ישעיהו

רָנִּ֥יa עֲקָרָ֖הb לֹ֣א יָלָ֑דָהc פִּצְחִ֨יd רִנָּ֤הe וְצַהֲלִי֙f לֹא־חָ֔לָהg כִּֽי־רַבִּ֧ים בְּֽנֵי־שֹׁומֵמָ֛ה מִבְּנֵ֥י בְעוּלָ֖הh אָמַ֥רi יְהוָֽה׃

2 הַרְחִ֣יבִיa ׀ מְקֹ֣ום אָהֳלֵ֗ךְ וִירִיעֹ֧ות מִשְׁכְּנֹותַ֛יִךְ יַטּ֖וּb אַל־תַּחְשֹׂ֑כִיc הַאֲרִ֨יכִי֙d מֵֽיתָרַ֔יִךְe וִיתֵדֹתַ֖יִךְf חַזֵּֽקִיg ׃

3 כִּי־יָמִ֥ין וּשְׂמֹ֖אול תִּפְרֹ֑צִיa וְזַרְעֵךְ֙ גֹּויִ֣ם יִירָ֔שׁb וְעָרִ֥ים נְשַׁמֹּ֖ות יֹושִֽׁיבוּc ׃

4 אַל־תִּֽירְאִי֙a כִּי־לֹ֣א תֵבֹ֔ושִׁיb וְאַל־תִּכָּלְמִ֖יc כִּ֣י לֹ֣א תַחְפִּ֑ירִיd כִּ֣י בֹ֤שֶׁתe עֲלוּמַ֨יִךְ֙f תִּשְׁכָּ֔חִיg וְחֶרְפַּ֥ת אַלְמְנוּתַ֖יִךְh לֹ֥א תִזְכְּרִיi ־עֹֽוד׃

5 כִּ֤י בֹעֲלַ֨יִךְ֙a עֹשַׂ֔יִךְ יְהוָ֥ה צְבָאֹ֖ות שְׁמֹ֑ו וְגֹֽאֲלֵךְ֙b קְדֹ֣ושׁ יִשְׂרָאֵ֔ל אֱלֹהֵ֥י כָל־הָאָ֖רֶץ יִקָּרֵֽאc ׃

6 כִּֽי־כְאִשָּׁ֧ה עֲזוּבָ֛ה וַעֲצ֥וּבַתa ר֖וּחַ קְרָאָ֣ךְb יְהוָ֑ה וְאֵ֧שֶׁת נְעוּרִ֛יםc כִּ֥י תִמָּאֵ֖סd אָמַ֥רe אֱלֹהָֽיִךְ׃

7 בְּרֶ֥גַעa קָטֹ֖ן עֲזַבְתִּ֑יךְb וּבְרַחֲמִ֥יםc גְּדֹלִ֖ים אֲקַבְּצֵֽךְd ׃

8 בְּשֶׁ֣צֶףa קֶ֗צֶףb הִסְתַּ֨רְתִּיc פָנַ֥י רֶ֨גַע֙d מִמֵּ֔ךְ וּבְחֶ֥סֶד עֹולָ֖ם רִֽחַמְתִּ֑יךְe אָמַ֥רf גֹּאֲלֵ֖ךְ יְהוָֽה׃ ס

9 כִּי־מֵ֥י נֹ֨חַ֙a זֹ֣את לִ֔י אֲשֶׁ֣ר נִשְׁבַּ֗עְתִּיb מֵעֲבֹ֥רc מֵי־נֹ֛חַd עֹ֖וד עַל־הָאָ֑רֶץ כֵּ֥ן נִשְׁבַּ֛עְתִּיe מִקְּצֹ֥ףf עָלַ֖יִךְ וּמִגְּעָרg ־בָּֽךְ׃

10 כִּ֤י הֶֽהָרִים֙ יָמ֔וּשׁוּa וְהַגְּבָעֹ֖ות תְּמוּטֶ֑נָהb וְחַסְדִּ֞י מֵאִתֵּ֣ךְ לֹֽא־יָמ֗וּשׁc וּבְרִ֤ית שְׁלֹומִי֙ לֹ֣א תָמ֔וּטd אָמַ֥רe מְרַחֲמֵ֖ךְf יְהוָֽה׃ ס

11 עֲנִיָּ֥ה סֹעֲרָ֖הa לֹ֣א נֻחָ֑מָהb הִנֵּ֨ה אָנֹכִ֜י מַרְבִּ֤יץc בַּפּוּךְ֙d אֲבָנַ֔יִךְ וִיסַדְתִּ֖יךְe בַּסַּפִּירִֽיםf ׃

12 וְשַׂמְתִּ֤יa כַּֽדְכֹד֙b שִׁמְשֹׁתַ֔יִךְ וּשְׁעָרַ֖יִךְ לְאַבְנֵ֣י אֶקְדָּ֑חc וְכָל־גְּבוּלֵ֖ךְ לְאַבְנֵי־חֵֽפֶץd ׃

13 וְכָל־בָּנַ֖יִךְ לִמּוּדֵ֣יa יְהוָ֑ה וְרַ֖ב שְׁלֹ֥ום בָּנָֽיִךְ׃

14 בִּצְדָקָ֖ה תִּכֹּונָ֑נִיa רַחֲקִ֤יb מֵעֹ֨שֶׁק֙c כִּֽי־לֹ֣א תִירָ֔אִיd וּמִ֨מְּחִתָּ֔הe כִּ֥י לֹֽא־תִקְרַ֖בf אֵלָֽיִךְ׃

15 הֵ֣ן גֹּ֥ורa יָג֛וּרb אֶ֖פֶסc מֵֽאֹותִ֑י מִי־גָ֥רd אִתָּ֖ךְ עָלַ֥יִךְ יִפֹּֽולe ׃

16 הןa אָֽנֹכִי֙ בָּרָ֣אתִיb חָרָ֔שׁc נֹפֵ֨חַ֙d בְּאֵ֣שׁ פֶּחָ֔םe וּמֹוצִ֥יאf כְלִ֖י לְמַעֲשֵׂ֑הוּ וְאָנֹכִ֛י בָּרָ֥אתִיg מַשְׁחִ֖יתh לְחַבֵּֽלi ׃

17 כָּל־כְּלִ֞י יוּצַ֤רa עָלַ֨יִךְ֙ לֹ֣א יִצְלָ֔חb וְכָל־לָשֹׁ֛ון תָּֽקוּםc ־אִתָּ֥ךְ לַמִּשְׁפָּ֖ט תַּרְשִׁ֑יעִיd זֹ֡את נַחֲלַת֩ עַבְדֵ֨י יְהוָ֧ה וְצִדְקָתָ֛ם מֵאִתִּ֖י נְאֻם־יְהוָֽה׃ ס