ישעיהו

הֹ֤וי כָּל־צָמֵא֙a לְכ֣וּb לַמַּ֔יִם וַאֲשֶׁ֥ר אֵֽין־לֹ֖ו כָּ֑סֶף לְכ֤וּc שִׁבְרוּ֙d וֶֽאֱכֹ֔לוּe וּלְכ֣וּf שִׁבְר֗וּg בְּלֹוא־כֶ֛סֶף וּבְלֹ֥וא מְחִ֖ירh יַ֥יִן וְחָלָֽבi ׃

2 לָ֤מָּה תִשְׁקְלוּa ־כֶ֨סֶף֙ בְּֽלֹוא־לֶ֔חֶם וִיגִיעֲכֶ֖םb בְּלֹ֣וא לְשָׂבְעָ֑הc שִׁמְע֨וּd שָׁמֹ֤ועַ אֵלַי֙ וְאִכְלוּe ־טֹ֔וב וְתִתְעַנַּ֥גf בַּדֶּ֖שֶׁןg נַפְשְׁכֶֽם׃

3 הַטּ֤וּa אָזְנְכֶם֙ וּלְכ֣וּb אֵלַ֔י שִׁמְע֖וּc וּתְחִ֣יd נַפְשְׁכֶ֑ם וְאֶכְרְתָ֤הe לָכֶם֙ בְּרִ֣ית עֹולָ֔ם חַֽסְדֵ֥י דָוִ֖ד הַנֶּאֱמָנִֽים׃

4 הֵ֛ן עֵ֥ד לְאוּמִּ֖יםa נְתַתִּ֑יוb נָגִ֥ידc וּמְצַוֵּ֖ה לְאֻמִּֽיםd ׃

5 הֵ֣ן גֹּ֤וי לֹֽא־תֵדַע֙a תִּקְרָ֔אb וְגֹ֥וי לֹֽא־יְדָע֖וּךָc אֵלֶ֣יךָ יָר֑וּצוּd לְמַ֨עַן֙ יְהוָ֣ה אֱלֹהֶ֔יךָ וְלִקְדֹ֥ושׁ יִשְׂרָאֵ֖ל כִּ֥י פֵאֲרָֽךְe ׃ ס

6 דִּרְשׁ֥וּa יְהוָ֖ה בְּהִמָּצְאֹ֑וb קְרָאֻ֖הוּc בִּֽהְיֹותֹ֥וd קָרֹֽוב׃

7 יַעֲזֹ֤בa רָשָׁע֙ דַּרְכֹּ֔ו וְאִ֥ישׁ אָ֖וֶן מַחְשְׁבֹתָ֑יוb וְיָשֹׁ֤בc אֶל־יְהוָה֙ וִֽירַחֲמֵ֔הוּd וְאֶל־אֱלֹהֵ֖ינוּ כִּֽי־יַרְבֶּ֥הe לִסְלֹֽוחַf ׃

8 כִּ֣י לֹ֤א מַחְשְׁבֹותַי֙a מַחְשְׁבֹ֣ותֵיכֶ֔םb וְלֹ֥א דַרְכֵיכֶ֖ם דְּרָכָ֑י נְאֻ֖ם יְהוָֽה׃

9 כִּֽי־גָבְה֥וּa שָׁמַ֖יִם מֵאָ֑רֶץ כֵּ֣ן גָּבְה֤וּb דְרָכַי֙ מִדַּרְכֵיכֶ֔ם וּמַחְשְׁבֹתַ֖יc מִמַּחְשְׁבֹתֵיכֶֽםd ׃

10 כִּ֡י כַּאֲשֶׁ֣ר יֵרֵד֩a הַגֶּ֨שֶׁםb וְהַשֶּׁ֜לֶגc מִן־הַשָּׁמַ֗יִם וְשָׁ֨מָּה֙ לֹ֣א יָשׁ֔וּבd כִּ֚י אִם־הִרְוָ֣הe אֶת־הָאָ֔רֶץ וְהֹולִידָ֖הּf וְהִצְמִיחָ֑הּg וְנָ֤תַןh זֶ֨רַע֙ לַזֹּרֵ֔עַ וְלֶ֖חֶם לָאֹכֵֽל׃

11 כֵּ֣ן יִֽהְיֶ֤הa דְבָרִי֙ אֲשֶׁ֣ר יֵצֵ֣אb מִפִּ֔י לֹֽא־יָשׁ֥וּבc אֵלַ֖י רֵיקָ֑םd כִּ֤י אִם־עָשָׂה֙e אֶת־אֲשֶׁ֣ר חָפַ֔צְתִּיf וְהִצְלִ֖יחַg אֲשֶׁ֥ר שְׁלַחְתִּֽיוh ׃

12 כִּֽי־בְשִׂמְחָ֣ה תֵצֵ֔אוּa וּבְשָׁלֹ֖ום תּֽוּבָל֑וּןb הֶהָרִ֣ים וְהַגְּבָעֹ֗ות יִפְצְח֤וּc לִפְנֵיכֶם֙ רִנָּ֔הd וְכָל־עֲצֵ֥י הַשָּׂדֶ֖ה יִמְחֲאוּe ־כָֽף׃

13 תַּ֤חַת הַֽנַּעֲצוּץ֙a יַעֲלֶ֣הb בְרֹ֔ושׁc תחתd הַסִּרְפַּ֖דe יַעֲלֶ֣הf הֲדַ֑סg וְהָיָ֤הh לַֽיהוָה֙ לְשֵׁ֔ם לְאֹ֥ות עֹולָ֖ם לֹ֥א יִכָּרֵֽתi ׃ ס