שופטים

וַיֵּצְאוּ֮a כָּל־בְּנֵ֣י יִשְׂרָאֵל֒ וַתִּקָּהֵ֨לb הָעֵדָ֜ה כְּאִ֣ישׁ אֶחָ֗ד לְמִדָּן֙ וְעַד־בְּאֵ֣ר שֶׁ֔בַעc וְאֶ֖רֶץ הַגִּלְעָ֑ד אֶל־יְהוָ֖ה הַמִּצְפָּֽהd ׃

2 וַיִּֽתְיַצְּב֞וּa פִּנֹּ֣ותb כָּל־הָעָ֗ם כֹּ֚ל שִׁבְטֵ֣י יִשְׂרָאֵ֔ל בִּקְהַ֖ל עַ֣ם הָאֱלֹהִ֑ים אַרְבַּ֨ע מֵאֹ֥ות אֶ֛לֶף אִ֥ישׁ רַגְלִ֖יc שֹׁ֥לֵֽףd חָֽרֶב׃ פ

3 וַֽיִּשְׁמְעוּ֙a בְּנֵ֣י בִנְיָמִ֔ן כִּֽי־עָל֥וּb בְנֵֽי־יִשְׂרָאֵ֖ל הַמִּצְפָּ֑הc וַיֹּֽאמְרוּ֙d בְּנֵ֣י יִשְׂרָאֵ֔ל דַּבְּר֕וּe אֵיכָ֥הf נִהְיְתָ֖הg הָרָעָ֥ה הַזֹּֽאת׃

4 וַיַּ֜עַןa הָאִ֣ישׁ הַלֵּוִ֗י אִ֛ישׁ הָאִשָּׁ֥ה הַנִּרְצָחָ֖הb וַיֹּאמַ֑רc הַגִּבְעָ֨תָה֙d אֲשֶׁ֣ר לְבִנְיָמִ֔ן בָּ֛אתִיe אֲנִ֥י וּפִֽילַגְשִׁ֖יf לָלֽוּןg ׃

5 וַיָּקֻ֤מוּa עָלַי֙ בַּעֲלֵ֣י הַגִּבְעָ֔הb וַיָּסֹ֧בּוּc עָלַ֛י אֶת־הַבַּ֖יִת לָ֑יְלָה אֹותִי֙ דִּמּ֣וּd לַהֲרֹ֔גe וְאֶת־פִּילַגְשִׁ֥יf עִנּ֖וּg וַתָּמֹֽתh ׃

6 וָֽאֹחֵ֤זa בְּפִֽילַגְשִׁי֙b וָֽאֲנַתְּחֶ֔הָc וָֽאֲשַׁלְּחֶ֔הָd בְּכָל־שְׂדֵ֖ה נַחֲלַ֣ת יִשְׂרָאֵ֑ל כִּ֥י עָשׂ֛וּe זִמָּ֥הf וּנְבָלָ֖הg בְּיִשְׂרָאֵֽל׃

7 הִנֵּ֥ה כֻלְּכֶ֖ם בְּנֵ֣י יִשְׂרָאֵ֑ל הָב֥וּa לָכֶ֛ם דָּבָ֥ר וְעֵצָ֖ה הֲלֹֽםb ׃

8 וַיָּ֨קָם֙a כָּל־הָעָ֔ם כְּאִ֥ישׁ אֶחָ֖ד לֵאמֹ֑רb לֹ֤א נֵלֵךְ֙c אִ֣ישׁ לְאָהֳלֹ֔ו וְלֹ֥א נָס֖וּרd אִ֥ישׁ לְבֵיתֹֽו׃

9 וְעַתָּ֕ה זֶ֣ה הַדָּבָ֔ר אֲשֶׁ֥ר נַעֲשֶׂ֖הa לַגִּבְעָ֑הb עָלֶ֖יהָ בְּגֹורָֽל׃

10 וְלָקַ֣חְנוּa עֲשָׂרָה֩ אֲנָשִׁ֨ים לַמֵּאָ֜ה לְכֹ֣ל׀ שִׁבְטֵ֣י יִשְׂרָאֵ֗ל וּמֵאָ֤ה לָאֶ֨לֶף֙ וְאֶ֣לֶף לָרְבָבָ֔הb לָקַ֥חַתc צֵדָ֖הd לָעָ֑ם לַעֲשֹׂ֗ותe לְבֹואָם֙f לְגֶ֣בַעg בִּנְיָמִ֔ן כְּכָל־הַ֨נְּבָלָ֔הh אֲשֶׁ֥ר עָשָׂ֖הi בְּיִשְׂרָאֵֽל׃

11 וַיֵּֽאָסֵ֞ףa כָּל־אִ֤ישׁ יִשְׂרָאֵל֙ אֶל־הָעִ֔יר כְּאִ֥ישׁ אֶחָ֖ד חֲבֵרִֽיםb ׃ פ

12 וַֽיִּשְׁלְח֞וּa שִׁבְטֵ֤י יִשְׂרָאֵל֙ אֲנָשִׁ֔ים בְּכָל־שִׁבְטֵ֥י בִנְיָמִ֖ן לֵאמֹ֑רb מָ֚ה הָרָעָ֣ה הַזֹּ֔את אֲשֶׁ֥ר נִהְיְתָ֖הc בָּכֶֽם׃

13 וְעַתָּ֡ה תְּנוּ֩a אֶת־הָאֲנָשִׁ֨ים בְּנֵֽי־בְלִיַּ֜עַלb אֲשֶׁ֤ר בַּגִּבְעָה֙c וּנְמִיתֵ֔םd וּנְבַעֲרָ֥הe רָעָ֖ה מִיִּשְׂרָאֵ֑ל וְלֹ֤א אָבוּ֙f g בנימןh לִשְׁמֹ֕עַi בְּקֹ֖ול אֲחֵיהֶ֥ם בְּנֵֽי־יִשְׂרָאֵֽל׃

14 וַיֵּאָסְפ֧וּa בְנֵֽי־בִנְיָמִ֛ן מִן־הֶעָרִ֖ים הַגִּבְעָ֑תָהb לָצֵ֥אתc לַמִּלְחָמָ֖ה עִם־בְּנֵ֥י יִשְׂרָאֵֽל׃

15 וַיִּתְפָּֽקְדוּ֩a בְנֵ֨י בִנְיָמִ֜ן בַּיֹּ֤ום הַהוּא֙ מֵהֶ֣עָרִ֔ים עֶשְׂרִ֨ים וְשִׁשָּׁ֥ה אֶ֛לֶף אִ֖ישׁ שֹׁ֣לֵֽףb חָ֑רֶב לְ֠בַד מִיֹּשְׁבֵ֤י הַגִּבְעָה֙c הִתְפָּ֣קְד֔וּd שְׁבַ֥ע מֵאֹ֖ות אִ֥ישׁ בָּחֽוּר׃

16 מִכֹּ֣ל׀ הָעָ֣ם הַזֶּ֗ה שְׁבַ֤ע מֵאֹות֙ אִ֣ישׁ בָּח֔וּר אִטֵּ֖רa יַד־יְמִינֹ֑ו כָּל־זֶ֗ה קֹלֵ֧עַb בָּאֶ֛בֶן אֶל־הַֽשַּׂעֲרָ֖הc וְלֹ֥א יַחֲטִֽאd ׃ פ

17 וְאִ֨ישׁ יִשְׂרָאֵ֜ל הִתְפָּֽקְד֗וּa לְבַד֙ מִבִּנְיָמִ֔ן אַרְבַּ֨ע מֵאֹ֥ות אֶ֛לֶף אִ֖ישׁ שֹׁ֣לֵֽףb חָ֑רֶב כָּל־זֶ֖ה אִ֥ישׁ מִלְחָמָֽה׃

18 וַיָּקֻ֜מוּa וַיַּעֲל֣וּb בֵֽית־אֵל֮ וַיִּשְׁאֲל֣וּc בֵאלֹהִים֒ וַיֹּֽאמְרוּ֙d בְּנֵ֣י יִשְׂרָאֵ֔ל מִ֚י יַעֲלֶהe ־לָּ֣נוּ בַתְּחִלָּ֔הf לַמִּלְחָמָ֖ה עִם־בְּנֵ֣י בִנְיָמִ֑ן וַיֹּ֥אמֶרg יְהוָ֖ה יְהוּדָ֥ה בַתְּחִלָּֽהh ׃

19 וַיָּק֥וּמוּa בְנֵֽי־יִשְׂרָאֵ֖ל בַּבֹּ֑קֶר וַיַּֽחֲנ֖וּb עַל־הַגִּבְעָֽהc ׃ פ

20 וַיֵּצֵא֙a אִ֣ישׁ יִשְׂרָאֵ֔ל לַמִּלְחָמָ֖ה עִם־בִּנְיָמִ֑ן וַיַּעַרְכ֨וּb אִתָּ֧ם אִֽישׁ־יִשְׂרָאֵ֛ל מִלְחָמָ֖ה אֶל־הַגִּבְעָֽהc ׃

21 וַיֵּצְא֥וּa בְנֵֽי־בִנְיָמִ֖ן מִן־הַגִּבְעָ֑הb וַיַּשְׁחִ֨יתוּc בְיִשְׂרָאֵ֜ל בַּיֹּ֣ום הַה֗וּא שְׁנַ֨יִם וְעֶשְׂרִ֥ים אֶ֛לֶף אִ֖ישׁ אָֽרְצָה׃

22 וַיִּתְחַזֵּ֥קa הָעָ֖ם אִ֣ישׁ יִשְׂרָאֵ֑ל וַיֹּסִ֨פוּ֙b לַעֲרֹ֣ךְc מִלְחָמָ֔ה בַּמָּקֹ֕ום אֲשֶׁר־עָ֥רְכוּd שָׁ֖ם בַּיֹּ֥ום הָרִאשֹֽׁון׃

23 וַיַּעֲל֣וּa בְנֵֽי־יִשְׂרָאֵ֗ל וַיִּבְכּ֣וּb לִפְנֵֽי־יְהוָה֮ עַד־הָעֶרֶב֒ וַיִּשְׁאֲל֤וּc בַֽיהוָה֙ לֵאמֹ֔רd הַאֹוסִ֗יףe לָגֶ֨שֶׁת֙f לַמִּלְחָמָ֔ה עִם־בְּנֵ֥י בִנְיָמִ֖ן אָחִ֑י וַיֹּ֥אמֶרg יְהוָ֖ה עֲל֥וּh אֵלָֽיו׃ פ

24 וַיִּקְרְב֧וּa בְנֵֽי־יִשְׂרָאֵ֛ל אֶל־בְּנֵ֥י בִנְיָמִ֖ן בַּיֹּ֥ום הַשֵּׁנִֽי׃

25 וַיֵּצֵא֩a בִנְיָמִ֨ן׀ לִקְרָאתָ֥םb ׀ מִֽן־הַגִּבְעָה֮c בַּיֹּ֣ום הַשֵּׁנִי֒ וַיַּשְׁחִיתוּ֩d בִבְנֵ֨י יִשְׂרָאֵ֜ל עֹ֗וד שְׁמֹנַ֨ת עָשָׂ֥ר אֶ֛לֶף אִ֖ישׁ אָ֑רְצָה כָּל־אֵ֖לֶּה שֹׁ֥לְפֵיe חָֽרֶב׃

26 וַיַּעֲל֣וּa כָל־בְּנֵי֩ יִשְׂרָאֵ֨ל וְכָל־הָעָ֜ם וַיָּבֹ֣אוּb בֵֽית־אֵ֗ל וַיִּבְכּוּ֙c וַיֵּ֤שְׁבוּd שָׁם֙ לִפְנֵ֣י יְהוָ֔ה וַיָּצ֥וּמוּe בַיֹּום־הַה֖וּא עַד־הָעָ֑רֶב וַֽיַּעֲל֛וּf עֹלֹ֥ות וּשְׁלָמִ֖ים לִפְנֵ֥י יְהוָֽה׃

27 וַיִּשְׁאֲל֥וּa בְנֵֽי־יִשְׂרָאֵ֖ל בַּֽיהוָ֑ה וְשָׁ֗ם אֲרֹון֙ בְּרִ֣ית הָאֱלֹהִ֔ים בַּיָּמִ֖ים הָהֵֽם׃

28 וּ֠פִינְחָסa בֶּן־אֶלְעָזָ֨ר בֶּֽן־אַהֲרֹ֜ן עֹמֵ֣דb ׀ לְפָנָ֗יו בַּיָּמִ֣ים הָהֵם֮ לֵאמֹר֒c הַאֹוסִ֨ףd עֹ֜וד לָצֵ֧אתe לַמִּלְחָמָ֛ה עִם־בְּנֵֽי־בִנְיָמִ֥ן אָחִ֖י אִם־אֶחְדָּ֑לf וַיֹּ֤אמֶרg יְהוָה֙ עֲל֔וּh כִּ֥י מָחָ֖ר אֶתְּנֶ֥נּוּi בְיָדֶֽךָ׃

29 וַיָּ֤שֶׂםa יִשְׂרָאֵל֙ אֹֽרְבִ֔יםb אֶל־הַגִּבְעָ֖הc סָבִֽיב׃ פ

30 וַיַּעֲל֧וּa בְנֵֽי־יִשְׂרָאֵ֛ל אֶל־בְּנֵ֥י בִנְיָמִ֖ן בַּיֹּ֣ום הַשְּׁלִישִׁ֑י וַיַּעַרְכ֥וּb אֶל־הַגִּבְעָ֖הc כְּפַ֥עַם בְּפָֽעַם׃

31 וַיֵּצְא֤וּa בְנֵֽי־בִנְיָמִן֙ לִקְרַ֣אתb הָעָ֔ם הָנְתְּק֖וּc מִן־הָעִ֑יר וַיָּחֵ֡לּוּd לְהַכֹּות֩e מֵהָעָ֨ם חֲלָלִ֜ים כְּפַ֣עַם׀ בְּפַ֗עַם בַּֽמְסִלֹּות֙f אֲשֶׁ֨ר אַחַ֜ת עֹלָ֣הg בֵֽית־אֵ֗ל וְאַחַ֤ת גִּבְעָ֨תָה֙h בַּשָּׂדֶ֔ה כִּשְׁלֹשִׁ֥ים אִ֖ישׁ בְּיִשְׂרָאֵֽל׃

32 וַיֹּֽאמְרוּ֙a בְּנֵ֣י בִנְיָמִ֔ן נִגָּפִ֥יםb הֵ֛ם לְפָנֵ֖ינוּ כְּבָרִאשֹׁנָ֑ה וּבְנֵ֧י יִשְׂרָאֵ֣ל אָמְר֗וּc נָנ֨וּסָה֙d וּֽנְתַקְּנֻ֔הוּe מִן־הָעִ֖יר אֶל־הַֽמְסִלֹּֽותf ׃

33 וְכֹ֣ל׀ אִ֣ישׁ יִשְׂרָאֵ֗ל קָ֚מוּa מִמְּקֹומֹ֔ו וַיַּעַרְכ֖וּb בְּבַ֣עַל תָּמָ֑רc וְאֹרֵ֧בd יִשְׂרָאֵ֛ל מֵגִ֥יחַe מִמְּקֹמֹ֖ו מִמַּֽעֲרֵהf ־גָֽבַעg ׃

34 וַיָּבֹאוּ֩a מִנֶּ֨גֶד לַגִּבְעָ֜הb עֲשֶׂרֶת֩ אֲלָפִ֨ים אִ֤ישׁ בָּחוּר֙c מִכָּל־יִשְׂרָאֵ֔ל וְהַמִּלְחָמָ֖ה כָּבֵ֑דָהd וְהֵם֙ לֹ֣א יָדְע֔וּe כִּֽי־נֹגַ֥עַתf עֲלֵיהֶ֖ם הָרָעָֽה׃ פ

35 וַיִּגֹּ֨ףa יְהוָ֥ה׀ אֶֽת־בִּנְיָמִן֮ לִפְנֵ֣י יִשְׂרָאֵל֒ וַיַּשְׁחִיתוּ֩b בְנֵ֨י יִשְׂרָאֵ֤ל בְּבִנְיָמִן֙ בַּיֹּ֣ום הַה֔וּא עֶשְׂרִ֨ים וַחֲמִשָּׁ֥ה אֶ֛לֶף וּמֵאָ֖ה אִ֑ישׁ כָּל־אֵ֖לֶּה שֹׁ֥לֵףc חָֽרֶב׃

36 וַיִּרְא֥וּa בְנֵֽי־בִנְיָמִ֖ן כִּ֣י נִגָּ֑פוּb וַיִּתְּנ֨וּc אִֽישׁ־יִשְׂרָאֵ֤ל מָקֹום֙ לְבִנְיָמִ֔ן כִּ֤י בָֽטְחוּ֙d אֶל־הָ֣אֹרֵ֔בe אֲשֶׁר שָׂ֖מוּf אֶל־הַגִּבְעָֽהg ׃

37 וְהָאֹרֵ֣בa הֵחִ֔ישׁוּb וַֽיִּפְשְׁט֖וּc אֶל־הַגִּבְעָ֑הd וַיִּמְשֹׁךְ֙e הָאֹרֵ֔בf וַיַּ֥ךְg אֶת־כָּל־הָעִ֖יר לְפִי־חָֽרֶב׃

38 וְהַמֹּועֵ֗ד הָיָ֛הa לְאִ֥ישׁ יִשְׂרָאֵ֖ל עִם־הָאֹרֵ֑בb הֶ֕רֶבc לְהַעֲלֹותָ֛םd מַשְׂאַ֥תe הֶעָשָׁ֖ןf מִן־הָעִֽיר׃

39 וַיַּהֲפֹ֥ךְa אִֽישׁ־יִשְׂרָאֵ֖ל בַּמִּלְחָמָ֑ה וּבִנְיָמִ֡ן הֵחֵל֩b לְהַכֹּ֨ותc חֲלָלִ֤ים בְּאִֽישׁ־יִשְׂרָאֵל֙ כִּשְׁלֹשִׁ֣ים אִ֔ישׁ כִּ֣י אָמְר֔וּd אַךְ֩ נִגֹּ֨וףe נִגָּ֥ףf הוּא֙ לְפָנֵ֔ינוּ כַּמִּלְחָמָ֖ה הָרִאשֹׁנָֽה׃

40 וְהַמַּשְׂאֵ֗תa הֵחֵ֛לָּהb לַעֲלֹ֥ותc מִן־הָעִ֖יר עַמּ֣וּד עָשָׁ֑ןd וַיִּ֤פֶןe בִּנְיָמִן֙ אַחֲרָ֔יו וְהִנֵּ֛ה עָלָ֥הf כְלִילg ־הָעִ֖יר הַשָּׁמָֽיְמָה׃

41 וְאִ֤ישׁ יִשְׂרָאֵל֙ הָפַ֔ךְa וַיִּבָּהֵ֖לb אִ֣ישׁ בִּנְיָמִ֑ן כִּ֣י רָאָ֔הc כִּֽי־נָגְעָ֥הd עָלָ֖יו הָרָעָֽה׃

42 וַיִּפְנ֞וּa לִפְנֵ֨י אִ֤ישׁ יִשְׂרָאֵל֙ אֶל־דֶּ֣רֶךְ הַמִּדְבָּ֔ר וְהַמִּלְחָמָ֖ה הִדְבִּיקָ֑תְהוּb וַאֲשֶׁר֙ מֵהֶ֣עָרִ֔ים מַשְׁחִיתִ֥יםc אֹותֹ֖ו בְּתֹוכֹֽו׃

43 כִּתְּר֤וּa אֶת־בִּנְיָמִן֙ הִרְדִיפֻ֔הוּb מְנוּחָ֖הc הִדְרִיכֻ֑הוּd עַ֛ד נֹ֥כַחe הַגִּבְעָ֖הf מִמִּזְרַח־שָֽׁמֶשׁ׃

44 וַֽיִּפְּלוּ֙a מִבִּנְיָמִ֔ן שְׁמֹנָֽה־עָשָׂ֥ר אֶ֖לֶף אִ֑ישׁ אֶת־כָּל־אֵ֖לֶּה אַנְשֵׁי־חָֽיִל׃

45 וַיִּפְנ֞וּa וַיָּנֻ֤סוּb הַמִּדְבָּ֨רָה֙ אֶל־סֶ֣לַע הָֽרִמֹּ֔וןc וַיְעֹֽלְלֻ֨הוּ֙d בַּֽמְסִלֹּ֔ותe חֲמֵ֥שֶׁת אֲלָפִ֖ים אִ֑ישׁ וַיַּדְבִּ֤יקוּf אַחֲרָיו֙ עַד־גִּדְעֹ֔םg וַיַּכּ֥וּh מִמֶּ֖נּוּ אַלְפַּ֥יִם אִֽישׁ׃

46 וַיְהִי֩a כָל־הַנֹּ֨פְלִ֜יםb מִבִּנְיָמִ֗ן עֶשְׂרִים֩ וַחֲמִשָּׁ֨ה אֶ֥לֶף אִ֛ישׁ שֹׁ֥לֵֽףc חֶ֖רֶב בַּיֹּ֣ום הַה֑וּא אֶֽת־כָּל־אֵ֖לֶּה אַנְשֵׁי־חָֽיִל׃

47 וַיִּפְנ֞וּa וַיָּנֻ֤סוּb הַמִּדְבָּ֨רָה֙ אֶל־סֶ֣לַע הָֽרִמֹּ֔וןc שֵׁ֥שׁ מֵאֹ֖ות אִ֑ישׁ וַיֵּֽשְׁבוּ֙d בְּסֶ֣לַע רִמֹּ֔וןe אַרְבָּעָ֖ה חֳדָשִֽׁים׃

48 וְאִ֨ישׁ יִשְׂרָאֵ֜ל שָׁ֣בוּa אֶל־בְּנֵ֤י בִנְיָמִן֙ וַיַּכּ֣וּםb לְפִי־חֶ֔רֶב מֵעִ֤יר מְתֹם֙c עַד־בְּהֵמָ֔ה עַ֖ד כָּל־הַנִּמְצָ֑אd גַּ֛ם כָּל־הֶעָרִ֥ים הַנִּמְצָאֹ֖ותe שִׁלְּח֥וּf בָאֵֽשׁ׃ פ