שופטים

וַתָּ֣שַׁרa דְּבֹורָ֔הb וּבָרָ֖קc בֶּן־אֲבִינֹ֑עַםd בַּיֹּ֥ום הַה֖וּא לֵאמֹֽרe ׃

2 בִּפְרֹ֤עַa פְּרָעֹות֙b בְּיִשְׂרָאֵ֔ל בְּהִתְנַדֵּ֖בc עָ֑ם בָּרֲכ֖וּd יְהוָֽה׃

3 שִׁמְע֣וּa מְלָכִ֔ים הַאֲזִ֖ינוּb רֹֽזְנִ֑יםc אָֽנֹכִ֗י לַֽיהוָה֙ אָנֹכִ֣י אָשִׁ֔ירָהd אֲזַמֵּ֕רe לַֽיהוָ֖ה אֱלֹהֵ֥י יִשְׂרָאֵֽל׃

4 יְהוָ֗ה בְּצֵאתְךָ֤a מִשֵּׂעִיר֙b בְּצַעְדְּךָ֙c מִשְּׂדֵ֣ה אֱדֹ֔ום אֶ֣רֶץ רָעָ֔שָׁהd גַּם־שָׁמַ֖יִם נָטָ֑פוּe גַּם־עָבִ֖יםf נָ֥טְפוּg מָֽיִם׃

5 הָרִ֥ים נָזְל֖וּa מִפְּנֵ֣י יְהוָ֑ה זֶ֣ה סִינַ֔יb מִפְּנֵ֕י יְהוָ֖ה אֱלֹהֵ֥י יִשְׂרָאֵֽל׃

6 בִּימֵ֞י שַׁמְגַּ֤רa בֶּן־עֲנָת֙b בִּימֵ֣י יָעֵ֔לc חָדְל֖וּd אֳרָחֹ֑ות וְהֹלְכֵ֣י נְתִיבֹ֔ותe יֵלְכ֕וּf אֳרָחֹ֖ות עֲקַלְקַלֹּֽותg ׃

7 חָדְל֧וּa פְרָזֹ֛וןb בְּיִשְׂרָאֵ֖ל חָדֵ֑לּוּc עַ֤ד שַׁקַּ֨מְתִּי֙d דְּבֹורָ֔הe שַׁקַּ֥מְתִּיf אֵ֖ם בְּיִשְׂרָאֵֽל׃

8 יִבְחַר֙a אֱלֹהִ֣ים חֲדָשִׁ֔ים אָ֖ז לָחֶ֣םb שְׁעָרִ֑ים מָגֵ֤ן אִם־יֵֽרָאֶה֙c וָרֹ֔מַחd בְּאַרְבָּעִ֥ים אֶ֖לֶף בְּיִשְׂרָאֵֽל׃

9 לִבִּי֙ לְחֹוקְקֵ֣יa יִשְׂרָאֵ֔ל הַמִּֽתְנַדְּבִ֖יםb בָּעָ֑ם בָּרֲכ֖וּc יְהוָֽה׃

10 רֹכְבֵי֩a אֲתֹנֹ֨ותb צְחֹרֹ֜ותc יֹשְׁבֵ֧יd עַל־מִדִּ֛יןe וְהֹלְכֵ֥יf עַל־דֶּ֖רֶךְ שִֽׂיחוּg ׃

11 מִקֹּ֣ול מְחַֽצְצִ֗יםa בֵּ֚ין מַשְׁאַבִּ֔יםb שָׁ֤ם יְתַנּוּ֙c צִדְקֹ֣ות יְהוָ֔ה צִדְקֹ֥ת פִּרְזֹנֹ֖וd בְּיִשְׂרָאֵ֑ל אָ֛ז יָרְד֥וּe לַשְּׁעָרִ֖ים עַם־יְהוָֽה׃

12 עוּרִ֤יa עוּרִי֙b דְּבֹורָ֔הc ע֥וּרִיd ע֖וּרִיe דַּבְּרִיf ־שִׁ֑יר ק֥וּםg בָּרָ֛קh וּֽשֲׁבֵ֥הi שֶׁבְיְךָ֖j בֶּן־אֲבִינֹֽעַםk ׃

13 אָ֚ז יְרַ֣דa שָׂרִ֔ידb לְאַדִּירִ֖יםc עָ֑ם יְהוָ֕ה יְרַדd ־לִ֖י בַּגִּבֹּורִֽים׃

14 מִנִּ֣י אֶפְרַ֗יִם שָׁרְשָׁם֙a בַּעֲמָלֵ֔קb אַחֲרֶ֥יךָ בִנְיָמִ֖ין בַּֽעֲמָמֶ֑יךָ מִנִּ֣י מָכִ֗ירc יָֽרְדוּ֙d מְחֹ֣קְקִ֔יםe וּמִ֨זְּבוּלֻ֔ןf מֹשְׁכִ֖יםg בְּשֵׁ֥בֶט סֹפֵֽר׃

15 וְשָׂרַ֤י בְּיִשָּׂשכָר֙a עִם־דְּבֹרָ֔הb וְיִשָּׂשכָר֙c כֵּ֣ן בָּרָ֔קd בָּעֵ֖מֶק שֻׁלַּ֣חe בְּרַגְלָ֑יו בִּפְלַגֹּ֣ותf רְאוּבֵ֔ן גְּדֹלִ֖ים חִקְקֵי־לֵֽב׃

16 לָ֣מָּה יָשַׁ֗בְתָּa בֵּ֚ין הַֽמִּשְׁפְּתַ֔יִםb לִשְׁמֹ֖עַc שְׁרִקֹ֣ותd עֲדָרִ֑יםe לִפְלַגֹּ֣ותf רְאוּבֵ֔ן גְּדֹולִ֖ים חִקְרֵיg ־לֵֽב׃

17 גִּלְעָ֗ד בְּעֵ֤בֶר הַיַּרְדֵּן֙ שָׁכֵ֔ןa וְדָ֕ן לָ֥מָּה יָג֖וּרb אֳנִיֹּ֑ותc אָשֵׁ֗רd יָשַׁב֙e לְחֹ֣וףf יַמִּ֔ים וְעַ֥ל מִפְרָצָ֖יוg יִשְׁכֹּֽוןh ׃

18 זְבֻל֗וּןa עַ֣ם חֵרֵ֥ףb נַפְשֹׁ֛ו לָמ֖וּתc וְנַפְתָּלִ֑י עַ֖ל מְרֹומֵ֥י שָׂדֶֽה׃

19 בָּ֤אוּa מְלָכִים֙ נִלְחָ֔מוּb אָ֤ז נִלְחֲמוּ֙c מַלְכֵ֣י כְנַ֔עַן בְּתַעְנַ֖ךְd עַל־מֵ֣י מְגִדֹּ֑וe בֶּ֥צַעf כֶּ֖סֶף לֹ֥א לָקָֽחוּg ׃

20 מִן־שָׁמַ֖יִם נִלְחָ֑מוּa הַכֹּֽוכָבִים֙b מִמְּסִלֹּותָ֔םc נִלְחֲמ֖וּd עִם־סִיסְרָֽאe ׃

21 נַ֤חַל קִישֹׁון֙a גְּרָפָ֔םb נַ֥חַל קְדוּמִ֖יםc נַ֣חַל קִישֹׁ֑וןd תִּדְרְכִ֥יe נַפְשִׁ֖י עֹֽז׃

22 אָ֥ז הָלְמ֖וּa עִקְּבֵיb ־ס֑וּס מִֽדַּהֲרֹ֖ותc דַּהֲרֹ֥ותd אַבִּירָֽיוe ׃

23 אֹ֣ורוּa מֵרֹ֗וזb אָמַר֙c מַלְאַ֣ךְ יְהוָ֔ה אֹ֥רוּd אָרֹ֖ור יֹשְׁבֶ֑יהָ כִּ֤י לֹֽא־בָ֨אוּ֙e לְעֶזְרַ֣תf יְהוָ֔ה לְעֶזְרַ֥תg יְהוָ֖ה בַּגִּבֹּורִֽים׃

24 תְּבֹרַךְ֙a מִנָּשִׁ֔ים יָעֵ֕לb אֵ֖שֶׁת חֶ֣בֶרc הַקֵּינִ֑יd מִנָּשִׁ֥ים בָּאֹ֖הֶל תְּבֹרָֽךְe ׃

25 מַ֥יִם שָׁאַ֖לa חָלָ֣בb נָתָ֑נָהc בְּסֵ֥פֶלd אַדִּירִ֖יםe הִקְרִ֥יבָהf חֶמְאָֽהg ׃

26 יָדָהּ֙ לַיָּתֵ֣דa תִּשְׁלַ֔חְנָהb וִֽימִינָ֖הּ לְהַלְמ֣וּתc עֲמֵלִ֑יםd וְהָלְמָ֤הe סִֽיסְרָא֙f מָחֲקָ֣הg רֹאשֹׁ֔ו וּמָחֲצָ֥הh וְחָלְפָ֖הi רַקָּתֹֽוj ׃

27 בֵּ֣ין רַגְלֶ֔יהָ כָּרַ֥עa נָפַ֖לb שָׁכָ֑בc בֵּ֤ין רַגְלֶ֨יהָ֙ כָּרַ֣עd נָפָ֔לe בַּאֲשֶׁ֣ר כָּרַ֔עf שָׁ֖ם נָפַ֥לg שָׁדֽוּד׃

28 בְּעַד֩ הַחַלֹּ֨וןa נִשְׁקְפָ֧הb וַתְּיַבֵּ֛בc אֵ֥ם סִֽיסְרָ֖אd בְּעַ֣ד הָֽאֶשְׁנָ֑בe מַדּ֗וּעַ בֹּשֵׁ֤שׁf רִכְבֹּו֙ לָבֹ֔ואg מַדּ֣וּעַ אֶֽחֱר֔וּh פַּעֲמֵ֖י מַרְכְּבֹותָֽיוi ׃

29 חַכְמֹ֥ות שָׂרֹותֶ֖יהָa תַּעֲנֶ֑ינָּהb אַף־הִ֕יא תָּשִׁ֥יבc אֲמָרֶ֖יהָd לָֽהּ׃

30 הֲלֹ֨א יִמְצְא֜וּa יְחַלְּק֣וּb שָׁלָ֗ל רַ֤חַםc רַחֲמָתַ֨יִם֙d לְרֹ֣אשׁ גֶּ֔בֶר שְׁלַ֤ל צְבָעִים֙e לְסִ֣יסְרָ֔אf שְׁלַ֥ל צְבָעִ֖יםg רִקְמָ֑הh צֶ֥בַעi רִקְמָתַ֖יִםj לְצַוְּארֵ֥יk שָׁלָֽל׃

31 כֵּ֠ן יֹאבְד֤וּa כָל־אֹויְבֶ֨יךָ֙ יְהוָ֔ה וְאֹ֣הֲבָ֔יו כְּצֵ֥אתb הַשֶּׁ֖מֶשׁ בִּגְבֻרָתֹ֑ו וַתִּשְׁקֹ֥טc הָאָ֖רֶץ אַרְבָּעִ֥ים שָׁנָֽה׃ פ