ישעיהו

בִּשְׁנַת־מֹות֙ הַמֶּ֣לֶךְ עֻזִּיָּ֔הוּa וָאֶרְאֶ֧הb אֶת־אֲדֹנָ֛י יֹשֵׁ֥בc עַל־כִּסֵּ֖א רָ֣ם וְנִשָּׂ֑א וְשׁוּלָ֖יוd מְלֵאִ֥יםe אֶת־הַהֵיכָֽל׃

2 שְׂרָפִ֨יםa עֹמְדִ֤יםb ׀ מִמַּ֨עַל֙ לֹ֔ו שֵׁ֧שׁ כְּנָפַ֛יִם שֵׁ֥שׁ כְּנָפַ֖יִם לְאֶחָ֑ד בִּשְׁתַּ֣יִם׀ יְכַסֶּ֣הc פָנָ֗יו וּבִשְׁתַּ֛יִם יְכַסֶּ֥הd רַגְלָ֖יו וּבִשְׁתַּ֥יִם יְעֹופֵֽףe ׃

3 וְקָרָ֨אa זֶ֤ה אֶל־זֶה֙ וְאָמַ֔רb קָדֹ֧ושׁ׀ קָדֹ֛ושׁ קָדֹ֖ושׁ יְהוָ֣ה צְבָאֹ֑ות מְלֹ֥אc כָל־הָאָ֖רֶץ כְּבֹודֹֽו׃

4 וַיָּנֻ֨עוּ֙a אַמֹּ֣ות הַסִּפִּ֔יםb מִקֹּ֖ול הַקֹּורֵ֑א וְהַבַּ֖יִת יִמָּלֵ֥אc עָשָֽׁןd ׃

5 וָאֹמַ֞רa אֹֽויb ־לִ֣י כִֽי־נִדְמֵ֗יתִיc כִּ֣י אִ֤ישׁ טְמֵֽא־שְׂפָתַ֨יִם֙ אָנֹ֔כִי וּבְתֹוךְ֙ עַם־טְמֵ֣א שְׂפָתַ֔יִם אָנֹכִ֖י יֹושֵׁ֑בd כִּ֗י אֶת־הַמֶּ֛לֶךְ יְהוָ֥ה צְבָאֹ֖ות רָא֥וּe עֵינָֽי׃

6 וַיָּ֣עָףa אֵלַ֗י אֶחָד֙ מִן־הַשְּׂרָפִ֔יםb וּבְיָדֹ֖ו רִצְפָּ֑הc בְּמֶ֨לְקַחַ֔יִםd לָקַ֖חe מֵעַ֥ל הַמִּזְבֵּֽחַ׃

7 וַיַּגַּ֣עa עַל־פִּ֔י וַיֹּ֕אמֶרb הִנֵּ֛ה נָגַ֥עc זֶ֖ה עַל־שְׂפָתֶ֑יךָ וְסָ֣רd עֲוֹנֶ֔ךָ וְחַטָּאתְךָ֖ תְּכֻפָּֽרe ׃

8 וָאֶשְׁמַ֞עa אֶת־קֹ֤ול אֲדֹנָי֙ אֹמֵ֔רb אֶת־מִ֥י אֶשְׁלַ֖חc וּמִ֣י יֵֽלֶךְd ־לָ֑נוּ וָאֹמַ֖רe הִנְנִ֥י שְׁלָחֵֽנִיf ׃

9 וַיֹּ֕אמֶרa לֵ֥ךְb וְאָמַרְתָּ֖c לָעָ֣ם הַזֶּ֑ה שִׁמְע֤וּd שָׁמֹ֨ועַ֙ וְאַל־תָּבִ֔ינוּe וּרְא֥וּf רָאֹ֖ו וְאַל־תֵּדָֽעוּg ׃

10 הַשְׁמֵן֙a לֵב־הָעָ֣ם הַזֶּ֔ה וְאָזְנָ֥יו הַכְבֵּ֖דb וְעֵינָ֣יו הָשַׁ֑עc פֶּן־יִרְאֶ֨הd בְעֵינָ֜יו וּבְאָזְנָ֣יו יִשְׁמָ֗עe וּלְבָבֹ֥ו יָבִ֛יןf וָשָׁ֖בg וְרָ֥פָאh לֹֽו׃

11 וָאֹמַ֕רa עַד־מָתַ֖יb אֲדֹנָ֑י וַיֹּ֡אמֶרc עַ֣ד אֲשֶׁר֩ אִם־שָׁא֨וּd עָרִ֜ים מֵאֵ֣ין יֹושֵׁ֗ב וּבָתִּים֙ מֵאֵ֣ין אָדָ֔ם וְהָאֲדָמָ֖ה תִּשָּׁאֶ֥הe שְׁמָמָֽה׃

12 וְרִחַ֥קa יְהוָ֖ה אֶת־הָאָדָ֑ם וְרַבָּ֥הb הָעֲזוּבָ֖ה בְּקֶ֥רֶב הָאָֽרֶץ׃

13 וְעֹ֥וד בָּהּ֙ עֲשִׂ֣רִיָּ֔הa וְשָׁ֖בָהb וְהָיְתָ֣הc לְבָעֵ֑רd כָּאֵלָ֣הe וְכָאַלֹּ֗וןf אֲשֶׁ֤ר בְּשַׁלֶּ֨כֶת֙g מַצֶּ֣בֶתh בָּ֔ם זֶ֥רַע קֹ֖דֶשׁ מַצַּבְתָּֽהּi ׃ פ