ישעיהו

הֵ֛ן לֹֽא־קָצְרָ֥הa יַד־יְהוָ֖ה מֵֽהֹושִׁ֑יעַb וְלֹא־כָבְדָ֥הc אָזְנֹ֖ו מִשְּׁמֹֽועַd ׃

2 כִּ֤י אִם־עֲוֹנֹֽתֵיכֶם֙ הָי֣וּa מַבְדִּלִ֔יםb בֵּינֵכֶ֕ם לְבֵ֖ין אֱלֹֽהֵיכֶ֑ם וְחַטֹּֽאותֵיכֶ֗ם הִסְתִּ֧ירוּc פָנִ֛ים מִכֶּ֖ם מִשְּׁמֹֽועַd ׃

3 כִּ֤י כַפֵּיכֶם֙ נְגֹאֲל֣וּa בַדָּ֔ם וְאֶצְבְּעֹותֵיכֶ֖םb בֶּֽעָוֹ֑ן שִׂפְתֹֽותֵיכֶם֙ דִּבְּרוּc ־שֶׁ֔קֶר לְשֹׁונְכֶ֖ם עַוְלָ֥הd תֶהְגֶּֽהe ׃

4 אֵין־קֹרֵ֣אa בְצֶ֔דֶק וְאֵ֥ין נִשְׁפָּ֖טb בֶּאֱמוּנָ֑הc בָּטֹ֤וחַd עַל־תֹּ֨הוּ֙e וְדַבֶּרf ־שָׁ֔וְא הָרֹ֥וg עָמָ֖ל וְהֹולֵ֥ידh אָֽוֶן׃

5 בֵּיצֵ֤יa צִפְעֹונִי֙b בִּקֵּ֔עוּc וְקוּרֵ֥יd עַכָּבִ֖ישׁe יֶאֱרֹ֑גוּf הָאֹכֵ֤לg מִבֵּֽיצֵיהֶם֙h יָמ֔וּתi וְהַזּוּרֶ֖הj תִּבָּקַ֥עk אֶפְעֶֽהl ׃

6 קֽוּרֵיהֶם֙a לֹא־יִהְי֣וּb לְבֶ֔גֶד וְלֹ֥א יִתְכַּסּ֖וּc בְּמַֽעֲשֵׂיהֶ֑ם מַֽעֲשֵׂיהֶם֙ מַֽעֲשֵׂי־אָ֔וֶן וּפֹ֥עַלd חָמָ֖ס בְּכַפֵּיהֶֽם׃

7 רַגְלֵיהֶם֙ לָרַ֣ע יָרֻ֔צוּa וִֽימַהֲר֔וּb לִשְׁפֹּ֖ךְc דָּ֣ם נָקִ֑יd מַחְשְׁבֹֽותֵיהֶם֙e מַחְשְׁבֹ֣ותf אָ֔וֶן שֹׁ֥דg וָשֶׁ֖בֶרh בִּמְסִלֹּותָֽםi ׃

8 דֶּ֤רֶךְ שָׁלֹום֙ לֹ֣א יָדָ֔עוּa וְאֵ֥ין מִשְׁפָּ֖ט בְּמַעְגְּלֹותָ֑םb נְתִיבֹֽותֵיהֶם֙c עִקְּשׁ֣וּd לָהֶ֔ם כֹּ֚ל דֹּרֵ֣ךְe בָּ֔הּ לֹ֥א יָדַ֖עf שָׁלֹֽום׃

9 עַל־כֵּ֗ן רָחַ֤קa מִשְׁפָּט֙ מִמֶּ֔נּוּ וְלֹ֥א תַשִּׂיגֵ֖נוּb צְדָקָ֑ה נְקַוֶּ֤הc לָאֹור֙ וְהִנֵּה־חֹ֔שֶׁךְ לִנְגֹהֹ֖ותd בָּאֲפֵלֹ֥ותe נְהַלֵּֽךְf ׃

10 נְגַֽשְׁשָׁ֤הa כַֽעִוְרִים֙b קִ֔יר וּכְאֵ֥ין עֵינַ֖יִם נְגַשֵּׁ֑שָׁהc כָּשַׁ֤לְנוּd בַֽצָּהֳרַ֨יִם֙e כַּנֶּ֔שֶׁףf בָּאַשְׁמַנִּ֖יםg כַּמֵּתִֽים׃

11 נֶהֱמֶ֤הa כַדֻּבִּים֙b כֻּלָּ֔נוּ וְכַיֹּונִ֖יםc הָגֹ֣הd נֶהְגֶּ֑הe נְקַוֶּ֤הf לַמִּשְׁפָּט֙ וָאַ֔יִן לִֽישׁוּעָ֖ה רָחֲקָ֥הg מִמֶּֽנּוּ׃

12 כִּֽי־רַבּ֤וּa פְשָׁעֵ֨ינוּ֙ נֶגְדֶּ֔ךָ וְחַטֹּאותֵ֖ינוּ עָ֣נְתָהb בָּ֑נוּ כִּֽי־פְשָׁעֵ֣ינוּ אִתָּ֔נוּ וַעֲוֹנֹתֵ֖ינוּ יְדַֽעֲנֽוּםc ׃

13 פָּשֹׁ֤עַa וְכַחֵשׁ֙b בַּֽיהוָ֔ה וְנָסֹ֖וגc מֵאַחַ֣ר אֱלֹהֵ֑ינוּ דַּבֶּרd ־עֹ֣שֶׁקe וְסָרָ֔הf הֹרֹ֧וg וְהֹגֹ֛וh מִלֵּ֖ב דִּבְרֵי־שָֽׁקֶר׃

14 וְהֻסַּ֤גa אָחֹור֙b מִשְׁפָּ֔ט וּצְדָקָ֖ה מֵרָחֹ֣וק תַּעֲמֹ֑דc כִּֽי־כָשְׁלָ֤הd בָֽרְחֹוב֙e אֱמֶ֔ת וּנְכֹחָ֖הf לֹא־תוּכַ֥לg לָבֹֽואh ׃

15 וַתְּהִ֤יa הָֽאֱמֶת֙ נֶעְדֶּ֔רֶתb וְסָ֥רc מֵרָ֖ע מִשְׁתֹּולֵ֑לd וַיַּ֧רְאe יְהוָ֛ה וַיֵּ֥רַעf בְּעֵינָ֖יו כִּֽי־אֵ֥ין מִשְׁפָּֽט׃

16 וַיַּרְא֙a כִּֽי־אֵ֣ין אִ֔ישׁ וַיִּשְׁתֹּומֵ֖םb כִּ֣י אֵ֣ין מַפְגִּ֑יעַc וַתֹּ֤ושַֽׁעd לֹו֙ זְרֹעֹ֔ו וְצִדְקָתֹ֖ו הִ֥יא סְמָכָֽתְהוּe ׃

17 וַיִּלְבַּ֤שׁa צְדָקָה֙ כַּשִּׁרְיָ֔ןb וְכֹ֥ובַעc יְשׁוּעָ֖ה בְּרֹאשֹׁ֑ו וַיִּלְבַּ֞שׁd בִּגְדֵ֤י נָקָם֙e תִּלְבֹּ֔שֶׁתf וַיַּ֥עַטg כַּמְעִ֖ילh קִנְאָֽהi ׃

18 כְּעַ֤לa גְּמֻלֹות֙b כְּעַ֣לc יְשַׁלֵּ֔םd חֵמָ֣ה לְצָרָ֔יו גְּמ֖וּלe לְאֹֽיְבָ֑יו לָאִיִּ֖יםf גְּמ֥וּלg יְשַׁלֵּֽםh ׃

19 וְיִֽירְא֤וּa מִֽמַּעֲרָב֙b אֶת־שֵׁ֣ם יְהוָ֔ה וּמִמִּזְרַח־שֶׁ֖מֶשׁ אֶת־כְּבֹודֹ֑ו כִּֽי־יָבֹ֤ואc כַנָּהָר֙ צָ֔רd ר֥וּחַ יְהוָ֖ה נֹ֥סְסָהe בֹֽו׃

20 וּבָ֤אa לְצִיֹּון֙ גֹּואֵ֔ל וּלְשָׁבֵ֥י פֶ֖שַׁע בְּיַֽעֲקֹ֑ב נְאֻ֖ם יְהוָֽה׃

21 וַאֲנִ֗י זֹ֣את בְּרִיתִ֤י אֹותָם֙ אָמַ֣רa יְהוָ֔ה רוּחִי֙ אֲשֶׁ֣ר עָלֶ֔יךָ וּדְבָרַ֖י אֲשֶׁר־שַׂ֣מְתִּיb בְּפִ֑יךָ לֹֽא־יָמ֡וּשׁוּc מִפִּיךָ֩ וּמִפִּ֨י זַרְעֲךָ֜ וּמִפִּ֨י זֶ֤רַע זַרְעֲךָ֙ אָמַ֣רd יְהוָ֔ה מֵעַתָּ֖ה וְעַד־עֹולָֽם׃ ס