שופטים

וַיַּעֲשׂ֧וּa בְנֵי־יִשְׂרָאֵ֛ל הָרַ֖ע בְּעֵינֵ֣י יְהוָ֑ה וַיִּתְּנֵ֧םb יְהוָ֛ה בְּיַד־מִדְיָ֖ן שֶׁ֥בַע שָׁנִֽים׃

2 וַתָּ֥עָזa יַד־מִדְיָ֖ן עַל־יִשְׂרָאֵ֑ל מִפְּנֵ֨י מִדְיָ֜ן עָשֽׂוּb לָהֶ֣ם׀ בְּנֵ֣י יִשְׂרָאֵ֗ל אֶת־הַמִּנְהָרֹות֙c אֲשֶׁ֣ר בֶּֽהָרִ֔ים וְאֶת־הַמְּעָרֹ֖ותd וְאֶת־הַמְּצָדֹֽותe ׃

3 וְהָיָ֖הa אִם־זָרַ֣עb יִשְׂרָאֵ֑ל וְעָלָ֨הc מִדְיָ֧ן וַֽעֲמָלֵ֛קd וּבְנֵי־קֶ֖דֶם וְעָל֥וּe עָלָֽיו׃

4 וַיַּחֲנ֣וּa עֲלֵיהֶ֗ם וַיַּשְׁחִ֨יתוּ֙b אֶת־יְב֣וּלc הָאָ֔רֶץ עַד־בֹּואֲךָ֖d עַזָּ֑הe וְלֹֽא־יַשְׁאִ֤ירוּf מִֽחְיָה֙g בְּיִשְׂרָאֵ֔ל וְשֶׂ֥הh וָשֹׁ֖ור וַחֲמֹֽור׃

5 כִּ֡י הֵם֩ וּמִקְנֵיהֶ֨ם יַעֲל֜וּa וְאָהֳלֵיהֶ֗ם יבאוb כְדֵֽיc ־אַרְבֶּה֙d לָרֹ֔ב וְלָהֶ֥ם וְלִגְמַלֵּיהֶ֖ם אֵ֣ין מִסְפָּ֑ר וַיָּבֹ֥אוּe בָאָ֖רֶץ לְשַׁחֲתָֽהּf ׃

6 וַיִּדַּ֧לa יִשְׂרָאֵ֛ל מְאֹ֖ד מִפְּנֵ֣י מִדְיָ֑ן וַיִּזְעֲק֥וּb בְנֵֽי־יִשְׂרָאֵ֖ל אֶל־יְהוָֽה׃ פ

7 וַיְהִ֕יa כִּֽי־זָעֲק֥וּb בְנֵֽי־יִשְׂרָאֵ֖ל אֶל־יְהוָ֑ה עַ֖ל אֹדֹ֥ותc מִדְיָֽן׃

8 וַיִּשְׁלַ֧חa יְהוָ֛ה אִ֥ישׁ נָבִ֖יא אֶל־בְּנֵ֣י יִשְׂרָאֵ֑ל וַיֹּ֨אמֶרb לָהֶ֜ם כֹּה־אָמַ֥רc יְהוָ֣ה׀ אֱלֹהֵ֣י יִשְׂרָאֵ֗ל אָנֹכִ֞י הֶעֱלֵ֤יתִיd אֶתְכֶם֙ מִמִּצְרַ֔יִם וָאֹצִ֥יאe אֶתְכֶ֖ם מִבֵּ֥ית עֲבָדִֽים׃

9 וָאַצִּ֤לa אֶתְכֶם֙ מִיַּ֣ד מִצְרַ֔יִם וּמִיַּ֖ד כָּל־לֹחֲצֵיכֶ֑םb וָאֲגָרֵ֤שׁc אֹותָם֙ מִפְּנֵיכֶ֔ם וָאֶתְּנָ֥הd לָכֶ֖ם אֶת־אַרְצָֽם׃

10 וָאֹמְרָ֣הa לָכֶ֗ם אֲנִי֙ יְהוָ֣ה אֱלֹהֵיכֶ֔ם לֹ֤א תִֽירְאוּ֙b אֶת־אֱלֹהֵ֣י הָאֱמֹרִ֔י אֲשֶׁ֥ר אַתֶּ֖ם יֹושְׁבִ֣יםc בְּאַרְצָ֑ם וְלֹ֥א שְׁמַעְתֶּ֖םd בְּקֹולִֽי׃ פ

11 וַיָּבֹ֞אa מַלְאַ֣ךְ יְהוָ֗ה וַיֵּ֨שֶׁב֙b תַּ֤חַת הָֽאֵלָה֙c אֲשֶׁ֣ר בְּעָפְרָ֔הd אֲשֶׁ֥ר לְיֹואָ֖שׁe אֲבִ֣י הָֽעֶזְרִ֑יf וְגִדְעֹ֣וןg בְּנֹ֗ו חֹבֵ֤טh חִטִּים֙i בַּגַּ֔תj לְהָנִ֖יסk מִפְּנֵ֥י מִדְיָֽן׃

12 וַיֵּרָ֥אa אֵלָ֖יו מַלְאַ֣ךְ יְהוָ֑ה וַיֹּ֣אמֶרb אֵלָ֔יו יְהוָ֥ה עִמְּךָ֖ גִּבֹּ֥ור הֶחָֽיִל׃

13 וַיֹּ֨אמֶרa אֵלָ֤יו גִּדְעֹון֙b בִּ֣יc אֲדֹנִ֔י וְיֵ֤שׁ יְהוָה֙ עִמָּ֔נוּ וְלָ֥מָּה מְצָאַ֖תְנוּd כָּל־זֹ֑את וְאַיֵּ֣הe כָֽל־נִפְלְאֹתָ֡יו אֲשֶׁר֩ סִפְּרוּf ־לָ֨נוּ אֲבֹותֵ֜ינוּ לֵאמֹ֗רg הֲלֹ֤א מִמִּצְרַ֨יִם֙ הֶעֱלָ֣נוּh יְהוָ֔ה וְעַתָּה֙ נְטָשָׁ֣נוּi יְהוָ֔ה וַֽיִּתְּנֵ֖נוּj בְּכַף־מִדְיָֽן׃

14 וַיִּ֤פֶןa אֵלָיו֙ יְהוָ֔ה וַיֹּ֗אמֶרb לֵ֚ךְc בְּכֹחֲךָ֣ זֶ֔ה וְהֹושַׁעְתָּ֥d אֶת־יִשְׂרָאֵ֖ל מִכַּ֣ף מִדְיָ֑ן הֲלֹ֖א שְׁלַחְתִּֽיךָe ׃

15 וַיֹּ֤אמֶרa אֵלָיו֙ בִּ֣יb אֲדֹנָ֔י בַּמָּ֥ה אֹושִׁ֖יעַc אֶת־יִשְׂרָאֵ֑ל הִנֵּ֤ה אַלְפִּי֙d הַדַּ֣לe בִּמְנַשֶּׁ֔ה וְאָנֹכִ֥י הַצָּעִ֖ירf בְּבֵ֥ית אָבִֽי׃

16 וַיֹּ֤אמֶרa אֵלָיו֙ יְהוָ֔ה כִּ֥י אֶהְיֶ֖הb עִמָּ֑ךְ וְהִכִּיתָ֥c אֶת־מִדְיָ֖ן כְּאִ֥ישׁ אֶחָֽד׃

17 וַיֹּ֣אמֶרa אֵלָ֔יו אִם־נָ֛א מָצָ֥אתִיb חֵ֖ן בְּעֵינֶ֑יךָ וְעָשִׂ֤יתָc לִּי֙ אֹ֔ות שָׁאַתָּ֖ה מְדַבֵּ֥רd עִמִּֽי׃

18 אַל־נָ֨א תָמֻ֤שׁa מִזֶּה֙ עַד־בֹּאִ֣יb אֵלֶ֔יךָ וְהֹֽצֵאתִי֙c אֶת־מִנְחָתִ֔י וְהִנַּחְתִּ֖יd לְפָנֶ֑יךָ וַיֹּאמַ֕רe אָנֹכִ֥י אֵשֵׁ֖בf עַ֥ד שׁוּבֶֽךָg ׃

19 וְגִדְעֹ֣וןa בָּ֗אb וַיַּ֤עַשׂc גְּדִֽיd ־עִזִּים֙ וְאֵיפַתe ־קֶ֣מַחf מַצֹּ֔ות הַבָּשָׂר֙ שָׂ֣םg בַּסַּ֔לh וְהַמָּרַ֖קi שָׂ֣םj בַּפָּר֑וּרk וַיֹּוצֵ֥אl אֵלָ֛יו אֶל־תַּ֥חַת הָאֵלָ֖הm וַיַּגַּֽשׁn ׃ ס

20 וַיֹּ֨אמֶרa אֵלָ֜יו מַלְאַ֣ךְ הָאֱלֹהִ֗ים קַ֣חb אֶת־הַבָּשָׂ֤ר וְאֶת־הַמַּצֹּות֙ וְהַנַּח֙c אֶל־הַסֶּ֣לַע הַלָּ֔זd וְאֶת־הַמָּרַ֖קe שְׁפֹ֑וךְf וַיַּ֖עַשׂg כֵּֽן׃

21 וַיִּשְׁלַ֞חa מַלְאַ֣ךְ יְהוָ֗ה אֶת־קְצֵ֤ה הַמִּשְׁעֶ֨נֶת֙b אֲשֶׁ֣ר בְּיָדֹ֔ו וַיִּגַּ֥עc בַּבָּשָׂ֖ר וּבַמַּצֹּ֑ות וַתַּ֨עַלd הָאֵ֜שׁ מִן־הַצּ֗וּר וַתֹּ֤אכַלe אֶת־הַבָּשָׂר֙ וְאֶת־הַמַּצֹּ֔ות וּמַלְאַ֣ךְ יְהוָ֔ה הָלַ֖ךְf מֵעֵינָֽיו׃

22 וַיַּ֣רְאa גִּדְעֹ֔וןb כִּֽי־מַלְאַ֥ךְ יְהוָ֖ה ה֑וּא ס וַיֹּ֣אמֶרc גִּדְעֹ֗וןd אֲהָהּ֙e אֲדֹנָ֣י יְהוִ֔ה כִּֽי־עַל־כֵּ֤ן רָאִ֨יתִי֙f מַלְאַ֣ךְ יְהוָ֔ה פָּנִ֖ים אֶל־פָּנִֽים׃

23 וַיֹּ֨אמֶרa לֹ֧ו יְהוָ֛ה שָׁלֹ֥ום לְךָ֖ אַל־תִּירָ֑אb לֹ֖א תָּמֽוּתc ׃

24 וַיִּבֶן֩a שָׁ֨ם גִּדְעֹ֤וןb מִזְבֵּ֨חַ֙ לַֽיהוָ֔ה וַיִּקְרָאc ־לֹ֥ו יְהוָ֖ה שָׁלֹ֑ום עַ֚ד הַיֹּ֣ום הַזֶּ֔ה עֹודֶ֕נּוּ בְּעָפְרָ֖תd אֲבִ֥י הָעֶזְרִֽיe ׃ פ

25 וַיְהִי֮a בַּלַּ֣יְלָה הַהוּא֒ וַיֹּ֧אמֶרb לֹ֣ו יְהוָ֗ה קַ֤חc אֶת־פַּר־הַשֹּׁור֙ אֲשֶׁ֣ר לְאָבִ֔יךָ וּפַ֥ר הַשֵּׁנִ֖י שֶׁ֣בַע שָׁנִ֑ים וְהָרַסְתָּ֗d אֶת־מִזְבַּ֤ח הַבַּ֨עַל֙ אֲשֶׁ֣ר לְאָבִ֔יךָ וְאֶת־הָאֲשֵׁרָ֥הe אֲשֶׁר־עָלָ֖יו תִּכְרֹֽתf ׃

26 וּבָנִ֨יתָa מִזְבֵּ֜חַ לַיהוָ֣ה אֱלֹהֶ֗יךָ עַ֣ל רֹ֧אשׁ הַמָּעֹ֛וזb הַזֶּ֖ה בַּמַּֽעֲרָכָ֑הc וְלָֽקַחְתָּ֙d אֶת־הַפָּ֣ר הַשֵּׁנִ֔י וְהַעֲלִ֣יתָe עֹולָ֔ה בַּעֲצֵ֥י הָאֲשֵׁרָ֖הf אֲשֶׁ֥ר תִּכְרֹֽתg ׃

27 וַיִּקַּ֨חa גִּדְעֹ֜וןb עֲשָׂרָ֤ה אֲנָשִׁים֙ מֵֽעֲבָדָ֔יו וַיַּ֕עַשׂc כַּאֲשֶׁ֛ר דִּבֶּ֥רd אֵלָ֖יו יְהוָ֑ה וַיְהִ֡יe כַּאֲשֶׁ֣ר יָרֵא֩f אֶת־בֵּ֨ית אָבִ֜יו וְאֶת־אַנְשֵׁ֥י הָעִ֛יר מֵעֲשֹׂ֥ותg יֹומָ֖ם וַיַּ֥עַשׂh לָֽיְלָה׃

28 וַיַּשְׁכִּ֜ימוּa אַנְשֵׁ֤י הָעִיר֙ בַּבֹּ֔קֶר וְהִנֵּ֤ה נֻתַּץ֙b מִזְבַּ֣ח הַבַּ֔עַל וְהָאֲשֵׁרָ֥הc אֲשֶׁר־עָלָ֖יו כֹּרָ֑תָהd וְאֵת֙ הַפָּ֣ר הַשֵּׁנִ֔י הֹֽעֲלָ֔הe עַל־הַמִּזְבֵּ֖חַ הַבָּנֽוּי׃

29 וַיֹּֽאמְרוּ֙a אִ֣ישׁ אֶל־רֵעֵ֔הוּ מִ֥י עָשָׂ֖הb הַדָּבָ֣ר הַזֶּ֑ה וַֽיִּדְרְשׁוּ֙c וַיְבַקְשׁ֔וּd וַיֹּ֣אמְר֔וּe גִּדְעֹון֙f בֶּן־יֹואָ֔שׁg עָשָׂ֖הh הַדָּבָ֥ר הַזֶּֽה׃

30 וַיֹּ֨אמְר֜וּa אַנְשֵׁ֤י הָעִיר֙ אֶל־יֹואָ֔שׁb הֹוצֵ֥אc אֶת־בִּנְךָ֖ וְיָמֹ֑תd כִּ֤י נָתַץ֙e אֶת־מִזְבַּ֣ח הַבַּ֔עַל וְכִ֥י כָרַ֖תf הָאֲשֵׁרָ֥הg אֲשֶׁר־עָלָֽיו׃

31 וַיֹּ֣אמֶרa יֹואָ֡שׁb לְכֹל֩ אֲשֶׁר־עָמְד֨וּc עָלָ֜יו הַאַתֶּ֣ם׀ תְּרִיב֣וּןd לַבַּ֗עַל אִם־אַתֶּם֙ תֹּושִׁיע֣וּןe אֹותֹ֔ו אֲשֶׁ֨ר יָרִ֥יבf לֹ֛ו יוּמַ֖תg עַד־הַבֹּ֑קֶר אִם־אֱלֹהִ֥ים הוּא֙ יָ֣רֶבh לֹ֔ו כִּ֥י נָתַ֖ץi אֶֽת־מִזְבְּחֹֽו׃

32 וַיִּקְרָאa ־לֹ֥ו בַיֹּום־הַה֖וּא יְרֻבַּ֣עַלb לֵאמֹ֑רc יָ֤רֶבd בֹּו֙ הַבַּ֔עַל כִּ֥י נָתַ֖ץe אֶֽת־מִזְבְּחֹֽו׃ פ

33 וְכָל־מִדְיָ֧ן וַעֲמָלֵ֛קa וּבְנֵי־קֶ֖דֶם נֶאֶסְפ֣וּb יַחְדָּ֑ו וַיַּעַבְר֥וּc וַֽיַּחֲנ֖וּd בְּעֵ֥מֶק יִזְרְעֶֽאלe ׃

34 וְר֣וּחַ יְהוָ֔ה לָבְשָׁ֖הa אֶת־גִּדְעֹ֑וןb וַיִּתְקַע֙c בַּשֹּׁופָ֔ר וַיִּזָּעֵ֥קd אֲבִיעֶ֖זֶרe אַחֲרָֽיו׃

35 וּמַלְאָכִים֙ שָׁלַ֣חa בְּכָל־מְנַשֶּׁ֔ה וַיִּזָּעֵ֥קb גַּם־ה֖וּא אַחֲרָ֑יו וּמַלְאָכִ֣ים שָׁלַ֗חc בְּאָשֵׁ֤רd וּבִזְבֻלוּן֙e וּבְנַפְתָּלִ֔י וַֽיַּעֲל֖וּf לִקְרָאתָֽםg ׃

36 וַיֹּ֥אמֶרa גִּדְעֹ֖וןb אֶל־הָאֱלֹהִ֑ים אִם־יֶשְׁךָ֞ מֹושִׁ֧יעַc בְּיָדִ֛י אֶת־יִשְׂרָאֵ֖ל כַּאֲשֶׁ֥ר דִּבַּֽרְתָּd ׃

37 הִנֵּ֣ה אָנֹכִ֗י מַצִּ֛יגa אֶת־גִּזַּ֥תb הַצֶּ֖מֶרc בַּגֹּ֑רֶןd אִ֡ם טַל֩e יִהְיֶ֨הf עַֽל־הַגִּזָּ֜הg לְבַדָּ֗הּ וְעַל־כָּל־הָאָ֨רֶץ֙ חֹ֔רֶבh וְיָדַעְתִּ֗יi כִּֽי־תֹושִׁ֧יעַj בְּיָדִ֛י אֶת־יִשְׂרָאֵ֖ל כַּאֲשֶׁ֥ר דִּבַּֽרְתָּk ׃

38 וַיְהִיa ־כֵ֕ן וַיַּשְׁכֵּם֙b מִֽמָּחֳרָ֔תc וַיָּ֖זַרd אֶת־הַגִּזָּ֑הe וַיִּ֤מֶץf טַל֙g מִן־הַגִּזָּ֔הh מְלֹ֥ואi הַסֵּ֖פֶלj מָֽיִם׃

39 וַיֹּ֤אמֶרa גִּדְעֹון֙b אֶל־הָ֣אֱלֹהִ֔ים אַל־יִ֤חַרc אַפְּךָ֙ בִּ֔י וַאֲדַבְּרָ֖הd אַ֣ךְ הַפָּ֑עַם אֲנַסֶּ֤הe נָּא־רַק־הַפַּ֨עַם֙ בַּגִּזָּ֔הf יְהִיg ־נָ֨א חֹ֤רֶבh אֶל־הַגִּזָּה֙i לְבַדָּ֔הּ וְעַל־כָּל־הָאָ֖רֶץ יִֽהְיֶהj ־טָּֽלk ׃

40 וַיַּ֧עַשׂa אֱלֹהִ֛ים כֵּ֖ן בַּלַּ֣יְלָה הַה֑וּא וַיְהִיb ־חֹ֤רֶבc אֶל־הַגִּזָּה֙d לְבַדָּ֔הּ וְעַל־כָּל־הָאָ֖רֶץ הָ֥יָהe טָֽלf ׃ פ