ישעיהו

ק֥וּמִיa אֹ֖ורִיb כִּ֣י בָ֣אc אֹורֵ֑ךְ וּכְבֹ֥וד יְהוָ֖ה עָלַ֥יִךְ זָרָֽחd ׃

2 כִּֽי־הִנֵּ֤ה הַחֹ֨שֶׁךְ֙ יְכַסֶּהa ־אֶ֔רֶץ וַעֲרָפֶ֖לb לְאֻמִּ֑יםc וְעָלַ֨יִךְ֙ יִזְרַ֣חd יְהוָ֔ה וּכְבֹודֹ֖ו עָלַ֥יִךְ יֵרָאֶֽהe ׃

3 וְהָלְכ֥וּa גֹויִ֖ם לְאֹורֵ֑ךְ וּמְלָכִ֖ים לְנֹ֥גַהּb זַרְחֵֽךְc ׃

4 שְׂאִֽיa ־סָבִ֤יב עֵינַ֨יִךְ֙ וּרְאִ֔יb כֻּלָּ֖ם נִקְבְּצ֣וּc בָֽאוּd ־לָ֑ךְ בָּנַ֨יִךְ֙ מֵרָחֹ֣וק יָבֹ֔אוּe וּבְנֹתַ֖יִךְ עַל־צַ֥דf תֵּאָמַֽנָהg ׃

5 אָ֤ז תִּרְאִי֙a וְנָהַ֔רְתְּb וּפָחַ֥דc וְרָחַ֖בd לְבָבֵ֑ךְ כִּֽי־יֵהָפֵ֤ךְe עָלַ֨יִךְ֙ הֲמֹ֣ון יָ֔ם חֵ֥יל גֹּויִ֖ם יָבֹ֥אוּf לָֽךְ׃

6 שִֽׁפְעַ֨תa גְּמַלִּ֜ים תְּכַסֵּ֗ךְb בִּכְרֵ֤יc מִדְיָן֙ וְעֵיפָ֔הd כֻּלָּ֖ם מִשְּׁבָ֣אe יָבֹ֑אוּf זָהָ֤ב וּלְבֹונָה֙g יִשָּׂ֔אוּh וּתְהִלֹּ֥ת יְהוָ֖ה יְבַשֵּֽׂרוּi ׃

7 כָּל־צֹ֤אן קֵדָר֙a יִקָּ֣בְצוּb לָ֔ךְ אֵילֵ֥י נְבָיֹ֖ותc יְשָׁרְת֑וּנֶךְd יַעֲל֤וּe עַל־רָצֹון֙ מִזְבְּחִ֔י וּבֵ֥ית תִּפְאַרְתִּ֖יf אֲפָאֵֽרg ׃

8 מִי־אֵ֖לֶּה כָּעָ֣בa תְּעוּפֶ֑ינָהb וְכַיֹּונִ֖יםc אֶל־אֲרֻבֹּתֵיהֶֽםd ׃

9 כִּֽי־לִ֣י׀ אִיִּ֣יםa יְקַוּ֗וּb וָאֳנִיֹּ֤ותc תַּרְשִׁישׁ֙d בָּרִ֣אשֹׁנָ֔ה לְהָבִ֤יאe בָנַ֨יִךְ֙ מֵֽרָחֹ֔וק כַּסְפָּ֥ם וּזְהָבָ֖ם אִתָּ֑ם לְשֵׁם֙ יְהוָ֣ה אֱלֹהַ֔יִךְ וְלִקְדֹ֥ושׁ יִשְׂרָאֵ֖ל כִּ֥י פֵאֲרָֽךְf ׃

10 וּבָנ֤וּa בְנֵֽי־נֵכָר֙b חֹמֹתַ֔יִךְ וּמַלְכֵיהֶ֖ם יְשָׁרְת֑וּנֶךְc כִּ֤י בְקִצְפִּי֙d הִכִּיתִ֔יךְe וּבִרְצֹונִ֖י רִֽחַמְתִּֽיךְf ׃

11 וּפִתְּח֨וּa שְׁעָרַ֧יִךְ תָּמִ֛יד יֹומָ֥ם וָלַ֖יְלָה לֹ֣א יִסָּגֵ֑רוּb לְהָבִ֤יאc אֵלַ֨יִךְ֙ חֵ֣יל גֹּויִ֔ם וּמַלְכֵיהֶ֖ם נְהוּגִֽיםd ׃

12 כִּֽי־הַגֹּ֧וי וְהַמַּמְלָכָ֛ה אֲשֶׁ֥ר לֹא־יַעַבְד֖וּךְa יֹאבֵ֑דוּb וְהַגֹּויִ֖ם חָרֹ֥בc יֶחֱרָֽבוּd ׃

13 כְּבֹ֤וד הַלְּבָנֹון֙ אֵלַ֣יִךְ יָבֹ֔ואa בְּרֹ֛ושׁb תִּדְהָ֥רc וּתְאַשּׁ֖וּרd יַחְדָּ֑ו לְפָאֵר֙e מְקֹ֣ום מִקְדָּשִׁ֔י וּמְקֹ֥ום רַגְלַ֖י אֲכַבֵּֽדf ׃

14 וְהָלְכ֨וּa אֵלַ֤יִךְ שְׁחֹ֨וחַ֙b בְּנֵ֣י מְעַנַּ֔יִךְ וְהִֽשְׁתַּחֲו֛וּc עַל־כַּפֹּ֥ות רַגְלַ֖יִךְ כָּל־מְנַֽאֲצָ֑יִךְd וְקָ֤רְאוּe לָךְ֙ עִ֣יר יְהוָ֔ה צִיֹּ֖ון קְדֹ֥ושׁ יִשְׂרָאֵֽל׃

15 תַּ֧חַת הֱיֹותֵ֛ךְa עֲזוּבָ֥ה וּשְׂנוּאָ֖ה וְאֵ֣ין עֹובֵ֑ר וְשַׂמְתִּיךְ֙b לִגְאֹ֣וןc עֹולָ֔ם מְשֹׂ֖ושׂd דֹּ֥ור וָדֹֽור׃

16 וְיָנַקְתְּ֙a חֲלֵ֣בb גֹּויִ֔ם וְשֹׁ֥דc מְלָכִ֖ים תִּינָ֑קִיd וְיָדַ֗עַתְּe כִּ֣י אֲנִ֤י יְהוָה֙ מֹֽושִׁיעֵ֔ךְ וְגֹאֲלֵ֖ךְ אֲבִ֥ירf יַעֲקֹֽב׃

17 תַּ֣חַת הַנְּחֹ֜שֶׁת אָבִ֣יאa זָהָ֗ב וְתַ֤חַת הַבַּרְזֶל֙ אָ֣בִיאb כֶ֔סֶף וְתַ֤חַת הָֽעֵצִים֙ נְחֹ֔שֶׁת וְתַ֥חַת הָאֲבָנִ֖ים בַּרְזֶ֑ל וְשַׂמְתִּ֤יc פְקֻדָּתֵךְ֙d שָׁלֹ֔ום וְנֹגְשַׂ֖יִךְe צְדָקָֽה׃

18 לֹא־יִשָּׁמַ֨עa עֹ֤וד חָמָס֙ בְּאַרְצֵ֔ךְ שֹׁ֥דb וָשֶׁ֖בֶרc בִּגְבוּלָ֑יִךְ וְקָרָ֤אתd יְשׁוּעָה֙ חֹומֹתַ֔יִךְ וּשְׁעָרַ֖יִךְ תְּהִלָּֽה׃

19 לֹא־יִֽהְיֶהa ־לָּ֨ךְ עֹ֤וד הַשֶּׁ֨מֶשׁ֙ לְאֹ֣ור יֹומָ֔ם וּלְנֹ֕גַהּb הַיָּרֵ֖חַc לֹא־יָאִ֣ירd לָ֑ךְ וְהָיָהe ־לָ֤ךְ יְהוָה֙ לְאֹ֣ור עֹולָ֔ם וֵאלֹהַ֖יִךְ לְתִפְאַרְתֵּֽךְf ׃

20 לֹא־יָבֹ֥ואa עֹוד֙ שִׁמְשֵׁ֔ךְ וִירֵחֵ֖ךְb לֹ֣א יֵאָסֵ֑ףc כִּ֣י יְהוָ֗ה יִֽהְיֶהd ־לָּךְ֙ לְאֹ֣ור עֹולָ֔ם וְשָׁלְמ֖וּe יְמֵ֥י אֶבְלֵֽךְf ׃

21 וְעַמֵּךְ֙ כֻּלָּ֣ם צַדִּיקִ֔ים לְעֹולָ֖ם יִ֣ירְשׁוּa אָ֑רֶץ נֵ֧צֶרb מטעוc מַעֲשֵׂ֥ה יָדַ֖י לְהִתְפָּאֵֽרd ׃

22 הַקָּטֹן֙ יִֽהְיֶ֣הa לָאֶ֔לֶףb וְהַצָּעִ֖ירc לְגֹ֣וי עָצ֑וּםd אֲנִ֥י יְהוָ֖ה בְּעִתָּ֥הּ אֲחִישֶֽׁנָּהe ׃ ס