ישעיהו

נִדְרַ֨שְׁתִּי֙a לְלֹ֣וא שָׁאָ֔לוּb נִמְצֵ֖אתִיc לְלֹ֣א בִקְשֻׁ֑נִיd אָמַ֨רְתִּי֙e הִנֵּ֣נִי הִנֵּ֔נִי אֶל־גֹּ֖וי לֹֽא־קֹרָ֥אf בִשְׁמִֽי׃

2 פֵּרַ֧שְׂתִּיa יָדַ֛י כָּל־הַיֹּ֖ום אֶל־עַ֣ם סֹורֵ֑רb הַהֹלְכִים֙c הַדֶּ֣רֶךְ לֹא־טֹ֔וב אַחַ֖ר מַחְשְׁבֹתֵיהֶֽםd ׃

3 הָעָ֗ם הַמַּכְעִיסִ֥יםa אֹותִ֛י עַל־פָּנַ֖י תָּמִ֑יד זֹֽבְחִים֙b בַּגַּנֹּ֔ותc וּֽמְקַטְּרִ֖יםd עַל־הַלְּבֵנִֽיםe ׃

4 הַיֹּֽשְׁבִים֙a בַּקְּבָרִ֔ים וּבַנְּצוּרִ֖יםb יָלִ֑ינוּc הָאֹֽכְלִים֙d בְּשַׂ֣ר הַחֲזִ֔ירe ופרקf פִּגֻּלִ֖יםg כְּלֵיהֶֽם׃

5 הָאֹֽמְרִים֙a קְרַ֣בb אֵלֶ֔יךָ אַל־תִּגַּשׁc ־בִּ֖י כִּ֣י קְדַשְׁתִּ֑יךָd אֵ֚לֶּה עָשָׁ֣ןe בְּאַפִּ֔י אֵ֥שׁ יֹקֶ֖דֶתf כָּל־הַיֹּֽום׃

6 הִנֵּ֥ה כְתוּבָ֖הa לְפָנָ֑י לֹ֤א אֶחֱשֶׂה֙b כִּ֣י אִם־שִׁלַּ֔מְתִּיc וְשִׁלַּמְתִּ֖יd עַל־חֵיקָֽםe ׃

7 עֲ֠וֹנֹתֵיכֶם וַעֲוֹנֹ֨ת אֲבֹותֵיכֶ֤ם יַחְדָּו֙ אָמַ֣רa יְהוָ֔ה אֲשֶׁ֤ר קִטְּרוּ֙b עַל־הֶ֣הָרִ֔ים וְעַל־הַגְּבָעֹ֖ות חֵרְפ֑וּנִיc וּמַדֹּתִ֧יd פְעֻלָּתָ֛םe רִֽאשֹׁנָ֖ה עלf ־חֵיקָֽםg ׃ ס

8 כֹּ֣ה׀ אָמַ֣רa יְהוָ֗ה כַּאֲשֶׁ֨ר יִמָּצֵ֤אb הַתִּירֹושׁ֙c בָּֽאֶשְׁכֹּ֔ולd וְאָמַר֙e אַל־תַּשְׁחִיתֵ֔הוּf כִּ֥י בְרָכָ֖ה בֹּ֑ו כֵּ֤ן אֶֽעֱשֶׂה֙g לְמַ֣עַן עֲבָדַ֔י לְבִלְתִּ֖י הַֽשְׁחִ֥יתh הַכֹּֽל׃

9 וְהֹוצֵאתִ֤יa מִֽיַּעֲקֹב֙ זֶ֔רַע וּמִיהוּדָ֖ה יֹורֵ֣שׁ הָרָ֑י וִירֵשׁ֣וּהָb בְחִירַ֔יc וַעֲבָדַ֖י יִשְׁכְּנוּd ־שָֽׁמָּה׃

10 וְהָיָ֤הa הַשָּׁרֹון֙b לִנְוֵהc ־צֹ֔אן וְעֵ֥מֶק עָכֹ֖ורd לְרֵ֣בֶץe בָּקָ֑ר לְעַמִּ֖י אֲשֶׁ֥ר דְּרָשֽׁוּנִיf ׃

11 וְאַתֶּם֙ עֹזְבֵ֣י יְהוָ֔ה הַשְּׁכֵחִ֖יםa אֶת־הַ֣ר קָדְשִׁ֑י הַֽעֹרְכִ֤יםb לַגַּד֙c שֻׁלְחָ֔ן וְהַֽמְמַלְאִ֖יםd לַמְנִ֥יe מִמְסָֽךְf ׃

12 וּמָנִ֨יתִיa אֶתְכֶ֜ם לַחֶ֗רֶב וְכֻלְּכֶם֙ לַטֶּ֣בַחb תִּכְרָ֔עוּc יַ֤עַן קָרָ֨אתִי֙d וְלֹ֣א עֲנִיתֶ֔םe דִּבַּ֖רְתִּיf וְלֹ֣א שְׁמַעְתֶּ֑םg וַתַּעֲשׂ֤וּh הָרַע֙ בְּעֵינַ֔י וּבַאֲשֶׁ֥ר לֹֽא־חָפַ֖צְתִּיi בְּחַרְתֶּֽםj ׃ פ

13 לָכֵ֞ן כֹּה־אָמַ֣רa ׀ אֲדֹנָ֣י יְהוִ֗ה הִנֵּ֨ה עֲבָדַ֤י׀ יֹאכֵ֨לוּ֙b וְאַתֶּ֣ם תִּרְעָ֔בוּc הִנֵּ֧ה עֲבָדַ֛י יִשְׁתּ֖וּd וְאַתֶּ֣ם תִּצְמָ֑אוּe הִנֵּ֧ה עֲבָדַ֛י יִשְׂמָ֖חוּf וְאַתֶּ֥ם תֵּבֹֽשׁוּg ׃

14 הִנֵּ֧ה עֲבָדַ֛י יָרֹ֖נּוּa מִטּ֣וּבb לֵ֑ב וְאַתֶּ֤ם תִּצְעֲקוּ֙c מִכְּאֵ֣בd לֵ֔ב וּמִשֵּׁ֥בֶרe ר֖וּחַ תְּיֵלִֽילוּf ׃

15 וְהִנַּחְתֶּ֨םa שִׁמְכֶ֤ם לִשְׁבוּעָה֙b לִבְחִירַ֔יc וֶהֱמִיתְךָ֖d אֲדֹנָ֣י יְהוִ֑ה וְלַעֲבָדָ֥יו יִקְרָ֖אe שֵׁ֥ם אַחֵֽר׃

16 אֲשֶׁ֨ר הַמִּתְבָּרֵ֜ךְa בָּאָ֗רֶץ יִתְבָּרֵךְ֙b בֵּאלֹהֵ֣י אָמֵ֔ןc וְהַנִּשְׁבָּ֣עd בָּאָ֔רֶץ יִשָּׁבַ֖עe בֵּאלֹהֵ֣י אָמֵ֑ןf כִּ֣י נִשְׁכְּח֗וּg הַצָּרֹות֙ הָרִ֣אשֹׁנֹ֔ות וְכִ֥י נִסְתְּר֖וּh מֵעֵינָֽי׃

17 כִּֽי־הִנְנִ֥י בֹורֵ֛אa שָׁמַ֥יִם חֲדָשִׁ֖ים וָאָ֣רֶץ חֲדָשָׁ֑ה וְלֹ֤א תִזָּכַ֨רְנָה֙b הָרִ֣אשֹׁנֹ֔ות וְלֹ֥א תַעֲלֶ֖ינָהc עַל־לֵֽב׃

18 כִּֽי־אִם־שִׂ֤ישׂוּa וְגִ֨ילוּ֙b עֲדֵי־עַ֔דc אֲשֶׁ֖ר אֲנִ֣י בֹורֵ֑אd כִּי֩ הִנְנִ֨י בֹורֵ֧אe אֶת־יְרוּשָׁלִַ֛ם גִּילָ֖הf וְעַמָּ֥הּ מָשֹֽׂושׂg ׃

19 וְגַלְתִּ֥יa בִירוּשָׁלִַ֖ם וְשַׂשְׂתִּ֣יb בְעַמִּ֑י וְלֹֽא־יִשָּׁמַ֥עc בָּהּ֙ עֹ֔וד קֹ֥ול בְּכִ֖יd וְקֹ֥ול זְעָקָֽהe ׃

20 לֹא־יִֽהְיֶ֨הa מִשָּׁ֜ם עֹ֗וד ע֤וּלb יָמִים֙ וְזָקֵ֔ן אֲשֶׁ֥ר לֹֽא־יְמַלֵּ֖אc אֶת־יָמָ֑יו כִּ֣י הַנַּ֗עַר בֶּן־מֵאָ֤ה שָׁנָה֙ יָמ֔וּתd וְהַ֣חֹוטֶ֔א בֶּן־מֵאָ֥ה שָׁנָ֖ה יְקֻלָּֽלe ׃

21 וּבָנ֥וּa בָתִּ֖ים וְיָשָׁ֑בוּb וְנָטְע֣וּc כְרָמִ֔ים וְאָכְל֖וּd פִּרְיָֽם׃

22 לֹ֤א יִבְנוּ֙a וְאַחֵ֣ר יֵשֵׁ֔בb לֹ֥א יִטְּע֖וּc וְאַחֵ֣ר יֹאכֵ֑לd כִּֽי־כִימֵ֤י הָעֵץ֙ יְמֵ֣י עַמִּ֔י וּמַעֲשֵׂ֥ה יְדֵיהֶ֖ם יְבַלּ֥וּe בְחִירָֽיf ׃

23 לֹ֤א יִֽיגְעוּ֙a לָרִ֔יקb וְלֹ֥א יֵלְד֖וּc לַבֶּהָלָ֑הd כִּ֣י זֶ֜רַע בְּרוּכֵ֤י יְהוָה֙ הֵ֔מָּה וְצֶאֱצָאֵיהֶ֖םe אִתָּֽם׃

24 וְהָיָ֥הa טֶֽרֶם־יִקְרָ֖אוּb וַאֲנִ֣י אֶעֱנֶ֑הc עֹ֛וד הֵ֥ם מְדַבְּרִ֖יםd וַאֲנִ֥י אֶשְׁמָֽעe ׃

25 זְאֵ֨בa וְטָלֶ֜הb יִרְע֣וּc כְאֶחָ֗ד וְאַרְיֵה֙d כַּבָּקָ֣ר יֹֽאכַלe ־תֶּ֔בֶןf וְנָחָ֖שׁg עָפָ֣ר לַחְמֹ֑ו לֹֽא־יָרֵ֧עוּh וְלֹֽא־יַשְׁחִ֛יתוּi בְּכָל־הַ֥ר קָדְשִׁ֖י אָמַ֥רj יְהוָֽה׃ ס