שופטים

וַֽיְהִיa ־אִ֥ישׁ מֵֽהַר־אֶפְרָ֖יִם וּשְׁמֹ֥ו מִיכָֽיְהוּb ׃

2 וַיֹּ֣אמֶרa לְאִמֹּ֡ו אֶלֶף֩ וּמֵאָ֨ה הַכֶּ֜סֶף אֲשֶׁ֣ר לֻֽקַּֽחb ־לָ֗ךְ ואתיc אָלִית֙d וְגַם֙ אָמַ֣רְתְּe בְּאָזְנַ֔י הִנֵּֽה־הַכֶּ֥סֶף אִתִּ֖י אֲנִ֣י לְקַחְתִּ֑יוf וַתֹּ֣אמֶרg אִמֹּ֔ו בָּר֥וּךְh בְּנִ֖י לַיהוָֽה׃

3 וַיָּ֛שֶׁבa אֶת־אֶֽלֶף־וּמֵאָ֥ה הַכֶּ֖סֶף לְאִמֹּ֑ו וַתֹּ֣אמֶרb אִמֹּ֡ו הַקְדֵּ֣שׁ הִקְדַּ֣שְׁתִּיc אֶת־הַכֶּסֶף֩ לַיהוָ֨ה מִיָּדִ֜י לִבְנִ֗י לַֽעֲשֹׂות֙d פֶּ֣סֶלe וּמַסֵּכָ֔הf וְעַתָּ֖ה אֲשִׁיבֶ֥נּוּg לָֽךְ׃

4 וַיָּ֥שֶׁבa אֶת־הַכֶּ֖סֶף לְאִמֹּ֑ו וַתִּקַּ֣חb אִמֹּו֩ מָאתַ֨יִם כֶּ֜סֶף וַתִּתְּנֵ֣הוּc לַצֹּורֵ֗ףd וַֽיַּעֲשֵׂ֨הוּ֙e פֶּ֣סֶלf וּמַסֵּכָ֔הg וַיְהִ֖יh בְּבֵ֥ית מִיכָֽיְהוּi ׃

5 וְהָאִ֣ישׁ מִיכָ֔הa לֹ֖ו בֵּ֣ית אֱלֹהִ֑ים וַיַּ֤עַשׂb אֵפֹוד֙c וּתְרָפִ֔יםd וַיְמַלֵּ֗אe אֶת־יַ֤ד אַחַד֙ מִבָּנָ֔יו וַיְהִיf ־לֹ֖ו לְכֹהֵֽן׃

6 בַּיָּמִ֣ים הָהֵ֔ם אֵ֥ין מֶ֖לֶךְ בְּיִשְׂרָאֵ֑ל אִ֛ישׁ הַיָּשָׁ֥ר בְּעֵינָ֖יו יַעֲשֶֽׂהa ׃ פ

7 וַיְהִיa ־נַ֗עַר מִבֵּ֥ית לֶ֨חֶם֙b יְהוּדָ֔ה מִמִּשְׁפַּ֖חַת יְהוּדָ֑ה וְה֥וּא לֵוִ֖י וְה֥וּא גָֽרc ־שָֽׁם׃

8 וַיֵּ֨לֶךְa הָאִ֜ישׁ מֵהָעִ֗יר מִבֵּ֥ית לֶ֨חֶם֙b יְהוּדָ֔ה לָג֖וּרc בַּאֲשֶׁ֣ר יִמְצָ֑אd וַיָּבֹ֧אe הַר־אֶפְרַ֛יִם עַד־בֵּ֥ית מִיכָ֖הf לַעֲשֹׂ֥ותg דַּרְכֹּֽו׃

9 וַיֹּאמֶרa ־לֹ֥ו מִיכָ֖הb מֵאַ֣יִןc תָּבֹ֑ואd וַיֹּ֨אמֶרe אֵלָ֜יו לֵוִ֣י אָנֹ֗כִי מִבֵּ֥ית לֶ֨חֶם֙f יְהוּדָ֔ה וְאָנֹכִ֣י הֹלֵ֔ךְg לָג֖וּרh בַּאֲשֶׁ֥ר אֶמְצָֽאi ׃

10 וַיֹּאמֶר֩a לֹ֨ו מִיכָ֜הb שְׁבָ֣הc עִמָּדִ֗יd וֶֽהְיֵהe ־לִי֮ לְאָ֣ב וּלְכֹהֵן֒ וְאָנֹכִ֨י אֶֽתֶּןf ־לְךָ֜ עֲשֶׂ֤רֶת כֶּ֨סֶף֙ לַיָּמִ֔ים וְעֵ֥רֶךְg בְּגָדִ֖ים וּמִחְיָתֶ֑ךָh וַיֵּ֖לֶךְi הַלֵּוִֽי׃

11 וַיֹּ֥ואֶלa הַלֵּוִ֖י לָשֶׁ֣בֶתb אֶת־הָאִ֑ישׁ וַיְהִ֤יc הַנַּ֨עַר֙ לֹ֔ו כְּאַחַ֖ד מִבָּנָֽיו׃

12 וַיְמַלֵּ֤אa מִיכָה֙b אֶת־יַ֣ד הַלֵּוִ֔י וַיְהִיc ־לֹ֥ו הַנַּ֖עַר לְכֹהֵ֑ן וַיְהִ֖יd בְּבֵ֥ית מִיכָֽהe ׃

13 וַיֹּ֣אמֶרa מִיכָ֔הb עַתָּ֣ה יָדַ֔עְתִּיc כִּֽי־יֵיטִ֥יבd יְהוָ֖ה לִ֑י כִּ֧י הָיָהe ־לִ֛י הַלֵּוִ֖י לְכֹהֵֽן׃