שופטים

וְאִ֣ישׁ יִשְׂרָאֵ֔ל נִשְׁבַּ֥עa בַּמִּצְפָּ֖הb לֵאמֹ֑רc אִ֣ישׁ מִמֶּ֔נּוּ לֹא־יִתֵּ֥ןd בִּתֹּ֛ו לְבִנְיָמִ֖ן לְאִשָּֽׁה׃

2 וַיָּבֹ֤אa הָעָם֙ בֵּֽית־אֵ֔ל וַיֵּ֤שְׁבוּb שָׁם֙ עַד־הָעֶ֔רֶב לִפְנֵ֖י הָאֱלֹהִ֑ים וַיִּשְׂא֣וּc קֹולָ֔ם וַיִּבְכּ֖וּd בְּכִ֥יe גָדֹֽול׃

3 וַיֹּ֣אמְר֔וּa לָמָ֗ה יְהוָה֙ אֱלֹהֵ֣י יִשְׂרָאֵ֔ל הָ֥יְתָהb זֹ֖את בְּיִשְׂרָאֵ֑ל לְהִפָּקֵ֥דc הַיֹּ֛ום מִיִּשְׂרָאֵ֖ל שֵׁ֥בֶט אֶחָֽד׃

4 וַֽיְהִי֙a מִֽמָּחֳרָ֔תb וַיַּשְׁכִּ֣ימוּc הָעָ֔ם וַיִּבְנוּd ־שָׁ֖ם מִזְבֵּ֑חַ וַיַּעֲל֥וּe עֹלֹ֖ות וּשְׁלָמִֽים׃ פ

5 וַיֹּֽאמְרוּ֙a בְּנֵ֣י יִשְׂרָאֵ֔ל מִ֠י אֲשֶׁ֨ר לֹא־עָלָ֧הb בַקָּהָ֛ל מִכָּל־שִׁבְטֵ֥י יִשְׂרָאֵ֖ל אֶל־יְהוָ֑ה כִּי֩ הַשְּׁבוּעָ֨הc הַגְּדֹולָ֜ה הָיְתָ֗הd לַ֠אֲשֶׁר לֹא־עָלָ֨הe אֶל־יְהוָ֧ה הַמִּצְפָּ֛הf לֵאמֹ֖רg מֹ֥ות יוּמָֽתh ׃

6 וַיִּנָּֽחֲמוּ֙a בְּנֵ֣י יִשְׂרָאֵ֔ל אֶל־בִּנְיָמִ֖ן אָחִ֑יו וַיֹּ֣אמְר֔וּb נִגְדַּ֥עc הַיֹּ֛ום שֵׁ֥בֶט אֶחָ֖ד מִיִּשְׂרָאֵֽל׃

7 מַה־נַּעֲשֶׂ֥הa לָהֶ֛ם לַנֹּותָרִ֖ים לְנָשִׁ֑ים וַאֲנַ֨חְנוּ֙ נִשְׁבַּ֣עְנוּb בַֽיהוָ֔ה לְבִלְתִּ֛י תֵּתc ־לָהֶ֥ם מִבְּנֹותֵ֖ינוּ לְנָשִֽׁים׃

8 וַיֹּ֣אמְר֔וּa מִ֗י אֶחָד֙ מִשִּׁבְטֵ֣י יִשְׂרָאֵ֔ל אֲשֶׁ֛ר לֹֽא־עָלָ֥הb אֶל־יְהוָ֖ה הַמִּצְפָּ֑הc וְ֠הִנֵּה לֹ֣א בָאd ־אִ֧ישׁ אֶל־הַֽמַּחֲנֶ֛ה מִיָּבֵ֥ישׁe גִּלְעָ֖ד אֶל־הַקָּהָֽל׃

9 וַיִּתְפָּקֵ֖דa הָעָ֑ם וְהִנֵּ֤ה אֵֽין־שָׁם֙ אִ֔ישׁ מִיֹּושְׁבֵ֖י יָבֵ֥שׁb גִּלְעָֽד׃

10 וַיִּשְׁלְחוּa ־שָׁ֣ם הָעֵדָ֗ה שְׁנֵים־עָשָׂ֥ר אֶ֛לֶף אִ֖ישׁ מִבְּנֵ֣י הֶחָ֑יִל וַיְצַוּ֨וּb אֹותָ֜ם לֵאמֹ֗רc לְ֠כוּd וְהִכִּיתֶ֞םe אֶת־יֹושְׁבֵ֨י יָבֵ֤שׁf גִּלְעָד֙ לְפִי־חֶ֔רֶב וְהַנָּשִׁ֖ים וְהַטָּֽףg ׃

11 וְזֶ֥ה הַדָּבָ֖ר אֲשֶׁ֣ר תַּעֲשׂ֑וּa כָּל־זָכָ֗ר וְכָל־אִשָּׁ֛ה יֹדַ֥עַתb מִשְׁכַּבc ־זָכָ֖ר תַּחֲרִֽימוּd ׃

12 וַֽיִּמְצְא֞וּa מִיֹּושְׁבֵ֣י׀ יָבֵ֣ישׁb גִּלְעָ֗ד אַרְבַּ֤ע מֵאֹות֙ נַעֲרָ֣ה בְתוּלָ֔ה אֲשֶׁ֧ר לֹֽא־יָדְעָ֛הc אִ֖ישׁ לְמִשְׁכַּ֣בd זָכָ֑ר וַיָּבִ֨יאוּe אֹותָ֤ם אֶל־הַֽמַּחֲנֶה֙ שִׁלֹ֔הf אֲשֶׁ֖ר בְּאֶ֥רֶץ כְּנָֽעַן׃ ס

13 וַֽיִּשְׁלְחוּ֙a כָּל־הָ֣עֵדָ֔ה וַֽיְדַבְּרוּ֙b אֶל־בְּנֵ֣י בִנְיָמִ֔ן אֲשֶׁ֖ר בְּסֶ֣לַע רִמֹּ֑וןc וַיִּקְרְא֥וּd לָהֶ֖ם שָׁלֹֽום׃

14 וַיָּ֤שָׁבa בִּנְיָמִן֙ בָּעֵ֣ת הַהִ֔יא וַיִּתְּנ֤וּb לָהֶם֙ הַנָּשִׁ֔ים אֲשֶׁ֣ר חִיּ֔וּc מִנְּשֵׁ֖י יָבֵ֣שׁd גִּלְעָ֑ד וְלֹֽא־מָצְא֥וּe לָהֶ֖ם כֵּֽן׃

15 וְהָעָ֥ם נִחָ֖םa לְבִנְיָמִ֑ן כִּֽי־עָשָׂ֧הb יְהוָ֛ה פֶּ֖רֶץc בְּשִׁבְטֵ֥י יִשְׂרָאֵֽל׃

16 וַיֹּֽאמְר֨וּa זִקְנֵ֣י הָעֵדָ֔ה מַה־נַּעֲשֶׂ֥הb לַנֹּותָרִ֖ים לְנָשִׁ֑ים כִּֽי־נִשְׁמְדָ֥הc מִבִּנְיָמִ֖ן אִשָּֽׁה׃

17 וַיֹּ֣אמְר֔וּa יְרֻשַּׁ֥תb פְּלֵיטָ֖הc לְבִנְיָמִ֑ן וְלֹֽא־יִמָּחֶ֥הd שֵׁ֖בֶט מִיִּשְׂרָאֵֽל׃

18 וַאֲנַ֗חְנוּ לֹ֥א נוּכַ֛לa לָתֵתb ־לָהֶ֥ם נָשִׁ֖ים מִבְּנֹותֵ֑ינוּ כִּֽי־נִשְׁבְּע֤וּc בְנֵֽי־יִשְׂרָאֵל֙ לֵאמֹ֔רd אָר֕וּרe נֹתֵ֥ןf אִשָּׁ֖ה לְבִנְיָמִֽן׃ ס

19 וַיֹּאמְר֡וּa הִנֵּה֩ חַג־יְהוָ֨ה בְּשִׁלֹ֜וb מִיָּמִ֣ים׀ יָמִ֗ימָה אֲשֶׁ֞ר מִצְּפֹ֤ונָה לְבֵֽית־אֵל֙ מִזְרְחָ֣ה הַשֶּׁ֔מֶשׁ לִמְסִלָּ֔הc הָעֹלָ֥הd מִבֵּֽית־אֵ֖ל שְׁכֶ֑מָה וּמִנֶּ֖גֶב לִלְבֹונָֽהe ׃

20 ויצוa אֶת־בְּנֵ֥י בִנְיָמִ֖ן לֵאמֹ֑רb לְכ֖וּc וַאֲרַבְתֶּ֥םd בַּכְּרָמִֽים׃

21 וּרְאִיתֶ֗םa וְ֠הִנֵּה אִם־יֵ֨צְא֥וּb בְנֹות־שִׁילֹו֮c לָח֣וּלd בַּמְּחֹלֹות֒e וִֽיצָאתֶם֙f מִן־הַכְּרָמִ֔ים וַחֲטַפְתֶּ֥םg לָכֶ֛ם אִ֥ישׁ אִשְׁתֹּ֖ו מִבְּנֹ֣ות שִׁילֹ֑וh וַהֲלַכְתֶּ֖םi אֶ֥רֶץ בִּנְיָמִֽן׃

22 וְהָיָ֡הa כִּֽי־יָבֹ֣אוּb אֲבֹותָם֩ אֹ֨ו אֲחֵיהֶ֜ם לרובc ׀ אֵלֵ֗ינוּ וְאָמַ֤רְנוּd אֲלֵיהֶם֙ חָנּ֣וּנוּe אֹותָ֔ם כִּ֣י לֹ֥א לָקַ֛חְנוּf אִ֥ישׁ אִשְׁתֹּ֖ו בַּמִּלְחָמָ֑ה כִּ֣י לֹ֥א אַתֶּ֛ם נְתַתֶּ֥םg לָהֶ֖ם כָּעֵ֥ת תֶּאְשָֽׁמוּh ׃ ס

23 וַיַּֽעֲשׂוּa ־כֵן֙ בְּנֵ֣י בִנְיָמִ֔ן וַיִּשְׂא֤וּb נָשִׁים֙ לְמִסְפָּרָ֔ם מִן־הַמְּחֹלְלֹ֖ותc אֲשֶׁ֣ר גָּזָ֑לוּd וַיֵּלְכ֗וּe וַיָּשׁ֨וּבוּ֙f אֶל־נַ֣חֲלָתָ֔ם וַיִּבְנוּ֙g אֶת־הֶ֣עָרִ֔ים וַיֵּשְׁב֖וּh בָּהֶֽם׃

24 וַיִּתְהַלְּכ֨וּa מִשָּׁ֤ם בְּנֵֽי־יִשְׂרָאֵל֙ בָּעֵ֣ת הַהִ֔יא אִ֥ישׁ לְשִׁבְטֹ֖ו וּלְמִשְׁפַּחְתֹּ֑ו וַיֵּצְא֣וּb מִשָּׁ֔ם אִ֖ישׁ לְנַחֲלָתֹֽו׃

25 בַּיָּמִ֣ים הָהֵ֔ם אֵ֥ין מֶ֖לֶךְ בְּיִשְׂרָאֵ֑ל אִ֛ישׁ הַיָּשָׁ֥ר בְּעֵינָ֖יו יַעֲשֶֽׂהa ׃