ישעיהו

לְמַ֤עַן צִיֹּון֙ לֹ֣א אֶחֱשֶׁ֔הa וּלְמַ֥עַן יְרוּשָׁלִַ֖ם לֹ֣א אֶשְׁקֹ֑וטb עַד־יֵצֵ֤אc כַנֹּ֨גַהּ֙d צִדְקָ֔הּ וִישׁוּעָתָ֖הּ כְּלַפִּ֥ידe יִבְעָֽרf ׃

2 וְרָא֤וּa גֹויִם֙ צִדְקֵ֔ךְ וְכָל־מְלָכִ֖ים כְּבֹודֵ֑ךְ וְקֹ֤רָאb לָךְ֙ שֵׁ֣ם חָדָ֔שׁ אֲשֶׁ֛ר פִּ֥י יְהוָ֖ה יִקֳּבֶֽנּוּc ׃

3 וְהָיִ֛יתְa עֲטֶ֥רֶתb תִּפְאֶ֖רֶתc בְּיַד־יְהוָ֑ה וצנוףd מְלוּכָ֖הe בְּכַף־אֱלֹהָֽיִךְ׃

4 לֹֽא־יֵאָמֵר֩a לָ֨ךְ עֹ֜וד עֲזוּבָ֗ה וּלְאַרְצֵךְ֙ לֹא־יֵאָמֵ֥רb עֹוד֙ שְׁמָמָ֔ה כִּ֣י לָ֗ךְ יִקָּרֵא֙c חֶפְצִיd ־בָ֔הּ וּלְאַרְצֵ֖ךְ בְּעוּלָ֑הe כִּֽי־חָפֵ֤ץf יְהוָה֙ בָּ֔ךְ וְאַרְצֵ֖ךְ תִּבָּעֵֽלg ׃

5 כִּֽי־יִבְעַ֤לa בָּחוּר֙b בְּתוּלָ֔ה יִבְעָל֖וּךְc בָּנָ֑יִךְ וּמְשֹׂ֤ושׂd חָתָן֙e עַל־כַּלָּ֔הf יָשִׂ֥ישׂg עָלַ֖יִךְ אֱלֹהָֽיִךְ׃

6 עַל־חֹומֹתַ֣יִךְ יְרוּשָׁלִַ֗ם הִפְקַ֨דְתִּי֙a שֹֽׁמְרִ֔ים כָּל־הַיֹּ֧ום וְכָל־הַלַּ֛יְלָה תָּמִ֖יד לֹ֣א יֶחֱשׁ֑וּb הַמַּזְכִּרִים֙c אֶת־יְהוָ֔ה אַל־דֳּמִ֖יd לָכֶֽם׃

7 וְאַֽל־תִּתְּנ֥וּa דֳמִ֖יb לֹ֑ו עַד־יְכֹונֵ֞ןc וְעַד־יָשִׂ֧יםd אֶת־יְרֽוּשָׁלִַ֛ם תְּהִלָּ֖ה בָּאָֽרֶץ׃

8 נִשְׁבַּ֧עa יְהוָ֛ה בִּֽימִינֹ֖ו וּבִזְרֹ֣ועַ עֻזֹּ֑ו אִם־אֶתֵּן֩b אֶת־דְּגָנֵ֨ךְc עֹ֤וד מַֽאֲכָל֙d לְאֹ֣יְבַ֔יִךְ וְאִם־יִשְׁתּ֤וּe בְנֵֽי־נֵכָר֙f תִּֽירֹושֵׁ֔ךְg אֲשֶׁ֥ר יָגַ֖עַתְּh בֹּֽו׃

9 כִּ֤י מְאַסְפָיו֙a יֹאכְלֻ֔הוּb וְהִֽלְל֖וּc אֶת־יְהוָ֑ה וּֽמְקַבְּצָ֥יוd יִשְׁתֻּ֖הוּe בְּחַצְרֹ֥ות קָדְשִֽׁי׃ ס

10 עִבְר֤וּa עִבְרוּ֙b בַּשְּׁעָרִ֔ים פַּנּ֖וּc דֶּ֣רֶךְ הָעָ֑ם סֹ֣לּוּd סֹ֤לּוּe הַֽמְסִלָּה֙f סַקְּל֣וּg מֵאֶ֔בֶן הָרִ֥ימוּh נֵ֖סi עַל־הָעַמִּֽים׃

11 הִנֵּ֣ה יְהוָ֗ה הִשְׁמִ֨יעַ֙a אֶל־קְצֵ֣ה הָאָ֔רֶץ אִמְרוּ֙b לְבַת־צִיֹּ֔ון הִנֵּ֥ה יִשְׁעֵ֖ךְc בָּ֑אd הִנֵּ֤ה שְׂכָרֹו֙e אִתֹּ֔ו וּפְעֻלָּתֹ֖וf לְפָנָֽיו׃

12 וְקָרְא֥וּa לָהֶ֛ם עַם־הַקֹּ֖דֶשׁ גְּאוּלֵ֣י יְהוָ֑ה וְלָךְ֙ יִקָּרֵ֣אb דְרוּשָׁ֔ה עִ֖יר לֹ֥א נֶעֱזָֽבָהc ׃ ס