שופטים

וַיֹּסִ֨פוּ֙a בְּנֵ֣י יִשְׂרָאֵ֔ל לַעֲשֹׂ֥ותb הָרַ֖ע בְּעֵינֵ֣י יְהוָ֑ה וַיִּתְּנֵ֧םc יְהוָ֛ה בְּיַד־פְּלִשְׁתִּ֖ים אַרְבָּעִ֥ים שָׁנָֽה׃ פ

2 וַיְהִי֩a אִ֨ישׁ אֶחָ֧ד מִצָּרְעָ֛הb מִמִּשְׁפַּ֥חַת הַדָּנִ֖יc וּשְׁמֹ֣ו מָנֹ֑וחַd וְאִשְׁתֹּ֥ו עֲקָרָ֖הe וְלֹ֥א יָלָֽדָהf ׃

3 וַיֵּרָ֥אa מַלְאַךְ־יְהוָ֖ה אֶל־הָאִשָּׁ֑ה וַיֹּ֣אמֶרb אֵלֶ֗יהָ הִנֵּה־נָ֤א אַתְּ־עֲקָרָה֙c וְלֹ֣א יָלַ֔דְתְּd וְהָרִ֖יתe וְיָלַ֥דְתְּf בֵּֽן׃

4 וְעַתָּה֙ הִשָּׁ֣מְרִיa נָ֔א וְאַל־תִּשְׁתִּ֖יb יַ֣יִן וְשֵׁכָ֑רc וְאַל־תֹּאכְלִ֖יd כָּל־טָמֵֽא׃

5 כִּי֩ הִנָּ֨ךְ הָרָ֜הa וְיֹלַ֣דְתְּb בֵּ֗ן וּמֹורָה֙c לֹא־יַעֲלֶ֣הd עַל־רֹאשֹׁ֔ו כִּֽי־נְזִ֧ירe אֱלֹהִ֛ים יִהְיֶ֥הf הַנַּ֖עַר מִן־הַבָּ֑טֶן וְה֗וּא יָחֵ֛לg לְהֹושִׁ֥יעַh אֶת־יִשְׂרָאֵ֖ל מִיַּ֥ד פְּלִשְׁתִּֽים׃

6 וַתָּבֹ֣אa הָאִשָּׁ֗ה וַתֹּ֣אמֶרb לְאִישָׁהּ֮ לֵאמֹר֒c אִ֤ישׁ הָאֱלֹהִים֙ בָּ֣אd אֵלַ֔י וּמַרְאֵ֕הוּ כְּמַרְאֵ֛ה מַלְאַ֥ךְ הָאֱלֹהִ֖ים נֹורָ֣אe מְאֹ֑ד וְלֹ֤א שְׁאִלְתִּ֨יהוּ֙f אֵֽיg ־מִזֶּ֣ה ה֔וּא וְאֶת־שְׁמֹ֖ו לֹֽא־הִגִּ֥ידh לִֽי׃

7 וַיֹּ֣אמֶרa לִ֔י הִנָּ֥ךְ הָרָ֖הb וְיֹלַ֣דְתְּc בֵּ֑ן וְעַתָּ֞ה אַל־תִּשְׁתִּ֣יd ׀ יַ֣יִן וְשֵׁכָ֗רe וְאַל־תֹּֽאכְלִי֙f כָּל־טֻמְאָ֔הg כִּֽי־נְזִ֤ירh אֱלֹהִים֙ יִהְיֶ֣הi הַנַּ֔עַר מִן־הַבֶּ֖טֶן עַד־יֹ֥ום מֹותֹֽו׃ פ

8 וַיֶּעְתַּ֥רa מָנֹ֛וחַb אֶל־יְהוָ֖ה וַיֹּאמַ֑רc בִּ֣יd אֲדֹונָ֔י אִ֣ישׁ הָאֱלֹהִ֞ים אֲשֶׁ֣ר שָׁלַ֗חְתָּe יָבֹואf ־נָ֥א עֹוד֙ אֵלֵ֔ינוּ וְיֹורֵ֕נוּg מַֽה־נַּעֲשֶׂ֖הh לַנַּ֥עַר הַיּוּלָּֽדi ׃

9 וַיִּשְׁמַ֥עa הָאֱלֹהִ֖ים בְּקֹ֣ול מָנֹ֑וחַb וַיָּבֹ֣אc מַלְאַךְ֩ הָאֱלֹהִ֨ים עֹ֜וד אֶל־הָאִשָּׁ֗ה וְהִיא֙ יֹושֶׁ֣בֶתd בַּשָּׂדֶ֔ה וּמָנֹ֥וחַe אִישָׁ֖הּ אֵ֥ין עִמָּֽהּ׃

10 וַתְּמַהֵר֙a הָֽאִשָּׁ֔ה וַתָּ֖רָץb וַתַּגֵּ֣דc לְאִישָׁ֑הּ וַתֹּ֣אמֶרd אֵלָ֔יו הִנֵּ֨ה נִרְאָ֤הe אֵלַי֙ הָאִ֔ישׁ אֲשֶׁר־בָּ֥אf בַיֹּ֖ום אֵלָֽי׃

11 וַיָּ֛קָםa וַיֵּ֥לֶךְb מָנֹ֖וחַc אַחֲרֵ֣י אִשְׁתֹּ֑ו וַיָּבֹא֙d אֶל־הָאִ֔ישׁ וַיֹּ֣אמֶרe לֹ֗ו הַאַתָּ֥ה הָאִ֛ישׁ אֲשֶׁר־דִּבַּ֥רְתָּf אֶל־הָאִשָּׁ֖ה וַיֹּ֥אמֶרg אָֽנִי׃

12 וַיֹּ֣אמֶרa מָנֹ֔וחַb עַתָּ֖ה יָבֹ֣אc דְבָרֶ֑יךָ מַה־יִּֽהְיֶ֥הd מִשְׁפַּט־הַנַּ֖עַר וּמַעֲשֵֽׂהוּ׃

13 וַיֹּ֛אמֶרa מַלְאַ֥ךְ יְהוָ֖ה אֶל־מָנֹ֑וחַb מִכֹּ֛ל אֲשֶׁר־אָמַ֥רְתִּיc אֶל־הָאִשָּׁ֖ה תִּשָּׁמֵֽרd ׃

14 מִכֹּ֣ל אֲשֶׁר־יֵצֵא֩a מִגֶּ֨פֶן הַיַּ֜יִן לֹ֣א תֹאכַ֗לb וְיַ֤יִן וְשֵׁכָר֙c אַל־תֵּ֔שְׁתְּd וְכָל־טֻמְאָ֖הe אַל־תֹּאכַ֑לf כֹּ֥ל אֲשֶׁר־צִוִּיתִ֖יהָg תִּשְׁמֹֽרh ׃

15 וַיֹּ֥אמֶרa מָנֹ֖וחַb אֶל־מַלְאַ֣ךְ יְהוָ֑ה נַעְצְרָהc ־נָּ֣א אֹותָ֔ךְ וְנַעֲשֶׂ֥הd לְפָנֶ֖יךָ גְּדִ֥יe עִזִּֽים׃

16 וַיֹּאמֶר֩a מַלְאַ֨ךְ יְהוָ֜ה אֶל־מָנֹ֗וחַb אִם־תַּעְצְרֵ֨נִי֙c לֹא־אֹכַ֣לd בְּלַחְמֶ֔ךָ וְאִם־תַּעֲשֶׂ֣הe עֹלָ֔ה לַיהוָ֖ה תַּעֲלֶ֑נָּהf כִּ֚י לֹא־יָדַ֣עg מָנֹ֔וחַh כִּֽי־מַלְאַ֥ךְ יְהוָ֖ה הֽוּא׃

17 וַיֹּ֧אמֶרa מָנֹ֛וחַb אֶל־מַלְאַ֥ךְ יְהוָ֖ה מִ֣י שְׁמֶ֑ךָ כִּֽי־יָבֹ֥אc דבריךd וְכִבַּדְנֽוּךָe ׃

18 וַיֹּ֤אמֶרa לֹו֙ מַלְאַ֣ךְ יְהוָ֔ה לָ֥מָּה זֶּ֖ה תִּשְׁאַ֣לb לִשְׁמִ֑י וְהוּא־פֶֽלִאיc ׃ ס

19 וַיִּקַּ֨חa מָנֹ֜וחַb אֶת־גְּדִ֤יc הָעִזִּים֙ וְאֶת־הַמִּנְחָ֔ה וַיַּ֥עַלd עַל־הַצּ֖וּר לַֽיהוָ֑ה וּמַפְלִ֣אe לַעֲשֹׂ֔ותf וּמָנֹ֥וחַg וְאִשְׁתֹּ֖ו רֹאִֽיםh ׃

20 וַיְהִי֩a בַעֲלֹ֨ותb הַלַּ֜הַבc מֵעַ֤ל הַמִּזְבֵּ֨חַ֙ הַשָּׁמַ֔יְמָה וַיַּ֥עַלd מַלְאַךְ־יְהוָ֖ה בְּלַ֣הַבe הַמִּזְבֵּ֑חַ וּמָנֹ֤וחַf וְאִשְׁתֹּו֙ רֹאִ֔ים וַיִּפְּל֥וּg עַל־פְּנֵיהֶ֖ם אָֽרְצָה׃

21 וְלֹא־יָ֤סַףa עֹוד֙ מַלְאַ֣ךְ יְהוָ֔ה לְהֵרָאֹ֖הb אֶל־מָנֹ֣וחַc וְאֶל־אִשְׁתֹּ֑ו אָ֚ז יָדַ֣עd מָנֹ֔וחַe כִּֽי־מַלְאַ֥ךְ יְהוָ֖ה הֽוּא׃

22 וַיֹּ֧אמֶרa מָנֹ֛וחַb אֶל־אִשְׁתֹּ֖ו מֹ֣ות נָמ֑וּתc כִּ֥י אֱלֹהִ֖ים רָאִֽינוּd ׃

23 וַתֹּ֧אמֶרa לֹ֣ו אִשְׁתֹּ֗ו לוּ֩b חָפֵ֨ץc יְהוָ֤ה לַהֲמִיתֵ֨נוּ֙d לֹֽא־לָקַ֤חe מִיָּדֵ֨נוּ֙ עֹלָ֣ה וּמִנְחָ֔ה וְלֹ֥א הֶרְאָ֖נוּf אֶת־כָּל־אֵ֑לֶּה וְכָעֵ֕ת לֹ֥א הִשְׁמִיעָ֖נוּg כָּזֹֽאת׃

24 וַתֵּ֤לֶדa הָֽאִשָּׁה֙ בֵּ֔ן וַתִּקְרָ֥אb אֶת־שְׁמֹ֖ו שִׁמְשֹׁ֑וןc וַיִּגְדַּ֣לd הַנַּ֔עַר וַֽיְבָרְכֵ֖הוּe יְהוָֽה׃

25 וַתָּ֨חֶל֙a ר֣וּחַ יְהוָ֔ה לְפַעֲמֹ֖וb בְּמַחֲנֵה־דָ֑ןc בֵּ֥ין צָרְעָ֖הd וּבֵ֥ין אֶשְׁתָּאֹֽלe ׃ פ