ישעיהו

וַיֹּ֤אמֶרa יְהוָה֙ אֵלַ֔י קַחb ־לְךָ֖ גִּלָּיֹ֣וןc גָּדֹ֑ול וּכְתֹ֤בd עָלָיו֙ בְּחֶ֣רֶטe אֱנֹ֔ושׁf לְמַהֵ֥ר שָׁלָ֖ל חָ֥שׁ בַּֽזg ׃

2 וְאָעִ֣ידָהa לִּ֔י עֵדִ֖ים נֶאֱמָנִ֑ים אֵ֚ת אוּרִיָּ֣הb הַכֹּהֵ֔ן וְאֶת־זְכַרְיָ֖הוּc בֶּ֥ן יְבֶרֶכְיָֽהוּd ׃

3 וָאֶקְרַב֙a אֶל־הַנְּבִיאָ֔הb וַתַּ֖הַרc וַתֵּ֣לֶדd בֵּ֑ן וַיֹּ֤אמֶרe יְהוָה֙ אֵלַ֔י קְרָ֣אf שְׁמֹ֔ו מַהֵ֥ר שָׁלָ֖ל חָ֥שׁ בַּֽזg ׃

4 כִּ֗י בְּטֶ֨רֶם֙ יֵדַ֣עa הַנַּ֔עַר קְרֹ֖אb אָבִ֣י וְאִמִּ֑י יִשָּׂ֣אc ׀ אֶת־חֵ֣יל דַּמֶּ֗שֶׂקd וְאֵת֙ שְׁלַ֣ל שֹׁמְרֹ֔ון לִפְנֵ֖י מֶ֥לֶךְ אַשּֽׁוּר׃ ס

5 וַיֹּ֣סֶףa יְהוָ֔ה דַּבֵּ֥רb אֵלַ֛י עֹ֖וד לֵאמֹֽרc ׃

6 יַ֗עַן כִּ֤י מָאַס֙a הָעָ֣ם הַזֶּ֔ה אֵ֚ת מֵ֣י הַשִּׁלֹ֔חַb הַהֹלְכִ֖יםc לְאַ֑טd וּמְשֹׂ֥ושׂe אֶת־רְצִ֖יןf וּבֶן־רְמַלְיָֽהוּg ׃

7 וְלָכֵ֡ן הִנֵּ֣ה אֲדֹנָי֩ מַעֲלֶ֨הa עֲלֵיהֶ֜ם אֶת־מֵ֣י הַנָּהָ֗ר הָעֲצוּמִים֙b וְהָ֣רַבִּ֔ים אֶת־מֶ֥לֶךְ אַשּׁ֖וּר וְאֶת־כָּל־כְּבֹודֹ֑ו וְעָלָה֙c עַל־כָּל־אֲפִיקָ֔יוd וְהָלַ֖ךְe עַל־כָּל־גְּדֹותָֽיוf ׃

8 וְחָלַ֤ףa בִּֽיהוּדָה֙ שָׁטַ֣ףb וְעָבַ֔רc עַד־צַוָּ֖ארd יַגִּ֑יעַe וְהָיָה֙f מֻטֹּ֣ותg כְּנָפָ֔יו מְלֹ֥אh רֹֽחַב־אַרְצְךָ֖ עִמָּ֥נוּ אֵֽל׃ ס

9 רֹ֤עוּa עַמִּים֙ וָחֹ֔תּוּb וְהַֽאֲזִ֔ינוּc כֹּ֖ל מֶרְחַקֵּיd ־אָ֑רֶץ הִתְאַזְּר֣וּe וָחֹ֔תּוּf הִֽתְאַזְּר֖וּg וָחֹֽתּוּh ׃

10 עֻ֥צוּa עֵצָ֖ה וְתֻפָ֑רb דַּבְּר֤וּc דָבָר֙ וְלֹ֣א יָק֔וּםd כִּ֥י עִמָּ֖נוּ אֵֽל׃ ס

11 כִּי֩ כֹ֨ה אָמַ֧רa יְהוָ֛ה אֵלַ֖י כְּחֶזְקַ֣תb הַיָּ֑ד וְיִסְּרֵ֕נִיc מִלֶּ֛כֶתd בְּדֶ֥רֶךְ הָֽעָם־הַזֶּ֖ה לֵאמֹֽרe ׃

12 לֹא־תֹאמְר֣וּןa קֶ֔שֶׁרb לְכֹ֧ל אֲשֶׁר־יֹאמַ֛רc הָעָ֥ם הַזֶּ֖ה קָ֑שֶׁרd וְאֶת־מֹורָאֹ֥וe לֹֽא־תִֽירְא֖וּf וְלֹ֥א תַעֲרִֽיצוּg ׃

13 אֶת־יְהוָ֥ה צְבָאֹ֖ות אֹתֹ֣ו תַקְדִּ֑ישׁוּa וְה֥וּא מֹורַאֲכֶ֖םb וְה֥וּא מַֽעֲרִֽצְכֶֽםc ׃

14 וְהָיָ֖הa לְמִקְדָּ֑שׁ וּלְאֶ֣בֶן נֶ֠גֶףb וּלְצ֨וּר מִכְשֹׁ֜ולc לִשְׁנֵ֨י בָתֵּ֤י יִשְׂרָאֵל֙ לְפַ֣חd וּלְמֹוקֵ֔שׁe לְיֹושֵׁ֖ב יְרוּשָׁלִָֽם׃

15 וְכָ֥שְׁלוּa בָ֖ם רַבִּ֑ים וְנָפְל֣וּb וְנִשְׁבָּ֔רוּc וְנֹוקְשׁ֖וּd וְנִלְכָּֽדוּe ׃ ס

16 צֹ֖ורa תְּעוּדָ֑הb חֲתֹ֥וםc תֹּורָ֖ה בְּלִמֻּדָֽיd ׃

17 וְחִכִּ֨יתִי֙a לַיהוָ֔ה הַמַּסְתִּ֥ירb פָּנָ֖יו מִבֵּ֣ית יַעֲקֹ֑ב וְקִוֵּ֖יתִֽיc ־לֹֽו׃

18 הִנֵּ֣ה אָנֹכִ֗י וְהַיְלָדִים֙ אֲשֶׁ֣ר נָֽתַןa ־לִ֣י יְהוָ֔ה לְאֹתֹ֥ות וּלְמֹופְתִ֖יםb בְּיִשְׂרָאֵ֑ל מֵעִם֙ יְהוָ֣ה צְבָאֹ֔ות הַשֹּׁכֵ֖ןc בְּהַ֥ר צִיֹּֽון׃ ס

19 וְכִֽי־יֹאמְר֣וּa אֲלֵיכֶ֗ם דִּרְשׁ֤וּb אֶל־הָאֹבֹות֙c וְאֶל־הַיִּדְּעֹנִ֔יםd הַֽמְצַפְצְפִ֖יםe וְהַמַּהְגִּ֑יםf הֲלֹוא־עַם֙ אֶל־אֱלֹהָ֣יו יִדְרֹ֔שׁg בְּעַ֥ד הַחַיִּ֖ים אֶל־הַמֵּתִֽים׃

20 לְתֹורָ֖ה וְלִתְעוּדָ֑הa אִם־לֹ֤א יֹֽאמְרוּ֙b כַּדָּבָ֣ר הַזֶּ֔ה אֲשֶׁ֥ר אֵֽין־לֹ֖ו שָֽׁחַרc ׃

21 וְעָ֥בַרa בָּ֖הּ נִקְשֶׁ֣הb וְרָעֵ֑בc וְהָיָ֨הd כִֽי־יִרְעַ֜בe וְהִתְקַצַּ֗ףf וְקִלֵּ֧לg בְּמַלְכֹּ֛ו וּבֵאלֹהָ֖יו וּפָנָ֥הh לְמָֽעְלָה׃

22 וְאֶל־אֶ֖רֶץ יַבִּ֑יטa וְהִנֵּ֨ה צָרָ֤ה וַחֲשֵׁכָה֙b מְע֣וּףc צוּקָ֔הd וַאֲפֵלָ֖הe מְנֻדָּֽחf ׃

23 כִּ֣י לֹ֣א מוּעָף֮a לַאֲשֶׁ֣ר מוּצָ֣קb לָהּ֒ כָּעֵ֣ת הָרִאשֹׁ֗ון הֵקַ֞לc אַ֤רְצָה זְבֻלוּן֙d וְאַ֣רְצָה נַפְתָּלִ֔י וְהָאַחֲרֹ֖ון הִכְבִּ֑ידe דֶּ֤רֶךְ הַיָּם֙ עֵ֣בֶר הַיַּרְדֵּ֔ן גְּלִ֖ילf הַגֹּויִֽם׃