ישעיהו

מִ֥י הֶאֱמִ֖יןa לִשְׁמֻעָתֵ֑נוּb וּזְרֹ֥ועַ יְהוָ֖ה עַל־מִ֥י נִגְלָֽתָהc ׃

2 וַיַּ֨עַלa כַּיֹּונֵ֜קb לְפָנָ֗יו וְכַשֹּׁ֨רֶשׁ֙c מֵאֶ֣רֶץ צִיָּ֔הd לֹא־תֹ֥אַרe לֹ֖ו וְלֹ֣א הָדָ֑רf וְנִרְאֵ֥הוּg וְלֹֽא־מַרְאֶ֖ה וְנֶחְמְדֵֽהוּh ׃

3 נִבְזֶה֙a וַחֲדַ֣לb אִישִׁ֔ים אִ֥ישׁ מַכְאֹבֹ֖ותc וִיד֣וּעַ חֹ֑לִיd וּכְמַסְתֵּ֤רe פָּנִים֙ מִמֶּ֔נּוּ נִבְזֶ֖הf וְלֹ֥א חֲשַׁבְנֻֽהוּg ׃

4 אָכֵ֤ןa חֳלָיֵ֨נוּ֙b ה֣וּא נָשָׂ֔אc וּמַכְאֹבֵ֖ינוּd סְבָלָ֑םe וַאֲנַ֣חְנוּ חֲשַׁבְנֻ֔הוּf נָג֛וּעַ מֻכֵּ֥ה אֱלֹהִ֖ים וּמְעֻנֶּֽה׃

5 וְהוּא֙ מְחֹלָ֣לa מִפְּשָׁעֵ֔נוּ מְדֻכָּ֖אb מֵעֲוֹנֹתֵ֑ינוּ מוּסַ֤ר שְׁלֹומֵ֨נוּ֙ עָלָ֔יו וּבַחֲבֻרָתֹ֖וc נִרְפָּאd ־לָֽנוּ׃

6 כֻּלָּ֨נוּ֙ כַּצֹּ֣אן תָּעִ֔ינוּa אִ֥ישׁ לְדַרְכֹּ֖ו פָּנִ֑ינוּb וַֽיהוָה֙ הִפְגִּ֣יעַc בֹּ֔ו אֵ֖ת עֲוֹ֥ן כֻּלָּֽנוּ׃

7 נִגַּ֨שׂa וְה֣וּא נַעֲנֶה֮b וְלֹ֣א יִפְתַּחc ־פִּיו֒ כַּשֶּׂה֙d לַטֶּ֣בַחe יוּבָ֔לf וּכְרָחֵ֕לg לִפְנֵ֥י גֹזְזֶ֖יהָh נֶאֱלָ֑מָהi וְלֹ֥א יִפְתַּ֖חj פִּֽיו׃

8 מֵעֹ֤צֶרa וּמִמִּשְׁפָּט֙ לֻקָּ֔חb וְאֶת־דֹּורֹ֖ו מִ֣י יְשֹׂוחֵ֑חַc כִּ֤י נִגְזַר֙d מֵאֶ֣רֶץ חַיִּ֔ים מִפֶּ֥שַׁע עַמִּ֖י נֶ֥גַע לָֽמֹו׃

9 וַיִּתֵּ֤ןa אֶת־רְשָׁעִים֙ קִבְרֹ֔ו וְאֶת־עָשִׁ֖ירb בְּמֹתָ֑יו עַ֚ל לֹא־חָמָ֣ס עָשָׂ֔הc וְלֹ֥א מִרְמָ֖הd בְּפִֽיו׃

10 וַיהוָ֞ה חָפֵ֤ץa דַּכְּאֹו֙b הֶֽחֱלִ֔יc אִם־תָּשִׂ֤יםd אָשָׁם֙e נַפְשֹׁ֔ו יִרְאֶ֥הf זֶ֖רַע יַאֲרִ֣יךְg יָמִ֑ים וְחֵ֥פֶץh יְהוָ֖ה בְּיָדֹ֥ו יִצְלָֽחi ׃

11 מֵעֲמַ֤ל נַפְשֹׁו֙ יִרְאֶ֣הa יִשְׂבָּ֔עb בְּדַעְתֹּ֗ו יַצְדִּ֥יקc צַדִּ֛יק עַבְדִּ֖י לָֽרַבִּ֑ים וַעֲוֹנֹתָ֖ם ה֥וּא יִסְבֹּֽלd ׃

12 לָכֵ֞ן אֲחַלֶּקa ־לֹ֣ו בָרַבִּ֗ים וְאֶת־עֲצוּמִים֮b יְחַלֵּ֣קc שָׁלָל֒ תַּ֗חַת אֲשֶׁ֨ר הֶעֱרָ֤הd לַמָּ֨וֶת֙ נַפְשֹׁ֔ו וְאֶת־פֹּשְׁעִ֖יםe נִמְנָ֑הf וְהוּא֙ חֵטְאg ־רַבִּ֣ים נָשָׂ֔אh וְלַפֹּשְׁעִ֖יםi יַפְגִּֽיעַj ׃ ס