ישעיהו

וַיְהִ֡יa בִּימֵ֣י אָ֠חָזb בֶּן־יֹותָ֨םc בֶּן־עֻזִּיָּ֜הוּd מֶ֣לֶךְ יְהוּדָ֗ה עָלָ֣הe רְצִ֣יןf מֶֽלֶךְ־אֲ֠רָם וּפֶ֨קַחg בֶּן־רְמַלְיָ֤הוּh מֶֽלֶךְ־יִשְׂרָאֵל֙ יְר֣וּשָׁלִַ֔ם לַמִּלְחָמָ֖ה עָלֶ֑יהָ וְלֹ֥א יָכֹ֖לi לְהִלָּחֵ֥םj עָלֶֽיהָ׃

2 וַיֻּגַּ֗דa לְבֵ֤ית דָּוִד֙ לֵאמֹ֔רb נָ֥חָֽהc אֲרָ֖ם עַל־אֶפְרָ֑יִם וַיָּ֤נַעd לְבָבֹו֙ וּלְבַ֣ב עַמֹּ֔ו כְּנֹ֥ועַe עֲצֵי־יַ֖עַר מִפְּנֵי־רֽוּחַ׃

3 וַיֹּ֣אמֶרa יְהוָה֮ אֶֽל־יְשַׁעְיָהוּ֒b צֵאc ־נָא֙ לִקְרַ֣אתd אָחָ֔זe אַתָּ֕ה וּשְׁאָ֖ר יָשׁ֣וּבf בְּנֶ֑ךָ אֶל־קְצֵ֗ה תְּעָלַת֙g הַבְּרֵכָ֣הh הָעֶלְיֹונָ֔ה אֶל־מְסִלַּ֖תi שְׂדֵ֥ה כֹובֵֽס׃

4 וְאָמַרְתָּ֣a אֵ֠לָיו הִשָּׁמֵ֨רb וְהַשְׁקֵ֜טc אַל־תִּירָ֗אd וּלְבָבְךָ֙ אַל־יֵרַ֔ךְe מִשְּׁנֵ֨י זַנְבֹ֧ותf הָאוּדִ֛יםg הָעֲשֵׁנִ֖יםh הָאֵ֑לֶּה בָּחֳרִיi ־אַ֛ף רְצִ֥יןj וַאֲרָ֖ם וּבֶן־רְמַלְיָֽהוּk ׃

5 יַ֗עַן כִּֽי־יָעַ֥ץa עָלֶ֛יךָ אֲרָ֖ם רָעָ֑ה אֶפְרַ֥יִם וּבֶן־רְמַלְיָ֖הוּb לֵאמֹֽרc ׃

6 נַעֲלֶ֤הa בִֽיהוּדָה֙ וּנְקִיצֶ֔נָּהb וְנַבְקִעֶ֖נָּהc אֵלֵ֑ינוּ וְנַמְלִ֥יךְd מֶ֨לֶךְ֙ בְּתֹוכָ֔הּ אֵ֖ת בֶּן־טָֽבְאַֽלe ׃ ס

7 כֹּ֥ה אָמַ֖רa אֲדֹנָ֣י יְהוִ֑ה לֹ֥א תָק֖וּםb וְלֹ֥א תִֽהְיֶֽהc ׃

8 כִּ֣י רֹ֤אשׁ אֲרָם֙ דַּמֶּ֔שֶׂקa וְרֹ֥אשׁ דַּמֶּ֖שֶׂקb רְצִ֑יןc וּבְעֹ֗וד שִׁשִּׁ֤ים וְחָמֵשׁ֙ שָׁנָ֔ה יֵחַ֥תd אֶפְרַ֖יִם מֵעָֽם׃

9 וְרֹ֤אשׁ אֶפְרַ֨יִם֙ שֹׁמְרֹ֔ון וְרֹ֥אשׁ שֹׁמְרֹ֖ון בֶּן־רְמַלְיָ֑הוּa אִ֚ם לֹ֣א תַאֲמִ֔ינוּb כִּ֖י לֹ֥א תֵאָמֵֽנוּc ׃ ס

10 וַיֹּ֣וסֶףa יְהוָ֔ה דַּבֵּ֥רb אֶל־אָחָ֖זc לֵאמֹֽרd ׃

11 שְׁאַלa ־לְךָ֣ אֹ֔ות מֵעִ֖ם יְהוָ֣ה אֱלֹהֶ֑יךָ הַעְמֵ֣קb שְׁאָ֔לָהc אֹ֖ו הַגְבֵּ֥הַּd לְמָֽעְלָה׃

12 וַיֹּ֖אמֶרa אָחָ֑זb לֹא־אֶשְׁאַ֥לc וְלֹֽא־אֲנַסֶּ֖הd אֶת־יְהוָֽה׃

13 וַיֹּ֕אמֶרa שִׁמְעוּb ־נָ֖א בֵּ֣ית דָּוִ֑ד הַמְעַ֤ט מִכֶּם֙ הַלְאֹ֣ותc אֲנָשִׁ֔ים כִּ֥י תַלְא֖וּd גַּ֥ם אֶת־אֱלֹהָֽי׃

14 לָ֠כֵן יִתֵּ֨ןa אֲדֹנָ֥י ה֛וּא לָכֶ֖ם אֹ֑ות הִנֵּ֣ה הָעַלְמָ֗הb הָרָה֙c וְיֹלֶ֣דֶתd בֵּ֔ן וְקָרָ֥אתe שְׁמֹ֖ו עִמָּ֥נוּ אֵֽלf ׃

15 חֶמְאָ֥הa וּדְבַ֖שׁ יֹאכֵ֑לb לְדַעְתֹּ֛וc מָאֹ֥וסd בָּרָ֖ע וּבָחֹ֥ורe בַּטֹּֽוב׃

16 כִּ֠י בְּטֶ֨רֶם יֵדַ֥עa הַנַּ֛עַר מָאֹ֥סb בָּרָ֖ע וּבָחֹ֣רc בַּטֹּ֑וב תֵּעָזֵ֤בd הָאֲדָמָה֙ אֲשֶׁ֣ר אַתָּ֣ה קָ֔ץe מִפְּנֵ֖י שְׁנֵ֥י מְלָכֶֽיהָ׃

17 יָבִ֨יאa יְהוָ֜ה עָלֶ֗יךָ וְעַֽל־עַמְּךָ֮ וְעַל־בֵּ֣ית אָבִיךָ֒ יָמִים֙ אֲשֶׁ֣ר לֹא־בָ֔אוּb לְמִיֹּ֥ום סוּרc ־אֶפְרַ֖יִם מֵעַ֣ל יְהוּדָ֑ה אֵ֖ת מֶ֥לֶךְ אַשּֽׁוּר׃ פ

18 וְהָיָ֣הa ׀ בַּיֹּ֣ום הַה֗וּא יִשְׁרֹ֤קb יְהוָה֙ לַזְּב֔וּבc אֲשֶׁ֥ר בִּקְצֵ֖ה יְאֹרֵ֣יd מִצְרָ֑יִם וְלַ֨דְּבֹורָ֔הe אֲשֶׁ֖ר בְּאֶ֥רֶץ אַשּֽׁוּר׃

19 וּבָ֨אוּa וְנָח֤וּb כֻלָּם֙ בְּנַחֲלֵ֣י הַבַּתֹּ֔ותc וּבִנְקִיקֵ֖יd הַסְּלָעִ֑ים וּבְכֹל֙ הַנַּ֣עֲצוּצִ֔יםe וּבְכֹ֖ל הַנַּהֲלֹלִֽיםf ׃

20 בַּיֹּ֣ום הַה֡וּא יְגַלַּ֣חa אֲדֹנָי֩ בְּתַ֨עַרb הַשְּׂכִירָ֜הc בְּעֶבְרֵ֤י נָהָר֙ בְּמֶ֣לֶךְ אַשּׁ֔וּר אֶת־הָרֹ֖אשׁ וְשַׂ֣עַרd הָֽרַגְלָ֑יִם וְגַ֥ם אֶת־הַזָּקָ֖ןe תִּסְפֶּֽהf ׃ ס

21 וְהָיָ֖הa בַּיֹּ֣ום הַה֑וּא יְחַיֶּהb ־אִ֛ישׁ עֶגְלַ֥תc בָּקָ֖ר וּשְׁתֵּי־צֹֽאן׃

22 וְהָיָ֗הa מֵרֹ֛ב עֲשֹׂ֥ותb חָלָ֖בc יֹאכַ֣לd חֶמְאָ֑הe כִּֽי־חֶמְאָ֤הf וּדְבַשׁ֙ יֹאכֵ֔לg כָּל־הַנֹּותָ֖רh בְּקֶ֥רֶב הָאָֽרֶץ׃

23 וְהָיָה֙a בַּיֹּ֣ום הַה֔וּא יִֽהְיֶ֣הb כָל־מָקֹ֗ום אֲשֶׁ֧ר יִֽהְיֶהc ־שָּׁ֛ם אֶ֥לֶף גֶּ֖פֶן בְּאֶ֣לֶף כָּ֑סֶף לַשָּׁמִ֥ירd וְלַשַּׁ֖יִתe יִֽהְיֶֽהf ׃

24 בַּחִצִּ֥ים וּבַקֶּ֖שֶׁת יָ֣בֹואa שָׁ֑מָּה כִּי־שָׁמִ֥ירb וָשַׁ֖יִתc תִּֽהְיֶ֥הd כָל־הָאָֽרֶץ׃

25 וְכֹ֣ל הֶהָרִ֗ים אֲשֶׁ֤ר בַּמַּעְדֵּר֙a יֵעָ֣דֵר֔וּןb לֹֽא־תָבֹ֣ואc שָׁ֔מָּה יִרְאַ֖תd שָׁמִ֣ירe וָשָׁ֑יִתf וְהָיָה֙g לְמִשְׁלַ֣חh שֹׁ֔ור וּלְמִרְמַ֖סi שֶֽׂהj ׃ פ