שופטים

וְיִפְתָּ֣חa הַגִּלְעָדִ֗יb הָיָה֙c גִּבֹּ֣ור חַ֔יִל וְה֖וּא בֶּן־אִשָּׁ֣ה זֹונָ֑ה וַיֹּ֥ולֶדd גִּלְעָ֖ד אֶת־יִפְתָּֽחe ׃

2 וַתֵּ֧לֶדa אֵֽשֶׁת־גִּלְעָ֛ד לֹ֖ו בָּנִ֑ים וַיִּגְדְּל֨וּb בְֽנֵי־הָאִשָּׁ֜ה וַיְגָרְשׁ֣וּc אֶת־יִפְתָּ֗חd וַיֹּ֤אמְרוּe לֹו֙ לֹֽא־תִנְחַ֣לf בְּבֵית־אָבִ֔ינוּ כִּ֛י בֶּן־אִשָּׁ֥ה אַחֶ֖רֶת אָֽתָּה׃

3 וַיִּבְרַ֤חa יִפְתָּח֙b מִפְּנֵ֣י אֶחָ֔יו וַיֵּ֖שֶׁבc בְּאֶ֣רֶץ טֹ֑ובd וַיִּֽתְלַקְּט֤וּe אֶל־יִפְתָּח֙f אֲנָשִׁ֣ים רֵיקִ֔יםg וַיֵּצְא֖וּh עִמֹּֽו׃ פ

4 וַיְהִ֖יa מִיָּמִ֑ים וַיִּלָּחֲמ֥וּb בְנֵֽי־עַמֹּ֖ון עִם־יִשְׂרָאֵֽל׃

5 וַיְהִ֕יa כַּאֲשֶׁר־נִלְחֲמ֥וּb בְנֵֽי־עַמֹּ֖ון עִם־יִשְׂרָאֵ֑ל וַיֵּֽלְכוּ֙c זִקְנֵ֣י גִלְעָ֔ד לָקַ֥חַתd אֶת־יִפְתָּ֖חe מֵאֶ֥רֶץ טֹֽובf ׃

6 וַיֹּאמְר֣וּa לְיִפְתָּ֔חb לְכָ֕הc וְהָיִ֥יתָהd לָּ֖נוּ לְקָצִ֑יןe וְנִֽלָּחֲמָ֖הf בִּבְנֵ֥י עַמֹּֽון׃

7 וַיֹּ֤אמֶרa יִפְתָּח֙b לְזִקְנֵ֣י גִלְעָ֔ד הֲלֹ֤א אַתֶּם֙ שְׂנֵאתֶ֣םc אֹותִ֔י וַתְּגָרְשׁ֖וּנִיd מִבֵּ֣ית אָבִ֑י וּמַדּ֜וּעַ בָּאתֶ֤םe אֵלַי֙ עַ֔תָּה כַּאֲשֶׁ֖ר צַ֥רf לָכֶֽם׃

8 וַיֹּאמְרוּ֩a זִקְנֵ֨י גִלְעָ֜ד אֶל־יִפְתָּ֗חb לָכֵן֙ עַתָּה֙ שַׁ֣בְנוּc אֵלֶ֔יךָ וְהָלַכְתָּ֣d עִמָּ֔נוּ וְנִלְחַמְתָּ֖e בִּבְנֵ֣י עַמֹּ֑ון וְהָיִ֤יתָf לָּ֨נוּ֙ לְרֹ֔אשׁ לְכֹ֖ל יֹשְׁבֵ֥י גִלְעָֽד׃

9 וַיֹּ֨אמֶרa יִפְתָּ֜חb אֶל־זִקְנֵ֣י גִלְעָ֗ד אִם־מְשִׁיבִ֨יםc אַתֶּ֤ם אֹותִי֙ לְהִלָּחֵם֙d בִּבְנֵ֣י עַמֹּ֔ון וְנָתַ֧ןe יְהוָ֛ה אֹותָ֖ם לְפָנָ֑י אָנֹכִ֕י אֶהְיֶ֥הf לָכֶ֖ם לְרֹֽאשׁ׃

10 וַיֹּאמְר֥וּa זִקְנֵֽי־גִלְעָ֖ד אֶל־יִפְתָּ֑חb יְהוָ֗ה יִהְיֶ֤הc שֹׁמֵ֨עַ֙d בֵּֽינֹותֵ֔ינוּ אִם־לֹ֥א כִדְבָרְךָ֖ כֵּ֥ן נַעֲשֶֽׂהe ׃

11 וַיֵּ֤לֶךְa יִפְתָּח֙b עִם־זִקְנֵ֣י גִלְעָ֔ד וַיָּשִׂ֨ימוּc הָעָ֥ם אֹותֹ֛ו עֲלֵיהֶ֖ם לְרֹ֣אשׁ וּלְקָצִ֑יןd וַיְדַבֵּ֨רe יִפְתָּ֧חf אֶת־כָּל־דְּבָרָ֛יו לִפְנֵ֥י יְהוָ֖ה בַּמִּצְפָּֽהg ׃ פ

12 וַיִּשְׁלַ֤חa יִפְתָּח֙b מַלְאָכִ֔ים אֶל־מֶ֥לֶךְ בְּנֵֽי־עַמֹּ֖ון לֵאמֹ֑רc מַה־לִּ֣י וָלָ֔ךְ כִּֽי־בָ֥אתָd אֵלַ֖י לְהִלָּחֵ֥םe בְּאַרְצִֽי׃

13 וַיֹּאמֶר֩a מֶ֨לֶךְ בְּנֵי־עַמֹּ֜ון אֶל־מַלְאֲכֵ֣י יִפְתָּ֗חb כִּֽי־לָקַ֨חc יִשְׂרָאֵ֤ל אֶת־אַרְצִי֙ בַּעֲלֹותֹ֣וd מִמִּצְרַ֔יִם מֵאַרְנֹ֥וןe וְעַד־הַיַּבֹּ֖קf וְעַד־הַיַּרְדֵּ֑ן וְעַתָּ֕ה הָשִׁ֥יבָהg אֶתְהֶ֖ן בְּשָׁלֹֽום׃

14 וַיֹּ֥וסֶףa עֹ֖וד יִפְתָּ֑חb וַיִּשְׁלַח֙c מַלְאָכִ֔ים אֶל־מֶ֖לֶךְ בְּנֵ֥י עַמֹּֽון׃

15 וַיֹּ֣אמֶרa לֹ֔ו כֹּ֖ה אָמַ֣רb יִפְתָּ֑חc לֹֽא־לָקַ֤חd יִשְׂרָאֵל֙ אֶת־אֶ֣רֶץ מֹואָ֔ב וְאֶת־אֶ֖רֶץ בְּנֵ֥י עַמֹּֽון׃

16 כִּ֖י בַּעֲלֹותָ֣םa מִמִּצְרָ֑יִם וַיֵּ֨לֶךְb יִשְׂרָאֵ֤ל בַּמִּדְבָּר֙ עַד־יַם־ס֔וּףc וַיָּבֹ֖אd קָדֵֽשָׁהe ׃

17 וַיִּשְׁלַ֣חa יִשְׂרָאֵ֣ל מַלְאָכִ֣ים׀ אֶל־מֶלֶךְ֩ אֱדֹ֨ום׀ לֵאמֹ֜רb אֶעְבְּרָהc ־נָּ֣א בְאַרְצֶ֗ךָ וְלֹ֤א שָׁמַע֙d מֶ֣לֶךְ אֱדֹ֔ום וְגַ֨ם אֶל־מֶ֧לֶךְ מֹואָ֛ב שָׁלַ֖חe וְלֹ֣א אָבָ֑הf וַיֵּ֥שֶׁבg יִשְׂרָאֵ֖ל בְּקָדֵֽשׁh ׃

18 וַיֵּ֣לֶךְa בַּמִּדְבָּ֗ר וַיָּ֜סָבb אֶת־אֶ֤רֶץ אֱדֹום֙ וְאֶת־אֶ֣רֶץ מֹואָ֔ב וַיָּבֹ֤אc מִמִּזְרַח־שֶׁ֨מֶשׁ֙ לְאֶ֣רֶץ מֹואָ֔ב וַֽיַּחֲנ֖וּןd בְּעֵ֣בֶר אַרְנֹ֑וןe וְלֹא־בָ֨אוּ֙f בִּגְב֣וּל מֹואָ֔ב כִּ֥י אַרְנֹ֖וןg גְּב֥וּל מֹואָֽב׃

19 וַיִּשְׁלַ֤חa יִשְׂרָאֵל֙ מַלְאָכִ֔ים אֶל־סִיחֹ֥וןb מֶֽלֶךְ־הָאֱמֹרִ֖י מֶ֣לֶךְ חֶשְׁבֹּ֑וןc וַיֹּ֤אמֶרd לֹו֙ יִשְׂרָאֵ֔ל נַעְבְּרָהe ־נָּ֥א בְאַרְצְךָ֖ עַד־מְקֹומִֽי׃

20 וְלֹא־הֶאֱמִ֨יןa סִיחֹ֤וןb אֶת־יִשְׂרָאֵל֙ עֲבֹ֣רc בִּגְבֻלֹ֔ו וַיֶּאֱסֹ֤ףd סִיחֹון֙e אֶת־כָּל־עַמֹּ֔ו וַֽיַּחֲנ֖וּf בְּיָ֑הְצָהg וַיִּלָּ֖חֶםh עִם־יִשְׂרָאֵֽל׃

21 וַ֠יִּתֵּןa יְהוָ֨ה אֱלֹהֵֽי־יִשְׂרָאֵ֜ל אֶת־סִיחֹ֧וןb וְאֶת־כָּל־עַמֹּ֛ו בְּיַ֥ד יִשְׂרָאֵ֖ל וַיַּכּ֑וּםc וַיִּירַשׁ֙d יִשְׂרָאֵ֔ל אֵ֚ת כָּל־אֶ֣רֶץ הָאֱמֹרִ֔י יֹושֵׁ֖בe הָאָ֥רֶץ הַהִֽיא׃

22 וַיִּ֣ירְשׁ֔וּa אֵ֖ת כָּל־גְּב֣וּל הָאֱמֹרִ֑י מֵֽאַרְנֹון֙b וְעַד־הַיַּבֹּ֔קc וּמִן־הַמִּדְבָּ֖ר וְעַד־הַיַּרְדֵּֽן׃

23 וְעַתָּ֞ה יְהוָ֣ה׀ אֱלֹהֵ֣י יִשְׂרָאֵ֗ל הֹורִישׁ֙a אֶת־הָ֣אֱמֹרִ֔י מִפְּנֵ֖י עַמֹּ֣ו יִשְׂרָאֵ֑ל וְאַתָּ֖ה תִּירָשֶֽׁנּוּb ׃

24 הֲלֹ֞א אֵ֣ת אֲשֶׁ֧ר יֹורִֽישְׁךָ֛a כְּמֹ֥ושׁb אֱלֹהֶ֖יךָ אֹותֹ֥ו תִירָ֑שׁc וְאֵת֩ כָּל־אֲשֶׁ֨ר הֹורִ֜ישׁd יְהוָ֧ה אֱלֹהֵ֛ינוּ מִפָּנֵ֖ינוּ אֹותֹ֥ו נִירָֽשׁe ׃

25 וְעַתָּ֗ה הֲטֹ֥וב טֹוב֙ אַתָּ֔ה מִבָּלָ֥קa בֶּן־צִפֹּ֖ורb מֶ֣לֶךְ מֹואָ֑ב הֲרֹ֥וב רָב֙c עִם־יִשְׂרָאֵ֔ל אִם־נִלְחֹ֥ם נִלְחַ֖םd בָּֽם׃

26 בְּשֶׁ֣בֶתa יִ֠שְׂרָאֵל בְּחֶשְׁבֹּ֨וןb וּבִבְנֹותֶ֜יהָ וּבְעַרְעֹ֣ורc וּבִבְנֹותֶ֗יהָ וּבְכָל־הֶֽעָרִים֙ אֲשֶׁר֙ עַל־יְדֵ֣י אַרְנֹ֔וןd שְׁלֹ֥שׁ מֵאֹ֖ות שָׁנָ֑ה וּמַדּ֥וּעַ לֹֽא־הִצַּלְתֶּ֖םe בָּעֵ֥ת הַהִֽיא׃

27 וְאָֽנֹכִי֙ לֹֽא־חָטָ֣אתִיa לָ֔ךְ וְאַתָּ֞ה עֹשֶׂ֥הb אִתִּ֛י רָעָ֖ה לְהִלָּ֣חֶםc בִּ֑י יִשְׁפֹּ֨טd יְהוָ֤ה הַשֹּׁפֵט֙ הַיֹּ֔ום בֵּ֚ין בְּנֵ֣י יִשְׂרָאֵ֔ל וּבֵ֖ין בְּנֵ֥י עַמֹּֽון׃

28 וְלֹ֣א שָׁמַ֔עa מֶ֖לֶךְ בְּנֵ֣י עַמֹּ֑ון אֶל־דִּבְרֵ֣י יִפְתָּ֔חb אֲשֶׁ֥ר שָׁלַ֖חc אֵלָֽיו׃ פ

29 וַתְּהִ֤יa עַל־יִפְתָּח֙b ר֣וּחַ יְהוָ֔ה וַיַּעֲבֹ֥רc אֶת־הַגִּלְעָ֖ד וְאֶת־מְנַשֶּׁ֑ה וַֽיַּעֲבֹר֙d אֶת־מִצְפֵּ֣הe גִלְעָ֔ד וּמִמִּצְפֵּ֣הf גִלְעָ֔ד עָבַ֖רg בְּנֵ֥י עַמֹּֽון׃

30 וַיִּדַּ֨רa יִפְתָּ֥חb נֶ֛דֶר לַיהוָ֖ה וַיֹּאמַ֑רc אִם־נָתֹ֥ון תִּתֵּ֛ןd אֶת־בְּנֵ֥י עַמֹּ֖ון בְּיָדִֽי׃

31 וְהָיָ֣הa הַיֹּוצֵ֗א אֲשֶׁ֨ר יֵצֵ֜אb מִדַּלְתֵ֤י בֵיתִי֙ לִקְרָאתִ֔יc בְּשׁוּבִ֥יd בְשָׁלֹ֖ום מִבְּנֵ֣י עַמֹּ֑ון וְהָיָה֙e לַֽיהוָ֔ה וְהַעֲלִיתִ֖הוּf עֹולָֽה׃ פ

32 וַיַּעֲבֹ֥רa יִפְתָּ֛חb אֶל־בְּנֵ֥י עַמֹּ֖ון לְהִלָּ֣חֶםc בָּ֑ם וַיִּתְּנֵ֥םd יְהוָ֖ה בְּיָדֹֽו׃

33 וַיַּכֵּ֡םa מֵעֲרֹועֵר֩b וְעַד־בֹּואֲךָ֙c מִנִּ֜יתd עֶשְׂרִ֣ים עִ֗יר וְעַד֙ אָבֵ֣ל כְּרָמִ֔יםe מַכָּ֖הf גְּדֹולָ֣ה מְאֹ֑ד וַיִּכָּֽנְעוּ֙g בְּנֵ֣י עַמֹּ֔ון מִפְּנֵ֖י בְּנֵ֥י יִשְׂרָאֵֽל׃ פ

34 וַיָּבֹ֨אa יִפְתָּ֣חb הַמִּצְפָּה֮c אֶל־בֵּיתֹו֒ וְהִנֵּ֤ה בִתֹּו֙ יֹצֵ֣אתd לִקְרָאתֹ֔וe בְתֻפִּ֖יםf וּבִמְחֹלֹ֑ותg וְרַק֙ הִ֣יא יְחִידָ֔הh אֵֽין־לֹ֥ו מִמֶּ֛נּוּ בֵּ֖ן אֹו־בַֽת׃

35 וַיְהִי֩a כִרְאֹותֹ֨וb אֹותָ֜הּ וַיִּקְרַ֣עc אֶת־בְּגָדָ֗יו וַיֹּ֨אמֶר֙d אֲהָ֤הּe בִּתִּי֙ הַכְרֵ֣עַf הִכְרַעְתִּ֔נִיg וְאַ֖תְּ הָיִ֣יתְh בְּעֹֽכְרָ֑יi וְאָנֹכִ֗י פָּצִ֤יתִיj ־פִי֙ אֶל־יְהוָ֔ה וְלֹ֥א אוּכַ֖לk לָשֽׁוּבl ׃

36 וַתֹּ֣אמֶרa אֵלָ֗יו אָבִי֙ פָּצִ֤יתָהb אֶת־פִּ֨יךָ֙ אֶל־יְהוָ֔ה עֲשֵׂ֣הc לִ֔י כַּאֲשֶׁ֖ר יָצָ֣אd מִפִּ֑יךָ אַחֲרֵ֡י אֲשֶׁ֣ר עָשָׂה֩e לְךָ֙ יְהוָ֧ה נְקָמֹ֛ותf מֵאֹיְבֶ֖יךָ מִבְּנֵ֥י עַמֹּֽון׃

37 וַתֹּ֨אמֶר֙a אֶל־אָבִ֔יהָ יֵעָ֥שֶׂהb לִּ֖י הַדָּבָ֣ר הַזֶּ֑ה הַרְפֵּ֨הc מִמֶּ֜נִּי שְׁנַ֣יִם חֳדָשִׁ֗ים וְאֵֽלְכָה֙d וְיָרַדְתִּ֣יe עַל־הֶֽהָרִ֔ים וְאֶבְכֶּה֙f עַל־בְּתוּלַ֔יg אָנֹכִ֖י ורעיתיh ׃

38 וַיֹּ֣אמֶרa לֵ֔כִיb וַיִּשְׁלַ֥חc אֹותָ֖הּ שְׁנֵ֣י חֳדָשִׁ֑ים וַתֵּ֤לֶךְd הִיא֙ וְרֵ֣עֹותֶ֔יהָe וַתֵּ֥בְךְּf עַל־בְּתוּלֶ֖יהָg עַל־הֶהָרִֽים׃

39 וַיְהִ֞יa מִקֵּ֣ץ׀ שְׁנַ֣יִם חֳדָשִׁ֗ים וַתָּ֨שָׁב֙b אֶל־אָבִ֔יהָ וַיַּ֣עַשׂc לָ֔הּ אֶת־נִדְרֹ֖ו אֲשֶׁ֣ר נָדָ֑רd וְהִיא֙ לֹא־יָדְעָ֣הe אִ֔ישׁ וַתְּהִיf ־חֹ֖ק בְּיִשְׂרָאֵֽל׃

40 מִיָּמִ֣ים׀ יָמִ֗ימָה תֵּלַ֨כְנָה֙a בְּנֹ֣ות יִשְׂרָאֵ֔ל לְתַנֹּ֕ותb לְבַת־יִפְתָּ֖חc הַגִּלְעָדִ֑יd אַרְבַּ֥עַת יָמִ֖ים בַּשָּׁנָֽה׃ ס