאמֹ֔רb מָ֥ה אַתָּ֖ה רֹאֶ֑הc וָאֹמַ֗רd סִ֤ירe נָפ֨וּחַ֙f אֲנִ֣י רֹאֶ֔הg וּפָנָ֖יו מִפְּנֵ֥י צָפֹֽונָה׃

14 וַיֹּ֥אמֶרa יְהוָ֖ה אֵלָ֑י מִצָּפֹון֙ תִּפָּתַ֣חb הָרָעָ֔ה עַ֥ל כָּל־יֹשְׁבֵ֖י הָאָֽרֶץ׃

15 כִּ֣י׀ הִנְנִ֣י קֹרֵ֗אa לְכָֽל־מִשְׁפְּחֹ֛ות מַמְלְכֹ֥ות צָפֹ֖ונָה נְאֻם־יְהוָ֑ה וּבָ֡אוּb וְֽנָתְנוּ֩c אִ֨ישׁ כִּסְאֹ֜ו פֶּ֣תַח׀ שַׁעֲרֵ֣י יְרוּשָׁלִַ֗ם וְעַ֤ל כָּל־חֹומֹתֶ֨יהָ֙ סָבִ֔יב וְעַ֖ל כָּל־עָרֵ֥י יְהוּדָֽה׃

16 וְדִבַּרְתִּ֤יa מִשְׁפָּטַי֙ אֹותָ֔ם עַ֖ל כָּל־רָעָתָ֑ם אֲשֶׁ֣ר עֲזָב֗וּנִיb וַֽיְקַטְּרוּ֙c לֵאלֹהִ֣ים אֲחֵרִ֔ים וַיִּֽשְׁתַּחֲו֖וּd לְמַעֲשֵׂ֥י יְדֵיהֶֽם׃

17 וְאַתָּה֙ תֶּאְזֹ֣רa מָתְנֶ֔יךָb וְקַמְתָּ֙c וְדִבַּרְתָּ֣d אֲלֵיהֶ֔ם אֵ֛ת כָּל־אֲשֶׁ֥ר אָנֹכִ֖י אֲצַוֶּ֑ךָּe אַל־תֵּחַת֙f מִפְּנֵיהֶ֔ם פֶּֽן־אֲחִתְּךָ֖g לִפְנֵיהֶֽם׃

18 וַאֲנִ֞י הִנֵּ֧ה נְתַתִּ֣יךָa הַיֹּ֗ום לְעִ֨יר מִבְצָ֜רb וּלְעַמּ֥וּד בַּרְזֶ֛ל וּלְחֹמֹ֥ות נְחֹ֖שֶׁת עַל־כָּל־הָאָ֑רֶץ לְמַלְכֵ֤י יְהוּדָה֙ לְשָׂרֶ֔יהָ לְכֹהֲנֶ֖יהָ וּלְעַ֥ם הָאָֽרֶץ׃

19 וְנִלְחֲמ֥וּa אֵלֶ֖יךָ וְלֹא־י֣וּכְלוּb לָ֑ךְ כִּֽי־אִתְּךָ֥ אֲנִ֛י נְאֻם־יְהוָ֖ה לְהַצִּילֶֽךָc ׃ פ