ישעיהו

שִׁמְע֥וּa אֵלַ֛י רֹ֥דְפֵי צֶ֖דֶק מְבַקְשֵׁ֣י יְהוָ֑ה הַבִּ֨יטוּ֙b אֶל־צ֣וּר חֻצַּבְתֶּ֔םc וְאֶל־מַקֶּ֥בֶתd בֹּ֖ור נֻקַּרְתֶּֽםe ׃

2 הַבִּ֨יטוּ֙a אֶל־אַבְרָהָ֣ם אֲבִיכֶ֔ם וְאֶל־שָׂרָ֖הb תְּחֹולֶלְכֶ֑םc כִּי־אֶחָ֣ד קְרָאתִ֔יוd וַאֲבָרְכֵ֖הוּe וְאַרְבֵּֽהוּf ׃ ס

3 כִּֽי־נִחַ֨םa יְהוָ֜ה צִיֹּ֗ון נִחַם֙b כָּל־חָרְבֹתֶ֔יהָc וַיָּ֤שֶׂםd מִדְבָּרָהּ֙ כְּעֵ֔דֶןe וְעַרְבָתָ֖הּ כְּגַןf ־יְהוָ֑ה שָׂשֹׂ֤וןg וְשִׂמְחָה֙ יִמָּ֣צֵאh בָ֔הּ תֹּודָ֖הi וְקֹ֥ול זִמְרָֽהj ׃ ס

4 הַקְשִׁ֤יבוּa אֵלַי֙ עַמִּ֔י וּלְאוּמִּ֖יb אֵלַ֣י הַאֲזִ֑ינוּc כִּ֤י תֹורָה֙ מֵאִתִּ֣י תֵצֵ֔אd וּמִשְׁפָּטִ֔י לְאֹ֥ור עַמִּ֖ים אַרְגִּֽיעַe ׃

5 קָרֹ֤וב צִדְקִי֙ יָצָ֣אa יִשְׁעִ֔יb וּזְרֹעַ֖י עַמִּ֣ים יִשְׁפֹּ֑טוּc אֵלַי֙ אִיִּ֣יםd יְקַוּ֔וּe וְאֶל־זְרֹעִ֖י יְיַחֵלֽוּןf ׃

6 שְׂאוּ֩a לַשָּׁמַ֨יִם עֵֽינֵיכֶ֜ם וְֽהַבִּ֧יטוּb אֶל־הָאָ֣רֶץ מִתַּ֗חַת כִּֽי־שָׁמַ֜יִם כֶּעָשָׁ֤ןc נִמְלָ֨חוּ֙d וְהָאָ֨רֶץ֙ כַּבֶּ֣גֶד תִּבְלֶ֔הe וְיֹשְׁבֶ֖יהָ כְּמֹו־כֵ֣ןf יְמוּת֑וּןg וִישֽׁוּעָתִי֙ לְעֹולָ֣ם תִּֽהְיֶ֔הh וְצִדְקָתִ֖י לֹ֥א תֵחָֽתi ׃ ס

7 שִׁמְע֤וּa אֵלַי֙ יֹ֣דְעֵי צֶ֔דֶק עַ֖ם תֹּורָתִ֣י בְלִבָּ֑ם אַל־תִּֽירְאוּ֙b חֶרְפַּ֣ת אֱנֹ֔ושׁc וּמִגִּדֻּפֹתָ֖םd אַל־תֵּחָֽתּוּe ׃

8 כִּ֤י כַבֶּ֨גֶד֙ יֹאכְלֵ֣םa עָ֔שׁb וְכַצֶּ֖מֶרc יֹאכְלֵ֣םd סָ֑סe וְצִדְקָתִי֙ לְעֹולָ֣ם תִּֽהְיֶ֔הf וִישׁוּעָתִ֖י לְדֹ֥ור דֹּורִֽים׃ ס

9 עוּרִ֨יa עוּרִ֤יb לִבְשִׁיc ־עֹז֙ זְרֹ֣ועַ יְהוָ֔ה ע֚וּרִיd כִּ֣ימֵי קֶ֔דֶם דֹּרֹ֖ות עֹולָמִ֑ים הֲלֹ֥וא אַתְּ־הִ֛יא הַמַּחְצֶ֥בֶתe רַ֖הַבf מְחֹולֶ֥לֶתg תַּנִּֽיןh ׃

10 הֲלֹ֤וא אַתְּ־הִיא֙ הַמַּחֲרֶ֣בֶתa יָ֔ם מֵ֖י תְּהֹ֣וםb רַבָּ֑ה הַשָּׂ֨מָה֙c מַֽעֲמַקֵּיd ־יָ֔ם דֶּ֖רֶךְ לַעֲבֹ֥רe גְּאוּלִֽים׃

11 וּפְדוּיֵ֨י יְהוָ֜ה יְשׁוּב֗וּןa וּבָ֤אוּb צִיֹּון֙ בְּרִנָּ֔הc וְשִׂמְחַ֥ת עֹולָ֖ם עַל־רֹאשָׁ֑ם שָׂשֹׂ֤וןd וְשִׂמְחָה֙ יַשִּׂיג֔וּןe נָ֖סוּf יָגֹ֥וןg וַאֲנָחָֽהh ׃ ס

12 אָנֹכִ֧י אָנֹכִ֛י ה֖וּא מְנַחֶמְכֶ֑םa מִֽי־אַ֤תְּ וַתִּֽירְאִי֙b מֵאֱנֹ֣ושׁc יָמ֔וּתd וּמִבֶּן־אָדָ֖ם חָצִ֥ירe יִנָּתֵֽןf ׃

13 וַתִּשְׁכַּ֞חa יְהוָ֣ה עֹשֶׂ֗ךָ נֹוטֶ֣הb שָׁמַיִם֮ וְיֹסֵ֣דc אָרֶץ֒ וַתְּפַחֵ֨דd תָּמִ֜יד כָּל־הַיֹּ֗ום מִפְּנֵי֙ חֲמַ֣ת הַמֵּצִ֔יקe כַּאֲשֶׁ֥ר כֹּונֵ֖ןf לְהַשְׁחִ֑יתg וְאַיֵּ֖הh חֲמַ֥ת הַמֵּצִֽיקi ׃

14 מִהַ֥רa צֹעֶ֖הb לְהִפָּתֵ֑חַc וְלֹא־יָמ֣וּתd לַשַּׁ֔חַתe וְלֹ֥א יֶחְסַ֖רf לַחְמֹֽו׃

15 וְאָֽנֹכִי֙ יְהוָ֣ה אֱלֹהֶ֔יךָ רֹגַ֣עa הַיָּ֔ם וַיֶּהֱמ֖וּb גַּלָּ֑יוc יְהוָ֥ה צְבָאֹ֖ות שְׁמֹֽו׃

16 וָאָשִׂ֤יםa דְּבָרַי֙ בְּפִ֔יךָ וּבְצֵ֥ל יָדִ֖י כִּסִּיתִ֑יךָb לִנְטֹ֤עַc שָׁמַ֨יִם֙ וְלִיסֹ֣דd אָ֔רֶץ וְלֵאמֹ֥רe לְצִיֹּ֖ון עַמִּי־אָֽתָּה׃ ס

17 הִתְעֹורְרִ֣יa הִֽתְעֹורְרִ֗יb ק֚וּמִיc יְר֣וּשָׁלִַ֔ם אֲשֶׁ֥ר שָׁתִ֛יתd מִיַּ֥ד יְהוָ֖ה אֶת־כֹּ֣וסe חֲמָתֹ֑ו אֶת־קֻבַּ֜עַתf כֹּ֧וסg הַתַּרְעֵלָ֛הh שָׁתִ֖יתi מָצִֽיתj ׃

18 אֵין־מְנַהֵ֣לa לָ֔הּ מִכָּל־בָּנִ֖ים יָלָ֑דָהb וְאֵ֤ין מַחֲזִיק֙c בְּיָדָ֔הּ מִכָּל־בָּנִ֖ים גִּדֵּֽלָהd ׃

19 שְׁתַּ֤יִם הֵ֨נָּה֙a קֹֽרְאֹתַ֔יִךְb מִ֖י יָנ֣וּדc לָ֑ךְ הַשֹּׁ֧דd וְהַשֶּׁ֛בֶרe וְהָרָעָ֥ב וְהַחֶ֖רֶב מִ֥י אֲנַחֲמֵֽךְf ׃

20 בָּנַ֜יִךְ עֻלְּפ֥וּa שָׁכְב֛וּb בְּרֹ֥אשׁ כָּל־חוּצֹ֖ות כְּתֹ֣ואc מִכְמָ֑רd הַֽמְלֵאִ֥יםe חֲמַת־יְהוָ֖ה גַּעֲרַ֥תf אֱלֹהָֽיִךְ׃

21 לָכֵ֛ן שִׁמְעִיa ־נָ֥א זֹ֖את עֲנִיָּ֑ה וּשְׁכֻרַ֖תb וְלֹ֥א מִיָּֽיִן׃ ס

22 כֹּֽה־אָמַ֞רa אֲדֹנַ֣יִךְ יְהוָ֗ה וֵאלֹהַ֨יִךְ֙ יָרִ֣יבb עַמֹּ֔ו הִנֵּ֥ה לָקַ֛חְתִּיc מִיָּדֵ֖ךְ אֶת־כֹּ֣וסd הַתַּרְעֵלָ֑הe אֶת־קֻבַּ֨עַת֙f כֹּ֣וסg חֲמָתִ֔י לֹא־תֹוסִ֥יפִיh לִשְׁתֹּותָ֖הּi עֹֽוד׃

23 וְשַׂמְתִּ֨יהָ֙a בְּיַד־מֹוגַ֔יִךְb אֲשֶׁר־אָמְר֥וּc לְנַפְשֵׁ֖ךְ שְׁחִ֣יd וְנַעֲבֹ֑רָהe וַתָּשִׂ֤ימִיf כָאָ֨רֶץ֙ גֵּוֵ֔ךְg וְכַח֖וּץ לַעֹבְרִֽים׃ ס